ജോ​ഷി വ​ള്ളി​ക്ക​ള​ത്തി​ന്‍റെ സ്ഥാ​നാ​ർ​ഥി​ത്വം ത​ട​ഞ്ഞു​വ​യ്ക്കു​ന്ന​തി​ല്‍ ഫോ​മ​യി​ല്‍ വ​ന്‍ പ്ര​തി​ഷേ​ധം
Friday, August 2, 2024 12:35 PM IST
ഷി​ക്കാ​ഗോ: ഫോ​മ​യു​ടെ നാ​ഷ്ണ​ല്‍ ക​ണ്‍​വ​ന്‍​ഷ​നി​ല്‍ വ​ച്ച് ഓ​ഗ​സ്റ്റ് ഒ​ന്പ​തി​ന് ന​ട​ക്കു​ന്ന തെ​ര​ഞ്ഞെ​ടു​പ്പി​നോ​ട് അനു​ബ​ന്ധി​ച്ച് സൂ​ക്ഷ്മ പ​രി​ശോ​ധ​ന​യ്ക്കു​ശേ​ഷം ജൂ​ലൈ 24ന് ​സ്ഥാ​നാ​ര്‍​ഥി​ക​ളു​ടെ​യും ഡെ​ലി​ഗേ​റ്റു​ക​ളു​ടേ​യും പ​ട്ടി​ക തെ​ര​ഞ്ഞെ​ടു​പ്പ് ക​മ്മീ​ഷ​ന്‍ പ​ര​സ്യ​പ്പെ​ടു​ത്തി​യി​രു​ന്നു.

എ​ന്നാ​ല്‍ തെ​ര​ഞ്ഞെ​ടു​പ്പി​ന് പ​ത്ത് ദി​വ​സം മാ​ത്രം ബാ​ക്കി നി​ല്‍​ക്കെ എ​ല്ലാ​വ​രും ക​ണ്‍​വ​ന്‍​ഷ​ന്‍ ര​ജി​സ്‌​ട്രേ​ഷ​നും യാ​ത്രാ ടി​ക്ക​റ്റു​ക​ളും മ​റ്റു ഒ​രു​ക്ക​ങ്ങ​ളും പൂ​ര്‍​ത്തീ​ക​രി​ച്ചു ക​ഴി​ഞ്ഞ​പ്പോ​ള്‍ ജോ​ഷി വ​ള്ളി​ക്ക​ള​ത്തി​ന്‍റെ ഉ​ള്‍​പ്പെ​ടെ 53 പേ​രു​ടെ പേ​രു​ക​ള്‍ ഫോ​മ​യു​ടെ സ്ഥാ​നാ​ര്‍​ഥി ലി​സ്റ്റി​ല്‍ നി​ന്നും ഡെ​ലി​ഗേ​റ്റ് ലി​സ്റ്റി​ല്‍ നി​ന്നും മാ​റ്റി​യ​ത് തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ അ​പ​ക്വ​മാ​യ നി​ല​പാ​ടാ​ണ് എ​ന്ന് ആ​രോ​പ​ണ​മു​യ​രു​ന്നു.


ഫൊ​ക്കാ​ന​യു​ടെ ഡെ​ലി​ഗേ​റ്റ് ലി​സ്റ്റി​ല്‍ ഷി​ക്കാ​ഗോ​യി​ല്‍ നി​ന്നും ഫോ​മ ആ​ര്‍​വി​പി സ്ഥാ​നാ​ര്‍​ഥി​യാ​യി മ​ത്സ​രി​ക്കു​ന്ന ജോ​ഷിയുടെ പേ​ര് ആ​രോ ആ​സൂ​ത്രി​ത​മാ​യി ചേ​ര്‍​ത്ത​ത് ആ​ണെ​ന്നും ഇ​ക്കാ​ര​ണം പ​റ​ഞ്ഞാ​ണ് ജോ​ഷി​യു​ടെ സ്ഥാ​നാ​ര്‍​ഥി​ത്വം എ​ടു​ത്തു​ക​ള​ഞ്ഞ​തെ​ന്നും ചി​ല അം​ഗ​ങ്ങ​ൾ ആ​രോ​പി​ച്ചു.

ജോ​ഷി വ​ള്ളി​ക്ക​ള​ത്തി​ന്‍റെ സ്ഥാ​നാ​ര്‍​ത്ഥി​മു​ള്‍​പ്പെ​ടെ 53 പേ​രു​ടെ​യും ഡെ​ലി​ഗേ​റ്റ് സ്ഥാ​നം അം​ഗീ​ക​രി​ച്ച് മു​മ്പോ​ട്ട് പോ​ക​ണ​മെ​ന്ന് ഇവർ ആ​വ​ശ്യ​പ്പെ​ട്ടു.