സ്വ​ന്തം വീ​ട്ടി​ലോ നാ​ട്ടി​ലോ ജീ​വ​നൊ​ടു​ക്കി​യാ​ൽ അ​ത് വീ​ട്ടു​കാ​ർ​ക്കു മാ​ന​ക്കേ​ടാ​കാ​തി​രി​ക്കാ​നാ​ണ് എ​റ​ണാ​കു​ള​ത്തു​പോ​യി ഏ​തു വി​ധേ​ന​യും മ​രി​ക്കാ​ൻ മാ​ത്യു തീ​രു​മാ​നി​ച്ച​ത്. എ​റ​ണാ​കു​ള​ത്ത് ബ​സി​റ​ങ്ങി അ​വി​ടെ​നി​ന്നും അ​ര ലി​റ്റ​ർ മ​ദ്യം വാ​ങ്ങി ക​ലൂ​രി​ലൊ​രു ഹോ​ട്ട​ലി​ൽ മു​റി​യെ​ടു​ത്തു. വി​ഷ​വും മ​ദ്യ​വും കൂ​ട്ടി​ക്ക​ല​ർ​ത്തി ക​ണ്ണ​ട​ച്ച് ഒ​റ്റ വ​ലി​യി​ൽ കു​ടി​ച്ചി​റ​ക്കി. വി​ഷം ഛർ​ദി​ച്ചു​പോ​യാ​ൽ മ​രി​ക്കാ​നാ​വി​ല്ലെ​ന്ന തോ​ന്ന​ലി​ൽ വാ​യ തോ​ർ​ത്തു​കൊ​ണ്ട് മൂ​ടി​ക്കെ​ട്ടി​യി​രു​ന്നു.

അ​ബോ​ധാ​വ​സ്ഥ​യി​ലാ​യെ​ങ്കി​ലും മ​ണി​ക്കൂ​റു​ക​ൾ ക​ഴി​ഞ്ഞ​പ്പോ​ൾ അ​റി​യാ​തെ ക​ണ്ണു​തു​റ​ന്നു. അ​ക​വും പു​റ​വും പൊ​ള്ളി​പ്പു​ക​യു​ന്ന അ​വ​സ്ഥ. അ​റി​യാ​തെ പു​റ​ത്തു​വ​ന്ന ഞ​ര​ക്ക​ത്തി​നി​ടെ മ​രി​ച്ചോ ജീ​വ​നു​ണ്ടോ എ​ന്ന വ​ല്ലാ​ത്ത ആ​ശ​ങ്ക. മു​ക​ളി​ൽ ഫാ​ൻ ക​റ​ങ്ങു​ന്നു​ണ്ടാ​യി​രു​ന്നു. കൈ​ക​ളി​ൽ നു​ള്ളി​നോ​ക്കി​യ​പ്പോ​ൾ മ​രി​ച്ചി​ട്ടി​ല്ലെ​ന്ന് ഉ​റ​പ്പാ​യി. ത​ല ചു​റ്റു​ന്ന അ​വ​സ്ഥ​യി​ൽ ഒ​രു​വി​ധം എ​ഴു​ന്നേ​റ്റു. ഉ​ട​ൻ ര​ക്ഷ​പ്പെ​ട്ടി​ല്ലെ​ങ്കി​ൽ ഹോ​ട്ട​ലു​കാ​ർ പോ​ലീ​സി​നെ വി​ളി​ക്കും. ആ​ത്മ​ഹ​ത്യാ ശ്ര​മ​ത്തി​ന് കേ​സെ​ടു​ക്കും. നി​മി​ഷം വൈ​കാ​തെ മാ​ത്യു ഹോ​ട്ട​ൽ​മു​റി​യു​ടെ പി​ന്നി​ലൂ​ടെ പു​റ​ത്തേ​ക്ക് ഓ​ടി.

