റെ​സ്‌​പി​റ്റോ​റി കെ​യ​റി​ൽ ലോ​ക​ത്തെ ആ​ദ്യ പി​എ​ച്ച്ഡി ​ഇ​ന്ത്യ​ൻ ഡോ​ക്ട​ർ​ക്ക്
Tuesday, March 21, 2023 6:29 AM IST
ജോർജ് തുന്പയിൽ
ന്യൂയോർക്ക് റെ​സ്‌​പി​റ്റോ​റി കെ​യ​റി​ൽ അ​ടി​സ്ഥാ​ന വി​ദ്യാ​ഭ്യാ​സം നേ​ടി​യ ഡോ​ക്ട​ർ ലോ​ക​ത്ത് ആ​ദ്യ​മാ​യി ആ ​രം​ഗ​ത്തെ പി​എ​ച്ച്ഡി ​നേ​ട്ടവുമായി ഡോ​ക്ട​ർ ജി​തി​ൻ കെ. ​ശ്രീ​ധ​ര​ൻ. മ​റ്റു പ​ല പി​എ​ച് ഡി​ക്കാ​രും ശ്വാ​സ​കോ​ശ ചി​കി​ത്സാ രം​ഗ​ത്തു​ണ്ടെ​ങ്കി​ലും അ​വ​രു​ടെ​യെ​ല്ലാം അ​ടി​സ്ഥാ​ന ബി​രു​ദം മ​റ്റു രം​ഗ​ങ്ങ​ളി​ലാ​ണ് . BScRT, MScRT, FISQua, FNIV, FIARC എ​ന്നീ ബി​രു​ദ​ങ്ങ​ൾ​ക്കു ശേ​ഷ​മാ​ണ് ശ്രീ​ധ​ര​ൻ പി​എ​ച്ഡി ​നേ​ടു​ന്ന​ത്.

മം​ഗ​ലാ​പു​ര​ത്തെ ശ്രീ​നി​വാ​സ് ഇ​ൻ​സ്റ്റി​റ്റ്യൂ​ട്ട് ഓ​ഫ് അ​ലൈ​ഡ് ഹെ​ൽ​ത്ത് സ​യ​ൻ​സി​ൽ നി​ന്നാ​ണ് അ​ദ്ദേ​ഹം പി​എ​ച്ച്ഡി ​എ​ടു​ത്ത​ത്. 2017 ൽ ​ഈ രം​ഗ​ത്തെ മി​ക​ച്ച ഡോ​ക്ട​റേ​റ്റ് പ്രോ​ഗ്രാ​മു​ക​ളി​ൽ ഒ​ന്ന് ആ​രം​ഭി​ച്ച സ്ഥാ​പ​ന​ത്തി​ൽ 2018 ലാ​ണ് ശ്രീ​ധ​ര​ൻ ചേ​ർ​ന്ന​ത്. അ​ഞ്ചു വ​ര്ഷം കൊ​ണ്ടു ഡോ​ക്ട​റേ​റ്റ് ല​ഭി​ച്ചു.

രം​ഗ​ത്ത് ഒ​ട്ടേ​റെ ബി​രു​ദ​ധാ​രി​ക​ളുണ്ടെന്ന് ശ്രീ​ധ​ര​ൻ ചൂ​ണ്ടി​ക്കാ​ട്ടു​ന്നു. "അ​തു കൊ​ണ്ട് പി​എ​ച് ഡി ​വേ​റി​ട്ടു നി​ല്ക്കാ​ൻ സ​ഹാ​യി​ക്കും എ​ന്ന ചി​ന്ത പ്രേ​ര​ണ​യാ​യി," സൗ​ദി അ​റേ​ബ്യ​യി​ലെ ദ​ഹ്റാ​നി​ൽ പ്രി​ൻ​സ് സു​ൽ​ത്താ​ൻ മി​ലി​ട്ട​റി കോ​ള​ജ് അ​ധ്യാ​പ​ക​നാ​യ ശ്രീ​ധ​ര​ൻ പ​റ​യു​ന്നു.


ഇ​ന്ത്യ​യി​ലെ റെ​സ്‌​പി​റ്റോ​റി കെ​യ​ർ ഗ​വേ​ഷ​ണ വി​ഷ​യ​മാ​ക്കി​യ ഡോ​ക്ട​ർ പ​റ​യു​ന്ന​ത് രാ​ജ്യ​ത്തു 1955 മു​ത​ൽ ഈ ​രം​ഗ​ത്തെ ചി​കി​ത്സ ല​ഭ്യ​മാ​യി​രു​ന്നു​വെ​ങ്കി​ലും വേ​ണ്ട​ത്ര വേ​ഗ​ത്തി​ൽ വി​ക​സി​ച്ചി​ല്ല എ​ന്നാ​ണ്. ഫി​സി​ഷ്യ​ന്മാ​ർ ഉ​ൾ​പ്പെ​ടെ മ​റ്റു രം​ഗ​ങ്ങ​ളി​ൽ ഉ​ള്ള​വ​ർ ഈ ​ചി​കി​ത്സ ന​ട​ത്തു​ന്നു എ​ന്ന​താ​ണ് അ​തി​നു കാ​ര​ണം.

അ​ന്താ​രാ​ഷ്ട്ര ശ്വാ​സ​കോ​ശ ചി​കി​ത്സ കൗ​ൺ​സി​ലി​ന്‍റെ പ്ര​സി​ഡന്‍റ് ഡാ​നി​യ​ൽ ഡി. ​റൗ​ളി ശ്രീ​ധ​ര​ന്‍റെ നേ​ട്ട​ത്തി​ൽ ആ​വേ​ശ​ഭ​രി​ത​നാ​യി. ലോ​ക​ത്ത് ആ​ദ്യ​മാ​യി ഈ ​രം​ഗ​ത്തു നി​ന്ന് പി​എച്ച്ഡി ​നേ​ടി​യ​ത് ശ്രീ​ധ​ര​ൻ ആ​ണെ​ന്ന​തി​ൽ അ​ത്ഭു​ത​മി​ല്ലെ​ന്നു അ​ദ്ദേ​ഹം പ​റ​ഞ്ഞു. ഇ​ത് ഈ ​രം​ഗ​ത്തി​നു ത​ന്നെ നേ​ട്ട​മാ​ണ്.