ച​രി​ത്രസ്മൃ​തി​യി​ലേ​ക്ക് പൗ​രാ​ണി​ക മ​ന്ദി​രം
ഇ​ന്ത്യ​ൻ ജ​നാ​ധി​പ​ത്യ​ച​രി​ത്ര​ത്തി​ൽ 94 വ​ർ​ഷം ത​ല​യെ​ടു​പ്പോ​ടെ നി​ല​കൊ​ണ്ട​ശേ​ഷ​മാ​ണ് പാ​ർ​ല​മെ​ന്‍റ് മ​ന്ദി​രം ഇ​നി മ​ഹ​ത്താ​യ സ്മൃ​തി​മ​ന്ദി​ര​മാ​കാ​ൻ ഒ​രു​ങ്ങു​ന്ന​ത്. സ്വാത​ന്ത്ര്യാ​ന​ന്ത​ര ഇ​ന്ത്യ​യി​ൽ ഭ​ര​ണ​മാ​റ്റ​ങ്ങ​ളു​ടെ തു​ട​ർ​ച്ച​ക​ൾ​ക്കും ഇ​ട​ർ​ച്ച​ക​ൾ​ക്കും സാ​ക്ഷ്യം വ​ഹി​ച്ച ജ​നാ​ധി​പ​ത്യ​ത്തി​ന്‍റെ ശ്രീ​കോ​വി​ൽ. ലോ​ക​രാ​ജ്യ​ങ്ങ​ളും നേ​താ​ക്ക​ളും അ​തി​ശ​യ​ത്തോ​ടെ വീ​ക്ഷി​ക്കു​ന്ന വാ​സ്തു​വി​ദ്യാ​വി​സ്മ​യം കൂ​ടി​യാ​ണ് ഇ​ന്ത്യ​ൻ പാ​ർ​ല​മെ​ന്‍റ് മ​ന്ദി​രം. ഏ​റ്റ​വും വ​ലി​യ ജ​നാ​ധി​പ​ത്യ രാ​ജ്യ​ങ്ങ​ളി​ലൊ​ന്നാ​യ ഭാ​ര​തത്തി​ന്‍റെ പെ​രു​മ​യും പ്രൗ​ഢി​യും വി​ളി​ച്ചോ​തു​ന്ന​താ​ണ് ലോ​ക്സ​ഭ​യും രാ​ജ്യ​സ​ഭ​യും ഉ​ൾ​ക്കൊ​ള്ളു​ന്ന പാ​ർ​ല​മെ​ന്‍റ് മ​ന്ദി​ര​ത്തി​ന്‍റെ ആ​കൃ​തി​യും പ്ര​കൃ​തി​യും.