ആ​ഴ്ച​ക​ളോ​ളം കൊ​ച്ചി ന​ഗ​ര​ത്തി​ലൂ​ടെ അ​ല​ഞ്ഞു തി​രി​ഞ്ഞു. ഇ​ട​യ്ക്കി​ടെ ഛർ​ദി​ക്കും. പ​ര​വേ​ശ​പ്പെ​ടു​ന്പോ​ൾ പൈ​പ്പി​ൽ​നി​ന്നോ കാ​യ​ലി​ൽ​നി​ന്നോ വെ​ള്ളം കു​ടി​ക്കും. ശ​രീ​ര​ത്തി​ൽ വി​ഷാം​ശം ക​ല​ർ​ന്ന​തി​നാ​ൽ എ​ന്തു ക​ഴി​ച്ചാ​ലും ഛർ​ദ്ദി​ക്കും. നെ​ഞ്ചി​ലും വ​യ​റ്റി​ലും എ​രി​ച്ചി​ൽ. ഉ​ള്ളി​ൽ അ​വ്യ​ക്ത​മാ​യ ചി​ന്ത​ക​ളും കാ​ഴ്ച​ക​ളും. തെ​രു​വോ​ര​ങ്ങ​ളി​ലെ ബീ​ഡി​ക്കു​റ്റി​ക​ൾ പെ​റു​ക്കി​യെ​ടു​ത്ത് വ​ലി​ച്ചു.

ക​ണ്ട​വ​രോ​ടൊ​ക്കെ ചി​ല്ലി​ക്കാ​ശി​നാ​യി യാ​ചി​ച്ചു. ഇ​രു​ന്നു​കി​ട്ടി​യ പ​ണ​ത്തി​നും മ​ദ്യം വാ​ങ്ങി കു​ടി​ച്ച് വ​ഴി​യി​ലും മ​ര​ത്ത​ണ​ലി​ലും കി​ട​ന്നു. ഉ​റ​ക്കം വ​രാ​ത്ത രാ​പ്പ​ക​ലു​ക​ൾ. എ​ങ്ങ​നെ​യും മ​രി​ച്ചു​കി​ട്ട​ണ​മെ​ന്ന് മ​ന​സ് നീ​റി​ക്കൊ​ണ്ടി​രു​ന്നു. ആ ​ഉ​ദ്യ​മ​ത്തി​നാ​യി വീ​ണ്ടും ഹോ​ട്ട​ലി​ൽ മു​റി​യെ​ടു​ത്തു. ക​സേ​ര​യി​ൽ ക​യ​റി ഫാ​നി​ൽ തു​ണി​കെ​ട്ടി ക​ഴു​ത്തി​ൽ കു​രു​ക്കി​ടാ​ൻ തു​ട​ങ്ങി​യ നി​മി​ഷം ക​ത​കി​ൽ ആ​രോ മു​ട്ടി​വി​ളി​ച്ചു. വാ​തി​ൽ അ​ൽ​പം തു​റ​ന്നു​നോ​ക്കി​യ​പ്പോ​ൾ റൂം ​ബോ​യ് ഭ​ക്ഷ​ണം വേ​ണോ എ​ന്ന​റി​യാ​ൻ വ​ന്ന​താ​ണ്. അ​തോ​ടെ, തൂ​ങ്ങി മ​രി​ക്കാ​നു​ള്ള ഉ​ദ്യ​മ​വും ഉ​പേ​ക്ഷി​ച്ച് അ​വി​ടെ​നി​ന്നു സ്ഥ​ലം വി​ട്ടു.

ട്രെ​യി​നു മു​ന്നി​ൽ ചാ​ടി​യോ പാ​ള​ത്തി​ൽ ത​ല​വ​ച്ചോ മ​രി​ച്ചേ​ക്കാം എ​ന്നു തീ​രു​മാ​നി​ച്ച് ഒ​രു രാ​ത്രി ഇ​റ​ങ്ങി​ത്തി​രി​ച്ചു. ന​ഗ​ര​ത്തി​ലെ പാ​ള​ത്തി​ൽ ത​ല​വ​ച്ചു​കി​ട​ന്നെ​ങ്കി​ലും വ​ന്ന ട്രെ​യി​ൻ തൊ​ട്ട​ടു​ത്ത ട്രാ​ക്കി​ലൂ​ടെ ക​ട​ന്നു​പോ​യി. ട്രെ​യി​നി​ന്‍റെ കാ​ത​ട​പ്പി​ക്കു​ന്ന ശ​ബ്ദം ഭ​യ​പ്പെ​ടു​ത്തി​യ​തി​നാ​ൽ ആ ​ഉ​ദ്യ​മ​വും ഉ​പേ​ക്ഷി​ച്ചു.
അ​ന്നൊ​രി​ക്ക​ൽ കു​ടി​ച്ചു ല​ക്കു​കെ​ട്ട് എ​റ​ണാ​കു​ളം ക​ച്ചേ​രി​പ്പ​ടി ബ​സ്‌​സ്റ്റോ​പ്പി​ൽ കി​ട​ക്കു​ക​യാ​ണ്. രാ​വി​ലെ ന​ഗ​ര​ത്തി​ൽ വ​ലി​യ തി​ര​ക്കു​ണ്ട്.

