കേരളചരിത്രത്തിൽ അദ്വിതീയ സ്ഥാനമുള്ള യുഗപ്രഭാവനാണ് വിശുദ്ധ ചാവറ കുര്യാക്കോസ് ഏലിയാസച്ചൻ. അദ്ദേഹത്തെയും അദ്ദേഹത്തിന്റെ ബഹുമുഖപ്രവർത്തനങ്ങളിൽ ചിലതിനെയുംപറ്റിയുള്ള കേരളത്തിലെ ലത്തീൻ സഭയുടെ ഏതാനും കണ്ടെത്തലുകളാണ് ഈ ചെറുപുസ്തകത്തിന്റെ ഉള്ളടക്കം. ഇതിലെ നിരീക്ഷണങ്ങൾ കൂടുതൽ ചർച്ചകൾക്കും അന്വേഷണങ്ങൾക്കും വഴിതുറക്കും എന്നു തീർച്ചയാണ്.
ലത്തീൻസഭയുടെ ചില സത്യാന്വേഷണങ്ങൾ
ആന്റണി പാട്ടപ്പറന്പിൽ
ജോസഫ് മാനിഷാദ്
മട്ടയ്ക്കൽ
പേജ് 64, വില ₹ 75
കേരളചരിത്രത്തിൽ അദ്വിതീയ സ്ഥാനമുള്ള യുഗപ്രഭാവനാണ് വിശുദ്ധ ചാവറ കുര്യാക്കോസ് ഏലിയാസച്ചൻ. അദ്ദേഹത്തെയും അദ്ദേഹത്തിന്റെ ബഹുമുഖപ്രവർത്തനങ്ങളിൽ ചിലതിനെയുംപറ്റിയുള്ള കേരളത്തിലെ ലത്തീൻ സഭയുടെ ഏതാനും കണ്ടെത്തലുകളാണ് ഈ ചെറുപുസ്തകത്തിന്റെ ഉള്ളടക്കം. ഇതിലെ നിരീക്ഷണങ്ങൾ കൂടുതൽ ചർച്ചകൾക്കും അന്വേഷണങ്ങൾക്കും വഴിതുറക്കും എന്നു തീർച്ചയാണ്.
മീനച്ചിലാറും ഓർമകളും
ജോളി-നിമ്മി
പേജ് 496,വില ₹ 500
ഐറീൻ ബുക്സ്, കോഴിക്കോട്
ഫോണ്-0496 2961333
മീനച്ചിൽ നദീതടസംസ്കാരം എന്നു വിശേഷിപ്പിക്കാവുന്നവിധം ഒരു ജനതതിയുടെ ജീവിതം ദേശക്കഥകളിലൂടെ വിവരിക്കുന്നു. വിവിധയിടങ്ങളിൽ നടന്ന സരസമായ സംഭവങ്ങൾ ഇതിവൃത്തമാക്കിയ രചന കോട്ടയം ജില്ലയുടെ വിവിധ പ്രദേശങ്ങളിലെ നാട്ടുവിശേഷങ്ങളുടെ സരസമായ കുറിപ്പുകളാണ്.
സ്വാതന്ത്ര്യം അർധരാത്രിയിൽ
ലാരി കോളിൻസ്, ഡൊമിനിക് ലാപിയർ
പേജ് 536, വില ₹ 580
ഡിസി ബുക്സ്, കോട്ടയം
ബ്രിട്ടീഷ് ആധിപത്യത്തിൽനിന്ന് ഇന്ത്യ സ്വതന്ത്രമായ ദിനങ്ങൾ മുതൽ ഗാന്ധിവധം വരെയുള്ള കാലഘട്ടത്തെ വരച്ചുകാട്ടുന്ന ആധികാരിക രചന. അഭിമുഖങ്ങളും പത്രറിപ്പോർട്ടുകളും അടിസ്ഥാനമാക്കിയ ഈ രചന എക്കാലത്തെയും ബെസ്റ്റ് സെല്ലറാണ്. ഇന്ത്യൻ സ്വാതന്ത്ര്യസമരവുമായി ബന്ധപ്പെട്ട പ്രധാന റഫറൻസ് ഗ്രന്ഥമായി അംഗീകരിക്കപ്പെട്ട ഗ്രന്ഥം.
YOGA AND PEACE EDUCATIONTHE SEARCH FOR EQUANIMITY
Dr. Suramya Mathai
Page 254,Price ₹ 420
Media House, Delhi
Phone- 0120 4222346
യോഗ ശരീരത്തിന് പകരുന്ന ആശ്വാസം പോലെ പ്രധാനമാണ് മനസിനു സമ്മാനിക്കുന്ന ആനന്ദം. ധ്യാനാത്മകമായ വ്യായാമം എന്നു വിശേഷിപ്പിക്കാവുന്ന യോഗ മാനസിക പക്വത, ഓർമശക്തി, രോഗമുക്തി എന്നിവയൊക്കെ സമ്മാനിക്കുന്നു. ഭാരതീയ പാരന്പര്യവുമായി ബന്ധപ്പെട്ട യോഗയുടെ സാധ്യതകൾ ഈ രചന വ്യക്തമാക്കുന്നു.
മോശയെപ്പോലെ ഒരു പ്രവാചകൻ
ഡോ. മൈക്കിൾ കാരിമറ്റം
പേജ് 128,വില ₹ 130
ആത്മ ബുക്സ്, കോഴിക്കോട്
ഫോണ് - 9746077500
മോശയെപ്പോലെ ഒരു പ്രവാചകനെ ദൈവം അയയ്ക്കും എന്നു ബൈബിളിൽ വ്യക്തമായി രേഖപ്പെടുത്തിയിട്ടുണ്ട്. ഇസ്രായേൽക്കാരെ കാനാൻദേശത്തേക്കു ദൈവഹിതത്താൽ നയിച്ച അവരുടെ നേതാവായിരുന്ന മോശ പഴയനിയമ ജനതയ്ക്കും പുതിയ നിയമജനതയ്ക്കും പ്രധാനിയാണ്. എന്നാൽ മോശയെക്കുറിച്ച് തെറ്റായ ബോധ്യങ്ങൾ ചില മതങ്ങൾ പ്രചരിപ്പിക്കുന്നുണ്ട്. മോശയെ സംബന്ധിച്ച് വ്യക്തമായ അറിവുകൾ ചരിത്രത്തിന്റെയും പാരന്പര്യത്തിന്റെയും വെളിച്ചത്തിൽ വിശദമാക്കുകയാണ് കത്തോലിക്കാവിശ്വാസവും വെല്ലുവിളികളും എന്ന പരന്പരയിലെ ഈ രണ്ടാമത്തെ ഗ്രന്ഥത്തിലൂടെ.