നി​ല​വി​ൽ പു​തി​യ പാ​ർ​ല​മെ​ന്‍റ് മ​ന്ദി​ര​ത്തി​ന്‍റെ നി​ർ​മാ​ണ​ത്തി​ന് വ​ഴി​യൊ​രു​ക്കി​യ സ്ഥ​ല​പ​രി​മി​തി പ്ര​ശ്നം ത​ന്നെ​യാ​ണ് നി​ല​വി​ലെ പാ​ർ​ല​മെ​ന്‍റ് മ​ന്ദി​ര​ത്തി​ന്‍റെ​യും നി​ർ​മാ​ണ​ത്തി​ന് വ​ഴി തെ​ളി​ച്ച​ത്. 1919ൽ ​ഡ​ൽ​ഹി​യി​ലെ ബ്രി​ട്ടീ​ഷ് ഭ​ര​ണാ​ധി​കാ​രി​ക​ളാ​ണ് ത​ല​സ്ഥാ​ന​ത്തി​ന്‍റെ രൂ​പ​രേ​ഖ അ​ടി​മു​ടി പൊ​ളി​ച്ചെ​ഴു​താ​ൻ തീ​രു​മാ​നി​ക്കു​ന്ന​ത്. അ​തി​നു മു​ൻ​പ് 1913ൽ ത​ന്നെ ഇ​പ്പോ​ഴ​ത്തെ രാ​ഷ്‌ട്രപ​തിഭ​വ​നാ​യ അ​ന്ന​ത്തെ ഗ​വ​ർ​ണ​ർ ജ​ന​റ​ലി​ന്‍റെ വ​സ​തി ഉ​ൾ​പ്പെടെയു​ള്ള​വ​യു​ടെ രൂ​പ​രേ​ഖ ത​യാ​റാ​യി​രു​ന്നു. എ​ന്നാ​ൽ, അ​ക്കാ​ല​ത്തെ ലെ​ജി​സ്ലേ​റ്റീ​വ് കൗ​ണ്‍​സി​ൽ എ​ല്ലാ അം​ഗ​ങ്ങ​ളെ​യും ഉ​ൾ​ക്കൊ​ള്ളാ​നാ​കാ​ത്ത വി​ധം തീ​രെ ചെ​റു​താ​യി​രു​ന്നു. മാ​ത്ര​മ​ല്ല വേ​ന​ൽ​ക്കാ​ല​ങ്ങ​ളി​ൽ കൗ​ണ്‍​സി​ൽ സ​മ്മേ​ള​നം ഷിം​ല​യി​ലും ശീ​ത​കാ​ല​ത്ത് ഇ​ന്ന​ത്തെ ഡ​ൽ​ഹി സെ​ക്ര​ട്ടേറിയറ്റി​ലു​മാ​ണ് ന​ട​ത്തി​യി​രു​ന്ന​ത്. അ​ക്കാ​ല​ത്ത് ഈ ​മ​ന്ദി​രം സ​ർ​ക്കാ​രി​ന്‍റെ സെ​ക്രട്ടേറിയറ്റാ​യും പ്ര​വ​ർ​ത്തി​ച്ചി​രു​ന്നു.
1918ലെ ​മൊ​ണ്ടാ​ഗു-​ചെം​സ്ഫോ​ർ​ഡ് പ​രി​ഷ്കാ​ര​ത്തി​നുശേ​ഷം ദ്വി​സ​ഭാ സം​വി​ധാ​നം നി​ല​വി​ൽ വ​ന്ന​തോ​ടെ കൂ​ടു​ത​ൽ സ്ഥ​ല​സൗ​ക​ര്യം ക​ണ്ടെ​ത്തേ​ണ്ട​താ​യി വ​ന്നു. 140 അം​ഗ​ങ്ങ​ളെ ഉ​ൾ​ക്കൊ​ള്ളു​ന്ന പു​തി​യ മ​ന്ദി​രം ആ​വ​ശ്യ​മാ​യ​പ്പോ​ൾ അ​ന്ന​ത്തെ ഭ​ര​ണ​സ​മി​തി ര​ണ്ടു നി​ർ​ദേ​ശ​ങ്ങ​ളാ​ണു മു​ന്നോ​ട്ടു വ​ച്ച​ത്. എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന വി​ധം ഒ​രു വ​ലി​യ പ​ന്ത​ൽ സ​മ്മേ​ള​ന​കാ​ല​ത്ത് നി​ർ​മി​ക്കു​ക. അ​ല്ലെ​ങ്കി​ൽ കൂ​ടു​ത​ൽ സ്ഥ​ല സൗ​ക​ര്യ​ങ്ങ​ളോ​ടെ പു​തി​യ മ​ന്ദി​രം നി​ർ​മി​ക്കു​ക. സ്വാ​ഭാ​വി​ക​മാ​യും ആ​ദ്യ​ത്തെ നി​ർ​ദേ​ശം ത​ള്ള​പ്പെ​ട്ടു. അ​ങ്ങ​നെ​യാ​ണ് 1921ൽ ​ആ​ദ്യ​ത്തെ സെ​ൻ​ട്ര​ൽ ലെ​ജി​സ്ലേറ്റീ​വ് കൗ​ണ്‍​സി​ൽ നി​ർ​മി​ക്കു​ന്ന​ത്.