ജീ​വി​ക്കാ​നു​ള്ള വ്യ​ഗ്ര​ത​യി​ൽ എ​ല്ലാ​വ​രും തി​ടു​ക്ക​ത്തി​ൽ എ​വി​ടേ​ക്കൊ​ക്കെ​യോ പോ​വു​ന്നു. ഉ​ദ്യോ​ഗ​സ്ഥ​രും തൊ​ഴി​ലാ​ളി​ക​ളു​മൊ​ക്കെ വീ​ടു​പോ​റ്റാ​ൻ ഓ​ടു​ക​യാ​ണ്. ചു​മ​ട്ടു​കാ​രും തൂ​പ്പു​കാ​രും വ​ഴി​വാ​ണി​ഭ​ക്കാ​രു​മൊ​ക്കെ അ​ധ്വാ​നി​ച്ചു ജീ​വി​ക്കു​ന്നു. എ​ന്തു​കൊ​ണ്ട് എ​നി​ക്കും മാ​ന്യ​മാ​യി ജോ​ലി ചെ​യ്ത് അ​ന്ത​സോ​ടെ ജീ​വി​ച്ചു​കൂ​ടാ? ഈ ​ചോ​ദ്യം മാ​ത്യു​വി​ന്‍റെ മ​ന​സി​നെ മ​ഥി​ച്ചു​കൊ​ണ്ടി​രു​ന്നു. അ​ര മ​ണി​ക്കൂ​ർ നേ​രം ഇ​ത്ത​ര​ത്തി​ൽ ചി​ന്തി​ച്ച​ശേ​ഷം അ​വി​ടെ​നി​ന്നു ക​ള​മ​ശേ​രി​യി​ലേ​ക്ക് ഒ​റ്റ ന​ട​ത്ത​മാ​യി​രു​ന്നു. കു​ളി​ച്ച് മു​ഷി​ഞ്ഞ വ​സ്ത്ര​ങ്ങ​ൾ അ​ല​ക്കി ഉ​ണ​ങ്ങി. അ​ന്വേ​ഷ​ണ​ത്തി​നൊ​ടു​വി​ൽ ക​ള​മ​ശേ​രി​യി​ലെ ഒ​രു ചാ​യ​ക്ക​ട​യി​ൽ പാ​ത്രം ക​ഴു​കു​ന്ന തൊ​ഴി​ൽ കി​ട്ടി. പി​ന്നീ​ട് പ​ല ഹോ​ട്ട​ലു​ക​ളി​ലും ജോ​ലി ചെ​യ്യു​ന്ന​തി​നി​ടെ കാ​റ്റ​റിം​ഗ് കോ​ഴ്സും പ​ഠി​ച്ചു.

ജോ​ലി​ക്കി​ട​യി​ൽ മാ​ത്യു​വി​ന് കു​റെ സു​ഹൃ​ത്തു​ക്ക​ളെ ല​ഭി​ച്ചു. അ​വ​രു​ടെ ഉ​പ​ദേ​ശ​ത്തി​ൽ ഒ​രു ന​വീ​ക​ര​ണ​ധ്യാ​ന​ത്തി​ൽ പ​ങ്കെ​ടു​ത്ത​തോ​ടെ ല​ഹ​രി​യു​ടെ ആ​സ​ക്തി​യി​ൽ​നി​ന്ന് മെ​ല്ലെ മോ​ചി​ത​നാ​യി. പ്രാ​ർ​ഥ​ന​യു​ടെ ചൈ​ത​ന്യ​ത്തി​ൽ ചി​ന്ത​ക​ളും ബോ​ധ്യ​ങ്ങ​ളും മാ​റു​ക​യാ​യി​രു​ന്നു. ഏ​ഴു വ​ർ​ഷ​ത്തെ ല​ഹ​രി​യി​ൽ മു​ങ്ങി​യ ജീ​വി​ത​ത്തി​ൽ​നി​ന്ന് ഇ​രു​പ​ത്തി​ര​ണ്ടാം വ​യ​സി​ലാ​യി​രു​ന്നു മോ​ച​നം. തു​ട​ർ​ന്നു​ള്ള ജീ​വി​തം മ​ദ്യ​ത്തി​ന്‍റെ​യും മ​റ്റ് ല​ഹ​രി​ക​ളു​ടെ​യും ആ​സ​ക്തി​യി​ൽ ജീ​വി​തം താ​റു​മാ​റാ​യ​വ​രു​ടെ മോ​ച​ന​ത്തി​നാ​യി ജീ​വി​ക്കാ​ൻ മാ​ത്യു തീ​രു​മാ​നി​ക്കു​ക​യാ​യി​രു​ന്നു. ആ ​ഉ​ദ്യ​മ​ത്തി​നാ​യി ഇ​ദ്ദേ​ഹം ഗോ​വ​യി​ലേ​ക്ക് തി​രി​ച്ചു.

