വില അറിയാമെങ്കിലും മൂല്യമറിയാത്തവർ
പ​ത്തൊ​ന്പ​താം നൂ​റ്റാ​ണ്ടി​ലെ പാ​രീ​സി​ൽ​നി​ന്നൊ​രു ക​ഥ. അ​പ്പ​ർ​ക്ലാ​സ് ദ​ന്പ​തി​ക​ളാ​ണു മി​സ്റ്റ​ർ ആ​ൻ​ഡ് മി​സി​സ് ഒ​റേ​യി​ൽ. അ​വ​ർ​ക്കു മ​ക്ക​ളി​ല്ല. ഗ​വ​ണ്‍​മെ​ന്‍റ് ഓ​ഫീ​സി​ൽ ന​ല്ല വ​രു​മാ​ന​മു​ള്ള ജോ​ലി​യാ​ണു ഭ​ർ​ത്താ​വി​ന്‍റെത്. വ​രു​മാ​നം ആ​വ​ശ്യ​ത്തി​ലേ​റെ​യു​ണ്ട്. എ​ന്നാ​ൽ, ഒ​രു ചി​ല്ലി​ക്കാ​ശു​പോ​ലും ചെ​ല​വാ​ക്കാ​ൻ ഭ​ർ​ത്താ​വി​നു സ്വാ​ത​ന്ത്ര്യ​മി​ല്ല. ശ​ന്പ​ളം വീ​ട്ടി​ലെ​ത്തി​ച്ചാ​ൽ അ​ല്പം പോ​ക്ക​റ്റ്മ​ണി പോ​ലും ഭാ​ര്യ അ​യാ​ൾ​ക്കു കൊ​ടു​ക്കി​ല്ല.

"നീ ​കു​റ​ച്ചു​കൂ​ടി ഉ​ദാ​ര​മാ​യി പ്ര​വ​ർ​ത്തി​ക്കൂ.’ അ​യാ​ൾ പ​റ​യും. "ന​മു​ക്കാ​ണെ​ങ്കി​ൽ മ​ക്ക​ൾ​ക്കു​പോ​ലും കൊ​ടു​ക്കേ​ണ്ട​താ​യി​ട്ടി​ല്ല​ല്ലോ.’ അ​പ്പോ​ൾ ഭാ​ര്യ പ​റ​യും: "കു​റ​ച്ചു​ണ്ടാ​യി​രി​ക്കു​ന്ന​തി​നേ​ക്കാ​ൾ കൂ​ടു​ത​ലു​ണ്ടാ​യി​രി​ക്കു​ന്ന​താ​ണ് എ​പ്പോ​ഴും ന​ല്ല​ത്.’

സു​ന്ദ​രി​യാ​ണു ഭാ​ര്യ. എ​ല്ലാ കാ​ര്യ​ങ്ങ​ളി​ലും അ​ടു​ക്കും ചി​ട്ട​യു​മു​ണ്ട്. എ​ന്നാ​ൽ, കോ​പി​ക്കാ​ൻ പ്ര​ത്യേ​ക കാ​ര​ണ​മൊ​ന്നും വേ​ണ്ട. അ​തു ഭ​ർ​ത്താ​വി​ന​റി​യു​ക​യും ചെ​യ്യാം. തന്മൂ​ലം ത​ന്‍റെ ആ​വ​ശ്യ​ങ്ങ​ൾ ന​ട​ന്നു​കി​ട്ടാ​ൻ അ​യാ​ൾ വ​ലി​യ നി​ർ​ബ​ന്ധം പി​ടി​ക്കാ​റി​ല്ല.

എ​ന്നാ​ൽ, ഒ​രി​ക്ക​ൽ അ​യാ​ൾ​ക്കു നി​ർ​ബ​ന്ധം പി​ടി​ക്കേ​ണ്ടി​വ​ന്നു. അ​താ​ക​ട്ടെ ഒ​രു കു​ട​യു​ടെ കാ​ര്യ​ത്തി​ലും. ര​ണ്ടു വ​ർ​ഷ​മാ​യി​ട്ട് നി​റം​മ​ങ്ങി​യ ഒ​രു പ​ഴ​യ കു​ട​യാ​ണ് അ​യാ​ൾ ഓ​ഫീ​സി​ൽ പോ​കു​ന്പോ​ൾ കൊ​ണ്ടു​പോ​കു​ന്ന​ത്. അ​തു കാ​ണു​ന്പോ​ൾ കൂ​ടെ​യു​ള്ള​വ​ർ ക​ളി​യാ​ക്കും. ഒ​രു ദി​വ​സം ക​ളി​യാ​ക്ക​ൽ കേ​ട്ടു മ​ടു​ത്തി​ട്ട് വീ​ട്ടി​ലെ​ത്തി​യ​പ്പോ​ൾ ഭാ​ര്യ​യോ​ടു പ​റ​ഞ്ഞു: "എ​നി​ക്കു ന​ല്ല ഒ​രു കു​ട വാ​ങ്ങി​ത്ത​ര​ണം. അ​ല്ലെ​ങ്കി​ൽ ഇ​നി മു​ത​ൽ ഞാ​ൻ ഓ​ഫീ​സി​ൽ പോ​കി​ല്ല.’

