ഈ ​പെ​രു​മ​ഴ​ക്കാ​ല​ത്ത് സൗ​ജ​ന്യ ഭ​ക്ഷ്യ​ക്കി​റ്റു​ക​ളു​മാ​യി വി​വി​ധ കോ​ള​നി​ക​ളി​ൽ സ​ന്ദ​ർ​ശ​ന​ത്തി​നെ​ത്തി​യ​പ്പോ​ഴാ​ണ് ദ​രി​ദ്രരായ കു​ട്ടി​ക​ളു​ടെ ദൈ​ന്യ​ത​യും ആ​ശ​ങ്ക​ക​ളും കാ​ണാ​നാ​യ​ത്. സ്കൂ​ൾ തു​റ​ക്ക​ലി​ന് ദി​വ​സ​ങ്ങ​ൾ ബാ​ക്കി​നി​ൽ​ക്കെ വി​വി​ധ ആ​ഗ്ര​ഹ​ങ്ങ​ളും ആ​വ​ശ്യ​ങ്ങ​ള​മാ​യി കു​ട്ടി​ക​ൾ ഓ​ടി​യെ​ത്തി. സ്കൂ​ൾ ബാ​ഗ്, കു​ട, ചോ​റ്റു​പാ​ത്രം, നോ​ട്ട്ബു​ക്ക്, പേ​ന, പെ​ൻ​സി​ൽ, ഉ​ടു​പ്പ് എ​ന്നി​വ​യൊ​ക്ക അവര്‌ക്ക് വേ​ണം. ഒ​ന്ന​ര സെ​ന്‍റ് റെയിൽവെ പു​റ​ന്പോ​ക്കി​ലെ ചോ​ർ​ന്നൊ​ലി​ക്കു​ന്ന കൂ​ര​ക​ളി​ൽ ക​ഴി​യു​ന്ന കു​ഞ്ഞു​മ​ക്ക​ൾ​ക്ക് പ്ര​വേ​ശ​നോ​ത്സ​വം ആ​ശ​ങ്ക​ക​ളു​ടേ​താ​ണ്.

ഇ​തേ ദി​വ​സ​ങ്ങ​ളി​ൽ​ത​ന്നെ ന​വ​ജീ​വ​ൻ കേ​ന്ദ്ര​ത്തി​ൽ പ​ഠ​ന​സാ​മ​ഗ്രി​ക​ൾ വാ​ങ്ങി​ത്ത​രു​മോ, സ​ഹാ​യം ത​രു​മോ എ​ന്നു ചോ​ദി​ച്ചെ​ത്തു​ന്ന കു​ഞ്ഞു​ങ്ങ​ളും ഏ​റെ​പ്പേ​രാ​ണ്. പ​ഠി​ക്കാ​ൻ ആ​ഗ്ര​ഹ​മു​ണ്ടെ​ങ്കി​ലും അ​തി​നു വ​ഴി​യും വ​ക​യു​മി​ല്ലാ​ത്ത​വരുടെ ദുഃഖം നാം കാണണം. സ്കൂ​ൾ ത​ല​ത്തി​ൽ മാ​ത്ര​മാ​ണ് ഇ​ത്ത​ര​ത്തി​ൽ ദു​രി​ത​പ്പെ​ടു​ന്ന​വ​രു​ള്ള​തെ​ന്ന് ധ​രി​ക്ക​രു​ത്. ഭ​ക്ഷ​ണ​ത്തി​നു​പോ​ലും വ​ക​യി​ല്ലാ​തെ പ​ഠ​നം മു​ന്നോ​ട്ടു​പോ​കാ​തെ വ​ല​ഞ്ഞ വി​ദ്യാ​ർ​ഥി​ക​ളെ മെ​ഡി​ക്ക​ൽ കോ​ള​ജി​ൽ കാണാന​ിടയായിട്ടുണ്ട്.

