ഡാളസ്: മാർത്തോരമ സഭയിലെ സീനിയർ റിട്ട. വൈദികൻ റവ. സി.വി. ജോർജ് (76) അന്തരിച്ചു. സംസ്കാരം ചൊവ്വാഴ്ച വൈകുന്നേരം മൂന്നിന് അഭിവന്ദ്യ ഡോ. തിയഡോഷ്യസ് മാർത്തോമ മെത്രാപ്പോലീത്തായുടെ മുഖ്യ കാർമ്മികത്വത്തിൽ കോഴഞ്ചേരി സെൻറ് തോമസ് മാർത്തോമ പള്ളിയിൽ. ഭൗതീക ശരീരം തിങ്കൾ വൈകിട്ട് 5.30 മുതൽ ഭവനത്തിൽ പൊതുദർശനത്തിന് വയ്ക്കുന്നതാണ്. ചേന്നാട്ട് കുടുംബാംഗമാണ്.
വടശേരിക്കര താഴത്തില്ലത്ത് റിട്ട. പ്രഫ. റ്റി.കെ. ശോശാമ്മ (പൊളിറ്റിക്കൽ സയൻസ് വിഭാഗം, സെൻറ് തോമസ് കോളജ് കോഴഞ്ചേരി)യാണ് ഭാര്യ. മക്കൾ: അൻസു മനോജ് (ദുബായ്), സോജു മാത്യൂസ് (ചെന്നൈ), റ്റോജു ജോർജ് (ഹൈദരാബാദ്). മരുമക്കൾ: ആദിച്ചനല്ലൂർ നെടുംചിറ മനോജ് എൻ. മാത്യു (ദുബായ്), പൂവത്തൂർ കൂബ്ലൂർ മാത്യൂസ് കോശി (ചെന്നൈ), മാവേലിക്കര പോളിച്ചിറയ്ക്കൽ തയ്യിൽ തൃപ്തി ആൻ ജോണ് (ഹൈദരാബാദ്).
തൊടുപുഴ, മൂലമറ്റം, തലച്ചിറ ബഥേൽ, പുതുക്കുളം, മുണ്ടയ്ക്കൽ, കുന്പളംന്താനം, വലിയകുന്നം, പരയ്ക്കത്താനം, തോന്ന്യാമല, ഇലന്തൂർ സെൻറ് പോൾസ്, എഴുമറ്റൂർ, വേങ്ങഴ, അഞ്ചൽ ജറുശലേം, കടമ്മനിട്ട ശാലേം, വല്യയന്തി, തടിയൂർ ബഥേൽ, കാഞ്ഞീറ്റുകര എന്നീ ഇടവകകളിൽ സേവനം അനുഷ്ഠിച്ചിട്ടുണ്ട്
പി.പി. ചെറിയാൻ