ട്രാ​ൻ​സ്പോ​ർ​ട്ട് ക​മാ​ൻ​ഡോ പ്രേ​ട്സി​ഫി​ക്സ്
ഭ​ക്ഷ​ണ​ച്ചെ​രു​വം ചു​മ​ന്ന് ക്ഷീ​ണി​ച്ച​വ​ശ​നാ​യാ​ണ് ഞാ​ന​ന്ന് എ​ന്‍റെ ബാ​ര​ക്കി​ലെ​ത്തി​യ​ത്. ക്യാ​ന്പി​ന്‍റെ ത​ല​വ​ൻ വാ​തി​ൽ​ക്ക​ൽ​ത്ത​ന്നെ​യു​ണ്ട്. അ​യാ​ൾ അ​ല​റു​ക​യാ​ണ്: ’പ​തി​നേ​ഴു​പേ​ർ ഉ​ട​ൻ വ​രി​യാ​യി നി​ൽ​ക്കു​ക. ഇ​പ്പോ​ൾ​ത്ത​ന്നെ.’

ഞാ​ൻ ചി​ന്തി​ച്ചു, പ​തി​നേ​ഴു​പേ​ർ. ക്യാ​ന്പി​നു വെ​ളി​യി​ലു​ള്ള ഏ​തെ​ങ്കി​ലും ജോ​ലി​ക്കു​വേ​ണ്ടി​യാ​ക​ണം. ഞാ​നു​ട​നെ വ​രി​യി​ൽ ക​യ​റി​നി​ന്നു.
"പോ​കാം.’
തൊ​ഴി​ൽ ഓ​ഫീ​സി​ലേ​ക്കാ​ണു ഞ​ങ്ങ​ൾ പോ​കു​ന്ന​ത്. അ​വ​ർ ഞ​ങ്ങ​ളെ നി​രീ​ക്ഷി​ക്കു​ക​യാ​ണ്. ഞാ​ൻ ക്ഷീ​ണം മ​റ​ച്ചു​പി​ടി​ക്കാ​ൻ പാ​ടു​പെ​ടു​ന്നു. ഭാ​ഗ്യ​ത്തി​ന് എ​ന്നെ​യും പു​തി​യ ഗ്രൂ​പ്പി​ൽ​പ്പെ​ടു​ത്തി. ഇ​നി മു​ത​ൽ ഞ​ങ്ങ​ൾ അ​റി​യ​പ്പെ​ടു​ക ’ട്രാ​ൻ​സ്പോ​ർ​ട്ട്’ ക​മാ​ൻ​ഡോ പ്രേ​ട്സി​ഫി​ക്സ്’ എ​ന്നാ​യി​രി​ക്കും.

എ​ന്‍റെ ന​ട്ടെ​ല്ലി​ലൂ​ടെ ഒ​രു ഞെ​ട്ട​ൽ ക​ട​ന്നു​പോ​യി. ’പ്രേ​ട്സി​ഫി​ക്സ്’ അ​ത്ര എ​ളു​പ്പ​മ​ല്ലാ​ത്ത ഒ​രു ജോ​ലി​യാ​ണ്. എ​ങ്കി​ലും എ​നി​ക്കു സ​ന്തോ​ഷ​മാ​ണ്. കൂ​ടു​ത​ൽ ഭ​ക്ഷ​ണം കിട്ടുന്ന ഒ​രു ജോ​ലി​യാ​ണ​ത്. ഞ​ങ്ങ​ൾ​ക്കു ന​ല്ല ശീ​ത​കാ​ല ഷൂ​ക​ൾ, കോ​ട്ടു​ക​ൾ, തൊ​പ്പി​ക​ൾ, കൈ​യു​റ​ക​ൾ എ​ന്നി​വ കി​ട്ടി. നേ​താ​വി​നെ ഞ​ങ്ങ​ൾ​ക്കു പ​രി​ച​യ​പ്പെ​ടു​ത്തി​യി​രു​ന്നു. നാ​ളെ രാ​വി​ല​ത്തെ ത​ല​യെ​ണ്ണ​ലി​നു​ശേ​ഷം ഒ​രു വാ​ഹ​ന​ത്തി​നു​മു​ന്പി​ൽ ഹാ​ജ​രാ​ക​ണം.

