കു​ർ​ബാ​ന​യി​ലെ പ്രാ​ർ​ഥ​ന​ക​ൾ​ക്കും സു​റി​യാ​നി ഈ​ണം
സീ​റോ മ​ല​ബാ​ർ സ​ഭ​യി​ലെ വി​ശു​ദ്ധ കു​ർ​ബാ​ന പ്രാ​ർ​ഥ​ന​ക​ൾ​ക്കും ഗാ​ന​ങ്ങ​ളി​ലേ​തു​പോ​ലെ മ​ൽ​പാ​ൻ റ​വ.​ഡോ. മാ​ത്യു വെ​ള്ളാ​നി​ക്ക​ൽ സു​റി​യാ​നി ത​നി​മ​യി​ൽ ഈ​ണം (ചാ​ന്‍റ്) പ​ക​ർ​ന്നു. ബി​ഷ​പ്പു​മാ​രു​ടെ നി​ർ​ദേ​ശ​ത്തി​ൽ ദീ​ർ​ഘ​കാ​ല​ത്തെ സ​മ​ർ​പ്പി​ത​മാ​യ ശ്ര​മ​ത്തി​ലാ​ണ് പ്ര​മു​ഖ ദൈ​വ​ശാ​സ്ത്ര​ജ്ഞ​നും സെ​മി​നാ​രി പ്ര​ഫ​സ​റും സു​റി​യാ​നി പ​ണ്ഡി​ത​നു​മാ​യ വെ​ള്ളാനിക്ക​ല​ച്ച​ൻ ഗ​ദ്യ​രൂ​പ​ത്തി​ലു​ള്ള പ്രാ​ർ​ഥ​ന​ക​ൾ സു​റി​യാ​നി ഈ​ണ​ത്തി​ൽ ചാ​ന്‍റു​ക​ളാ​യി ഒ​രു​ക്കി​യി​രി​ക്കു​ന്ന​ത്.

കു​ർ​ബാ​ന​യി​ലെ എ​ല്ലാ പ്രാ​ർ​ഥ​ന​ക​ളുംഅ​ർ​ഥ​വും ത​നി​മ​യും ഭ​ക്തി​യും ന​ഷ്ട​പ്പെ​ടു​ത്താ​തെ ആ​ല​പി​ക്കാ​ൻ സാ​ധി​ക്കും വി​ധ​മു​ള്ള​താ​ണ് ചാ​ന്‍റു​ക​ൾ. ഗ​ദ്യം ആ​ലാ​പ​ന​മാ​യി അ​ർ​പ്പി​ക്കാ​ൻ സാ​ധി​ക്കു​ന്ന ആ​രാ​ധ​ന​ക്ര​മ ശൈ​ലി​യാ​ണ് ചാ​ന്‍റ്. കു​ർ​ബാ​ന ഗീ​ത​ങ്ങ​ൾ​പോ​ലെ പ്രാ​ർ​ഥ​നാ ചാ​ന്‍റു​ക​ളും ആ​ത്മീ​യ​മാ​യ അ​നു​ഭൂ​തി പ​ക​രു​ന്നു.