പ​ണം ചെ​ല​വാ​ക്കു​ന്ന കാ​ര്യം കേ​ട്ട​പ്പോ​ൾ ഭാ​ര്യ​യ്ക്കു ക​ലി​യാ​യി. എ​ങ്കി​ലും ജോ​ലി നി​ർ​ത്തി​യാ​ൽ വ​രു​മാ​നം ന​ഷ്ട​പ്പെ​ടു​മോ എ​ന്നു ക​രു​തി ഭാ​ര്യ പോ​യി എ​ട്ട് ഫ്രാ​ങ്കി​ന്‍റെ ഒ​രു കു​ട വാ​ങ്ങി​ക്കൊ​ടു​ത്തു. മാ​ർ​ക്ക​റ്റി​ലെ ഏ​റ്റ​വും വി​ല​കു​റ​ഞ്ഞ കു​ട​യാ​യി​രു​ന്നു അ​ത്. പു​തി​യ കു​ട​യു​മാ​യി ഭ​ർ​ത്താ​വ് ഓ​ഫീ​സി​ലെ​ത്തി​യ​പ്പോ​ൾ സ​ഹ​പ്ര​വ​ർ​ത്ത​ക​ർ വീ​ണ്ടും അ​യാ​ളെ ക​ളി​യാ​ക്കാ​ൻ തു​ട​ങ്ങി.

അ​ന്നു രാ​ത്രി സ​ക​ല​ശ​ക്തി​യും സം​ഭ​രി​ച്ച് അ​യാ​ൾ ഭാ​ര്യ​യ്ക്ക് അ​ന്ത്യ​ശാ​സ​നം ന​ൽ​കി: "ഇ​രു​പ​തു ഫ്രാ​ങ്ക് വി​ല​യു​ള്ള ഒ​രു സി​ൽ​ക്കു​കു​ട എ​നി​ക്കു വാ​ങ്ങി​ത്ത​ര​ണം. പോ​രാ, അ​തി​ന്‍റെ ബി​ല്ലും എ​ന്നെ കാ​ണി​ക്ക​ണം. അ​ല്ലെ​ങ്കി​ൽ....’ പി​റ്റെ​ദി​വ​സം ഭാ​ര്യ അ​യാ​ൾ​ക്കു പു​തി​യൊ​രു കു​ട വാ​ങ്ങി​ക്കൊ​ടു​ത്തു. സി​ൽ​ക്കി​ന്‍റേതു​ത​ന്നെ. എ​ന്നാ​ൽ, പ​തി​നെ​ട്ടു ഫ്രാ​ങ്കി​ൽ ഭാ​ര്യ ആ ​ക​ച്ച​വ​ടം ഒ​തു​ക്കി. "ഇ​ത് അ​ടു​ത്ത അ​ഞ്ചു വ​ർ​ഷ​ത്തേ​ക്ക് ഉ​പ​യോ​ഗി​ക്ക​ണം.’ ഭാ​ര്യ പ​റ​ഞ്ഞു. പു​തി​യ കു​ട കി​ട്ടി​യ സ​ന്തോ​ഷ​ത്തോ​ടെ അ​യാ​ൾ ഓ​ഫീ​സി​ൽ പോ​യി. പ​ക്ഷേ, അ​ന്ന് അ​യാ​ൾ തി​രി​ച്ചെ​ത്തി​യ​പ്പോ​ൾ ഭാ​ര്യ കു​ട വാ​ങ്ങി പ​രി​ശോ​ധി​ച്ചു.