****
എ​നി​ക്കു ന​ല്ല സ​ന്തോ​ഷം തോ​ന്നി. ബാ​ര​ക്കി​ലെ മു​ഖ്യ​ത​ട​വു​കാ​ര​ന്‍റെ പീ​ഡ​ന​ത്തി​ൽ​നി​ന്നു ഞാ​ൻ സ്വ​ത​ന്ത്ര​നാ​കും. ഞ​ങ്ങ​ളു​ടെ മു​റി​ക​ൾ പ​രി​ശോ​ധി​ക്കു​ന്പോ​ൾ ഞാ​ന​വി​ടെ ഉ​ണ്ടാ​കേ​ണ്ടി​വ​രി​ല്ല. മ​ഞ്ഞു​കോ​രാ​നും ക​ൽ​ക്ക​രി ചു​മ​ന്നു​മാ​റ്റാ​നും ഭ​ക്ഷ​ണ​ച്ചെ​രു​വ​ങ്ങ​ൾ ചു​മ​ക്കാ​നും ഇ​നി ഞാ​ൻ പോ​കേ​ണ്ട​തി​ല്ല. ഉ​ച്ച​ഭ​ക്ഷ​ണം പു​റ​ത്താ​​യി​രി​ക്കും. ക്യാ​ന്പി​ന്‍റെ ഭി​ത്തി​ക​ൾ​ക്കു പു​റ​ത്തു​ള്ള ലോ​കം കാ​ണാ​ൻ ക​ഴി​യും. മാ​ത്ര​മ​ല്ല, ആ​വ​ശ്യ​ത്തി​നു ഭ​ക്ഷ​ണ​വും കി​ട്ടും.

പ്രേ​ട്സി​ഫി​ക്സി​ന്‍റെ ഉ​ന്തു​വ​ണ്ടി എ​ഷി​ന്‍റേതു​പോ​ലെ​ത​ന്നെ. വ​ലി​യൊ​രു ട്ര​ക്കി​നു പി​ന്നി​ൽ ഘ​ടി​പ്പി​ക്കു​ന്ന ട്രെ​യി​ല​ർ. ഇ​രു​വ​ശ​ത്തും​നി​ന്ന് ആ​റു​പേ​ർ ത​ള്ള​ണം. ര​ണ്ടു​പേ​ർ മു​ന്പി​ലും നാ​ലു​പേ​ർ പി​ന്നി​ലും. അ​ങ്ങ​നെ 18 പേ​ർ.

ത​ല​യെ​ണ്ണ​ൽ ക​ഴി​ഞ്ഞാ​ൽ രാ​വി​ലെ അ​ഞ്ച​ര​യ്ക്കു പ​ണി തു​ട​ങ്ങും. മൂ​ന്നു നാ​സി പോ​ലീ​സു​കാ​ർ ഞ​ങ്ങ​ളെ നോ​ക്കാ​നു​ണ്ട്. അ​വ​ർ ആ​യു​ധ​ധാ​രി​ക​ളാ​ണ്. ഞ​ങ്ങ​ളു​ടെ ട്രെ​യി​ല​ർ ശൂ​ന്യ​മ​ല്ല. ഞ​ങ്ങ​ൾ സ​ക​ല പ്ര​തീ​ക്ഷ​യും​വ​ച്ചി​രി​ക്കു​ന്ന ഒ​രു പെ​ട്ടി റൊ​ട്ടി അ​തി​ലു​ണ്ട്!