ച​രി​ത്ര ശി​ൽ​പി​ക​ൾ

ഇ​തേ​സ​മ​യം, ഡ​ൽ​ഹി​യു​ടെ ശി​ൽ​പി​ക​ൾ എ​ന്ന​റി​യ​പ്പെ​ട്ടി​രു​ന്ന സ​ർ എ​ഡ്വി​ൻ ല്യൂ​ട്ട​നും ഹെ​ർ​ബെ​ർ​ട്ട് ബേ​ക്ക​റും ഹൗ​സ് ഓ​ഫ് ലെ​ജി​സ്ലേച്ച​റി​നു​വേ​ണ്ടി ഒ​രു സ്ഥി​രം മ​ന്ദി​രം വേ​ണ​മെ​ന്ന വാ​ദ​ത്തി​ലാ​യി​രു​ന്നു. ബേ​ക്ക​ർ ത്രി​കോ​ണാ​കൃ​തി​യു​ള്ള രൂ​പ​രേ​ഖ മു​ന്നോ​ട്ടുവ​ച്ച​പ്പോ​ൾ ല്യൂ​ട്ട​ൻ​സ് വൃ​ത്താ​കൃ​തി​യി​ലാ​ണ് മു​റു​കെ പി​ടി​ച്ച​ത്. ല്യൂ​ട്ട​ൻ​സ് ഇ​ന്ന​ത്തെ പാ​ർ​ല​മെ​ന്‍റ് മ​ന്ദി​രം സ്ഥി​തി​ചെ​യ്യു​ന്ന സ്ഥ​ലം​ത​ന്നെ വേ​ണ​മെ​ന്നു വാ​ശി​പി​ടി​ച്ച​പ്പോ​ൾ ബേ​ക്ക​ർ റെ​യ്സി​ന കു​ന്നി​ൽ നി​ന്നു ദൂ​രെ​മാ​റി ഒ​രി​ടം മ​തി​യെ​ന്നാ​ണ് താ​ത്​പ​ര്യ​പ്പെ​ട്ട​ത്. ഒ​ടു​വി​ൽ ല്യൂ​ട്ട​ൻ​സി​ന്‍റെ താ​ത്​പ​ര്യം അം​ഗീ​ക​രി​ക്ക​പ്പെ​ട്ടു. വൃ​ത്താ​കൃ​തി​യി​ലു​ള്ള പാ​ർ​ല​മെ​ന്‍റ് മ​ന്ദി​ര​ത്തി​ന്‍റെ നി​ർ​മാ​ണ​ത്തി​ന് അം​ഗീ​കാ​രം ല​ഭി​ച്ചു.
അ​ങ്ങ​നെ ബ്രീ​ട്ടീ​ഷ് ഭ​ര​ണ​ത്തി​നു കീ​ഴി​ൽ പാ​ർ​ല​മ​ന്‍റ് മ​ന്ദി​ര​ത്തി​ന്‍റെ നി​ർ​മാ​ണം ആ​രം​ഭി​ച്ചു. 1921ൽ ​ഫെ​ബ്രു​വ​രി 12ന് ​ഡ്യൂ​ക്ക് ഓ​ഫ് കൊ​ണാ​ട്ട് പാ​ർ​ല​മെ​ന്‍റ് മ​ന്ദി​ര​ത്തി​ന് ത​റ​ക്ക​ല്ലി​ട്ടു. സ​ർ എ​ഡ്വി​ൻ ല്യൂ​ട്ട​ൻ​സും സ​ർ ഹെ​ബൈ​ർ​ട്ട് ബേ​ക്ക​റും ചേ​ർ​ന്നു രൂ​പ​ക​ൽ​പ​ന ചെ​യ്ത മ​ന്ദി​രം ആ​റു വ​ർ​ഷംകൊ​ണ്ടാ​ണു നി​ർ​മാ​ണം പൂ​ർ​ത്തി​യാ​ക്കി​യ​ത്. അ​ക്കാ​ല​ത്ത് 83 ല​ക്ഷം രൂ​പ ചെ​ല​വ​ഴി​ച്ചു നി​ർ​മി​ച്ച മ​നോ​ഹ​ര​മ​ന്ദി​രം 1927 ജ​നു​വ​രി 18ന് ​അ​ന്ന​ത്തെ ഗ​വ​ർ​ണ​ർ ജ​ന​റ​ൽ ഇ​ർ​വി​ൻ പ്ര​ഭു ഉ​ദ്ഘാ​ട​നം ചെ​യ്തു.

