ഫ്രൂട്ട് കേക്ക്
ചേരുവകൾ
മൈദ -150 ഗ്രാം
പഞ്ചസാര - 100 ഗ്രാം
ബട്ടർ - 100 ഗ്രാം
കോഴിമുട്ട - 2 എണ്ണം
വാനില എസെൻസ് - ഏതാനും തുള്ളികൾ
ബേക്കിംഗ് പൗഡർ - അര ടീസ്പൂൺ
ഇൻസ്റ്റന്റ് കാപ്പി - 1 ടീസ്പൂൺ
കരാമൽ (പഞ്ചസാര കരിച്ചത്) - 2 ടേബിൾ സ്പൂൺ
ഡ്രൈ ഫ്രൂട്ടുകൾ - ചെറിപ്പഴം, ട്യൂട്ടി ഫ്രൂട്ടി, കിസ്മിസ്, അണ്ടിപ്പരിപ്പ് - ആകെ 250 ഗ്രാം
നാരങ്ങാനീര് - 1 ടേബിൾ സ്പൂൺ
മിക്സഡ് സ്പൈസ് - 1 ടീസ്പൂൺ
നാരങ്ങാത്തൊലി ഗ്രേറ്റ് ചെയ്തത് - അര ടീസ്പൂൺ
തയാറാക്കുന്ന വിധം - ഡ്രൈഫ്രൂട്ടുകൾ ചെറുതായി നുറുക്കുക. ഇതിലേക്ക് നാരങ്ങാത്തൊലി, മിക്സഡ് സ്പൈസസ്, നാരങ്ങാനീര് എന്നിവ ചേർക്കുക. ഒരു ടേബിൾ സ്പൂൺ തേങ്ങാവെള്ളത്തിൽ ഡ്രൈഫ്രൂട്ട് മിശ്രിതം ഇട്ട് ഒരു രാത്രി കുതിർക്കുക.
ബട്ടറും പഞ്ചസാരയും ഒരു ബൗളിൽ എടുത്ത് നാന്നായടിച്ച് ക്രീം പരുവത്തിലാക്കുക. മുട്ടയും വാനില എസെൻസും തമ്മിൽ ചേർക്കുക. അത് കരാമൽ മിശ്രിതത്തിൽ ചേർക്കുക. മൈദയും ബേക്കിംഗ് പൗഡറും രണ്ടു തവണ തെള്ളുക. ഡ്രൈ ഫ്രൂട്ട് മിശ്രിതവും മൈദ കൂട്ടും തമ്മിൽ ചേർക്കുക. ബട്ടർ, പഞ്ചസാര കൂട്ടിലേക്ക് ഇത് ചേർക്കുക. ഇത് നന്നായി യോജിപ്പിക്കുക. കരാമൽ മിശ്രിതവും ഇൻസ്റ്റന്റ് കാപ്പിയും ചേർത്ത് ഇളക്കുക. എല്ലാം തമ്മിൽ യോജിപ്പിച്ചു വെയ്ക്കുക. കേക്ക് ബാറ്റർ തയ്യാർ.
കേക്ക് ടിന്നിൽ ഗ്രീസ് പ്രൂഫ്പേപ്പർ ഇട്ട്, അതിലേക്ക് കേക്ക് ബാറ്റർ പകരുക. ഓവന്റെ താപനില 150 ഡിഗ്രി ക്രമീകരിക്കുക. ഇതിലേക്ക് കേക്ക് ടിൻ വച്ച് ഒന്നര മണിക്കൂർ ബേക്ക് ചെയ്ത് എടുക്കുക.
ഫിഷ് ഇൻ വൈറ്റ് സോസ്
ദശക്കനം ഉള്ള മത്സ്യം - അര കിലോ
ഇഞ്ചി - അര ഇഞ്ച് നീളത്തിൽ (ചുരണ്ടിയത്)
വെളുത്തുള്ളി - 6 അല്ലി ( തൊലികളഞ്ഞത് )
പച്ചമുളക് - 2 എണ്ണം; പിളർത്തിയത്
മൈദ - 1 ടേബിൾ സ്പൂൺ
ചീസ് ഗ്രേറ്റ് ചെയ്തത് - 1 ടേബിൾ സ്പൂൺ
ബട്ടർ - 1 ടേബിൾ സ്പൂൺ
കുരുമുളകുപൊടി - 2 ടീ സ്പൂൺ
സവാള -2 എണ്ണം; നീളത്തിൽ വീതി കുറച്ച് അരിഞ്ഞത്.
ഉരുളക്കിഴക്ക് (പുഴുങ്ങിയത്) - 2 എണ്ണം ചെറു ക്യൂബുകൾ ആയിര അരിഞ്ഞത്.
പാൽ - 1 കപ്പ്
ഉപ്പ് - പാകത്തിന്
വിനാഗിരി - 1 ടീ സ്പൂൺ
മീൻ കഴുകി ഇടത്തരം വലുപ്പമുള്ള കഷണങ്ങളാക്കി കുറച്ചു വെള്ളമെടുത്തു പാത്രത്തിൽ ഇട്ട് തിളപ്പിക്കുക. ഒപ്പം അരിഞ്ഞുവച്ച സവാള, വെളുത്തുള്ളി, ഇഞ്ചി, പിളർത്തിയ പച്ചമുളക്, ഉപ്പ്, കുരുമുളക് പൊടി (1 ടീ സ്പൂൺ), വിനാഗിരി എന്നിവയും ചേർത്ത് മീൻ വേവിച്ച് വാങ്ങുക. ആറിയതിനുശേഷം കഷണങ്ങൾ കോരുക. ചാറ് മാറ്റിവയ്ക്കുക. ചാറും പാലും തമ്മിൽ ചേർക്കുക.