ഗോ​വ​യു​ടെ തീ​ര​ങ്ങ​ളി​ൽ

1993 ഏ​പ്രി​ൽ. ഗോ​വ ബീ​ച്ചു​ക​ളി​ലും ചേ​രി​ക​ളി​ലു​മൊ​ക്കെ മ​ദ്യ​വും മ​യ​ക്കു​മ​രു​ന്നും ഉ​പ​യോ​ഗി​ക്കു​ന്ന ഒ​ട്ടേ​റെ​പ്പേ​രെ കാ​ണാ​നാ​യി. യു​വ​തീ​യു​വാ​ക്ക​ളും കു​ട്ടി​ക​ളും​വ​രെ ല​ഹ​രി​യു​ടെ ദു​രാ​സ​ക്തി​യി​ൽ വീ​ണു​കി​ട​ക്കു​ന്ന കാ​ഴ്ച.

ഉ​ള്ളി​ൽ ഭ​യ​മു​ണ്ടാ​യി​ട്ടും അ​വ​രെ ല​ഹ​രി ഉ​പ​യോ​ഗ​ത്തി​ൽ​നി​ന്നു പി​ന്തി​രി​പ്പാ​ക്കാ​നു​ള്ള ശ്ര​മ​ങ്ങ​ൾ തു​ട​ങ്ങി. അ​വി​ടെ പ​രി​ച​യ​പ്പെ​ട്ട റാ​ന്നി സ്വ​ദേ​ശി​യാ​യ സൈ​ല​സ് മാ​ത്യു​വി​നൊ​പ്പ​മാ​യി​രു​ന്നു മാ​ത്യു കു​ര്യ​ന്‍റെ ബോ​ധ​വ​ത്ക​ര​ണം. ഇ​തേ കാ​ല​ത്ത് ക​ർ​ണാ​ട​ക​ത്തി​ൽ ല​ബാ​നി വി​ഭാ​ഗ​ത്തി​ലെ ഗോ​ത്ര​വാ​സി​ക​ൾ പാ​ർ​ക്കു​ന്ന ഒ​രു കോ​ള​നി​യി​ലെ കു​ട്ടി​ക​ൾ​ക്ക് വി​ദ്യാ​ഭ്യാ​സം ന​ല്കാ​നു​ള്ള ശ്ര​മ​ങ്ങ​ളും മാ​ത്യു ആ​രം​ഭി​ച്ചു.
കു​ളി​ക്കാ​തെ​യും വ​സ്ത്രം ക​ഴു​കാ​തെ​യും ജീ​വി​ക്കു​ന്ന സ​മൂ​ഹ​മാ​യി​രു​ന്നു അ​ത്.