****
ഞ​ങ്ങ​ൾ ര​ണ്ടു കാ​ര്യ​ങ്ങ​ളാ​ണു ചെ​യ്യേ​ണ്ട​ത്. ഒ​ന്ന്, പു​റ​ത്ത് ഉ​ച്ച​ഭ​ക്ഷ​ണം ക​ഴി​ക്കു​ന്ന ജോ​ലി​ക്കാ​ർ​ക്കു സൂ​പ്പ് ചു​മ​ന്നെ​ത്തി​ക്കു​ക, കാ​ലി​പ്പാ​ത്ര​ങ്ങ​ൾ തി​രി​ച്ച് അ​ടു​ക്ക​ള​യി​ലെ​ത്തി​ക്കു​ക, ര​ണ്ട്, മ​റ്റു സ​മ​യ​ങ്ങ​ളി​ൽ ഞ​ങ്ങ​ളും ഞ​ങ്ങ​ളു​ടെ ട്രെ​യി​ല​റും ഡാ​ഹാ​വി​ലെ "പ്രേ​ട്സി​ഫി​ക്സ്’ ഫാ​ക്ട​റി​യി​ലാ​ണ് കാ​ണേ​ണ്ട​ത്. ഈ ​ഫാ​ക്ട​റി​യി​ൽ പി​രി​യാ​ണി​ക​ളാ​ണ് ഉ​ണ്ടാ​ക്കു​ന്ന​ത്. അ​വി​ടെ ശു​ചീ​ക​ര​ണ​ജോ​ലി​ക​ൾ ചെ​യ്യ​ണം. പ​ഴ​യ ഫാ​ക്ട​റി​യി​ൽ​നി​ന്ന് പു​തി​യ​തി​ലേ​ക്ക് യ​ന്ത്ര​ങ്ങ​ളും മ​റ്റു സാ​ധ​ന​ങ്ങ​ളും കൊ​ണ്ടു​വ​ര​ണം. ഞ​ങ്ങ​ൾ 18 ത​ട​വു​കാ​ർ, മൂ​ന്നു നാ​സിക്കാ​വ​ൽ​ക്കാ​ർ, വാ​ഹ​നം- എ​ല്ലാ​വ​ർ​ക്കും​കൂ​ടി ഒ​രു ദി​വ​സ​ത്തെ കൂ​ലി 2 മാ​ർ​ക്ക് 40 ഫെ​ന്നി​ഗ്. അ​താ​ണു ഞ​ങ്ങ​ളു​ടെ ജോ​ലി​യു​ടെ മൂ​ല്യം.

വി. ​യൗ​സേ​പ്പി​താ​വി​ന്‍റെ തി​രു​നാ​ൾ ദി​ന​മാ​യ മാ​ർ​ച്ച് 19-നാ​ണ് ഞ​ങ്ങ​ളു​ടെ "ട്രാ​ൻ​സ്പോ​ർ​ട്ട് ക​മാ​ൻ​ഡോ പ്രേ​ട്സി​ഫി​ക്സി’​ന്‍റെ ആ​ദ്യ ജോ​ലി​ദി​നം. വി​ശു​ദ്ധ​നോ​ട് ഒ​രു പ്രാ​ർ​ഥ​ന ഉ​രു​വി​ട്ടു​കൊ​ണ്ട് ഞാ​ൻ ട്രെ​യി​ല​ർ പു​റ​ത്തേ​ക്ക് ഇ​റ​ക്കി.

ട്രെ​യി​ല​റി​ന്‍റെ വ​ല​തു​വ​ശ​ത്ത് ഒ​രു പോ​ളീ​ഷ് വൈ​ദി​ക​നാ​യ സ്റ്റാ​നി സു​സ്ക്കേ​​യോ​ടൊ​പ്പ​മാ​ണു ഞാ​ൻ നി​ൽ​ക്കു​ന്ന​ത്. അ​ദ്ദേ​ഹ​ത്തി​നു കു​റ​ച്ചു ഫ്ര​ഞ്ച് അ​റി​യാം. അ​തു​കൊ​ണ്ടു സം​സാ​രി​ക്കാം.
നി​ര​പ്പാ​യ വ​ഴി​യി​ൽ ട്രെ​യി​ല​ർ ത​ള്ളു​ക എ​ളു​പ്പ​മാ​ണ്. പ​ക്ഷേ, താ​മ​സി​യാ​തെ പാ​ദ​ങ്ങ​ൾ വേ​ദ​നി​ക്കാ​ൻ തു​ട​ങ്ങി. വ​ലി​യ, ഭാ​ര​മേ​റി​യ ഷൂ​വാ​ണു കാ​ര​ണം. വൈ​കു​ന്നേ​രം പാ​ദം തി​രു​മ്മാ​നേ സ​മ​യ​മു​ള്ളു.

ക​ടു​ത്ത ത​ണു​പ്പാ​ണ്. മ​ഞ്ഞും വെ​ള്ള​വു​മാ​ണെ​ങ്കി​ലും ഞ​ങ്ങ​ൾ കു​തി​ര​ക​ൾ മു​ന്പോ​ട്ട്. ഞ​ങ്ങ​ൾ​ക്കു സം​സാ​രി​ക്കാ​നേ ക​ഴി​യു​ന്നി​ല്ല. സ്വ​ന്തം ചി​ന്ത​ക​ളി​ൽ ഓ​രോ​രു​ത്ത​രും മു​ഴു​കി​യി​രി​ക്കു​ന്നു. ഞാ​നി​തു പി​ടി​ച്ചുനി​ൽ​ക്കു​മോ? ക​ഴി​ക്കാ​ൻ ധാ​രാ​ളം കി​ട്ടു​മോ?

