മ​ക്ക​ളെ മാ​നി​ക്ക​ണം
ഒ​ര​ധ്യാ​പ​കന്‍റെ മ​ക​നാ​ണ​യാ​ൾ. പേ​ര് ചെ​റി​യാ​ൻ. ബാ​ങ്ക് ഉ​ദ്യോ​ഗ​സ്ഥ​നാ​യി​രു​ന്നു. റി​ട്ട​യ​ർ ചെ​യ്തി​ട്ട് അ​ഞ്ച് വ​ർ​ഷ​മാ​യി.​ചെ​റി​യാ​ന്‍റെ ഭാ​ര്യ കു​ഞ്ഞ​മ്മ​യും ബാ​ങ്ക് ഉ​ദ്യോ​ഗ​സ്ഥ​യാ​ണ്. അ​ടു​ത്ത വ​ർ​ഷം റി​ട്ട​യ​ർ ചെ​യ്യും.​ഇ​വ​ർ​ക്ക് ര​ണ്ട് മ​ക്ക​ളാ​ണ് ഉ​ള്ള​ത്, നി​ത്യ​യും നി​ധി​നും. നി​ത്യ ടീ​ച്ച​റും നി​ധി​ൻ ഖ​ത്ത​റി​ൽ ഒ​രു വി​ദേ​ശ മ​ല​യാ​ളി​യു​ടെ ഉ​ട​മ​സ്ഥ​ത​യി​ലു​ള്ള ഹോ​ട്ട​ലി​ന്‍റെ ഫ്ലോ​ർ മാ​നേ​ജ​രു​മാ​ണ്.​ നി​ധി​ൻ ഹോ​ട്ട​ൽ മാ​നേ​ജ്മെ​ന്‍റ് പ​ഠി​ച്ച ആ​ളാ​ണ്.​ ചെ​റി​യാ​നും നി​ധി​നും ഇ​പ്പോ​ൾ അ​ത്ര യോ​ജി​പ്പി​ല​ല്ല.

അ​പ്പ​നും മ​ക​നും ത​മ്മി​ലു​ള്ള മാ​ന​സി​കാ​ക​ൽ​ച്ച​യു​ടെ മു​ഴു​വ​ൻ നീ​റ്റ​ലും അ​നു​ഭ​വി​ക്കു​ന്ന​ത് കു​ഞ്ഞ​മ്മ​യും മ​ക​ൾ നി​ത്യ​യു​മാ​ണ്. നി​ത്യ വി​വാ​ഹി​ത​യാ​ണ്.​നി​ധി​ന്‍റെ വി​വാ​ഹം ക​ഴി​ഞ്ഞി​ട്ട് ആ​റ് മാ​സ​മേ ആ​യി​ട്ടു​ള്ളു. ഭാ​ര്യ മ​ഞ്ജു നി​ധി​നോ​ടൊ​പ്പം ഖ​ത്ത​റി​ലാ​ണ്. നി​ധി​ൻ വി​ദേ​ശ​ത്ത് ജോ​ലി ചെ​യ്യാ​ൻ തു​ട​ങ്ങി​യി​ട്ട് അ​ഞ്ച് വ​ർ​ഷ​മാ​യെ​ങ്കി​ലും ഇ​തു​വ​രെ​യും ഒ​ന്നും സ​മ്പാ​ദി​ക്കാ​ൻ ക​ഴി​ഞ്ഞി​ട്ടി​ല്ല എ​ന്ന ന​ഷ്ട​ബോ​ധം പു​ല​ർ​ത്തു​ന്ന ആ​ളാ​ണ്. ത​ന്‍റെ ശ​മ്പ​ളം മാ​ത്ര​മ​ല്ല ന​ഴ്സാ​യ ത​ന്‍റെ ഭാ​ര്യ​യു​ടെ ശ​മ്പ​ള​വും മാ​സം തോ​റും ത​ന്‍റെ പ​പ്പ​യു​ടെ പേ​ർ​ക്ക് അ​യ​ച്ചു കൊ​ടു​ക്കേ​ണ്ടി​വ​രു​ന്ന​തി​നാ​ലാ​ണ് താ​നി​പ്പോ​ഴും പാ​പ്പ​രാ​യി ക​ഴി​യു​ന്ന​ത് എ​ന്നാ​ണ് അ​യാ​ൾ പ​റ​യു​ന്ന​ത്.​

