ഇ​ല്ലി​നോ​യ് സ​ർ​വ​ക​ലാ​ശാ​ല​യി​ലെ ഇ​ന്ത്യ​ൻ വി​ദ്യാ​ർ​ഥിയുടെ മരണകാരണം ഹൈ​പ്പോ​തെ​ർ​മി​യ
Friday, February 23, 2024 8:35 AM IST
പി.പി. ​ചെ​റി​യാ​ൻ
ഇ​ല്ലി​നോ​യ്: ഈ ​വ​ർ​ഷം ജ​നു​വ​രി​യി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ ഇ​ല്ലി​നോ​യ് സ​ർ​വ​ക​ലാ​ശാ​ല വി​ദ്യാ​ർ​ഥി അ​കു​ൽ ബി ​ധ​വാ​ന്‍റെ മ​ര​ണ​കാ​ര​ണം ഹൈ​പ്പോ​തെ​ർ​മി​യ​യാ​ണെ​ന്ന് ടോ​ക്സി​ക്കോ​ള​ജി പ​രി​ശോ​ധ​യി​ൽ സ്ഥി​രീ​ക​രി​ച്ചു.

മ​ദ്യ​ല​ഹ​രി​യി​ല്‍ ദീ​ർ​ഘ​നേ​രം അ​തി​ശൈ​ത്യ​ത്തി​ൽ ചെ​ല​വ​ഴി​ച്ച​താ​യി​രി​ക്കാം ഹൈ​പ്പോ​തെ​ർ​മി​യ​യ്ക്ക് കാ​ര​ണ​മെ​ന്ന് ക​രു​ത​പ്പെ​ടു​ന്നു.​ ജ​നു​വ​രി 19ന് ​രാ​ത്രി ദി ​ക​നോ​പ്പി ക്ല​ബി​ൽ സു​ഹൃ​ത്തു​ക്ക​ളോ​ടൊ​പ്പം അ​കു​ൽ ബി ​ധ​വാ​ൻ മ​ദ്യ​പി​ച്ചി​രു​ന്നു.

ക്ല​ബി​ൽ നി​ന്ന് പോ​യ ശേ​ഷം തി​രി​കെ മ​ട​ങ്ങി​യെ​ത്തി​യ അ​കു​ലി​നെ സു​ര​ക്ഷാ ജീ​വ​ന​ക്കാ​ർ അ​ക​ത്ത് പ്ര​വേ​ശി​ക്കാ​ൻ സ​മ്മ​തി​ച്ചി​ല്ലെ​ന്ന് ഇ​ല്ലി​നോ​യ് പോ​ലീ​സ് ക​ണ്ടെ​ത്തി. അ​ർ​ധ​രാ​ത്രി​യോ​ടെ, റൈ​ഡ് ഷെ​യ​ർ സേ​വ​ന​ങ്ങ​ളി​ലൂ​ടെ വീ​ട്ടി​ലേ​ക്ക് പോ​കാ​നാ​യി അ​കു​ൽ ത​യ്യാ​റാ​യി​ല്ല.

പി​ന്നീ​ട് അ​കു​ലി​ന്‍റെ ഫോ​ണി​ലേ​ക്ക് സു​ഹൃ​ത്തു​ക്ക​ൾ ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും മ​റു​പ​ടി ല​ഭി​ച്ചി​ല്ല. തു​ട​ർ​ന്നാ​ണ് അ​കു​ലി​നെ കാ​ണു​ന്നി​ല്ലെ​ന്ന് സു​ഹൃ​ത്തു​ക്ക​ൾ അ​റി​യി​ച്ച​ത്. തൊ​ട്ട​ടു​ത്ത ദി​വ​സം അ​കു​ലി​നെ ബാ​റി​ന് സ​മീ​പ​ത്തെ പൂ​മു​ഖ​ത്ത് മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.

അ​തി​ശൈ​ത്യ​ത്തി​ൽ രാ​ത്രി മു​ഴു​വ​ന്‍റെ ചെ​ല​വ​ഴി​ച്ച​തി​നാ​ൽ ശ​രീ​ര​ത്തി​ലെ ഊ​ഷ്മാ​വ് താ​ഴ്ന്ന് പോ​വു​ക​യും (ഹൈ​പ്പോ​തെ​ർ​മി​യ) മ​ര​ണം സം​ഭ​വി​ക്കു​ക​യു​മാ​യി​രു​ന്നു എ​ന്നാ​ണ് പൊ​ലീ​സ് ക​ണ്ടെ​ത്തി​യി​രി​ക്കു​ന്ന​ത്.