ത​ല​സ്ഥാ​ന​ഹൃ​ദ​യ​ത്തി​ൽ ആ​റ് ഏ​ക്ക​റി​ലാ​ണ് പാ​ർ​ല​മെ​ന്‍റ് സ​മു​ച്ച​യം വി​സ്തൃ​ത​മാ​യി​രി​ക്കു​ന്ന​ത്. 560 അ​ടി വ്യാ​സ​ത്തി​ൽ വൃ​ത്താ​കൃ​തി​യി​ലാ​ണ് മ​ന്ദി​രം. വ​രാ​ന്ത​യ്ക്കു ചു​റ്റും 144 തൂ​ണു​ക​ളു​ണ്ട്. ​തൂ​ണു​ക​ൾ ഓ​രോ​ന്നി​നും 270 അ​ടി വീ​ത​ം ഉ​യ​രം. കൂ​ടാ​തെ 12 ക​വാ​ട​ങ്ങ​ളും മ​ന്ദി​ര​ത്തി​നു​ണ്ട്.
ജ​ബ​ൽ​പൂ​രി​ലെ ചൗ​സാ​ത് യോ​ഗി​നി ക്ഷേ​ത്ര​ത്തി​ന്‍റെ മാ​തൃ​ക​യാ​ണ് പാ​ർ​ല​മെ​ന്‍റിന്‍റെ രൂ​പ​ക​ൽ​പ​ന​യ്ക്ക് ഉ​പ​യോ​ഗി​ച്ച​തെ​ന്നാ​ണ് ക​രു​തു​ന്ന​ത്. ദീ​ർ​ഘ​വൃ​ത്താ​കൃ​തി​യി​ൽ നി​ർമിച്ചി​ട്ടു​ള്ള ഈ ​ക്ഷേ​ത്രം മ​ധ്യ​പ്ര​ദേ​ശി​ലെ മൊ​റേ​ന​യി​ലാ​ണ് സ്ഥി​തി ചെ​യ്യു​ന്ന​ത്. എ​ഡി 1055-1075 കാ​ല​ഘ​ട്ട​ത്തി​ൽ പ്ര​ദേ​ശം ഭ​രി​ച്ചി​രു​ന്ന ദേ​വ​പാ​ല​ൻ എ​ന്ന രാ​ജാ​വാ​ണ് ക്ഷേ​ത്രം നി​ർ​മി​ച്ച​തെ​ന്നാ​ണു ച​രി​ത്രം.

