ദൈ​വം ചെ​യ്യു​ന്ന കാ​ര്യ​ങ്ങ​ളി​ൽ ഉ​ൾ​പ്പെ​ട്ടു പ്ര​വ​ർ​ത്തി​ക്കു​ക
ബോ​നോ എ​ന്ന സ്റ്റേ​ജ് നെ​യ്മി​ൽ അ​റി​യ​പ്പെ​ടു​ന്ന പ്ര​സി​ദ്ധ ഐ​റീ​ഷ് ഗാ​യ​ക​നും ഗാ​ന​ര​ച​യി​താ​വും സം​ഗീ​ത​സം​വി​ധാ​യ​ക​നു​മാ​ണ് പോ​ൾ ഡേ​വി​ഡ് ഹ്യൂ​സ​ണ്‍. 1960-ൽ ​അ​യ​ർ​ല​ൻ​ഡി​ലെ ഡ​ബ്ളി​നി​ൽ ജ​നി​ച്ച അ​ദ്ദേ​ഹം സം​ഗീ​ത​രം​ഗ​ത്തെ​ന്ന​പോ​ലെ പ​രോ​പ​കാ​ര പ്ര​വ​ർ​ത്ത​ന​ങ്ങ​ളി​ലും ഏ​റെ വ്യാ​പൃ​ത​നാ​ണ്. ബോ​നോ കൂ​ടി മു​ൻ​കൈ​യെ​ടു​ത്തു സ്ഥാ​പി​ച്ച "യു2’ ​എ​ന്ന സം​ഗീ​ത ട്രൂ​പ്പി​ന്‍റെ പ്ര​ധാ​ന ഗാ​യ​ക​നും ഗാ​ന​ര​ച​യി​താ​വു​മാ​യ അ​ദ്ദേ​ഹം അ​ന്താ​രാ​ഷ്്ട്ര​ത​ല​ത്തി​ൽ ഒ​ട്ടേ​റെ പു​ര​സ്കാ​ര​ങ്ങ​ൾ നേ​ടി​യി​ട്ടു​ണ്ട്.

യു2 ​സം​ഗീ​ത​ട്രൂ​പ്പി​ന്‍റെ അം​ഗ​മെ​ന്ന നി​ല​യി​ൽ ഇ​രു​പ​ത്തി​ര​ണ്ടു ഗ്രാ​മി അ​വാ​ർ​ഡു​ക​ൾ അ​ദ്ദേ​ഹ​ത്തി​നു ല​ഭി​ച്ചി​ട്ടു​ണ്ട്. റോ​ക്ക് ആ​ൻ​ഡ് റോ​ൾ ഹാ​ൾ ഓ​ഫ് ഫെ​യ്മി​ൽ ഇ​ടം​നേ​ടി​യ ബോ​നോ​യെ എ​ക്കാ​ല​ത്തെ​യും മു​പ്പ​ത്തി​ര​ണ്ടാ​മ​ത്തെ ഏ​റ്റ​വും വ​ലി​യ ഗാ​യ​ക​നാ​യി ‘റോ​ളിം​ഗ് സ്റ്റോ​ണ്‍’ മാ​സി​ക തെ​ര​ഞ്ഞെ​ടു​ത്തി​ട്ടു​ണ്ട്.