വൃ​ത്തി​ഹീ​ന​മാ​യ കൂ​ര​ക​ളി​ൽ കു​ഞ്ഞു​ങ്ങ​ളും നാ​യ്ക്ക​ളും ഒ​രു​മി​ച്ചു ക​ഴി​യു​ന്നു. അ​വ​രു​ടെ അ​ടു​ക്ക​ള​യും കി​ട​പ്പു​മു​റി​യും ഒ​ന്നു​ത​ന്നെ. നി​ര​ക്ഷ​ര​രാ​യ ര​ക്ഷി​താ​ക്ക​ൾ കു​ട്ടി​ക​ളെ സ്കൂ​ളി​ൽ അ​യ​യ്ക്കി​ല്ല. ഈ ​സാ​ഹ​ച​ര്യ​ത്തി​ലാ​ണ് മാ​ത്യു കു​ര്യ​ൻ ഇ​വ​ർ​ക്കാ​യി ഒ​രു ട്രൈ​ബ​ൽ സ്കൂ​ൾ സ്ഥാ​പി​ക്കാ​ൻ തീ​രു​മാ​നി​ച്ച​ത്. സ്കൂ​ളി​നാ​വ​ശ്യ​മാ​യ സം​വി​ധാ​ന​വും സൗ​ക​ര്യ​ങ്ങ​ളും ഒ​രു​ക്കാ​ൻ പ​ണ​മി​ല്ലാ​ത്ത സാ​ഹ​ച​ര്യ​ത്തി​ൽ ഇ​തി​നാ​യു​ള്ള സ​ഹാ​യം കോ​ള​നി​നി​വാ​സി​ക​ളോ​ടു​ത​ന്നെ ഉ​ന്ന​യി​ക്കു​ക​യാ​യി​രു​ന്നു. പ​ല​രും ഒ​രു രൂ​പ, ര​ണ്ടു രൂ​പ എ​ന്നി​ങ്ങ​നെ സം​ഭാ​വ​ന​ക​ൾ ന​ല്കി. മു​ളം​ക​ന്പും ഓ​ല​യും​കൊ​ണ്ടൊ​രു കൂ​ര​യി​ലാ​യി​രു​ന്നു തു​ട​ക്കം.

ഗോ​ത്ര​വം​ശ​ജ​രാ​യ കു​ട്ടി​ക​ളെ പ​ഠി​പ്പി​ക്കാ​ൻ ര​ണ്ടു പെ​ണ്‍​കു​ട്ടി​ക​ളെ​യും നി​യോ​ഗി​ച്ചു. ആ​ദ്യ​ദി​വ​സ​ങ്ങ​ളി​ൽ കു​ട്ടി​ക​ളാ​രും​ത​ന്നെ ക്ലാ​സി​ൽ വ​രാ​ൻ കൂ​ട്ടാ​ക്കി​യി​ല്ല. പി​ൽ​ക്കാ​ല​ത്ത് ചേ​രി​യി​ലെ എ​ല്ലാ കു​ട്ടി​ക​ളും സ്കൂ​ളി​ൽ പ​തി​വാ​യി എ​ത്തി​ത്തു​ട​ങ്ങി.​വ്യ​ക്തി​ശു​ചി​ത്വം ഉ​ൾ​പ്പെ​ടെ അ​ടി​സ്ഥാ​ന കാ​ര്യ​ങ്ങ​ളെ​ക്കു​റി​ച്ചു​ള്ള ബോ​ധ​വ​ത്ക​ര​ണ​മാ​ണ് ആ​ദ്യം ന​ല്കി​യി​രു​ന്ന​ത്.

മ​യ​ക്കു​മ​രു​ന്നു വി​ൽ​പ​ന​യ്ക്കും വി​ത​ര​ണ​ത്തി​നും ഉ​പ​യോ​ഗ​ത്തി​നും മു​ന്നി​ലാ​ണ് ഗോ​വ. വി​നോ​ദ​സ​ഞ്ചാ​ര​ത്തി​നെ​ത്തു​ന്ന പ​ല​രും പ​ല​ത​രം മ​യ​ക്കു​മ​രു​ന്നു​ക​ൾ ഉ​പ​യോ​ഗി​ച്ചി​രു​ന്നു​വെ​ന്നു മാ​ത്ര​മ​ല്ല അ​തു​പ​യോ​ഗി​ക്കാ​ൻ പ​ല​രെ​യും പ്ര​ലോ​ഭി​പ്പി​ക്കു​ക​യും പ്രേ​രി​പ്പി​ക്കു​ക​യും ചെ​യ്തു. നാ​ട​നും വി​ദേ​ശി​യു​മു​ൾ​പ്പെ​ടെ മ​ദ്യ​വും സു​ല​ഭം. ചെ​റി​യ സം​സ്ഥാ​ന​മാ​ണെ​ങ്കി​ലും കു​റ്റ​കൃ​ത്യ​ങ്ങ​ളി​ൽ ഗോ​വ മു​ന്നി​ലാ​ണ്. ഇ​ങ്ങ​നെ​യൊ​രു സാ​ഹ​ച​ര്യ​ത്തി​ലേ​ക്കാ​ണ് മാ​ത്യു കു​ര്യ​ൻ ഭാ​രി​ച്ച ദൗ​ത്യം ഏ​റ്റെ​ടു​ത്ത​ത്.