ഇ​രു​പ​തു മി​നി​റ്റു​ക​ൾ വേ​ണ്ടി​വ​ന്നു ഡാ​ഹാ​വ് പ​ട്ട​ണ​ത്തി​ലെ ആ​ദ്യ വീ​ടു​ക​ൾ കാ​ണാ​ൻ. ഇ​ട​ത്തേ​ക്കു​ള്ള ഇ​ട​വ​ഴി​യി​ലൂ​ടെ, തോ​ട്ട​ങ്ങ​ൾ​ക്കി​ട​യി​ലൂ​ടെ, മ​ഞ്ഞി​ലും ചെ​ളി​യി​ലും കാ​ലി​ട​റി, തെ​രു​വി​ന്‍റെ പാ​ർ​ശ്വ​ഭി​ത്തി​ക​ളി​ൽ മു​ട്ടാ​തി​രി​ക്കാ​ൻ ശ്ര​ദ്ധി​ച്ചു​കൊ​ണ്ട് ഞ​ങ്ങ​ൾ നീ​ങ്ങി.

അ​വ​സാ​നം ഞ​ങ്ങ​ൾ പ്രേ​ട്സി​ഫി​ക്സി​ലെ​ത്തി. ഒ​രു ഇ​രു​ന്പു​ഗേ​റ്റ് ക​ട​ന്ന് ഞ​ങ്ങ​ൾ വി​ശാ​ല​മാ​യ ഫാ​ക്ട​റി മു​റ്റ​ത്തെ​ത്തി. മു​ഖ്യ​കാ​വ​ൽ​ക്കാ​ര​ൻ ഓ​ഫീ​സി​ലേ​ക്കു​പോ​യി നാ​സി​യാ​യ ചീ​ഫ് എ​ൻ​ജി​നീയ​റു​മാ​യി തി​രി​ച്ചെ​ത്തി.
"ഇ​വ​രെ​ല്ലാം വൈ​ദി​ക​രാ​ണോ?’
"അ​തേ, സാ​ർ.’ അ​യാ​ൾ​ക്ക് മ​റു​പ​ടി ര​സി​ച്ചെ​ന്നു തോ​ന്നു​ന്നു. ഇ​ന്ന​ത്തെ ജോ​ലി​ക​ൾ ഇ​നി എ​ന്തൊ​ക്കെ​യാ​ണെ​ന്നാ​ണ് അ​യാ​ൾ സം​സാ​രി​ക്കു​ന്നത്.

****
രാ​വി​ലെ ഏ​ഴു​മ​ണി​യാ​യി​ക്കാ​ണും. ഫാ​ക്ട​റി​യി​ൽ ജോ​ലി​ക​ൾ ആ​രം​ഭി​ച്ചു​ക​ഴി​ഞ്ഞു. ഞ​ങ്ങ​ൾ മൂ​ന്നു​പേ​രെ ഫാ​ക്ട​റി​യു​ടെ അ​ക​ത്തേ​ക്കു വി​ളി​ച്ചു. ലെയ്ത്തു​ക​ളു​ടെ​യും ക​നം കു​റ​ഞ്ഞ ഇ​രു​ന്പു​പ​ല​ക​ക​ളു​ടെ​യും ന​ടു​വി​ൽ​നി​ന്നു​കൊ​ണ്ട് ഞ​ങ്ങ​ൾ അ​വ കൈ​കൊ​ണ്ടു തു​ട​ച്ചു​വൃ​ത്തി​യാ​ക്കി. മൂ​ർ​ച്ച​യേ​റി​യ ഇ​രു​ന്പു​പ​ല​ക​ക​ൾ ശ്ര​ദ്ധി​ച്ചു കൈ​കാ​ര്യം ചെ​യ്തി​ല്ലെ​ങ്കി​ൽ കൈ ​മു​റി​യും.

ഞ​ങ്ങ​ളു​ടെ സു​ഹൃ​ത്തു​ക്ക​ൾ പു​റ​ത്തു ക​ൽ​ക്ക​രി കോ​രു​ക​യാ​ണ്. ഫാ. ​സു​സ്ക്കെ ഭാ​ഗ്യ​വാ​നാ​ണ്. ക്യാ​ന്പ് ചീ​ഫി​ന്‍റെ വി​ല്ല​യി​ൽ മു​റി​ക​ൾ ചൂ​ടാ​ക്കു​ന്ന സം​വി​ധാ​ന​ങ്ങ​ൾ നി​രീ​ക്ഷി​ക്കു​ക​യാ​ണ് അ​ദ്ദേ​ഹ​ത്തി​ന്‍റെ പു​തി​യ ചു​മ​ത​ല. ആ​രും അ​ദ്ദേ​ഹ​ത്തെ നി​രീ​ക്ഷി​ക്കാ​നു​മി​ല്ല.

