വിശുദ്ധ കുർബാനയുടെ ആന്തരാർത്ഥങ്ങൾ തേടിയുള്ള യാത്രയാണിത്. വിശുദ്ധ കുർബാനയെന്ന ആഴിയുടെ ആഴങ്ങൾ തേടാതെ തീരക്കടലിൽ തിരയെണ്ണുന്നവരെ ബലിയുടെ പൂർണതയിലേക്കു നയിക്കുന്ന രചന. വിശുദ്ധ ബലിയുടെ പവിത്രതയും പ്രാധാന്യവും വിശ്വാസികൾക്കു മനസിലാകുംവിധം അപഗ്രഥിക്കുന്നു.
ദൈവത്തിന്റെ ഭാഷ വിശുദ്ധ കുർബാന
സാജു പൈനാടത്ത് എംസിബിഎസ്
പേജ് 142, വില ₹160
കാർമൽ ഇന്റർനാഷണൽ പബ്ലിഷിംഗ് ഹൗസ്
തിരുവനന്തപുരം
ഫോണ്- 0471 232 7253
വിശുദ്ധ കുർബാനയുടെ ആന്തരാർത്ഥങ്ങൾ തേടിയുള്ള യാത്രയാണിത്. വിശുദ്ധ കുർബാനയെന്ന ആഴിയുടെ ആഴങ്ങൾ തേടാതെ തീരക്കടലിൽ തിരയെണ്ണുന്നവരെ ബലിയുടെ പൂർണതയിലേക്കു നയിക്കുന്ന രചന. വിശുദ്ധ ബലിയുടെ പവിത്രതയും പ്രാധാന്യവും വിശ്വാസികൾക്കു മനസിലാകുംവിധം അപഗ്രഥിക്കുന്നു.
അവൻ പതാകയില്ലാത്ത രാജ്യം
പി.ടി.ബിനു
പേജ് 96, വില ₹ 120
ഡിസി ബുക്സ്, കോട്ടയം
ഫോണ് 481 2563114
ആവാസവ്യവസ്ഥയിലും ജീവിതചുറ്റുപാടുകളിലും സമീപനങ്ങളിലുമൊക്കെ സംഭവിക്കുന്ന വലിയ മാറ്റങ്ങളെ ധ്വനിപ്പിക്കുന്ന ചെറുകവിതകളുടെ സമാഹാരം. ചിലത് സമൂഹത്തിലെ ആശങ്കകളെയും ധ്വനിപ്പിക്കുന്നു. ചില കവിതകളാകട്ടെ നീതിയെ സംബന്ധിക്കുന്ന ഉത്കണ്ഠകളെയാണ് അടിസ്ഥാനമാക്കിയിരിക്കുന്നത്.
ഞാൻ ദാവീദ്
ഡോ. രാജു ചക്കനാട്ട് എസ്ഡിബി
പേജ് 120, വില ₹ 130
ജീവൻ ബുക്സ്, ഭരണങ്ങാനം
ഫോണ്- 04822 237474
ബലഹീനനെ കരുത്തുള്ളവനാക്കുന്ന ദൈവാഭിഷേകം പലരിലും നാം കാണാറുണ്ട്. ദാവീദിനെ ദൈവം ഉയർത്തിയതും ഇത്തരത്തിലൊരു വലിയ ഇടപെടലാണ്. ബലഹീനതയിൽനിന്നുള്ള തെരഞ്ഞെടുക്കലിന്റെയും ഉടന്പടിയുടെയും അനുഭവങ്ങൾ വെളിവാക്കുന്ന മനോഹരമായ കഥകൾ ഉൾച്ചേർത്ത ലേഖനങ്ങളുടെ സമാഹാരം.
പറന്നുയരാം
എഫ്. റെമി ഡെയ്ഡ്രിച്ച്
പേജ് 204, വില ₹ 230
ജീവൻ ബുക്സ്, ഭരണങ്ങാനം
ഫോണ്- 04822 237474
അപമാനം പലപ്പോഴും മനുഷ്യർ മറക്കാൻ ആഗ്രഹിക്കുന്ന അനുഭവങ്ങളിൽ വേരൂന്നിയതാണ്. ഇത് മനുഷ്യാവസ്ഥയുടെ ദയനീയമായ ഭാഗവുമാണ്. മനസ് വളരെ വേദനാകരമായി പ്രതികരിക്കുന്ന അനുഭവങ്ങൾ പലതുണ്ടാകും. ഇത്തരത്തിൽ അപമാനങ്ങളിലും അപകീർത്തികളിലും തകർന്നവർക്ക് കരുത്തും കരുതലും ആശ്വാസവും പകരുന്ന സന്ദേശമാണ് പറന്നുയരാം, പോയകാല മുറിവുകളിൽ നിന്ന് ഒരു ടേക് ഓഫ് എന്ന പുസ്തകം. ടോണി ചിറ്റിലപ്പള്ളിയുടേതാണ് പരിഭാഷ.
മനുഷ്യരും സാമൂഹ്യമാധ്യമങ്ങളും
റവ. ഡോ. ജോസഫ് എറന്പിൽ വി.സി
പേജ് 208, വില ₹ 270
ജീവൻ ബുക്സ്, ഭരണങ്ങാനം
ഫോണ്- 04822 237474
നവമാധ്യമങ്ങൾ തുറന്നിടുന്ന ആശയവിനിമ വഴികൾ അതിവിശാലമാണ്. ഇന്റർനെറ്റ് യുഗത്തിൽ ലോകത്തെ ചലിപ്പിക്കുന്നതുതന്നെ മാധ്യമങ്ങളാണെന്നു പറയാം. ഒപ്പം വർത്തമാനകാലത്തിന്റെ കണ്ണാടിയുമാണ് സാമൂഹ്യമാധ്യമങ്ങൾ. ചതിക്കുഴികൾ ഏറെയുള്ള ഡിജിറ്റൽ യുഗത്തിൽ ഇന്നത്തെ തലമുറയ്ക്കുണ്ടാകേണ്ട മനോഭാവത്തെ വെളിവാക്കുന്നു ഈ ഗ്രന്ഥം.
കാറ്റാടിമലയിലെ രക്തസാക്ഷി വിശുദ്ധ ദേവസഹായം
റവ. ഡോ. സെബാസ്റ്റ്യൻ കിഴക്കെയിൽ
പേജ് 72, വില ₹ 90
ജീവൻ ബുക്സ്, ഭരണങ്ങാനം
ഫോണ്- 04822 237474
ക്രൈസ്തവ വിശ്വാസത്തെപ്രതി രക്തസാക്ഷിത്വം വരിക്കുകയും അടുത്തയിടെ വിശുദ്ധ പദവിയിലെത്തുകയും ചെയ്ത ദേവസഹായത്തിന്റെ ജീവിതകഥ. വിശുദ്ധന്റെ ജീവിതവുമായി ബന്ധപ്പെട്ട പ്രധാന സ്ഥലങ്ങളും തീർത്ഥാടനകേന്ദ്രങ്ങളും സന്ദർശിച്ച് പഠനങ്ങളുടെ അടിസ്ഥാനത്തിൽ തയാറാക്കിയ ജീവചരിത്രഗ്രന്ഥം ഇംഗ്ലീഷ്, മലയാളം, ഹിന്ദി ഭാഷകളിൽ പ്രസിദ്ധീകരിച്ചിരിക്കുന്നു.