ബാം​ബൊ​ളി​മി​ലെ മെ​ഡി​ക്ക​ൽ കോ​ള​ജി​ന് സ​മീ​പ​ത്തെ പു​ന​ര​ധി​വാ​സ​കേ​ന്ദ്ര​മാ​യ ഐ​പി​എ​ച്ച്ബി​യി​ൽ മാ​ത്യു സേ​വ​നം തു​ട​ങ്ങി. പി​ൽ​ക്കാ​ല​ത്ത് പു​രു​ഷ​ന്മാ​ർ​ക്കാ​യി കൃ​പ മ​ദ്യ​വി​മോ​ച​ന​കേ​ന്ദ്ര​വും പു​ന​ര​ധി​വാ​സ​കേ​ന്ദ്ര​വും മ​യ​ക്കു​മ​രു​ന്നി​ന് അ​ടി​മ​ക​ളാ​യ​വ​രു​ടെ മോ​ച​ന​ത്തി​നാ​യി മ​പ്പു​സാ​യി​ൽ അ​സി​ലോ ആ​ശു​പ​ത്രി​യോ​ടു ചേ​ർ​ന്ന് ഡീ ​അ​ഡി​ക്ഷ​ൻ സെ​ന്‍റ​റും ആ​രം​ഭി​ച്ചു.

ല​ഹ​രി​യു​ടെ നീ​രാ​ളി​പ്പി​ടി​ത്ത​ത്തി​ൽ മ​ര​ണം തേ​ടി ന​ട​ന്ന മാ​ത്യു ഇ​തോ​ട​കം ആ​യി​ര​ക്ക​ണ​ക്കി​ന് വ്യ​ക്തി​ക​ളെ ല​ഹ​രി ആ​സ​ക്തി​യി​ലും ആ​ത്മ​ഹ​ത്യാ പ്ര​വ​ണ​ത​യി​ലും​നി​ന്നു മോ​ചി​പ്പി​ച്ചി​രി​ക്കു​ന്നു. ഗോ​വ​യി​ൽ ആ​ദ്യം എ​ത്തു​ന്പോ​ൾ മ​ദ്യ​ത്തി​നും മ​യ​ക്കു​മ​രു​ന്നി​നും അ​ടി​മ​ക​ളാ​യ​വ​രെ പു​ന​ര​ധി​വ​സി​പ്പി​ക്കാ​നോ ബോ​ധ​വ​ത്ക​രി​ക്കാ​നോ സ​ന്ന​ദ്ധ സം​ഘ​ട​ന​ക​ൾ കു​റ​വാ​യി​രു​ന്നു​വെ​ന്ന് മാ​ത്യു കു​ര്യ​ൻ പ​റ​യു​ന്നു. അ​ക്കാ​ല​ത്ത് ഇ​തി​ൽ ആ​കൃ​ഷ്ട​രാ​കു​ന്ന​വ​ർ​ക്ക് അ​റി​വും പ​ഠി​പ്പും കു​റ​വാ​യി​രു​ന്ന​തി​നാ​ൽ ല​ഹ​രി വി​മോ​ച​നം ശ്ര​മ​ക​ര​മാ​യ ദൗ​ത്യ​മാ​യി​രു​ന്നു.

