ഷിക്കാഗോ : ഡിസംബർ മൂന്നിന് ഷിക്കാഗോയിൽ നടത്തപ്പെടുന്ന ഫോമ പ്രവർത്തനോദ്ഘാടനത്തിനുള്ള ഒരുക്കങ്ങൾ പുരോഗമിക്കുന്നു. വിവിധ പരിപാടികളോടു കൂടി നടത്തപ്പെടുന്ന പ്രവർത്തനോദ്ഘാടനം വൻവിജയമാക്കുവാൻ ഫോമാ എക്സിക്യൂട്ടീവ് കമ്മറ്റിയും ഷിക്കാഗോ സെൻട്രൽ റീജണും, മുഖ്യ അതിഥികളായി കോണ്സൽ ജനറൽ ഓഫ് ഇന്ത്യ സോമനാഥ് ഘോഷ്, സ്റ്റേറ്റ് റെപ്രസെന്‍ററ്റീവ് കെവിൻ ഓലിക്കൽ.
ഡിസംബർ 3 ശനിയാഴ്ച വൈകിട്ട് ഷിക്കാഗോയിൽ അരങ്ങേറുന്ന പരിപാടികൾ വൈകിട്ട് ആറിന്് ആരംഭിക്കും, ഒരു മണിക്കൂർ നീളുന്ന സോഷ്യൽ ആൻഡ് നെറ്റ് വർക്കിംഗ് മീറ്റ് ആൻഡ് ഗ്രീറ്റ് പ്രോഗ്രാം അമേരിക്കയുടെ നാനാഭാഗത്തു നിന്നെത്തുന്ന അനേകം നേതാക്കൾക്കും പ്രതിനിധികൾക്കും പ്രവർത്തകർക്കും സംവദിക്കുവാനുള്ള വേദിയാകും.
ഫോമ പ്രസിഡന്‍റ് ഡോക്ടർ ജേക്കബ് തോമസിന്റെ അധ്യക്ഷതയിൽ ഏഴ് മണിയോട് കൂടി ആരംഭിക്കുന്ന പൊതുസമ്മേളനം മുഖ്യ അതിഥികളായ കോണ്സൽ ജനറൽ ഓഫ് ഇന്ത്യ സോമനാഥ് ഘോഷ്, സ്റ്റേറ്റ് റെപ്രസെന്‍ററ്റീവ് കെവിൻ ഓലിക്കൽ എന്നിവർ സംയുക്തമായി ഉദ്ഘാടനം ചെയ്യും. കേരള പര്യടനം വൻ വിജയമാക്കി തിരിച്ചെത്തിയ പ്രസിഡന്‍റ് ചടങ്ങിൽ സംസാരിക്കും. വരുന്ന രണ്ടു വർഷകാലയളവിൽ ഫോമ നടത്തുവാൻ പദ്ധതിയിടുന്ന പ്രൊജെക്ടുകളുടെയും പരിപാടികളുടെയും ഒരു രൂപരേഖ ജനറൽ സെക്രട്ടറി ഓജസ് ജോണ് വേദിയിൽ അവതരിപ്പിക്കുകയും വരുന്ന രണ്ടു വർഷത്തെ ബഡ്ജറ്റിനെക്കുറിച്ചു ട്രഷറർ ബിജു തോണിക്കടവിൽ സംസാരിക്കുകയും ചെയ്യും.
ഫോമയുടെ വനിതാ ഫോറം പ്രവർത്തനോദ്ഘാടനവും തദവസരത്തിൽ നടത്തപ്പെടും. വനിതാ ഫോറം ചെയർ സുജാ ഒൗസോ, വനിതാ പ്രതിനിധികളായ മേഴ്സി സാമുവൽ, രേഷ്മ രഞ്ജൻ, സുനിതാ പിള്ള, അന്പിളി സജിമോൻ, ശുഭ അഗസ്റ്റിൻ, ടീന ആശിഷ് തുടങ്ങിയവരും ചടങ്ങിൽ പങ്കെടുക്കും.