സീ​റോ​മ​ല​ബാ​ർ സ​ഭ​യി​ൽ മു​ൻ​കാ​ല​ത്തു​ണ്ടാ​യി​രു​ന്ന സു​റി​യാ​നി കു​ർ​ബാ​ന​ക്ര​മം മ​ല​യാ​ള​ത്തി​ലാ​ക്കാ​നു​ള്ള ന​ട​പ​ടി​ക​ൾ 1962ലാ​ണ് തു​ട​ങ്ങി​യ​ത്. ര​ണ്ടാം വ​ത്തി​ക്കാ​ൻ കൗ​ണ്‍​സി​ലി​ലു​ണ്ടാ​യ പൊ​തു​നി​ർ​ദേ​ശ​മാ​യി​രു​ന്നു ആ​രാ​ധ​നാ ക്ര​മം പ്രാ​ദേ​ശി​ക ഭാ​ഷ​യി​ലേ​ക്ക് മാ​റ്റു​ക​യെ​ന്ന​ത്. ഇ​ത​നു​സ​രി​ച്ച് വി​വി​ധ സ​ഭ​ക​ളി​ൽ എ​ന്ന​തു​പോ​ലെ സീ​റോ മ​ല​ബാ​ർ സ​ഭാ കു​ർ​ബാ​ന​യും ഇ​ത​ര​തി​രു​ക്ക​ർ​മ​ങ്ങ​ളും സു​റി​യാ​നി​യി​ൽനി​ന്ന് മ​ല​യാ​ള​ത്തി​ലേ​ക്ക് മാ​റ്റി​ത്തു​ട​ങ്ങു​ക​യും ഘ​ട്ട​ങ്ങ​ളി​ലാ​യി 1968 ൽ ​പൂ​ർ​ത്തി​യാ​ക്കു​ക​യും ചെ​യ്തു.

സു​റി​യാ​നി ഭാ​ഷ​യി​ലെ തി​രു​ക്ക​ർ​മ​ങ്ങ​ളി​ലെ​ല്ലാം ഗ​ദ്യ​ത്തി​ലു​ള്ള പ്രാ​ർ​ഥ​ന​ക​ൾ​ക്കും ആ​ലാ​പ​ന​രീ​തി​യാ​ണ് അ​നു​വ​ർ​ത്തി​ച്ചു​പോ​ന്ന​ത്. ഇ​ത് മ​ല​യാ​ള​ത്തി​ലാ​യ​പ്പോ​ൾ ഗീ​ത​ങ്ങ​ൾ ഏ​റെ​യും സു​റി​യാ​നി ഈ​ണ​ത്തി​ൽ തു​ട​ർ​ന്നു. എ​ന്നാ​ൽ പ്രാ​ർ​ഥ​ന​കളി​ൽ സു​റി​യാ​നി ഈ​ണം ഒ​ഴി​വാ​ക്കി​യെ​ന്നു മാ​ത്ര​മ​ല്ല ഗ​ദ്യ​പ്രാ​ർ​ഥ​ന​ക​ൾ ചൊ​ല്ലു​ന്ന​തി​ൽ ത​ന​താ​യി ഒ​രു രീ​തി​യും ഇ​ല്ലാ​താ​യി.

ഗീ​ത​ങ്ങ​ൾ​ക്ക് പൊ​തു​വാ​യി സു​റി​യാ​നി ഈ​ണ​മാ​ണെ​ങ്കി​ലും അ​തി​ന്‍റെ ആ​ലാ​പ​ന​ങ്ങ​ളി​ൽ ഏ​കീ​കൃ​ത​മാ​യ ഘ​ട​ന​യും രീ​തി​യും ഭാ​വ​വും ഇ​പ്പോ​ഴും നി​ല​വി​ല്ല. പൗ​ര​സ്ത്യ​സു​റി​യാ​നി രീ​തി​യി​ലെ ആ​ലാ​പ​ന​ങ്ങ​ൾ​ക്ക് പൊ​തു​വാ​യു​ണ്ടാ​യി​രു​ന്ന ഈ​ണം മ​ല​യാ​ള​ത്തി​ലാ​യ​പ്പോ​ൾ പാ​ര​ന്പ​ര്യ​ത്തി​ൽനി​ന്നു വ്യ​ത്യ​സ്ത ശൈ​ലി​ക​ളി​ലേ​ക്കു മാ​റി. കു​ർ​ബാ​ന​യ​ർ​പ്പ​ണ​ത്തി​ന്‍റെ ഈ​ണ​ത്തി​ന് ഏ​കീ​കൃ​ത​രീ​തി ഇ​ല്ലാ​തെ വ​രു​ന്പോ​ൾ അ​ത് ഗാ​യ​ക​സം​ഘ​ത്തി​നു മാ​ത്രം പാ​ടാ​ൻ പ​റ്റു​ക​യും സ​മൂ​ഹം ബ​ലി​യി​ൽ പ​ങ്കാ​ളി​ത്ത​മി​ല്ലാ​തെ നി​ൽ​ക്കു​ക​യും ചെ​യ്യേ​ണ്ടി​വ​രു​ന്ന സാ​ഹ​ച​ര്യ​ത്തി​നു മാ​റ്റ​മാ​ണ് മ​ൽ​പാ​ൻ റ​വ.​ഡോ മാ​ത്യു വെ​ള്ളാ​നി​ക്ക​ലി​ന്‍റെ ഈ ​ഉ​ദ്യ​മം.