ന​വജീ​വ​നി​ലെ​ത്തി ഉ​ച്ച​ഭ​ക്ഷ​ണം ക​ഴി​ച്ചും സ​ഹാ​യം തേ​ടി​യും മെ​ഡി​സി​നും ന​ഴ്സിം​ഗും പൂ​ർ​ത്തി​യാ​ക്കി​യ​വ​രു​ണ്ട്. പാ​ട​ങ്ങളിൽ കൂലി​വേ​ല ചെ​യ്തും അ​യ​ൽ വീ​ടു​ക​ളി​ൽ പാ​ത്രം ക​ഴു​കി​യും മ​ക്ക​ളെ മെ​ഡി​സി​ൻ പ​ഠി​പ്പി​ച്ച അ​മ്മ​മാ​രെയും അറിയാം. പ​ഠ​നം മു​ട​ങ്ങുമെ​ന്ന സാ​ഹ​ച​ര്യ​ത്തി​ൽ വി​ദ്യാ​ർ​ഥി​ക​ൾ പി​രി​വെ​ടു​ത്തു സ​ഹ​പാ​ഠി​യെ പ​ഠി​പ്പി​ച്ച​തും ഓ​ർ​മി​ക്കു​ന്നു.
സാ​ഹ​ച​ര്യ​ങ്ങ​ളു​ടെ പ​രി​മി​തി​യി​ൽ പ​ഠ​നം നി​റു​ത്തി​പ്പോ​കാ​നി​ട​യു​ള്ള കു​ട്ടി​ക​ൾ പ​ല​യി​ട​ങ്ങ​ളി​ലു​മു​ണ്ട്. ര​ക്ഷി​താ​ക്ക​ളു​ടെ രോ​ഗ​മോ, സാ​ന്പ​ത്തി​ക ക്ലേ​ശ​മോ, ജി​വി​ത​പാ​ളി​ച്ച​ക​ളോ എ​ന്തു​മാ​ക​ട്ടെ കു​ട്ടി​ക​ൾ പ​ഠി​പ്പു നി​റു​ത്തി​പ്പോ​കു​ന്ന സാ​ഹ​ച​ര്യം സ​മൂ​ഹ​ത്തി​ലു​ണ്ടാ​വ​രു​ത്. ഇ​വ​ർ പ​ഠ​നം നി​റു​ത്തി​യാ​ൽ വഴി തെറ്റാവുന്ന സാ​ഹ​ച​ര്യം ചുറ്റുപാടുകളിൽ നി​ല​നി​ൽ​ക്കു​ന്നു. വിദ്യാലയങ്ങളും കോളജുകളും തു​റ​ക്കു​ന്പോ​ൾ സ്വന്തം മ​ക്ക​ൾ​ക്ക് നൽകുന്ന ക​രു​ത​ൽ​പോ​ലെ ദുരിതം അനുഭവിക്കുന്ന കു​ട്ടി​കൾക്കും ചെ​റി​യ സ​ഹാ​യ​ങ്ങ​ൾ​ക്കു മ​ന​സു​ണ്ടാ​യാ​ൽ അതൊരു പുണ്യവും കാ​രു​ണ്യ​വുമാണ്.

ഡോ.​ എ.​പി.​ജെ. അ​ബ്ദു​ൾ ക​ലാം ഉ​ൾ​പ്പെ​ടെ നിരവധി പ്ര​തി​ഭ​ക​ൾ സാന്പത്തിക ഭ​ദ്ര​ത​യു​ള്ള കു​ടും​ബ​ങ്ങ​ളി​ൽ​നി​ന്ന​ല്ല വ​ന്ന​ത്. നാ​ളെ​ക​ളി​ൽ നാ​ടി​നു വ​ലി​യ സം​ഭാ​വ​ന​ക​ൾ ന​ൽ​കാ​ൻ പ്രാ​പ്തി​യും ബു​ദ്ധി​യു​മു​ള്ള​വ​രാ​യി​രി​ക്കും അ​യ​ല​ത്തെ പാ​വ​പ്പെ​ട്ട കു​ട്ടി‍യും. കു​ട്ടി​കള്‌ക്ക് ഉപദേശങ്ങൾ നൽകാ​ൻ പ​തി​വാ​യി പോ​കാ​റു​ള്ള നിരവധി സ​ർ​ക്കാ​ർ സ്കൂ​ളു​കളിൽനിന്ന് ഇ​ല്ലാ​യ്മ​ക​ളു​ടെ​യും ദു​രി​ത​ങ്ങ​ളു​ടെ​യും സ​ങ്ക​ട​ക്ക​ഥ​ക​ളാ​ണ് പലപ്പോഴും കേ​ൾ​ക്കാ​നാ​വു​ന്ന​ത്.