"എ​ന്താ​ണി​ത്?’ ആ​രോ വ​ലി​ച്ച ചു​രു​ട്ടു​കൊ​ണ്ടു കു​ട​യി​ലു​ണ്ടാ​യ വ​ലി​യൊ​രു തു​ള കാ​ണി​ച്ചു​കൊ​ടു​ത്തു​കൊ​ണ്ട് ഭാ​ര്യ അ​ല​റി. എ​ന്താ​ണു കാ​ര്യ​മെ​ന്ന​റി​യാ​തെ അ​യാ​ൾ അ​ങ്ങ​നെ പ​ക​ച്ചു​നി​ൽ​ക്കു​ന്പോ​ൾ ആ ​സ്ത്രീ പ​റ​ഞ്ഞു: "നി​ങ്ങ​ൾ ഈ ​കു​ട ന​ശി​പ്പി​ച്ചു.!’ ദേ​ഷ്യം സ​ഹി​ക്ക​വ​യ്യാ​തെ അ​വ​ർ അ​തു​മി​തും വീ​ണ്ടും പു​ല​ന്പി​ക്കൊ​ണ്ടി​രു​ന്നു.

ദേ​ഷ്യം അ​ല്പം ത​ണു​ത്ത​പ്പോ​ൾ അ​വ​ർ പോ​യി പ​ഴ​യ ഒ​രു കു​ട​യി​ലെ തു​ണി​യെ​ടു​ത്തു സി​ൽ​ക്കു​കു​ട ന​ന്നാ​ക്കി. എ​ന്നാ​ൽ, ഭ​ർ​ത്താ​വ് പി​റ്റേ​ദി​വ​സം ഓ​ഫീ​സി​ൽ പോ​യി മ​ട​ങ്ങി​വ​ന്ന​പ്പോ​ൾ കു​ട​യി​ൽ വീ​ണ്ടും പു​തി​യ തു​ള​ക​ൾ. ഓ​ഫീ​സി​ലെ ആ​രോ പ​റ്റി​ച്ച പ​ണി​യാ​യി​രു​ന്നു അ​ത്. അ​ന്നും ഭാ​ര്യ ഭ​ർ​ത്താ​വി​നെ ദീ​ർ​ഘ​നേ​രം ചീ​ത്ത പ​റ​ഞ്ഞു. ഇ​നി പു​തി​യൊ​രു കു​ട വാ​ങ്ങു​ന്ന പ്ര​ശ്ന​മി​ല്ലെ​ന്ന് അ​പ്പീ​ലി​ല്ലാ​ത്ത വി​ധി​യും പ്ര​സ്താ​വി​ച്ചു.

കാ​ര്യ​ങ്ങ​ൾ ഇ​ങ്ങ​നെ വ​ഴി​മു​ട്ടി​നി​ന്ന​പ്പോ​ഴാ​ണ് ഒ​രു സു​ഹൃ​ത്ത് അ​വ​രെ കാ​ണാ​ൻ ചെ​ന്ന​ത്. അ​പ്പോ​ൾ ഭ​ർ​ത്താ​വ് വി​ഷ​യം അ​യാ​ളു​ടെ മു​ന്പി​ൽ അ​വ​ത​രി​പ്പി​ച്ചു. സു​ഹൃ​ത്ത് ഉ​പ​ദേ​ശി​ച്ചി​ട്ടും പു​തി​യൊ​രു കു​ട വാ​ങ്ങാ​ൻ ഭാ​ര്യ ത​യാ​റ​ല്ലാ​യി​രു​ന്നു. പു​തി​യൊ​രു കു​ട വാ​ങ്ങാ​ൻ ത​യാ​റ​ല്ലെ​ങ്കി​ൽ ഇ​ൻ​ഷ്വ​റ​ൻ​സ് ക​ന്പ​നി​യോ​ടു ന​ഷ്ട​പ​രി​ഹാ​രം തേ​ടാ​ൻ സു​ഹൃ​ത്ത് നി​ർ​ദേ​ശി​ച്ചു. ആ ​നി​ർ​ദേ​ശം സ്ത്രീ​ക്ക് ഇ​ഷ്ട​പ്പെ​ട്ടു.
എ​ന്നാ​ൽ, കു​ട​യ്ക്കു ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് ഇ​ൻ​ഷ്വ​റ​ൻ​സ് ക​ന്പ​നി​യി​ൽ അ​പേ​ക്ഷ ന​ൽ​കാ​ൻ ഭ​ർ​ത്താ​വി​നു സ​മ്മ​ത​മി​ല്ലാ​യി​രു​ന്നു. ല​ജ്ജാ​ക​ര​മാ​യ പ്ര​വൃ​ത്തി​യാ​യി അ​യാ​ൾ അ​തു ക​ണ്ടു. എ​ന്നാ​ൽ, നാ​ണം​കെ​ട്ടാ​ണെ​ങ്കി​ലും ന​ഷ്ട​പ​രി​ഹാ​രം നേ​ടി​യെ​ടു​ക്ക​ണ​മെ​ന്ന് ഭാ​ര്യ തീ​രു​മാ​നി​ച്ചു.
പി​റ്റേ ദി​വ​സം​ത​ന്നെ ആ ​സ്ത്രീ കു​ട​യെ​ടു​ത്ത് അ​തി​ൽ കു​റേ​ക്കൂ​ടി വ​ലി​യ തു​ള​ക​ളു​ണ്ടാ​ക്കി ഇ​ൻ​ഷ്വ​റ​ൻ​സ് ക​ന്പ​നി​യി​ലെ​ത്തി. അ​വി​ശ്വ​സ​നീ​യ​മാ​യ ഒ​രു ന​ട​പ​ടി​യാ​യി​ട്ടാ​ണ് ഇ​ൻ​ഷ്വ​റ​ൻ​സ് ക​ന്പ​നി​യി​ലെ ഉ​ദ്യോ​ഗ​സ്ഥ​ൻ അ​തു ക​ണ്ട​ത്. ശ​ല്യം ഒ​ഴി​വാ​ക്കാ​ൻ ആ ​കു​ട ന​ന്നാ​ക്കി അ​തി​ന്‍റെ ബി​ല്ല് സ​മ​ർ​പ്പി​ക്കാ​ൻ അ​യാ​ൾ നി​ർ​ദേ​ശി​ച്ചു.