ര​ണ്ടാം വ​ത്തി​ക്കാ​ൻ കൗ​ണ്‍​സി​ൽ നി​ർ​ദേ​ശി​ക്കു​ന്ന​ത് ആ​രാ​ധ​ന​ക​ളി​ൽ സം​ഗീ​ത ഉ​പ​ക​ര​ണ​ങ്ങ​ളു​ടെ ശ​ബ്ദ​വും പ്രാ​ർ​ഥ​ന​ക​ളു​ടെ ശ​ബ്ദ​വും 30:70 അ​നു​പാ​ത​ത്തി​ൽ ആ​യി​രി​ക്ക​ണ​മെ​ന്നാ​ണ്. പ​ല​പ്പോ​ഴും നൂ​ത​ന ഉ​പ​ക​ര​ണ​ങ്ങ​ളി​ൾ റി​ക്കാ​ർ​ഡ് ചെ​യ്തി​രി​ക്കു​ന്ന മ്യൂ​സി​ക് പ്രാ​ർ​ഥ​ന​ക​ളു​ടെ ശ​ബ്ദ​ത്തേ​ക്കാ​ൾ ഏ​റെ ഉ​യ​ർ​ന്ന​താ​ണ്. സ​മൂ​ഹ​ത്തി​നെ ആ​ലാ​പ​ന​ത്തി​ൽ സ​ഹാ​യി​ക്കു​ക എ​ന്ന​താ​ണ് ഗാ​യ​ക​സം​ഘ​ത്തി​ന്‍റെ ദൗ​ത്യം എ​ന്ന​ത് വി​സ്മ​രി​ക്ക​പ്പെ​ട്ടു. ദൈ​വ​ത്തെ​യും മ​നു​ഷ്യ​രെ​യും പ​രസ്പ​രം ഒ​ന്നി​പ്പി​ക്കു​ന്ന കു​ർ​ബാ​ന അ​നു​ഭ​വം കു​ടും​ബ അ​നു​ഭ​വ​മാ​യ​തി​നാ​ൽ എ​ല്ലാ​വ​ർ​ക്കും ഒ​ന്നു​പോ​ലെ പ​ങ്കാ​ളി​ത്ത​മു​ണ്ടാ​ക​ണം. സ​ഭ​യു​ടെ ഐ​ക്യ​ത്തി​നും അ​ത് സ​ഹാ​യി​ക്കും. അ​ർ​പ്പ​ണ​ത്തി​ന്‍റെ ചൈ​ത​ന്യ​വും ഭ​ക്തി​യും കു​റ​യ്ക്കുംവി​ധം ഉ​പ​ക​ര​ണ ശ​ബ്ദം അ​ധി​ക​രി​ക്കു​ന്പോ​ൾ പ​ങ്കാ​ളി​ത്തം പ്രാ​ർ​ഥ​ന​ക​ളി​ൽ കു​റ​യും- വെ​ള്ളാ​നി​ക്ക​ല​ച്ച​ൻ അ​ഭി​പ്രാ​യ​പ്പെ​ട്ടു.

