ഡാളസ്: അമേരിക്കൻ മലങ്കര അതിഭദ്രാസനത്തിലെ സെന്റ് മേരീസ് വിമൻസ് ലീഗിന്േറയും സെന്റ് പോൾസ് മെൻസ് ഫെലോഷിപ്പിന്റേയും(സതേണ് റീജണ്) സംയുക്ത സെമിനാർ ഒക്ടോബർ 31 ശനിയാഴ്ച രാവിലെ 10.30 മുതൽ 12.30 വരെ ഓണ്ലൈൻ വഴിയായി നടത്തപ്പെടുന്നു.
സെന്റ് മേരീസ് ചർച്ച് ഡാളസ്, സെന്റ് ജോർജ് ചർച്ച് ഒക്കലഹോമ, സെന്റ് മേരീസ് ചർച്ച് ഹൂസ്റ്റണ്, സെന്റ് ബേസിൽ ചർച്ച് ഹൂസ്റ്റണ്, സെന്റ് ഗ്രിഗോറിയോസ് ചർച്ച് മെസ്ക്കീറ്റ്, സെന്റ് തോമസ് ചർച്ച് ഓസ്റ്റിൻ, സെന്റ് ഇഗ്നേഷ്യസ് കത്തീഡ്രൽ ഡാളസ് എന്നീ ദേവാലയങ്ങൾ സംയുക്തമായി നടത്തുന്ന സെമിനാർ ഈ വർഷം പ്രാതിനിധ്യം വഹിക്കുന്നത് ഡാളസ് സെന്റ് ഇഗ്നേഷ്യസ് കത്തീഡ്രലാണ്.
ഭദ്രാസനാധിപൻ അഭി. യൽദോ മോർ തീത്തോസ് മെത്രാപ്പോലീത്ത അധ്യക്ഷത വഹിക്കുന്ന സെമിനാറിന്റെ മുഖ്യപ്രഭാഷൻ റവ. ഡീക്കൻ ബെന്നി ജോണ് ചിറയിൽ(ന്യൂയോർക്ക്) ആയിരിക്കും. ഈ വർഷത്തെ പ്രധാന ചിന്താവിഷയം വി. ലൂക്കോസിന്റെ സുവിശേഷത്തിന്റെ ആത്മീയത എന്നതാണ്.
റവ. മാത്യൂസ് ഇടത്തറ കോറെപ്പിസ്കോപ്പ(വൈസ് പ്രസിഡന്റ്, ഫെലോഷിപ്പ്), റവ. ഫാ. രാജൻ പീറ്റർ(വൈസ് പ്രസിഡന്റ് വിമൻസ് ലീഗ്), ഷീജാ ഗീവർഗീസ്(ജനറൽ സെക്രട്ടറി, വിമൻസ് ലീഗ്), ജെയിംസ് ജോർജ്(ജനറൽ സെക്രട്ടറി, മെൻസ് ഫെലാഷിപ്പ്), മേഴ്സി അലക്സ്(റീജണൽ സെക്രട്ടറി, വിമൻസ് ലീഗ്), സോണി ജേക്കബ്(റീജണൽ സെക്രട്ടറി മെൻസ് ഫെലോഷിപ്പ്) എന്നിവരാണ് ഭദ്രാസനാടിസ്ഥാനത്തിൽ ഈ പ്രസ്ഥാനങ്ങൾക്ക് നേതൃത്വം നൽകുന്നത്.
ഫാ. യൽദോ പൈലി(വികാരി, സെന്റ് ഇഗ്നേഷ്യസ് കത്തീഡ്രൽ), റവ. ഫാ. ഡോ. രൻജൻ മാത്യു(അസി. വികാരി, സെന്റ് ഇഗ്നേഷ്യസ് കത്തീഡ്രൽ), ജോണ് സി. വർഗീസ്(സെക്രട്ടറി, സെന്റ് ഇഗ്നേഷ്യസ് കത്തീഡ്രൽ) മേഴ്സി അലകസ്(റീജണൽ സെക്രട്ടറി വിമൻസ് ലീഗ്), സോണി ജേക്കബ്(റീജണൽ സെക്രട്ടറി മെൻസ് ഫലോഷിപ്പ്) എന്നിവരുടെ നേതൃത്വത്തിൽ സെമിനാറിന്റെ ക്രമീകരണങ്ങൾക്കായുള്ള ഒരുക്കങ്ങൾ നടന്നു വരുന്നു.
റിപ്പോർട്ട്: ജോർജ് കറുത്തേടത്ത്