മലയാളി ഹെൽപ്പ്ലൈൻ സംഘടിപ്പിക്കുന്ന ചിത്രരചനാ മത്സരം അവസാന ഘട്ടത്തിലേക്ക്
Friday, July 10, 2020 4:31 PM IST
ന്യൂയോര്‍ക്ക്: കോവിഡിനെകുറിച്ച് അവബോധം ഉണ്ടാക്കുന്നതിനും ലോക്ക് ഡൗണ്‍ കാലം ആനന്ദകരമാക്കുന്നതിനുമായി നോർത്ത് അമേരിക്കയിലെ മലയാളികളുടെ 15 വയസിനു താഴെയുള്ള കുട്ടികള്‍ക്കായി മലയാളി ഹെല്‍പ്പ്‌ലൈന്‍ ഫോറം നടത്തുന്ന ചിത്ര രചനാ മത്സരം പുരോഗമിക്കുന്നു.

6 മുതല്‍ 10 വയസുവരെയുള്ളവര്‍ ക്രയോണ്‍ ഉപയോഗിച്ച് "കോവിഡ് 19 പ്രതിസന്ധിഘട്ടത്തിലും ഞാന്‍ സുരക്ഷിതന്‍ ആയിരിക്കും' എന്ന വിഷയത്തിലും 10 മുതല്‍ 15 വയസു വരെയുള്ളവര്‍ "കോവിഡ് 19 കാലത്ത് കുടുംബത്തെയും സുഹൃത്തുക്കളെയും സംരക്ഷിക്കുന്ന സൂപ്പര്‍മാന്‍ ആണ് ഞാന്‍' എന്ന വിഷയത്തിലും പെന്‍സില്‍ ഉപയോഗിച്ച് യുഎസ് ലെറ്റര്‍ സൈസിലുള്ള ഡ്രോയിംഗ് കടലാസില്‍ വരച്ച് ജൂലൈ 20 നു മുന്‍പായി [email protected] എന്ന ഇ-മെയില്‍ വിലാസത്തില്‍ അയച്ചു തരണം.

രചനയോടൊപ്പം പൂര്‍ണമായ വിലാസം, ഫോണ്‍ നമ്പര്‍, ജനനത്തീയതി, രക്ഷിതാവിന്‍റെ പേര് എന്നിവ കാണിച്ചിരിക്കണം. ജാസ്മിന്‍ പരോള്‍ (കലിഫോര്‍ണിയ), സിമി സൈമണ്‍ (ഡെല്‍വെയര്‍), റോസ് വടകര (ഷിക്കാഗോ), പ്രെറ്റി ദേവസ്യ (ഫ്‌ളോറിഡ), സലിം മുഹമ്മദ് (മിഷിഗൻ ) എന്നിവരടങ്ങുന്ന വിധികർത്താക്കൾ വിജയികളെ തീരുമാനിക്കും.

വിജയികള്‍ക്ക് ഒന്നാം സമ്മാനമായി 101 ഡോളറും രണ്ടാം സമ്മാനമായി 76 ഡോളറും മൂന്നാം സമ്മാനമായി 51 ഡോളറും നല്‍കും. മലയാളി ഹെല്‍പ്പ്‌ലൈന്‍ ഫോറം കോഓർഡിനേറ്റര്‍ ഡോ. ജഗദി നായര്‍, സുനില്‍ വര്‍ഗീസ്, ബൈജു വര്‍ഗീസ് , രക്ഷാധികാരി അനിയന്‍ ജോര്‍ജ് എന്നിവരടങ്ങുന്ന സമിതിയിയാണ് മത്സരം ഏകോപിപ്പിക്കുന്നത്.

വിവരങ്ങൾക്ക്: 614.732.2424

റിപ്പോർട്ട്: ഇടിക്കുള ജോസഫ്
Copyright @ 2022 , Rashtra Deepika Ltd.