കാ​ർ​മി​ക​നൊ​പ്പം വി​ശ്വാ​സി​കൾ ഒ​ന്ന​ട​ങ്കം അ​ർ​പ്പി​ക്കു​ന്ന ആ​ഘോ​ഷ​മാ​ണ് കു​ർ​ബാ​ന എ​ന്ന​തി​നാ​ൽ എ​ല്ലാ​വ​രു​ടെ​യും പ​ങ്കാ​ളി​ത്ത​മു​ണ്ടാ​വ​ണം. കു​ർ​ബാ​ന​യി​ലെ ഓ​രോ വാ​ക്കി​ന്‍റെ​യും അ​ർ​ഥ​വും ത​നി​മ​യും ന​ഷ്ട​പ്പെ​ടാ​തെ ഭ​ക്തി​യോ​ടെ ഘോ​ഷി​ക്ക​പ്പെ​ടാ​ൻ ആ​ലാ​പ​ന രീ​തി സ​ഹാ​യ​ക​ര​മാ​ണ്.

റ​വ.​ഡോ വെ​ള്ളാ​നി​ക്ക​ൽ കു​ർ​ബാ​ന​ക്ര​മ​ത്തി​ലെ പ്രാ​ർ​ഥ​ന​ക​ൾ​ക്ക് സു​റി​യാ​നി ചാ​ന്‍റ് ത​യാ​റാ​ക്കു​ക​യും 2011ൽ ​സീ​റോ മ​ല​ബാ​ർ സ​ഭാ ലി​റ്റ​ർ​ജി​ക്ക​ൽ ക​മ്മീ​ഷ​നും തു​ട​ർ​ന്ന് സി​ന​ഡും ഇ​തി​ന് അം​ഗീ​കാ​രം ന​ൽ​കുകയും ചെയ്തു. റ​വ.​ഡോ. മാ​ത്യു വെ​ള്ളാ​നി​ക്ക​ലി​നൊ​പ്പം സം​ഗീ​ത​ജ്ഞ​ൻ പി​.ജെ. ആ​ന്‍റ​ണി​യും ചേ​ർ​ന്ന് ആ​ലാ​പ​ന​ത്തി​ന് ഉ​ത​കു​ന്ന സ്വ​ര​ചി​ഹ്ന​ങ്ങ​ളും ത​യാ​റാ​ക്കി​യി​ട്ടു​ണ്ട്. ഫാ. ​ജോ​സ​ഫ് പ​ത്തി​ലി​ന്‍റെ നേ​തൃ​ത്വ​ത്തി​ൽ ഗാ​യ​ക​സം​ഘ​ത്തെ പ​രി​ശീ​ലി​പ്പി​ച്ച് ആ​ലാ​പ​ന​രീ​തി​യി​ലെ വി​ശു​ദ്ധ കു​ർ​ബാ​ന സി​ന​ഡി​ൽ അ​ർ​പ്പി​ക്കു​ക​യും ചെ​യ്തു.

നി​ല​വി​ലെ കു​ർ​ബാ​ന​ക്ര​മ​ത്തി​ൽ​നി​ന്നും ഈ ​ക്ര​മ​ത്തി​ന് അ​ഞ്ചു മി​നി​റ്റി​ൽ കൂ​ടു​ത​ൽ ദൈ​ർ​ഘ്യം വ​രി​ല്ലെ​ന്ന് റ​വ. ഡോ. ​വെ​ള്ളാ​നി​ക്ക​ൽ പ​റ​ഞ്ഞു. പ​ഴ​യ​നി​യ​മ വാ​യ​ന​ക​ൾ ഉ​ൾ​പ്പെ​ടെ ആ​ഘോ​ഷ​മാ​യ കു​ർ​ബാ​ന​യാ​ണെ​ങ്കി​ൽ അ​ത​നു​സ​രി​ച്ചു​ള്ള സ​മ​യ​വ്യ​ത്യാ​സം വ​രും.