സം​ഗീ​ത ലോ​ക​ത്ത് ഒ​രു അ​ദ്ഭു​ത​പ്ര​തി​ഭാ​സ​മാ​യി പ്ര​ശോ​ഭി​ക്കു​ന്ന ബോ​നോ അ​തി​ലേ​റെ തി​ള​ങ്ങു​ന്ന ഒ​രു രം​ഗ​മാ​ണു ഫി​ലാ​ൻ​ത്രോ​പ്പി അ​ഥ​വാ പ​രോ​പ​ക​രാ പ്ര​വ​ർ​ത്ത​നം. ഒ​രു​പ​ക്ഷേ, അ​ദ്ദേ​ഹം സം​ഗീ​ത​രം​ഗ​ത്തു പ്ര​ക​ടി​പ്പി​ക്കു​ന്ന​തി​ലേ​റെ താ​ത്പ​ര്യം പാ​വ​ങ്ങ​ളെ സ​ഹാ​യി​ക്കു​ന്ന കാ​ര്യ​ത്തി​ൽ കാ​ണി​ക്കു​ന്നു​ണ്ട്. ആ​ഫ്രി​ക്ക​യി​ലെ വി​വി​ധ പാ​വ​പ്പെ​ട്ട രാ​ജ്യ​ങ്ങ​ളെ സ​ഹാ​യി​ക്കു​ന്ന​തി​നാ​യി ഒ​ന്നി​ലേ​റെ സം​ഘ​ട​ന​ക​ൾ​ക്കു​ത​ന്നെ അ​ദ്ദേ​ഹം രൂ​പം ന​ൽ​കി പ്ര​വ​ർ​ത്തി​ക്കു​ന്നു​ണ്ട്.

പ​രോ​പ​കാ​ര പ്ര​വൃ​ത്തി ചെ​യ്യു​ന്ന​തി​നും അ​തി​നു നേ​തൃ​ത്വം കൊ​ടു​ക്കു​ന്ന​തി​നും ബോ​നോ ത​ന്‍റെ ജീ​വി​തം ത​ന്നെ മാ​റ്റി​വ​ച്ചി​രി​ക്കു​ന്ന​തു​കൊ​ണ്ട് ക​ലാ​ലോ​ക​ത്തി​ലെ എ​ക്കാ​ല​ത്തെ​യും ഏ​റ്റ​വും വ​ലി​യ ഫി​ലാ​ൻ​ത്രോ​പ്പി​സ്റ്റാ​യി വാ​ഷിം​ഗ്ട​ണ്‍ ഡി​സി​യി​ലു​ള്ള "നാ​ഷ​ണ​ൽ ജേ​ർ​ണ​ൽ’ എ​ന്ന ഗ​വേ​ഷ​ണ മാ​സി​ക അ​ദ്ദേ​ഹ​ത്തെ തെ​ര​ഞ്ഞെ​ടു​ത്തി​ട്ടു​ണ്ട്. ബോ​നോ​യു​ടെ പ​രോ​പ​കാ​ര പ്ര​വ​ർ​ത്ത​ന​ങ്ങ​ളെ ആ​ദ​രി​ച്ചു ബ്രി​ട്ട​നി​ലെ​യും ഫ്രാ​ൻ​സി​ലെ​യും ചി​ലി​യി​ലെ​യു​മൊ​ക്കെ ഗ​വ​ണ്‍​മെ​ന്‍റു​ക​ൾ അ​ദ്ദേ​ഹ​ത്തി​നു വി​വി​ധ ബ​ഹു​മ​തി​ക​ൾ ന​ൽ​കി​യി​ട്ടു​ണ്ട്.

എ​ന്തു​കൊ​ണ്ടാ​ണു മ​നു​ഷ്യ​സ്നേ​ഹ​പ​ര​മാ​യ പ്ര​വ​ർ​ത്ത​ന​ങ്ങ​ളി​ൽ ബോ​നോ ഇ​ത്ര​മാ​ത്രം താ​ത്പ​ര്യം കാ​ണി​ക്കു​ന്ന​ത്. 2006-ൽ ​അ​ന്ന​ത്തെ അ​മേ​രി​ക്ക​ൻ പ്ര​സി​ഡ​ന്‍റ് ജോ​ർ​ജ് ഡ​ബ്ല്യു. ബു​ഷ് 64-ാമ​തു വാ​ർ​ഷി​ക നാ​ഷ​ണ​ൽ പ്ര​യ​ർ ബ്രേ​ക്ക്ഫാ​സ്റ്റി​നു ബോ​നോ​യെ വി​ളി​ച്ച​പ്പോ​ൾ അ​ദ്ദേ​ഹം ന​ൽ​കി​യ പ്ര​ഭാ​ഷ​ണ​ത്തി​ൽ ഇ​ക്കാ​ര്യം വ്യ​ക്ത​മാ​ക്കി​യി​ട്ടു​ണ്ട്-​അ​ദ്ദേ​ഹം പ​റ​ഞ്ഞു:

"കു​റെ വ​ർ​ഷ​ങ്ങ​ൾ​ക്കു മു​ന്പ് വി​ജ്ഞാ​നി​യാ​യ ഒ​രു മ​നു​ഷ്യ​നെ ഞാ​ൻ ക​ണ്ടു​മു​ട്ടി. അ​ദ്ദേ​ഹം എ​ന്‍റെ ജീ​വി​ത​ത്തെ മാ​റ്റി​മ​റി​ച്ചു. ഞാ​ൻ എ​ന്‍റെ എ​ല്ലാ പ്ര​വ​ർ​ത്ത​ന​ങ്ങ​ളി​ലും എ​പ്പോ​ഴും ദൈ​വാ​നു​ഗ്ര​ഹം തേ​ടാ​റു​ണ്ടാ​യി​രു​ന്നു. എ​ന്നാ​ൽ അ​ദ്ദേ​ഹം പ​റ​ഞ്ഞു: ‘നീ ​ചെ​യ്യു​ന്ന കാ​ര്യ​ങ്ങ​ൾ​ക്കു ദൈ​വാ​നു​ഗ്ര​ഹം തേ​ടു​ന്ന പ​രി​പാ​ടി നി​ർ​ത്തു​ക. അ​തി​നു പ​ക​രം, ദൈ​വം ചെ​യ്യു​ന്ന കാ​ര്യ​ങ്ങ​ളി​ൽ ഉ​ൾ​പ്പെ​ട്ടു പ്ര​വ​ർ​ത്തി​ക്കു​ക. കാ​ര​ണം, അ​വ പ​ണ്ടേ​ത​ന്നെ ദൈ​വ​ത്തി​ന്‍റെ അ​നു​ഗ്ര​ഹ​മു​ള്ള പ്ര​വൃ​ത്തി​ക​ളാ​ണ്.'
ദൈ​വ​ത്തി​ന്‍റെ അ​നു​ഗ്ര​ഹ​മു​ള്ള പ്ര​വൃ​ത്തി​ക​ൾ ചെ​യ്യു​വാ​നു​ള്ള ആ​ഹ്വാ​നം ബോ​നോ സ്വീ​ക​രി​ച്ചു. അ​വ ത​നി​ക്കു കാ​ണി​ച്ചു​ത​രു​വാ​ൻ ദൈ​വ​ത്തോ​ട് അ​ദ്ദേ​ഹം അ​പേ​ക്ഷി​ച്ചു. അ​ങ്ങ​നെ​യാ​ണു ദൈ​വം പാ​വ​ങ്ങ​ളെ സ​ഹാ​യി​ക്കു​ന്ന പ്ര​വൃ​ത്തി അ​ദ്ദേ​ഹം പ്ര​ത്യേ​ക​മാ​യി ശ്ര​ദ്ധി​ച്ച​ത്. അ​തി​നു ശേ​ഷം പാ​വ​ങ്ങ​ളെ സ​ഹാ​യി​ക്കു​ന്ന കാ​ര്യ​ത്തി​നു ബോ​നോ മു​ൻ​ഗ​ണ​ന കൊ​ടു​ക്കാ​ൻ തു​ട​ങ്ങി.