പാൻ അടുപ്പത്ത് വച്ച് ചൂടാക്കി മൈദയിട്ട് രണ്ടു മിനിറ്റ് വറക്കുക. ചാർ - പാൽ മിശ്രിതം അതിൽ ഒഴിച്ച് നന്നായിളക്കി കുറുക്കി വാങ്ങുക. വൈറ്റ് സോസ് തയാർ.
ഒരു ഡിഷിൽ പുഴുങ്ങി, തൊലി കളഞ്ഞ് ചെറുക്യൂബുകൾ ആയി അരിഞ്ഞ ഉരുളക്കിഴങ്ങ് നിരത്തുക. മീതെ മീൻ കഷ്ണങ്ങൾ വേവിച്ചത് നിരത്തി ഇവയ്ക്കു മുകളിലായി വൈറ്റ് സോസ് ഒഴിക്കുക. ഇതിന് മീതെയായി ചീസ് ഗ്രേറ്റ് ചെയ്തത് വിതറുക. ഏറ്റവും മുകളിലായി 1 ടീസ് പൂൺ കുരുമുളകുപൊടിവിതറി വിളന്പുക.
കാഷ്മീരി ചിക്കൻ
കോഴിയിറച്ചി - അര കിലോ
പിരിയൻ മുളക് - 12 എണ്ണം
കുരുമുളക് - അര ടീസ്പൂൺ
കടുക്, മഞ്ഞൾപൊടി - അര ടീസ്പൂൺ വീതം
ജീരകം - കാൽ ടീസ്പൂൺ
കറുവാപ്പട്ട - 2 ഇഞ്ച് നീളത്തിൽ
ഇഞ്ചി - 1 ഇഞ്ച് നീളത്തിൽ
വെളുത്തുള്ളി - 1 അല്ലി
സവാള, ഗ്രാന്പു - 2 എണ്ണം വീതം
അണ്ടിപ്പരിപ്പ് - 8 എണ്ണം (അരച്ചത്)
തക്കാളി - 1 എണ്ണം
എണ്ണ - മൂക്കാൽ കപ്പ്
ഉപ്പ് - പാകത്തിന്.
കടുക്, പച്ചമുളക്, ജീരകം, കുരുമുളക്, കറുവാപ്പട്ട, ഗ്രാന്പു എന്നിവ നന്നായി അരച്ച് വയ്ക്കുക. ഇഞ്ചിയും വെളുത്തുള്ളിയും പ്രത്യേകം അരച്ച് വയ്ക്കുക. തക്കാളി ചെറുകഷ്ണങ്ങളാക്കുക. കോഴിയിറച്ചി ചെറു കഷണങ്ങളാക്കി ഉപ്പും മഞ്ഞളും ചേർത്ത് പുരട്ടിപ്പിടിപ്പിച്ച് ഒരു മണിക്കൂർ വയ്ക്കുക. ഇനി ഇത് എണ്ണയിൽ വറുത്ത് ബ്രൗൺ നിറമാക്കി കോരുക.
അതേ എണ്ണയിൽ സവാള അരിഞ്ഞതിട്ട് വറുത്ത് ബ്രൗൺ നിറമാകുന്പോൾ കോരുക. ആദ്യം അരച്ചുവച്ച അരപ്പും ഇഞ്ചി, വെളുത്തുള്ളി അരപ്പും ഇട്ട് നന്നായി വറുക്കുക. തക്കാളി കഷ്ണങ്ങൾ ചേർത്ത് ഇളക്കുക. അണ്ടിപ്പരിപ്പ് അരച്ചതും ചേർക്കുക. നന്നായി ഇളക്കി തക്കാളി നന്നായി വെന്താൽ വറുത്തു വച്ച കോഴിക്കഷ്ണങ്ങളും ഒരു കപ്പ് വെള്ളവും ചേർത്ത് ഇറച്ചി നന്നായി വേവിച്ച് വാങ്ങുക.
സ്വീറ്റ് കോൺ ചിക്കൻ സൂപ്പ്
സ്വീറ്റ് കോൺ -1 ടിൻ (450 ഗ്രാം)
കോൺഫ്ളോർ - 15 ഗ്രാം
ചിക്കൻ സ്റ്റോക്ക് - 1 ലിറ്റർ
(കോഴിയിറച്ചി വേവിച്ച വെള്ളം)
കോഴിയിറച്ചി വേവിച്ച് അടർത്തി എടുത്തത് - 115 ഗ്രാം
ഉപ്പ് - പാകത്തിന്
അജിനോമോട്ടോ - കാൽ ടീസ്പൂൺ
കോൺഫ്ളവറും സ്റ്റോക്കും തമ്മിൽ ചേർത്ത് അടുപ്പത്ത് വച്ച് ഇളക്കുക. നന്നായി കുറുകുന്പോൾ സ്വീറ്റ് കോണും ഉപ്പും അജിനോമോട്ടോയും ചേർത്ത് ഉടൻ വാങ്ങുക.
ഒരു പാനിൽ ബട്ടറിട്ട് ഇളക്കി ഇതിലേക്ക് സൂപ്പ് ഒഴിക്കുക. ഉയർന്ന തീയിൽ വച്ച് ഏതാനും നിമിഷം ഇളക്കുക. ഇത് വാങ്ങി ചെറുബൗളുകളിലേക്ക് പകർന്ന് കോഴി കഷണങ്ങൾ ഇട്ട് വിളന്പുക.
ഇന്ദു നാരായണൻ