ച​രി​ത്ര​ത്തി​നു സാ​ക്ഷി

പാ​ർ​ല​മെ​ന്‍റിന് ഏ​റ്റ​വും ന​ടു​വി​ലാ​ണ് ഇ​ന്ത്യാ​ച​രി​ത്ര​ത്തി​ന്‍റെ നി​ർ​ണാ​യ​ക​മാ​യ പ​ല സം​ഭ​വ​ങ്ങ​ൾ​ക്കും സാ​ക്ഷ്യം വ​ഹി​ച്ച സെ​ൻ​ട്ര​ൽ ഹാ​ൾ. 1947 ഓ​ഗ​സ്റ്റ് 15ന് ​അ​ധി​കാ​ര​ക്കൈ​മാ​റ്റം ന​ട​ന്ന​ത് ഇ​വി​ടെ​വച്ചാ​യി​രു​ന്നു. ലോ​ക്സ​ഭ​യു​ടെ​യും രാ​ജ്യ​സ​ഭ​യു​ടെ​യും സം​യു​ക്ത​സ​മ്മേ ളനം ന​ട​ക്കു​ന്ന​തും ഇ​വി​ടെ​യാ​ണ്. സ​മ്മേ​ള​ന​ത്തി​നി​ടെ അ​നൗ​ദ്യോ​ഗി​ക ച​ർ​ച്ച​ക​ൾ​ക്ക് എം​പി​മാ​ർ സാ​ധാ​ര​ണ സെ​ൻ​ട്ര​ൽ ഹാ​ളി​ലാ​ണ് ഒ​ത്തു​ചേ​രാ​റു​ള്ള​ത്. പൊ​തു തെ​ര​ഞ്ഞെ​ടു​പ്പി​നു​ശേ​ഷം ആ​ദ്യസ​മ്മേ​ള​ന​ത്തി​ൽ പാ​ർ​ല​മെ​ന്‍റ് അം​ഗ​ങ്ങ​ളെ ഇ​വി​ടെ​യാ​ണ് രാ​ഷ്‌ട്രപ​തി അ​ഭി​സം​ബോ​ധ​ന ചെ​യ്യു​ക.
ഇ​ന്ത്യ​ൻ പാ​ർ​ല​മെ​ന്‍റി​ന്‍റെ അ​ധോ​മ​ണ്ഡ​ല​മാ​ണ് ലോ​ക്സ​ഭ. ലോ​ക്സ​ഭാ നി​യോ​ജ​ക മ​ണ്ഡ​ല​ങ്ങ​ളി​ൽ നി​ന്നു നേ​രി​ട്ട് തി​ര​ഞ്ഞെ​ടു​ക്കു​ന്ന പ്ര​തി​നി​ധി​ക​ളാ​ണ് ഇ​തി​ലെ അം​ഗ​ങ്ങ​ൾ. അ​ർ​ധ​വൃ​ത്താ​കൃ​തി​യി​ൽ 4800 ച​തു​ര​ശ്ര​യ​ടി വി​സ്തീ​ർ​ണ​മു​ണ്ട് ലോ​ക്സ​ഭാ മ​ന്ദി​ര​ത്തി​ന്. സ്പീ​ക്ക​റു​ടെ ഇ​രി​പ്പി​ട​ത്തി​നു വ​ല​തു​വ​ശ​ത്തു ഭ​ര​ണ​പ​ക്ഷ​വും ഇ​ട​തു​വ​ശ​ത്ത് പ്ര​തി​പ​ക്ഷ​വു​മെ​ന്ന രീ​തി​യി​ലാ​ണ് ഇ​രി​പ്പി​ട​ങ്ങ​ൾ.

പ​ച്ച​യും ചു​വ​പ്പും

ലോ​ക്സ​ഭ​യി​ലെ പ​ര​വ​താ​നി​യു​ടെ നി​റം പ​ച്ച​യാ​ണ്. ഇ​ന്ത്യ ഒ​രു കാ​ർ​ഷി​ക രാ​ജ്യ​മാ​ണെ​ന്നും ജനപ്രതിനിധികളെ താ​ഴെ​ത്ത​ട്ടി​ൽനി​ന്നു പ​ച്ച നി​റ​ത്തി​ൽ തെ​ര​ഞ്ഞെ​ടു​ക്കു​ന്നു​വെ​ന്നു​മു​ള്ള സ​ങ്ക​ൽ​പ​മാ​ണ് പ​ച്ച​നി​റം.
പാ​ർ​ല​മെ​ന്‍റി​ന്‍റെ ഉ​പ​രി​സ​ഭ​യാ​ണ് രാ​ജ്യ​സ​ഭ. അ​ർ​ധ​വൃ​ത്താ​കൃ​തി​യി​ൽ ക്ര​മീ​ക​രി​ച്ചി​ട്ടു​ള്ള രാ​ജ്യ​സ​ഭ​യി​ൽ 250 ഇ​രി​പ്പി​ട​ങ്ങ​ളു​ണ്ട്. രാ​ജ്യ​സ​ഭ​യി​ലെ പ​ര​വ​താ​നി​യു​ടെ നി​റം ചു​വ​പ്പു നി​റ​മാ​ണ്. സ്വാ​ത​ന്ത്ര്യ സ​മ​ര​സേ​നാ​നി​ക​ൾ ന​ട​ത്തി​യ പോ​രാ​ട്ട​ത്തി​ന്‍റെ നി​ര​ന്ത​ര​മാ​യ സ്മ​ര​ണ കൂ​ടി​യാ​ണ് ചു​വ​പ്പു നി​റം വി​ളി​ച്ച​റി​യി​ക്കു​ന്ന​ത്.