ഒ​രു മ​ണി​ക്കൂ​ർ ക​ഴി​യും​മു​ന്പേ വി​സി​ൽ മു​ഴ​ങ്ങി. ര​ണ്ടു ചു​രു​ട്ടു​കൂ​ടു​ക​ളി​ൽ കൊ​ള്ളാ​വു​ന്ന​ത്ര പി​രി​യാ​ണി​ക​ളു​മാ​യി ഞ​ങ്ങ​ളെ​ല്ലാ​വ​രും ട്രെ​യി​ല​ർ ഉ​ന്തി​ക്കൊ​ണ്ട് റെ​യി​ൽ​വേ ​സ്റ്റേ​ഷ​നി​ലേ​ക്കു പോ​ക​ണം. ഈ ​ജോ​ലി​ക്ക് ഇ​ത്ര​യും പേ​രോ? പു​റ​ത്തെ ജോ​ലി​ക​ൾ ചെ​യ്യു​ന്ന​വ​ർ ഒ​രി​ക്ക​ലും വേ​ർ​പി​രി​യ​രു​ത് എ​ന്നാ​ണ് നി​യ​മം. അ​ങ്ങ​നെ ഞ​ങ്ങ​ൾ ട്രെ​യി​ല​ർ ത​ള്ളി റെ​യി​ൽ​വേ സ്റ്റേ​ഷ​നി​ൽ എ​ത്തി​ച്ചു. അ​തു​പോ​ലെ തി​രി​ച്ചു​പോ​രു​ക​യും ചെ​യ്തു. ക്ര​മേ​ണ ഞ​ങ്ങ​ൾ ചി​ന്തി​ക്കു​ക എ​ന്ന സ്വ​ഭാ​വ​ത്തി​ൽ​നി​ന്നു വി​മു​ക്ത​രാ​യി.

****
ഒ​ന്പ​ത​ര​യ്ക്ക് ഒ​രി​ട​വേ​ള കി​ട്ടി. എ​ക്സ്ട്രാ റേ​ഷ​ൻ! നൊ​ടി​നേ​രം​കൊ​ണ്ട് ഞ​ങ്ങ​ൾ റൊ​ട്ടി​പ്പാ​ത്ര​ത്തി​നു ചു​റ്റു​മെ​ത്തി. റൊ​ട്ടി​ക്ക​ഷ​ണ​ങ്ങ​ൾ എ​ണ്ണി, ത​യാ​റാ​ക്കി​യി​ട്ടു​ണ്ട്. അ​ല്പം സോ​സേ​ജും കി​ട്ടി.
"ആ​ഴ്ച​യി​ൽ ര​ണ്ടു ത​വ​ണ വെ​ണ്ണ ഉ​ണ്ടാ​യി​രി​ക്കും.’ മു​ഖ്യ ത​ട​വു​കാ​ര​ൻ പ​റ​ഞ്ഞു. ക​ൽ​ക്ക​രി കൂ​ട്ടി​യി​ട്ടി​രി​ക്കു​ന്ന​തി​ന്‍റെ മു​ക​ളി​ലാ​ണ് ഞ​ങ്ങ​ൾ ഇ​രി​ക്കു​ന്ന​ത്. ഇ​ത്ര രു​ചി​ക​ര​മാ​യി ഇ​തു​വ​രെ ഞാ​നൊ​ന്നും ക​ഴി​ച്ചി​ട്ടി​ല്ല.

എ​നി​ക്കു മാ​റ്റം വ​ന്ന​താ​യി തോ​ന്നി. ഈ ​ലോ​ക​ത്തെ​ത​ന്നെ തോ​ളി​ൽ വ​ഹി​ക്കാ​ൻ മാ​ത്രം ശ​ക്തി കൈ​വ​ന്ന​താ​യി ഒ​രു തോ​ന്ന​ൽ.പ​ത്ത​ര​യ്ക്കു ഞ​ങ്ങ​ൾ വീ​ണ്ടും ജോ​ലി​ക്കു ഹാ​ജ​രാ​യി.ഉ​ച്ച​യ്ക്കു ഞ​ങ്ങ​ൾ കൂ​ടു​ത​ൽ സൂ​പ്പു​ചെ​രു​വ​ങ്ങ​ൾ ചു​മ​ക്ക​ണം; പു​റ​ത്തു ജോ​ലി​ചെ​യ്യു​ന്ന മ​റ്റ് ആ​റു ഗ്രൂ​പ്പു​ക​ൾ​ക്കു​കൂ​ടി. ഞ​ങ്ങ​ളു​ടെ ചെ​രു​വ​ത്തി​ൽ ധാ​രാ​ളം സൂ​പ്പു​ണ്ടാ​യി​രു​ന്നു. അ​തു ഞ​ങ്ങ​ളെ സ​ന്തോ​ഷി​പ്പി​ച്ചു.