ഇ​ക്കാ​ര്യ​ത്തെ​പ്ര​തി അ​പ്പ​നും മ​ക​നും ത​മ്മി​ൽ വ​ഴ​ക്കു​ണ്ടാ​കു​ക​യും ആ ​വ​ഴ​ക്ക് ഇ​രു​വ​രെ​യും മാ​ന​സി​ക​മാ​യി അ​ക​റ്റു​ക​യും ചെ​യ്തു. വി​വാ​ഹ​ത്തി​ന് മു​മ്പ് ത​ന്‍റെ മ​ക​ന് ത​ന്‍റെ നേ​രെ​യൊ​ന്ന് നോ​ക്കാ​ൻ പോ​ലും ധൈ​ര്യം ഇ​ല്ലാ​യി​രു​ന്നെ​ന്നും വി​വാ​ഹ​ശേ​ഷം അ​വ​നി​ൽ ഉ​ണ്ടാ​യ മാ​റ്റ​ത്തി​ന് കാ​ര​ണം അ​വ​ന്‍റെ ഭാ​ര്യ​യും അ​വ​ളു​ടെ മാ​താ​പി​താ​ക്ക​ളു​മാ​ണെ​ന്നും പ​റ​യു​ന്ന ചെ​റി​യാ​ൻ ത​ന്‍റെ സാ​മ്പ​ത്തി​ക ഇ​ട​പാ​ടു​ക​ളെ സം​ബ​ന്ധി​ച്ച് ത​ന്‍റെ മ​ക​നോ​ട് ഒ​ന്നും സം​സാ​രി​ക്കാ​റി​ല്ല. ബാ​ങ്കി​ൽ ജോ​ലി​യി​ലാ​യി​രു​ന്ന കാ​ല​ത്ത് മാ​ത്ര​മ​ല്ല പി​ന്നീ​ടും ആ​വ​ശ്യ​ത്തി​ൽ ക​വി​ഞ്ഞ് ഭൂ​മി വാ​ങ്ങി​ക്കൂ​ട്ടു​ന്ന ആ​ളാ​ണ് ചെ​റി​യാ​ൻ.

ത​നി​ക്ക് ഇ​തിന്‍റെ​യൊ​ന്നും ആ​വ​ശ്യ​മി​ല്ലെന്നും പ​പ്പ വാ​ങ്ങി​ക്കൂ​ട്ടു​ന്ന സ്ഥ​ല​മൊ​ക്കെ ഭാ​വി​യി​ൽ നോ​ക്കി ന​ട​ത്താ​ൻ ത​ന്നെ​ക്കൊ​ണ്ടാ​വി​ല്ലെന്നും ത​ന്‍റെ പ​പ്പ​യോ​ട് നി​ധി​ൻ കെ​ഞ്ചി പ​റ​ഞ്ഞി​ട്ടും ചെ​റി​യാ​ൻ ത​ന്‍റെ മ​ക​ന്‍റെ വാ​ക്കു​ക​ൾ​ക്ക് ചെ​വി​കൊ​ടു​ത്തി​ല്ല.​പു​തി​യ ഭൂ​മി വാ​ങ്ങു​ന്ന​തി​നാ​യി ലോ​ൺ എ​ടു​ക്കു​ന്ന​തി​നു​ള്ള ത​യാ​റെ​ടു​പ്പി​ലാ​ണ് അ​യാ​ൾ ഇ​പ്പോ​ഴും. ഒ​രു ചെ​റി​യ ജീ​വി​ത​ത്തി​ന് വേ​ണ്ടി വ​ലി​യ സ​മ്പാ​ദ്യ​ങ്ങ​ളു​ടെ പി​ന്നാ​ലെ പോ​കു​ക​യും ആ ​വ​ഴി​ക്ക് ജീ​വി​ത​ത്തി​ന്‍റെ സ​ന്തോ​ഷം ന​ഷ്ട​പ്പെ​ടു​ത്തു​ക​യും ചെ​യ്യു​ന്ന കു​റെ​യേ​റെ മ​നു​ഷ്യ​രു​ടെ പ്ര​തി​നി​ധി​യാ​ണ് ചെ​റി​യാ​ൻ.​

ജീ​വി​ത​ത്തി​ന് വേ​ണ്ടി​യു​ള്ള പ​ല​തി​നെ​യും കാ​ൾ ജീ​വി​ത​ത്തെ ത​ന്നെ വ​ലി​യ സ​മ്പ​ത്താ​യി കാ​ണു​ക എ​ന്ന​താ​ണ് സ​ന്തോ​ഷ​ത്തോ​ടെ ജീ​വി​ക്കു​ന്ന​തി​നു​ള്ള മു​ഖ്യ ഉ​പാ​ധി. എ​ന്നും ക​ടം വാ​ങ്ങ​ലും പ​ലി​ശ അ​ട​യ്ക്ക​ലും ക​ടം വീ​ട്ട​ലും ഒ​ക്കെ ആ​യി ക​ഴി​യു​ന്ന ചി​ല മ​നു​ഷ്യ​രു​ണ്ട് ന​മ്മു​ടെ ചു​റ്റു​പാ​ടും.​ ഇ​ക്കൂ​ട്ട​രു​ടെ വീ​ടു​ക​ളി​ൽ സ​മാ​ധാ​നം എ​ന്നൊ​ന്ന് ഒ​രു കാ​ല​ത്തും ഉ​ണ്ടാ​കു​ക​യി​ല്ല.​ അ​വ​ർ എ​ന്നും കൂ​ട്ട​ലും കി​ഴി​ക്ക​ലു​മൊ​ക്കെ​യാ​യി​ട്ടാ​യി​രി​ക്കും ക​ഴി​യു​ന്ന​ത്.

