ന്യൂയോർക്ക്: ഫോമയുടെ മികച്ച റീജണുകളിലൊന്നായ ന്യൂയോർക്ക് എംപയർ റീജണിനിന്റെ 2021-22 വർഷത്തെ പ്രവർത്തനോദ്ഘാടനം മേയ് 15 ശനിയാഴ്ച വൈകുന്നേരം നാലിന്, ഓറഞ്ച്ബർഗിലുള്ള സിത്താർ പാലസ് റസ്റ്ററന്റിൽ വച്ചു വിവിധ പരിപാടികളോടെ നടത്തുന്നതാണ്. ആർവിപി ഷോബി ഐസക്കിന്റെ അധ്യക്ഷതയിൽ കൂടുന്ന യോഗത്തിൽ ഫോമാ പ്രസിഡന്റ് അനിയൻ ജോർജ് ഭദ്രദീപം തെളിയിച്ച് ഉദ്ഘാടനം നിർവഹിക്കും. തദവസരത്തിൽ എംപയർ റീജണ് വിമെൻസ് ഫോറത്തിന്േറയും, ഹെൽപ്പിംഗ് ഹാൻഡിന്േറയും പ്രവർത്തനോദ്ഘാടനവും നിർവഹിക്കുന്നതാണ്.
ഫോമാ ജനറൽ സെക്രട്ടറി ഉണ്ണികൃഷ്ണൻ, ട്രഷറർ തോമസ് ടി. ഉമ്മൻ, വൈസ് പ്രസിഡന്റ് പ്രദീപ് നായർ, ജോ. സെക്രട്ടറി ജോസ് മണക്കാട്ട്, ജോ. ട്രഷറർ ബിജു തോണിക്കടവിൽ, കൂടാതെ എംപയർ റീജണിൽ നിന്നുമുള്ള നാഷനൽ കമ്മിറ്റി അംഗങ്ങളായ ജോസ് മലയിൽ, സണ്ണി കല്ലൂപ്പാറ, ഫോമാ നേതാക്കളായ, അഡ്വൈസറി ബോർഡ് ചെയർമാൻ ജോണ് സി. വർഗീസ്, കംപ്ലയൻസ് കമ്മറ്റി വൈസ് ചെയർമാൻ തോമസ് കോശി, ജൂഡീഷ്യൽ കമ്മറ്റി അംഗം തോമസ് മാത്യു, മുൻ നാഷണൽ ട്രഷറർ ഷിനു ജോസഫ് തുടങ്ങിയവർ സംബന്ധിക്കും.
റീജണനൽ ചെയർമാൻ ജോഫ്രിൻ ജോസ്, വൈസ് ചെയർ ബെറ്റി ഉമ്മൻ, ട്രഷറർ ആശിഷ് ജോസഫ്, പിആർഒ സുരേഷ് നായർ, കോഓർഡിനേറ്റർമാരായ മെൽവിൻ മാത്യു, ബ്ലിസ് പോൾ, വിമെൻസ് ഫോറം റീജണൽ ചെയർ പേഴ്സൻ ടിനാ ആശിഷ് അറക്കത്ത്, ഹെൽപ്പിംഗ് ഫാൻഡ്്സ് റീജണൽ ചെയർപേഴ്സൻ മോളമ്മ വർഗീസ്, ബിസിനസ് ഫോറം റീജണൽ ചെയർമാൻ പി.ടി. തോമസ്, യൂത്ത് പ്രതിനിധികളായ തോമസ് സാമുവേൽ, ആൽബിൻ ആന്േറാ, വിമെൻസ് ഫോറം ഭാരവാഹികളായ അനു പി. വർഗീസ്, ലിസാ ജോസഫ്, ജെസി ജേക്കബ്, സ്നേഹാ സണ്ണി എന്നിവർ പരിപാടികൾക്കു നേതൃത്വം നൽകും.
അനുഗ്രഹീത ഗായകരായ ജോമോൻ പാണ്ടിപ്പള്ളിൽ, നേഹാ എന്നിവരുടെ ഗാനമേള ഉൾപ്പെടെ വിവിധ കലാപരിപാടികൾ ചടങ്ങുകളുടെ മോടി വർധിപ്പിക്കും.
കോവിഡ് പ്രോട്ടോക്കോൾ പാലിച്ചാണ് യോഗം സംഘടിപ്പിച്ചിരിക്കുന്നത്. പരിപാടികൾ ഫെയ്സ്ബുക്കിലൂടെയും, യു ട്യൂബിലൂടെയും തൽസമയം സംപ്രേക്ഷണം ചെയ്യുന്നതാണെന്ന് ആർവിപി ഷോബി ഐസക്, സെക്രട്ടറി ഷോളി കുന്പിളുവേലി എന്നിവർ അറിയിച്ചു.
റിപ്പോർട്ട്: ഷോളി കുന്പിളുവേലി