ന്യൂയോർക്ക്: മലങ്കര മാർത്തോമ സുറിയാനി സഭയുടെ 2020-23 വർഷത്തെ ഭാരവാഹികളായി സഭാ സെക്രട്ടറി സ്ഥാനത്തേക്ക് റവ. സി.വി സൈമണ്, ക്ലർജി ട്രസ്റ്റി. റവ. മോൻസി കെ ഫിലിപ്പ്, അത്മായ ട്രസ്റ്റി & ഖജാൻജി രാജൻ ജേക്കബ് എന്നിവരും വൈദിക സെലക്ഷൻ കമ്മറ്റിയിലേക്ക് റവ. ഡോ. ഈശോ മാത്യു, റവ, ഡോ. എ. ജോണ് ഫിലിപ്പ്, റവ. ഡോ. ഷാം പി. തോമസ്, റവ. എബി. റ്റി. മാമ്മൻ, റവ. തോമസ് കോശി പി, ഡോ. യേശുദാസ് അത്യാൽ, പ്രൊഫ. സി. മാമച്ചൻ, സി.വി. വർഗീസ്, അഡ്വ. പ്രസാദ് ജോർജ്, ജോസി കുര്യൻ, ജോസ്. കെ. ജോയി, ഷാജി. പി.റ്റി, അലക്സ് ചെറിയാൻ എന്നിവർ തെരഞ്ഞെടുക്കപ്പെട്ടു.
വെള്ളിയാഴ്ച രാവിലെ 7.30 ന് തിരുവല്ലാ സെൻറ് തോമസ് മാർത്തോമ പള്ളിയിൽ നടന്ന വിശുദ്ധ കുർബ്ബാനക്ക് ഡോ. തിയഡോഷ്യസ് മാർത്തോമ മെത്രാപ്പോലീത്താ നേതൃത്വം നൽകി. സജീവ സേവനത്തിൽ നിന്നും വിരമിച്ച പട്ടക്കാരെ ആദരിക്കുകയും 2020 വർഷത്തെ വിവിധ അവാർഡുകൾ വിതരണം ചെയ്യുകയും ചെയ്തു.
പി.പി. ചെറിയാൻ