വാ​ഷിം​ഗ്ട​ണ്‍ ഡി​സി​യി​ലെ പ്ര​യ​ർ ബ്രേ​ക്ക്ഫാ​സ്റ്റ് സ​മ്മേ​ള​ന​ത്തി​ൽ ബോ​നോ തു​ട​ർ​ന്നു പ​റ​ഞ്ഞു: ""ദൈ​വം പാ​വ​ങ്ങ​ളോ​ടൊ​പ്പ​മാ​ണ്. അ​വി​ടു​ന്നു ചെ​യ്യു​ന്ന ഒ​രു പ്ര​ധാ​ന പ്ര​വൃ​ത്തി അ​വ​രെ സ​ഹാ​യി​ക്കു​ക എ​ന്ന​താ​ണ്. ദൈ​വം അ​നു​ഗ്ര​ഹി​ച്ചി​രി​ക്കു​ന്ന ഈ ​പ്ര​വൃ​ത്തി​യി​ൽ ന​മു​ക്കും പ​ങ്കു​ചേ​രാം.''

എ​ത്ര മ​നോ​ഹ​ര​മാ​യ ആ​ശ​യം! ദൈ​വം ചെ​യ്യു​ന്ന പ്ര​വൃ​ത്തി​ക​ൾ എ​ത്ര​യോ പ​ണ്ടേ അ​നു​ഗ്ര​ഹി​ക്ക​പ്പെ​ട്ട​വ​യാ​ണ്. അ​വ​യി​ൽ നാം ​പ​ങ്കു​ചേ​രു​ന്പോ​ൾ നാ​മും അ​നു​ഗ്ര​ഹി​ക്ക​പ്പെ​ട്ട​വ​രാ​യി മാ​റു​ന്നു. ബോ​നോ​യെ സം​ബ​ന്ധി​ച്ചി​ട​ത്തോ​ളം അ​ദ്ദേ​ഹ​ത്തി​ന്‍റെ ശ്ര​ദ്ധ​യി​ൽ​പ്പെ​ട്ട ദൈ​വ​ത്തി​ന്‍റെ പ്ര​ധാ​ന പ്ര​വൃ​ത്തി പാ​വ​ങ്ങ​ളെ സ​ഹാ​യി​ക്ക​ൽ എ​ന്ന​ത് ആ​യി​രു​ന്നു. ത​ന്മൂ​ലം, അ​ദ്ദേ​ഹം അ​തി​ൽ വ്യാ​പൃ​ത​നാ​യി.

എ​ത്ര​യോ ആ​ളു​ക​ളാ​ണ് അ​ദ്ദേ​ഹ​ത്തി​ന്‍റെ മ​നു​ഷ്യ​സ്നേ​ഹ​പ​ര​മാ​യ പ്ര​വ​ർ​ത്ത​ന​ങ്ങ​ൾ വ​ഴി ഇ​പ്പോ​ൾ അ​നു​ഗ്ര​ഹി​ക്ക​പ്പെ​ടു​ന്ന​ത്! പാ​വ​ങ്ങ​ളെ സ​ഹാ​യി​ക്കു​ക എ​ന്ന​തു ദൈ​വ​ത്തി​ന്‍റെ വ​ലി​യ ഒ​രു പ്ര​വൃ​ത്തി​ത​ന്നെ. ത​ന്മൂ​ലം അ​തു ദൈ​വ​ത്താ​ൽ പ്ര​ത്യേ​കം അ​നു​ഗ്ര​ഹി​ക്ക​പ്പെ​ട്ട​തു​മാ​ണ്. സാ​ധി​ക്കു​ന്നി​ട​ത്തോ​ളം നാം ​അ​തി​ൽ പ​ങ്കു​ചേ​ര​ണം. എ​ന്നാ​ൽ, ദൈ​വം പ്ര​വ​ർ​ത്തി​ക്കു​ന്ന മ​റ്റു നി​ര​വ​ധി മേ​ഖ​ല​ക​ളു​ണ്ട്. അ​വ​യും അ​നു​ഗ്ര​ഹി​ക്ക​പ്പെ​ട്ട​വ​യാ​ണ്.

