വിജയന് വീട് അക്ഷരനിധി
പു​സ്ത​ക​ങ്ങ​ളാ​ണ് സ​ന്പ​ത്ത്. അ​റി​വാ​ണ് ജീ​വി​തം. കാ​ന​റ ബാ​ങ്ക് മു​ൻ ഉ​ദ്യോഗ​സ്ഥ​ൻ തൊ​ടു​പു​ഴ മ​ണ​ക്കാ​ട് മു​ക്കു​റ്റി​യി​ൽ എ​ൻ. വി​ജ​യ​ൻ വി​ജ്ഞാ​ന​സ​ന്പാ​ദ​ന​ത്തി​ന്‍റെ ത​പ​സ്യ​യി​ലാ​ണ്. ഇ​ദ്ദേ​ഹ​ത്തി​നു വാ​യ​ന​പ്പു​ര​യി​ൽ സ്വ​ന്ത​മാ​യു​ള്ള​ത് 11,000 വി​ല​പ്പെ​ട്ട ഗ്ര​ന്ഥ​ങ്ങ​ൾ.

മ​ല​യാ​ളം ലി​പി ആ​ദ്യ​മാ​യി ഉ​പ​യോ​ഗി​ച്ച ഡ​ച്ച് ഗ​വ​ർ​ണ​ർ വാ​ൻ റീ​ഡി​ന്‍റെ ഫോ​ർ​ത്തൂ​സ് ഇ​ന്തി​ക്കൂ​സ് മ​ല​ബാ​റി​ക്കൂ​സി​ന്‍റെ 12 വാ​ല്യ​ങ്ങ​ളും ശേ​ഖ​ര​ത്തി​ലു​ണ്ട്.

കേ​ര​ള​ത്തി​ൽ ക​ണ്ടെ​ത്തി​യ 742 ചെ​ടി​ക​ളു​ടെ​യും വൃ​ക്ഷ​ങ്ങ​ളു​ടെ​യും വി​വ​ര​ണ​ങ്ങ​ളാ​ണ് ഉ​ള്ള​ട​ക്കം. റ​ഷ്യ​ൻ സാ​ഹി​ത്യ​കാ​ര​ൻ മി​ഖാ​യേ​ൽ ഷൊ​ളോ​ക്കോ​വി​ന്‍റെ ഡോ​ണ്‍ ശാ​ന്ത​മാ​യി ഒ​ഴു​കു​ന്നു, ലി​യോ ടോ​ൾ സ്റ്റോ​യി​യു​ടെ യു​ദ്ധ​വും സ​മാ​ധാ​ന​വും, വി​ക്ട​ർ ഹ്യൂ​ഗോ​യു​ടെ പാ​വ​ങ്ങ​ൾ, ജോ​ണ്‍ മി​ൽ​ട്ട​ന്‍റെ പാ​ര​ഡൈ​സ് ലോ​സ്റ്റ്, കൗ​ട​ല്യ​ന്‍റെ അ​ർ​ത്ഥ​ശാ​സ്ത്രം തു​ട​ങ്ങി​യ​വ​യൊ​ക്കെ പു​സ്ത​ക​നി​ര​യി​ലു​ണ്ട്.

പു​സ്ത​കം ക​രു​ത​ലാ​ക്കു​ന്ന ശീ​ലം വി​ജ​യ​ൻ ഒ​ന്നാം​ക്ലാ​സി​ൽ ആ​രം​ഭി​ച്ച​താ​ണ്. സ്കൂ​ൾ പാ​ഠ​പു​സ്ത​ക​ങ്ങ​ളി​ൽ ഭൂ​രി​ഭാ​ഗ​വും ഇ​ന്നും ഭ​ദ്ര​മാ​യി സൂ​ക്ഷി​ക്കു​ന്നു.