ആ ​സ്ത്രീ വേ​ഗം പോ​യി കു​ട ന​ന്നാ​ക്കു​ന്ന ആ​ളി​നെ​ക്ക​ണ്ടു പ​റ​ഞ്ഞു: "ഏ​റ്റ​വും വി​ല​യേ​റി​യ സി​ൽ​ക്കു​കൊ​ണ്ട് ഈ ​കു​ട പു​തി​യ​താ​ക്കി​ത്ത​രൂ. പ​ണം എ​നി​ക്കൊ​രു പ്ര​ശ്ന​മ​ല്ല!’
പ്ര​സി​ദ്ധ ഫ്ര​ഞ്ചു​സാ​ഹി​ത്യ​കാ​ര​നാ​യ മോ​പ്പ​സാ​ങ് (1850-1893) എ​ഴു​തി​യ "ദി ​അം​ബ്ര​ല്ല’ എ​ന്ന ഈ ​ചെ​റു​ക​ഥ വാ​യി​ക്കു​ന്പോ​ൾ ഇ​തു​പോ​ലെ​യു​ള്ള മ​നു​ഷ്യ​ർ ഈ ​ലോ​ക​ത്തി​ലു​ണ്ടോ എ​ന്നു നാം ​ചോ​ദി​ച്ചു​പോ​കും. തീ​ർ​ച്ച​യാ​യും മോ​പ്പ​സാ​ങ് ജീ​വി​ച്ചി​രു​ന്ന കാ​ല​ഘ​ട്ട​ത്തി​ൽ ഈ ​ക​ഥ​യി​ലെ നാ​യി​ക​യെ​പ്പോ​ലു​ള്ള​വ​ർ ജീ​വി​ച്ചി​രു​ന്നി​ട്ടു​ണ്ടാ​ക​ണം. അ​ല്ലാ​യി​രു​ന്നു​വെ​ങ്കി​ൽ ഇ​ങ്ങ​നെ​യൊ​രു ക​ഥ പ്ര​ത്യ​ക്ഷ​പ്പെ​ടാ​ൻ സാ​ധ്യ​ത​യി​ല്ലാ​യി​രു​ന്നു.

ഈ ​ക​ഥ​യി​ലെ പി​ശു​ക്ക​ത്തി​യാ​യ സ്ത്രീ​യെ​പ്പോ​ലെ​യു​ള്ള സ്ത്രീ​പു​രു​ഷന്മാ​ർ ഇ​ന്നും ജീ​വി​ച്ചി​രി​പ്പു​ണ്ടാ​കാ​നാ​ണു സാ​ധ്യ​ത. ഈ ​സ്ത്രീ​ക്കു പ​ണ​ത്തി​ന്‍റെ വി​ല അ​റി​യാ​മാ​യി​രു​ന്നു. എ​ന്നാ​ൽ, പ​ണ​ത്തി​നു ജീ​വി​ത​ത്തി​ലു​ള്ള മൂ​ല്യം എ​ന്താ​ണെ​ന്ന​റി​യി​ല്ലാ​യി​രു​ന്നു. അ​വ​ർ പ​ണം സ​ന്പാ​ദി​ക്കാ​നും അ​തു കു​ന്നു​കൂ​ട്ടി വ​യ്ക്കാ​നും വേ​ണ്ടി ജീ​വി​ച്ചു. എ​ന്നാ​ൽ, അ​തു ശ​രി​യാ​യ രീ​തി​യി​ൽ ഉ​പ​യോ​ഗി​ക്കാ​ൻ അ​വ​ർ മ​റ​ന്നു​പോ​യി.