വിവിധ റീജണുകളുടെ വൈസ് പ്രസിഡന്‍റുമാരായ മനോജ് പിള്ള, പോൾ പി ജോസ്, ഷോളി കുന്പിളുവേലിൽ, ജോജോ കോട്ടൂർ, മധുസൂദനൻ നന്പ്യാർ, ഡൊമിനിക് ചാക്കോനാൽ, ചാക്കോച്ചൻ ജോസഫ്, ബോബി തോമസ്, ടോമി ഇടത്തിൽ, മാത്യു മുണ്ടയ്ക്കൽ, ബിജു കട്ടത്തറ, പ്രിൻസ് നെച്ചിക്കാട്ട് കൂടാതെ നാഷണൽ കമ്മറ്റി അംഗങ്ങളായ സുജനൻ ടി പുത്തൻപുരയിൽ, ഉണ്ണി തൊയക്കാട്ട്, വിജി എബ്രഹാം,ഷിബു ഉമ്മൻ, ഷിനു ജോസഫ്, ബെറ്റി തോമസ് ഉമ്മൻ, ശാലു പുന്നൂസ്, ജിയോ ജോസഫ്, മാത്യു ജോസഫ്, രാജീവ് സുകുമാരൻ, ബിജു ജോസഫ്,ദീപക് അലക്സാണ്ടർ, അജീഷ് ബാലാനന്ദൻ, ബിജോയ് സേവ്യർ, ജോമോൻ ആന്‍റണി, സാജൻ കണിയോടിക്കൽ, സുദീപ് കിഷൻ, ജോയി പീറ്റർ ഇണ്ടിക്കുഴി, സിബി പതിക്കൽ, രാജൻ യോഹന്നാൻ ജിജു കുളങ്ങര, ജാസ്മിൻ പരോൾ, ജോണ്സണ് വി ജോസഫ്, സജിൻ തൈവളപ്പിൽ, സജി സെബാസ്റ്റ്യൻ, ബിജു പകലോമറ്റം, യൂത്ത് റെപ്രസെന്‍ററിവ്മാരായ എബിൻ എബ്രഹാം, നിക്കോൾ വിൻസെന്‍റ്, റോസിലിൻ നെച്ചിക്കാട്ട്, ജീവൻ മാത്യു, സച്ചിൻ സാജൻ,എമിലിൻ റോസ് തോമസ് എന്നിവരും പരിപാടികളിൽ സജീവ സാന്നിധ്യമാകും.
പ്രമുഖ ഗായകർ പങ്കെടുക്കുന്ന ഗാനമേള ചടങ്ങിന് മാറ്റ് കൂട്ടും കൂടാതെ ലൈവ് ഫുഡ് കോർണർ ഒരു മുഖ്യ ആകർഷണമായിരിക്കും. ഷിക്കാഗോ സെൻട്രൽ റീജിയൻ ഭാരവാഹികളായ ആർ വി പി ടോമി ഇടത്തിൽ ഡോ. സാൽബി പോൾ ചേന്നോത്ത് (ചെയർമാൻ), സ്റ്റീഫൻ കിഴക്കേക്കുറ്റ് (വൈസ് ചെയർമാൻ), ജോഷി വള്ളിക്കളം (സെക്രട്ടറി), സിബു കുളങ്ങര (ട്രഷറർ), ആന്േ‍റാ കവലയ്ക്കൽ (ജോയിന്റ് സെക്രട്ടറി), ആഷാ മാത്യു (വിമൻസ് ഫോറം ചെയർപേഴ്സണ്‍), പീറ്റർ കുളങ്ങര (അഡ്വൈസറി ബോർഡ് ചെയർമാൻ), ബിജി ഫിലിപ്പ് ഇടാട്ട് (അഡ്വൈസറി ബോർഡ് വൈസ് ചെയർമാൻ) അഡ്വൈസറി ബോർഡ് ജോയിന്റ് സെക്രട്ടറി ജോസി കുരിശിങ്കൽ,നാഷണൽ കമ്മിറ്റി അംഗങ്ങളായ ജോയി പീറ്റർ ഇണ്ടിക്കുഴി, സിബി പതിക്കൽ കൂടാതെ ഫോമ നാഷണൽ വൈസ് പ്രസിഡന്‍റ് സണ്ണി വള്ളിക്കളം തുടങ്ങിയവരാണ് പരിപാടികളുടെ ഒരുക്കങ്ങൾക്ക് ചുക്കാൻ പിടിക്കുന്നത്.
ഫോമാ പ്രവർത്തനോദ്ഘാടനത്തിനുള്ള എല്ലാ ഒരുക്കങ്ങളും പൂർത്തിയായി വരുന്നുവെന്നും ഫോമയുടെ എല്ലാ പ്രവർത്തകരെയും ഈ പരിപാടിയിലേക്ക് ഹാർദ്ദവമായി സ്വാഗതം ചെയ്യുന്നുവെന്ന് ജോയിന്റ് സെക്രട്ടറി ഡോ. ജെയ്മോൾ ശ്രീധർ, ജോയിന്റ് ട്രഷറർ ജെയിംസ് ജോർജ് എന്നിവർ അറിയിച്ചു.