ഇ​ന്ത്യ​യി​ലെ ഏ​റ്റ​വും വ​ലി​യ ര​ണ്ടാ​മ​ത്തെ ലൈ​ബ്ര​റി പാ​ർ​ല​മെ​ന്‍റ് മ​ന്ദി​ര​ത്തി​ലെ ലൈ​ബ്ര​റി​യാ​ണ്. കൊ​ൽ​ക്ക​ത്ത​യിലെ നാ​ഷ​ണ​ൽ ലൈ​ബ്ര​റി​യാ​ണ് രാ​ജ്യ​ത്തെ ഏ​റ്റ​വും വ​ലി​യ ലൈ​ബ്ര​റി. ഭ​ര​ണ​ഘ​ട​ന​യു​ടെ കൈയെ​ഴു​ത്തുപ്ര​തി​ക​ൾ ഇ​ന്ത്യ​ൻ ഭ​ര​ണ​ഘ​ട​ന​യു​ടെ യ​ഥാ​ർ​ത്ഥ പ​ക​ർ​പ്പു​ക​ൾ ഹി​ന്ദി​യി​ലും ഇം​ഗ്ലീ​ഷി​ലും എ​ഴു​തി​യി​ട്ടു​ണ്ട്. പ്ര​ത്യേ​ക ഹീ​ലി​യം നി​റ​ച്ച കേ​സു​ക​ളി​ൽ ഇ​ന്ത്യ​ൻ പാ​ർ​ല​മെ​ന്‍റി​ന്‍റെ ലൈ​ബ്ര​റി​യി​ൽ ഇ​തൊ​ക്കെ സൂ​ക്ഷി​ച്ചി​രി​ക്കു​ന്നു. പ്രേം ​ബി​ഹാ​രി നാ​രാ​യ​ണ്‍ റൈ​സാ​ദ എ​ന്ന ക​ലാ​കാ​ര​ന്‍റെ കൈ​യ​ക്ഷ​ര​മാ​ണ് കൈയെ​ഴു​ത്തു​പ്ര​തി​യി​ലു​ള്ള​ത്.

പാ​ർ​ല​മെ​ന്‍റ് മ​ന്ദി​ര​ത്തി​ൽ നി​ര​വ​ധി കൂ​ട്ടി​ച്ചേ​ർ​ക്ക​ലും അ​റ്റ​കു​റ്റ​പ്പ​ണി​ക​ളും ന​ട​ന്നി​ട്ടു​ണ്ട്. ഉ​ദ്ഘാ​ട​നം ക​ഴി​ഞ്ഞ് ഏ​താ​നും മാ​സ​ത്തി​നു​ശേ​ഷം സ​ഭ​യി​ൽ ച​ർ​ച്ച ന​ട​ന്നു​കൊ​ണ്ടി​രി​ക്ക​വേ മേ​ൽ​ക്കൂ​ര​യി​ൽ​നി​ന്ന് ഒ​രു കൂ​റ്റ​ൻ പാ​ളി അ​ട​ർ​ന്നു താ​ഴേ​ക്കു വീ​ണു. പു​തി​യ കെ​ട്ടി​ട​ത്തി​ന്‍റെ മേ​ൽ​ക്കൂ​ര​യി​ൽ വ​ലി​യ വി​ള്ള​ലു​ക​ൾ ക​ണ്ടെ​ത്തു​ക​യും ചെ​യ്തു. ഇ​തെ​ല്ലാം കാ​ലാ​കാ​ല​ങ്ങ​ളി​ൽ പ​രി​ഹ​രി​ക്ക​പ്പെ​ട്ടു. ഒ​ന്നി​ലേ​റെത്ത​വ​ണ പാ​ർ​ല​മെ​ന്‍റ് മ​ന്ദി​ര​ത്തി​നു നേ​ർ​ക്ക് ഭീ​ക​രാ​ക്ര​മ​ണം ഉ​ൾ​പ്പെടെ അ​തി​ക്ര​മ​ങ്ങ​ളും ഉ​ണ്ടാ​യി​ട്ടു​ണ്ട്.