ഇ​തു​പോ​ലെ​യു​ള്ള ആ​ൾ​ക്കാ​രെ ചി​ല​പ്പോ​ഴെ​ങ്കി​ലും ന​മ്മു​ടെ​യി​ട​യി​ൽ നാം ​കാ​ണാ​റു​ണ്ട​ല്ലോ. പ​ണം സ​ന്പാ​ദി​ക്കു​ന്ന​തി​നു​വേ​ണ്ടി മാ​ത്രം ജീ​വി​ക്കു​ന്ന​വ​ർ. അ​വ​രു​ടെ പ​ണം​കൊ​ണ്ട് അ​വ​ർ​ക്കോ മ​റ്റാ​ർ​ക്കെ​ങ്കി​ലു​മോ ഒ​രു ഉ​പ​കാ​ര​വും ഉ​ണ്ടാ​കു​ന്നി​ല്ല. നേ​രേ മ​റി​ച്ച്, അ​വ​ർ​ക്കു​ണ്ടാ​കു​ന്ന​തു ന​ഷ്ടം മാ​ത്രം! എ​ത്ര സ​ന്തോ​ഷ​മാ​യി കൊ​ണ്ടു​പോ​കാ​വു​ന്ന കു​ടും​ബ​ജീ​വി​ത​മാ​യി​രു​ന്നു പ​ണ​ത്തി​നോ​ടു​ള്ള ആ​ർ​ത്തി​കൊ​ണ്ട് ആ ​സ്ത്രീ ത​ക​ർ​ത്ത​ത്!

പി​ശു​ക്ക​ത്തി​യാ​യി​രു​ന്നെ​ങ്കി​ലും പ​ണം ചെ​ല​വാ​ക്കാ​ൻ അ​വ​ർ വി​സ​മ്മ​തി​ച്ചതു സ്വ​ന്തം പ​ണ​ത്തി​ന്‍റെ കാ​ര്യ​ത്തി​ലാ​യി​രു​ന്നു. ഇ​ൻ​ഷ്വ​റ​ൻ​സ് ക​ന്പ​നി​യു​ടെ പ​ണം ചെ​ല​വാ​ക്കു​ന്ന കാ​ര്യം വ​ന്ന​പ്പോ​ൾ എ​ത്ര​മാ​ത്രം ചെ​ല​വാ​ക്കാ​മോ അ​ത്ര​മാ​ത്രം ചെ​ല​വാ​ക്കാ​നാ​ണ് കു​ട ന​ന്നാ​ക്കു​കാ​ര​നോ​ട് അ​വ​ർ ആ​വ​ശ്യ​പ്പെ​ട്ട​ത്! ഇ​വി​ടെ​യും നാം ​കാ​ണു​ന്ന​തു ജീ​വി​ത​ത്തി​ൽ ശ​രി​യാ​യ മൂ​ല്യ​ങ്ങ​ൾ ഇ​ല്ലാ​ത്ത​തി​ന്‍റെ ന്യൂ​ന​ത​യാ​ണ്.

എ​ല്ലാ​ത്തി​ന്‍റെ​യും വി​ല അ​റി​യാ​മാ​യി​രു​ന്നു സ്ത്രീ​യാ​ണു മോ​പ്പ​സാ​ങ് അ​വ​ത​രി​പ്പി​ച്ചി​രി​ക്കു​ന്ന നാ​യി​ക. എ​ന്നാ​ൽ, അ​വ​ർ​ക്ക് ഒ​ന്നി​ന്‍റെ​യും ശ​രി​യാ​യ മൂ​ല്യം അ​റി​യി​ല്ലാ​യി​രു​ന്നു​താ​നും. ന​മ്മു​ടെ സ്ഥി​തി ഇ​തു​പോ​ലെ ആ​കാ​തി​രി​ക്ക​ട്ടെ. നേ​രേ മ​റി​ച്ച് എ​ല്ലാ​ത്തി​ന്‍റെ​യും മൂ​ല്യ​ങ്ങ​ൾ കാ​ണു​ന്ന​വ​രും അ​തു വി​ല​മ​തി​ക്കു​ന്ന​വ​രു​മാ​ക​ട്ടെ ന​മ്മ​ൾ.

ഫാ. ജോസ് പന്തപ്ലാംതൊട്ടിയിൽ





Copyright @ 2020 , Rashtra Deepika Ltd.