ഒമർ ഖയ്യാമിന്‍റെ റൂ​ബാ​യാ​ത്ത് ഓ​ഫ് ഓ​മ​ർ​ഖ​യാം എ​ന്ന പ്ര​സി​ദ്ധ​മാ​യ പേ​ർ​ഷ്യ​ൻ ക​വി​താ​സ​മാ​ഹാ​രം, എഡ്‌വാർഡ് ഫിറ്റ്സ് ജെറാൾഡ് ഇം​ഗ്ലീ​ഷി​ലേ​ക്ക് ത​ർ​ജ​മ ചെ​യ്ത​പ്പോ​ൾ ഇ​ത് പു​സ്ത​കം സ്വ​ന്ത​മാ​ക്ക​ണ​മെ​ന്ന ആ​ഗ്ര​ഹം ക​ല​ശ​ലാ​യി. അ​ന്ന് മൂ​വാ​റ്റു​പു​ഴ നി​ർ​മ​ല കോ​ള​ജി​ൽ എം​എ​യ്ക്ക് പ​ഠി​ക്കു​ന്പോ​ൾ എ​റ​ണാ​കു​ള​ത്തി​ന് പോ​കേ​ണ്ട സാ​ഹ​ച​ര്യ​മു​ണ്ടാ​യി. ബു​ക്ക്സ്റ്റാ​ളി​ൽ ക​യ​റി വ​ണ്ടി​ക്കൂ​ലി​ക്കു​ള്ള പ​ണം ന​ൽ​കി പു​സ്ത​കം വാ​ങ്ങി തി​രി​കെ മൂ​വാ​റ്റു​പു​ഴ വ​രെ ന​ട​ന്ന​ത് അ​ക്ഷ​ര​സ്നേ​ഹം ഒ​ന്നു​കൊ​ണ്ടു​മാ​ത്രം.

ചെ​റു​പ്പ​ത്തി​ൽ തെ​ങ്ങോ​ല മെ​ട​ഞ്ഞ് വി​റ്റു ല​ഭി​ക്കു​ന്ന പ​ണ​ത്തി​ന് പു​സ്ത​ക​ങ്ങ​ൾ വാ​ങ്ങി​യ കാ​ല​വു​മു​ണ്ട്. വാ​യി​ക്കു​ന്ന ഓ​രോ പു​സ്ത​ക​ത്തി​ലെ​യും സം​ഭ​വ​ങ്ങ​ൾ, തീ​യ​തി എ​ന്നി​വ അ​ട​യാ​ള​പ്പെ​ടു​ത്തി​യും മ​റ്റൊ​രു ബു​ക്കി​ൽ എ​ഴു​തി​യും സൂ​ക്ഷി​ക്കും. യൂ​ണി​വേ​ഴ്സി​റ്റി വി​ദ്യാ​ർ​ഥി​ക​ൾ മു​ത​ൽ ഗ​വേ​ഷ​ക​ർ ​വ​രെ വി​ജ​യ​ന്‍റെ പു​സ്ത​ക​ശേ​ഖ​രം പ​ര​താ​ൻ എ​ത്തു​ന്നു. പ്ര​പ​ഞ്ച വി​ജ്ഞാ​ന​ത്തെ​ക്കു​റി​ച്ചു​ള്ള ശാ​സ്ത്ര​ശാ​ഖ​യാ​യ കോ​സ്മോ​ള​ജി​യി​ൽ പ​ഠ​നം ന​ട​ത്തു​ന്ന വി​ജ​യ​ൻ പ​ഠ​ന ഭാ​ഗ​മാ​യി ഒ​ൻ​പ​തു ത​വ​ണ ഹി​മാ​ല​യ​വും പ​ല വി​ദേ​ശ​രാ​ജ്യ​ങ്ങ​ളും സ​ന്ദ​ർ​ശി​ച്ചി​ട്ടു​ണ്ട്. ഭാ​ര്യ ഇ.​എ​ൻ.​ ഓ​മ​ന സി​വി​ൽ​സ​പ്ലൈ​സ് വ​കു​പ്പ് റി​ട്ട ഉ​ദ്യോ​ഗ​സ്ഥ​യാ​ണ്. ബം​ഗ​ളൂ​രു​വി​ൽ എ​ൻ​ജി​നി​യ​റിം​ഗ് അ​ധ്യാ​പി​ക​യാ​യ ആ​ൽ​ഫ, അ​ഞ്ച​ര​ക്ക​ണ്ടി ഗ​വ.​ആ​ശു​പ​ത്രി​യി​ലെ ഡോ. ​വോ​ൾ​ഗ എ​ന്നി​വ​രാ​ണ് മ​ക്ക​ൾ.

ജെ​യ്സ് വാ​ട്ട​പ്പ​ള്ളി​ൽ


Copyright @ 2022 , Rashtra Deepika Ltd.