ബെൻസേലം സെന്‍റ് ലൂക്ക് മിഷൻ ഇടവകയിൽ ഫാമിലി ആൻഡ് യൂത്ത് കോൺഫറൻസ് രജിസ്ട്രേഷന് തുടക്കം
Thursday, March 30, 2023 3:07 AM IST
ഉമ്മൻ കാപ്പിൽ
ബെൻസേലം (പെൻസിൽവേനിയ): മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസ് രജിസ്ട്രേഷൻ ബെൻസേലം സെന്റ് ലൂക്ക് മിഷൻ ഓർത്തഡോക്സ് ഇടവകയിൽ ആരംഭിച്ചു. നോർത്ത് ഈസ്റ്റ് അമേരിക്കയിലും കാനഡയിലുമുള്ള ഇടവക അംഗങ്ങളുടെ ഏറ്റവും വലിയ സമ്മേളനമാണ് ഫാമിലി & യൂത്ത് കോൺഫറൻസ്.

മാർച്ച് 26 ഞായറാഴ്ച ഫാമിലി & യൂത്ത് കോൺഫറൻസിനെ പ്രതിനിധീകരിച്ച് ഒരു സംഘം സെന്‍റ് ലൂക്ക് മിഷൻ ഇടവക സന്ദർശിച്ചു. ഇടവക വികാരി ഫാ. ഗീവർഗീസ് ജോൺ ഫാമിലി കോൺഫറൻസ് പ്രതിനിധികളെ സ്വാഗതം ചെയ്തു. മുൻ ഭദ്രാസന കൗൺസിൽ അംഗം ഡോ. സാക് സഖറിയ, കോൺഫറൻസ് കമ്മിറ്റി അംഗങ്ങളായ ബിഷേൽ ബേബി, റെനി ബിജു, ഡാൻ തോമസ് എന്നിവരാണ് സംഘത്തിലുണ്ടായിരുന്നത്.

ഈ വർഷത്തെ ഫാമിലി & യൂത്ത് കോൺഫറൻസിന്‍റെ വേദിയെക്കുറിച്ചും പ്രഭാഷകരെക്കുറിച്ചും ഡോ. സാക് സഖറിയ സദസിനെ അറിയിച്ചു. റെനി ബിജു രജിസ്ട്രേഷൻ വിശദാംശങ്ങളും സ്പോൺസർഷിപ്പ് സാധ്യതകളും വിശദീകരിച്ചു.

കോൺഫറൻസിനോടനുബന്ധിച്ചു പ്രസിദ്ധീകരിക്കുന്ന സുവനീറിനെക്കുറിച്ച് ഡാൻ
തോമസ് സംസാരിച്ചു. വിവിധ പ്രായത്തിലുള്ളവർക്കായി ആസൂത്രണം ചെയ്യുന്ന
പരിപാടികളെപ്പറ്റി ബിഷേൽ ബേബി വിശദീകരിച്ചു. ഫിലഡൽഫിയ ഏരിയ
ഇടവകകളുടെ നേതൃത്വത്തിൽ നടക്കുന്ന ഗാനശുശ്രൂഷയെപ്പറ്റിയും ബിഷേൽ
സംസാരിച്ചു.

ജൂലൈ 12 മുതൽ 15 വരെ നോർത്ത് ഈസ്റ്റ് അമേരിക്കൻ ഭദ്രാസനത്തിലെ ഹോളി
ട്രാൻസ്ഫിഗറേഷൻ റിട്രീറ്റ് സെന്‍ററിൽ കോൺഫറൻസ് നടക്കും. യൂറോപ്പ്/ആഫ്രിക്ക
ഭദ്രാസനാധിപൻ അഭിവന്ദ്യ ഡോ. എബ്രഹാം മാർ സ്തേഫാനോസ് മെത്രാപ്പോലീത്ത മുഖ്യ പ്രഭാഷകനായിരിക്കും. സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ ഫാ. മാറ്റ് അലക്‌സാണ്ടർ യുവജനങ്ങൾക്കായുള്ള സെഷനുകൾ നയിക്കും. യോവേൽ 2:28-ൽ നിന്നുള്ള "എല്ലാ ജഡത്തിന്മേലും ഞാൻ എന്റെ ആത്മാവിനെ പകരും" എന്നതാണ് ഈ വർഷത്തെ കോൺഫറൻസിന്‍റെ മുഖ്യ ചിന്താവിഷയം .

ഫാ. ഗീവർഗീസ് ജോൺ ഫാമിലി കോൺഫറൻസുകളിൽ പങ്കെടുത്തതിന്‍റെഅനുഭവവും താൻ നേടിയ നേട്ടങ്ങളും പങ്കുവയ്ക്കുകയും ഇടവക അംഗങ്ങളെ പങ്കെടുക്കാൻ പ്രോത്സാഹിപ്പിക്കുകയും ചെയ്തു. നിരവധി ഇടവകാംഗങ്ങൾ കോൺഫറൻസിൽ രജിസ്റ്റർ ചെയ്തും സുവനീറിൽ ആശംസകളും പരസ്യങ്ങളും നൽകിയും ഉദാരമായി പിന്തുണ നൽകി. ഫാ. ഗീവർഗീസ് ജോൺ, സിബി എബ്രഹാം, സുനിൽ കുര്യൻ, അജു ജേക്കബ്, സോളമൻ ഡേവിഡ് തുടങ്ങിയവർ പിന്തുണ വാഗ്ദാനം ചെയ്തവരിൽ ഉൾപ്പെടുന്നു. ഊഷ്മളമായ സ്വീകരണത്തിനും ആത്മാർത്ഥമായ പ്രാർത്ഥനയ്ക്കും പിന്തുണയ്ക്കും വികാരി, ഭാരവാഹികൾ, ഇടവകാംഗങ്ങൾ എന്നിവർക്ക് ബിഷേൽ ബേബി നന്ദി പറഞ്ഞു.

കൂടുതൽ വിവരങ്ങൾക്ക്, ഫാ. സണ്ണി ജോസഫ്, കോൺഫറൻസ് ഡയറക്ടർ (ഫോൺ:
718.608.5583) ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ: 516.439.9087)
Copyright @ 2022 , Rashtra Deepika Ltd.