കു​റ​വി​ല​ങ്ങാ​ട്ടെ ഒ​രു സ്കൂ​ളി​ൽ മു​ൻ​പൊ​രി​ക്ക​ൽ പോ​യ​വേ​ള​യി​ൽ അ​ടു​ത്തെ​ത്തി​യ പെ​ണ്‍​കു​ട്ടി പ​ങ്കു​വ​ച്ച ജീ​വി​ത​ദു​രി​തം ക​ണ്ണു​നി​റ​യ്ക്കു​ന്ന​താ​യി​രു​ന്നു. അ​ച്ഛ​ൻ കാ​ൻ​സ​ർ ബാ​ധി​ച്ചു മ​രി​ച്ച​തോ​ടെ അ​വ​ളെ​യും അ​നു​ജ​ത്തി​യെ​യും അ​മ്മ പ​ർ​പ്പി​ട​കം ത​യാ​റാ​ക്കി വി​റ്റാ​ണ് സം​ര​ക്ഷി​ക്കു​ന്ന​ത്. അ​ച്ഛ​ൻ കോട്ടയം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​യി​രു​ന്ന​പ്പോ​ൾ ന​വ​ജീ​വ​ൻ സ​ഹാ​യി​ച്ച​തി​നു ന​ന്ദി പ​റ​യാ​നാ​ണ് അ​വ​ൾ അ​ടു​ത്തു​വ​ന്ന​ത്. പ​ഠ​ന​ത്തി​ൽ മി​ടു​ക്കി​യാ​യ ആ ​കു​ട്ടി​ക്ക് സ്കൂ​ൾ ബാ​ഗ് സ​മ്മാ​നി​ച്ച​പ്പോ​ൾ അ​വ​ൾ പ​റ​ഞ്ഞു. ഞാ​ൻ ബാ​ഗു​മാ​യി വീ​ട്ടി​ലെ​ത്തു​ന്പോ​ൾ അ​നു​ജ​ത്തി​ക്കു സ​ങ്ക​ടം വ​രും. ക്ലാ​സി​ൽ കൂട്ടുകാർ പു​ത്ത​ൻ ബാ​ഗു​മാ​യി എ​ത്തു​ന്പോ​ൾ അ​വ​ൾ​ക്ക് സ​ങ്ക​ടം കൂ​ടും. അ​നു​ജ​ത്തി​ക്കു കൂ​ടി ഒരു ബാ​ഗു ത​രു​മോ എ​ന്നാ​യി ആ​വ​ൾ.

സ​ന്പ​ന്ന​യാ​യ ഒ​രു പ്ര​വാ​സി ദ​രി​ദ്ര പെ​ണ്‍​കു​ട്ടി​ക​ൾ​ക്ക് സ​മ്മാ​നം ന​ൽ​കാ​നാ​യി എ​ൽ​പ്പി​ച്ചിരുന്ന ഏ​താ​നും ചെ​റി​യ സ്വ​ർ​ണ​ക്ക​മ്മ​ലു​ക​ൾ എ​ന്‍റെ ബാ​ഗി​ലു​ണ്ടാ​യി​രു​ന്നു. ആ മൊട്ടു ക​മ്മ​ലു​ക​ളി​ൽ ര​ണ്ടെ​ണ്ണം അ​വ​ൾ​ക്കും അ​നു​ജ​ത്തി​ക്കു​മാ​യി സ​മ്മാ​നി​ച്ചു. അ​ന്ന് സ്നേ​ഹോ​പ​ഹാ​രം വാ​ങ്ങി​പ്പോയ കു​ട്ടി ഇ​ന്നൊ​രു മെ​ഡി​ക്ക​ൽ വി​ദ്യാ​ർ​ഥി​നി​യാ​ണ്. ന​മ്മു​ടെ​യൊ​ക്കെ ചെ​റി​യ സ​മ്മാ​ന​ങ്ങ​ൾ കു​ട്ടി​ക​ളു​ടെ ചി​ന്ത​ക​ൾ​ക്കും ല​ക്ഷ്യ​ങ്ങ​ൾ​ക്കും ഉ​ത്തേ​ജ​നം പ​ക​രു​മെ​ന്ന് തീ​ർ​ച്ച.

പി.​യു. തോ​മ​സ്,
ന​വ​ജീ​വ​ൻ