എ​ൽ ഷ​ദാ​യ്

ചു​രു​ങ്ങി​യ കാ​ല​യ​ള​വി​നു​ള്ളി​ൽ ഗോ​വ​യി​ലെ​യും ക​ർ​ണാ​ട​ക​ത്തി​ലെ​യും ല​ഹ​രി​വി​രു​ദ്ധ വോ​ള​ണ്ടി​യ​റാ​യി മാ​റു​ക​യാ​യി​രു​ന്നു മാ​ത്യു കു​ര്യ​ൻ. 1997ൽ ​ബ്രി​ട്ടീ​ഷു​കാ​രി അ​നി​ത എ​ഡ്ഗാ​റു​മാ​യി പ​രി​ച​യ​ത്തി​ലാ​വു​ക​യും ഇ​രു​വ​രും ചേ​ർ​ന്ന് എ​ൽ ഷ​ദാ​യ് ചാ​രി​റ്റ​ബി​ൾ ട്ര​സ്റ്റ് ഗോ​വ​യി​ൽ സ്ഥാ​പി​ക്കു​ക​യും ചെ​യ്തു. കാ​ൽ നൂ​റ്റാ​ണ്ടു പി​ന്നി​ടു​ന്പോ​ൾ ജീ​വ​കാ​രു​ണ്യ​മേ​ഖ​ല​യി​ൽ ശ്ര​ദ്ധേ​യ സാ​ന്നി​ധ്യ​മാ​ണ് എ​ൽ ഷ​ദാ​യ്. വി​ദ്യാ​ഭ്യാ​സം, കു​ട്ടി​ക​ളു​ടെ സം​ര​ക്ഷ​ണം, വ​നി​താ​ശാ​ക്തീ​ക​ര​ണം തു​ട​ങ്ങി​യ രം​ഗ​ങ്ങ​ളി​ൽ ക്രി​യാ​ത്മ​ക​മാ​യി പ്ര​വ​ർ​ത്തി​ക്കു​ക​യും ഇ​ട​പെ​ട​ലു​ക​ൾ ന​ട​ത്തു​ക​യും ചെ​യ്യു​ന്ന ഈ ​സം​ഘ​ട​ന ഗോ​വ​യി​ലെ അ​ഗ​തി​ക​ളു​ടെ​യും അ​ശ​ര​ണ​രു​ടെ​യും ഉ​പേ​ക്ഷി​ക്ക​പ്പെ​ടു​ന്ന​വ​രു​ടേ​യു​മൊ​ക്കെ അ​ത്താ​ണി​കൂ​ടി​യാ​ണി​ന്ന്.

വി​വി​ധ​ങ്ങ​ളാ​യ 35 പ​ദ്ധ​തി​ക​ളി​ലൂ​ടെ പ​തി​നെ​ണ്ണാ​യി​രം കു​ട്ടി​ക​ൾ​ക്ക് അ​റി​വും ജീ​വി​ത​വും സ​മ്മാ​നി​ക്കാ​ൻ ക​ഴി​ഞ്ഞു. എ​ണ്‍​പ​തി​നാ​യി​രം വ​നി​ത​ക​ളെ വി​വി​ധ ത​ല​ങ്ങ​ളി​ൽ ശ​ക്തീ​ക​രി​ക്കാ​നും തൊ​ഴി​ൽ നേ​ടി​ക്കൊ​ടു​ക്കാ​നും സാ​ധി​ച്ചു. ര​ണ്ടേ കാ​ൽ ല​ക്ഷം ജ​ന​ങ്ങ​ൾ​ക്ക് അ​നൗ​ദ്യോ​ഗി​ക വി​ദ്യാ​ഭ്യാ​സം ന​ൽ​കാ​നാ​യി. വി​ശ​ന്ന​ല​യു​ന്ന അ​നേ​കാ​യി​ര​ങ്ങ​ൾ​ക്കു ഭ​ക്ഷ​ണ​വും മ​രു​ന്നും ന​ൽ​കു​ന്ന പ​ദ്ധ​തി​യും ന​ട​പ്പാ​ക്കി. ദി​വ​സേ​ന ആ​യി​രം പേ​ർ​ക്ക് അ​ന്ന​ദാ​നം ന​ട​ത്തു​ക​യാ​ണ് ഈ ​സം​ഘ​ട​ന. കോ​ട്ട​യം വാ​ക​ത്താ​നം ച​ക്ക​ച്ചേ​രി​യി​ൽ ആ​നി​ക്ക​ൽ ജോ​സ് ജേ​ക്ക​ബ്-​ലീ​ലാ​മ്മ ദ​ന്പ​തി​ക​ളു​ടെ മ​ക​ൾ ജൂ​ലി​യാ​യെ മാ​ത്യു ജീ​വി​ത​സ​ഖി​യാ​ക്കി. എ​ൽ ഷ​ദാ​യി​യു​ടെ പ്ര​വ​ർ​ത്ത​ന​നി​ര​യി​ൽ ജൂ​ലി​യാ​യും ഒ​പ്പ​മു​ണ്ട്. താ​ഷ, ത​ഹാ​ൻ, തി​യാ​ര എ​ന്നി​വ​രാ​ണ് മ​ക്ക​ൾ.

റെ​നീ​ഷ് മാ​ത്യു