പി​ൽ​ക്കാ​ല​ത്ത് അം​ഗ​ബാ​ഹു​ല്യ​മ​നു​സ​രി​ച്ചും മ​ന്ദി​ര​ത്തി​ൽ കൂ​ട്ടി​ച്ചേ​ർ​ക്ക​ലു​ക​ൾ ന​ട​ന്നി​ട്ടു​ണ്ട്. ലൈ​ബ്ര​റി ന​വീ​ക​രി​ച്ച് ഇ​ന്ന​ത്തെ സെ​ൻ​ട്ര​ൽ ഹാ​ളി​നു വ​ലിപ്പം കൂ​ട്ടി. ഡ​ൽ​ഹി​യി​ലെ കൊ​ടും​ശൈ​ത്യ​ത്തെ നേ​രി​ടാ​ൻ ബെ​ഞ്ചു​ക​ൾ വൈ​ദ്യു​തി​യി​ൽ ചൂ​ടാ​ക്കു​ന്ന സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തി. പി​ന്നീ​ട് ചേം​ബ​ർ ഓ​ഫ് പ്രി​ൻ​സ​സ് കോ​ട​തി മു​റി​യാ​ക്കി മാ​റ്റി. ആ​ദ്യം ഇ​വി​ടെ ഫെ​ഡ​റ​ൽ കോ​ർ​ട്ടും പി​ന്നീ​ട് 1958 വ​രെ സു​പ്രീം​കോ​ട​തി​യും പ്ര​വ​ർ​ത്തി​ച്ചി​രു​ന്നു. യു​പി​എ​സ്‌​സി​യു​ടെ മു​ൻ​ഗാ​മി​യാ​യ ഫെ​ഡ​റ​ൽ പ​ബ്ലി​ക് സ​ർ​വീ​സ് ക​മ്മീ​ഷ​നും ഇ​വി​ടെ​ത്ത​ന്നെ​യാ​യി​രു​ന്നു പ്ര​വ​ർ​ത്തി​ച്ചി​രു​ന്ന​ത്. പാ​ർ​ല​മെ​ന്‍റ് ജീ​വ​ന​ക്കാ​രു​ടെ എ​ണ്ണം കൂ​ടി​യതോടെ മ​ന്ദി​ര​ത്തോ​ടു ചേ​ർ​ന്ന് നി​ര​വ​ധി സെ​ക്ര​ട്ടേറിയ​റ്റ് കെ​ട്ടി​ട​ങ്ങ​ളും ഉ​യ​ർ​ന്നു.
കാ​ലം പി​ന്നെ​യും സ്ഥ​ല​പ​രി​മി​തി എ​ന്ന വെ​ല്ലു​വി​ളി ഉ​യ​ർ​ത്തി​യ​പ്പോ​ഴാ​ണ് അ​ത്യാ​ധു​നി​ക സൗ​ക​ര്യ​ങ്ങ​ളോ​ടെ പു​തി​യ പാ​ർ​ല​മെ​ന്‍റ് മ​ന്ദി​രം എ​ന്ന പ​രി​ഹാ​ര​ത്തി​ലേ​ക്ക് നീ​ങ്ങു​ന്ന​ത്.

സെബി മാത്യു


Copyright @ 2022 , Rashtra Deepika Ltd.