എ​ന്നാ​ൽ ജീ​വി​ത​ത്തി​ന്‍റെ ക​ണ​ക്ക് അ​വ​ർ​ക്ക് പി​ഴയ്​ക്കും എ​ന്ന​ത് നേ​രാ​ണ്.​ചെ​റി​യാ​ന് ഇ​തെ​ന്തി​ന്‍റെ കേ​ടാ​ണ്. ഇ​നി​യു​മെ​ങ്കി​ലും അ​യാ​ൾ​ക്ക് വാ​ങ്ങി​ക്കൂ​ട്ട​ലു​ക​ൾ ഒ​ന്ന് നി​ർ​ത്തി​ക്കൂ​ടേ? അ​യാ​ൾ വാ​ങ്ങി​ക്കൂ​ട്ടു​ന്ന​തൊ​ക്കെ അ​നു​ഭ​വി​ക്കേ​ണ്ട അ​യാ​ളു​ടെ മ​ക​ന് അ​വ​യൊ​ന്നും ആ​വ​ശ്യ​മി​ല്ലെന്ന് പ​റ​ഞ്ഞി​ട്ടും അ​വ​ന്‍റെയും അ​വ​ന്‍റെ ഭാ​ര്യ​യു​ടെ​യും മാ​സ​ശ​മ്പ​ള​ത്തി​ന്‍റെ ചി​ല്ലി​ക്കാ​ശ് പോ​ലും കൈ​യിൽ വയ്​ക്കാ​ൻ അ​വ​രെ അ​നു​വ​ദി​ക്കാ​തെ അ​ത് മു​ഴു​വ​ൻ പി​ടി​ച്ചുപ​റി​ക്കു​ന്ന​തി​നെ​പ്പ​റ്റി എ​ന്ത് പ​റ​യാ​നാ​ണ്. ഇ​ന്ന് സ​ന്തോ​ഷ​മാ​യി ജീ​വി​ക്കാ​ൻ ദൈ​വം ന​ൽ​കു​ന്ന​ത് അ​തി​നാ​യി വി​നി​യോ​ഗി​ക്കാ​തെ നാ​ള​ത്തേ​ക്കു് സൂ​ക്ഷി​ച്ച് വ​ച്ചി​ട്ട് എ​ന്ത് കാ​ര്യം.

ഇ​ന്ന് സ​ന്തോ​ഷ​മാ​യി ജീ​വി​ക്കാ​തെ നാ​ളെ ജീ​വി​ക്കാം എ​ന്ന് വി​ചാ​രി​ച്ചി​ട്ട് എ​ന്താ​ണ് പ്ര​യോ​ജ​നം‍?. മ​ക്ക​ൾ ത​ങ്ങ​ളോ​ള​മാ​യാ​ൽ അ​വ​രോ​ട് അ​ഭി​പ്രാ​യം ചോ​ദി​ക്കു​ന്ന​തും അ​വ​ക്ക് പ്രാ​ധാ​ന്യം ക​ൽ​പി​ക്കു​ന്ന​തും നി​സ്സാ​ര​മാ​യി അ​പ്പ​ന​മ്മ​മാ​ർ ക​രു​ത​രു​ത്. മ​ക്ക​ൾ ത​ന്നെ​യും മാ​താ​പി​താ​ക്ക​ളെ മാ​നി​ക്കു​ന്ന​തി​നു​ള്ള വ​ഴി​യാ​ണ​ത്. താ​ൻ ചി​ന്തി​ക്കു​ന്ന​തും ത​ന്‍റെ തീ​രു​മാ​ന​വു​മാ​ണ് ശ​രി​യെ​ന്ന് ചി​ന്തി​ച്ച് പ്രാ​യ​പൂ​ർ​ത്തി​യാ​യ മ​ക്ക​ളു​ടെ നി​ർ​ദ്ദേ​ശ​ങ്ങ​ളെ പുഛി​ച്ച് ത​ള്ളു​ന്ന​ത് പ​ര​സ്പ​ര ബ​ന്ധ​ത്ത​ക​ർ​ച്ച​യ്ക്കേ ഉ​പ​ക​രി​ക്കൂ.

സി​റി​യ​ക് കോ​ട്ട​യി​ൽ





Copyright @ 2020 , Rashtra Deepika Ltd.