ആ​രാ​ധ​നാ​ക്ര​മ​ത്തി​ന്‍റെ പ്ര​ധാ​ന ദൗ​ത്യം ജ​ന​ത്തെ ഒ​രു​മി​പ്പി​ക്കു​ക എ​ന്ന​താ​ണ്. അ​വ​ർ ഏ​ക​സ്വ​ര​ത്തി​ലും സ്നേ​ഹ​ത്തി​ലും ഹൃ​ദ​യ ഐ​ക്യ​ത്തി​ലും ആ​രാ​ധ​ന​യി​ൽ ഒ​ന്നാ​യി​ത്തീ​ര​ണം. ദൈ​വ​വു​മാ​യു​ള്ള സം​ഭാ​ഷ​ണ​മാ​ണ് വി​ശു​ദ്ധ ബ​ലി​യ​ർ​പ്പ​ണം. വൈ​ദി​ക​ർ മാ​ത്ര​മ​ല്ല ശു​ശ്രൂ​ഷി​ക​ൾ ചൊ​ല്ലേ​ണ്ട പ്രാ​ർ​ഥ​ന​ക​ൾ​ക്കും ചാ​ന്‍റു​ക​ൾ ത​യാ​റാ​ക്കി​യി​ട്ടു​ണ്ട്.

മ​ൽ​പാ​ൻ റ​വ.​ഡോ. മാത്യു ​വെ​ള്ളാ​നി​ക്ക​ൽ

പ്ര​മു​ഖ ബൈ​ബി​ൾ പ​ണ്ഡി​ത​നാ​യ മ​ൽ​പാ​ൻ റ​വ. ഡോ. ​മാ​ത്യു വെ​ള്ളാ​നി​ക്ക​ൽ (87) വ​ട​വാ​തൂ​ർ സെ​ന്‍റ് തോ​മ​സ് അ​പ്പ​സ്തോ​ലി​ക് സെ​മി​നാ​രി​യി​ൽ 30 വ​ർ​ഷം പ്ര​ഫ​സ​റാ​യി​രു​ന്നു. റോ​മി​ലെ ബി​ബ്ലി​ക്ക​ൽ ഇ​ൻ​സ്റ്റി​റ്റ്യൂ​ട്ടി​ൽ​നി​ന്ന് ബൈ​ബി​ൾ വി​ജ്ഞാ​നീ​യ​ത്തി​ൽ ഡോ​ക്ട​റേ​റ്റു നേ​ടി. പൗ​ര​സ്ത്യ വി​ദ്യാ​പീ​ഠം പ്ര​സി​ഡ​ന്‍റ്, കാ​ത്ത​ലി​ക് ബി​ബ്ലി​ക്ക​ൽ അ​സോ​സി​യേ​ഷ​ൻ അം​ഗം, പൊന്തിഫിക്കൽ ബിബ്ലിക്കൻ കമ്മീഷൻ അംഗം, വത്തിക്കാനിലെ പൗ​ര​സ്ത്യ തി​രു​സം​ഘം ക​ണ്‍​സ​ൾ​ട്ട​ർ, എ​ക്യു​മെ​നി​ക്ക​ൽ ഡ​യ​ലോ​ഗ് ക​മ്മീ​ഷ​ൻ അം​ഗം, ച​ങ്ങ​നാ​ശേ​രി അ​തി​രൂ​പ​ത പ്രോ​ട്ടോ സി​ഞ്ചെ​ള്ളൂ​സ്, മാ​ങ്ങാ​നം സ്പി​രി​ച്വാ​ലി​റ്റി സെ​ന്‍റ​ർ ഡ​യ​റ​ക്ട​ർ തു​ട​ങ്ങി വി​വി​ധ ത​ല​ങ്ങ​ളി​ൽ സേ​വ​ന​മ​നു​ഷ്ഠി​ച്ചി​ട്ടു​ണ്ട്.

റെജി ജോസഫ്


Copyright @ 2022 , Rashtra Deepika Ltd.