ട്രെ​യി​ല​റി​നു ന​ല്ല ഭാ​ര​മു​ണ്ട്. ചെ​രു​വ​ങ്ങ​ളി​ൽ​നി​ന്ന് അ​ധി​കം തു​ളു​ന്പി​പ്പോ​കാ​തെ നോ​ക്ക​ണം. അ​ല്ലെ​ങ്കി​ൽ ഞ​ങ്ങ​ൾ​ക്കു ന​ല്ല ത​ല്ലു​കി​ട്ടും.

****
കോ​ണ്‍​സ​ൻ​ട്രേ​ഷ​ൻ ക്യാ​ന്പി​നു​ചു​റ്റും ച​തു​പ്പു​നി​ല​മാ​ണ്. അ​തി​ലെ​യാ​ണ് ഞ​ങ്ങ​ൾ ട്രെ​യി​ല​ർ കൊ​ണ്ടു​പോ​കേ​ണ്ട​ത്.ഒ​ടു​വി​ൽ, ത​ക​ർ​ന്ന​ടി​ഞ്ഞ് ഞ​ങ്ങ​ൾ പു​തി​യ പ്രേ​ട്സി​ഫി​ക്സ് ഫാ​ക്ട​റി​യി​ലെ​ത്തി. അ​വി​ടെ​വ​ച്ചാ​ണ് ഞ​ങ്ങ​ൾ ഭ​ക്ഷ​ണം ക​ഴി​ക്കു​ന്ന​ത്. സൂ​പ്പി​ൽ കൂ​ടു​ത​ലും വെ​ള്ള​മാ​ണ്. വ​യ​ർ നി​റ​യ്ക്കാ​ൻ അ​താ​യാ​ലും മ​തി.

കാ​വ​ൽ​ക്കാ​ർ​ക്ക് കൂ​ടു​ത​ൽ അ​ള​വി​ലും ഗു​ണ​ത്തി​ലും ഭ​ക്ഷ​ണ​മു​ണ്ട്. മി​ച്ചം വ​ന്ന​ത് അ​വ​ർ മു​ഖ്യ​ത​ട​വു​കാ​ര​നു കൊ​ടു​ത്തു. കാ​ര​ണം അ​യാ​ളാ​ണു ഞ​ങ്ങ​ളു​ടെ മു​ഖ്യ ചു​മ​ത​ല​ക്കാ​ര​ൻ. അ​യാ​ൾ ക​ല്പി​ക്കു​ന്നി​ട​ത്തേ​ക്കു ഞ​ങ്ങ​ളും പി​ന്നാ​ലെ കാ​വ​ൽ​ക്കാ​രും വ​ര​ണം. ഞ​ങ്ങ​ൾ കു​റ​ച്ചു ജോ​ലി ചെ​യ്താ​ൽ അ​വ​രും കു​റ​ച്ചു ജോ​ലി ചെ​യ്താ​ൽ മ​തി! മു​ഖ്യ ചു​മ​ത​ല​ക്കാ​ര​ൻ ജോ​ലി​യി​ൽ വീ​ഴ്ച​വ​രു​ത്തി​യാ​ൽ അ​യാ​ൾ അ​പ​ക​ട​ത്തി​ൽ​പ്പെ​ടും. അ​തു​കൊ​ണ്ട് കാ​വ​ൽ​ക്കാ​ർ അ​യാ​ൾ​ക്ക് ഉ​രു​ള​ക്കി​ഴ​ങ്ങും ഇ​റ​ച്ചി​യും കൊ​ടു​ക്കും!
(തുടരും)

ഫാ. ​ജീ​ൻ ബെ​ർ​നാ​ർ​ഡ്

പരിഭാക്ഷ: ഡോ.വർഗീസ് പുളിമരം





Copyright @ 2021 , Rashtra Deepika Ltd.