അ​ങ്ങ​നെ ദൈ​വ​ത്താ​ൽ പ​ണ്ടേ​ത​ന്നെ അ​നു​ഗ്ര​ഹി​ക്ക​പ്പെ​ട്ട പ്ര​വൃ​ത്തി​ക​ളാ​ണു പ​ഠി​പ്പി​ക്കു​ക, വി​ശു​ദ്ധീ​ക​രി​ക്കു​ക, സു​ഖ​പ്പെ​ടു​ത്തു​ക, മ​റ്റു​ള്ള​വ​രെ പ​രി​പാ​ലി​ച്ചു വ​ള​ർ​ത്തു​ക എ​ന്ന​തൊ​ക്കെ. ആ​രൊ​ക്കെ ഈ ​പ്ര​വൃ​ത്തി​ക​ളി​ൽ ആ​ത്മാ​ർ​ഥ​മാ​യി ഏ​ർ​പ്പെ​ടു​ന്നു​വോ അ​വ​രൊ​ക്കെ ദൈ​വ​ത്താ​ൽ അ​നു​ഗ്ര​ഹി​ക്ക​പ്പെ​ട്ട​വ​രാ​യി മാ​റും എ​ന്ന​താ​ണു വാ​സ്ത​വം. കാ​ര​ണം, അ​വ​ർ ചെ​യ്യു​ന്ന പ്ര​വൃ​ത്തി​ക​ൾ പ​ണ്ടേ​ത​ന്നെ ദൈ​വ​ത്താ​ൽ അ​നു​ഗ്ര​ഹി​ക്ക​പ്പെ​ട്ട​വ​യാ​ണ്.

നാം ​ന​മ്മു​ടെ ജീ​വി​ത​ത്തി​ൽ ഒ​ട്ടെ​റെ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്നു​ണ്ട്. അ​വ​യൊ​ക്കെ ദൈ​വ​ത്താ​ൽ അ​നു​ഗ്ര​ഹി​ക്ക​പ്പെ​ട്ട പ്ര​വൃ​ത്തി​ക​ളാ​ണോ എ​ന്ന് ഇ​ട​യ്ക്കി​ടെ നാം ​സ്വ​യം ചോ​ദി​ക്ക​ണം. അ​തു​പോ​ലെ, അ​വ​യെ​ല്ലാം ദൈ​വം അ​നു​ഗ്ര​ഹി​ച്ചി​രി​ക്കു​ന്ന പ്ര​വൃ​ത്തി​ക​ളാ​ണ് എ​ന്നു നാം ​ഉ​റ​പ്പു​വ​രു​ത്തു​ക​യും വേ​ണം.

ദൈ​വം അ​നു​ഗ്ര​ഹി​ച്ചി​രി​ക്കു​ന്ന പ്ര​വൃ​ത്തി​ക​ളി​ൽ നാം ​ഏ​ർ​പ്പെ​ടു​ന്പോ​ഴും ന​മ്മു​ടെ അ​നു​ദി​ന ജീ​വി​ത​ത്തി​ലെ പ്ര​വ​ർ​ത്ത​ന​ങ്ങ​ൾ​ക്കു നാം ​ദൈ​വാ​നു​ഗ്ര​ഹം യാ​ചി​ക്കാ​ൻ മ​ടി​ക്കേ​ണ്ട. കാ​ര​ണം, നാം ​ദൈ​വാ​നു​ഗ്ര​ഹം യാ​ചി​ക്കു​ന്ന പ്ര​വൃ​ത്തി​ക​ളി​ൽ തെ​റ്റു​പ​റ്റാ​തി​രി​ക്കാ​നു​ള്ള കൃ​പ അ​പ്പോ​ൾ ദൈ​വം ന​ൽ​കി​ക്കൊ​ള്ളും. ഇ​നി ഏ​തെ​ങ്കി​ലും കാ​ര​ണ​ത്താ​ൽ ന​മു​ക്കു തെ​റ്റു​പ​റ്റി​യാ​ൽ​പോ​ലും അ​തി​ൽ​നി​ന്നു ന​ന്മ ഉ​ണ്ടാ​ക്കു​വാ​ൻ ദൈ​വ​ത്തി​നു സാ​ധി​ക്കും എ​ന്ന​തും നാം ​മ​റ​ക്കേ​ണ്ട.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.