പോറസ് സിനിമാസിന്‍റെ ബാനറിൽ പ്രേംകുമാർ കല്ലാട്ട് നിർമിച്ച് ആസാദ് അലവിൽ സംവിധാനം ചെയ്യുന്ന അസ്ത്ര ഡിസംബർ ഒന്നിനു പ്രദർശനത്തിനെത്തുന്നു.
പോറസ് സിനിമാസിന്‍റെ ബാനറിൽ പ്രേംകുമാർ കല്ലാട്ട് നിർമിച്ച് ആസാദ് അലവിൽ സംവിധാനം ചെയ്യുന്ന അസ്ത്ര ഡിസംബർ ഒന്നിനു പ്രദർശനത്തിനെത്തുന്നു. വയനാടൻ മലനിരയിലെ സംഘർഷങ്ങളാണ് പശ്ചാത്തലം. നായകൻ: അമിത് ചക്കാലക്കൽ. നായിക പുതുമുഖം സുഹാസിനി കുമരൻ. ഇൻവസ്റ്റിഗേറ്റീവ് ത്രില്ലറാണ്.
കലാഭവൻ ഷാജോൺ, സുധീർ കരമന, മേഘനാഥൻ, സന്തോഷ് കീഴാറ്റൂർ, ശ്രീകാന്ത് മുരളി, സെന്തിൽ കൃഷ്ണ, പരസ്പരം പ്രദീപ്, ജിജുരാജ്, ജയരാജ് കാഞ്ഞങ്ങാട്, നീനു കുറുപ്പ് , രേണുരാജ്, ദുഷ്യന്ത് ജയ, സോനാ ഹൈഡൻ എന്നിവരും ചിത്രത്തിലുണ്ട്. പ്രേംകുമാർ കല്ലാട്ടിന്‍റെ കഥയ്ക്കു തിരക്കഥ വിനു മോഹൻ, ജിജുരാജ് എന്നിവരാണ്. ഗാനരചന: ഹരിനാരായണൻ, എങ്ങണ്ടിയൂർ ചന്ദ്രശേഖരൻ. സംഗീതം: മോഹൻ സിതാര. കാമറ: മണി ചെരുമാൾ. എഡിറ്റിംഗ്: അഖിലേഷ് മോഹൻ.
- വാഴൂർ ജോസ്.
ഹ്രസ്വചിത്രം ഹെവൻ റിലീസ് ചെയ്തു
മക്കൾ പ്രവാസിയാകേണ്ടി വരുന്പോൾ ഒറ്റപ്പെട്ടുപോകുന്ന മാതാപിതാക്കളുടെ ജീവിതവും മക്കളുടെ മാനസികാവസ്ഥയും തുറന്നുപറയുന്ന ഹ്രസ്വചിത്രം ഹെവൻ റിലീസ് ചെയ്തു. Ealure Media യു ട്യൂബ് ചാനലിൽ കാണാം. യഥാർഥ സംഭവത്തെ ആസ്പദമാക്കിയാണ് ചിത്രം.
കഥ, സംവിധാനം: ഹ്രസ്വചിത്ര രംഗത്തു ശ്രദ്ധേയനായ ജോമി ജോസ് കൈപ്പാറേട്ട്. ചിത്രത്തിലെ നിന്നോ‌ടകലുമ്പോൾ എന്നു തുടങ്ങുന്ന വീഡിയോ ഗാനം ശ്രദ്ധ നേടി. എളൂർ മീഡിയയുടെ ബാനറിൽ സ്റ്റഡി സ്പാരോ ഗ്ലോബൽ എഡ്യുക്കേഷന്‍റെ സഹകരണത്തോടെ റോബിൻ സ്റ്റീഫൻ, ജോൺ മുളയിങ്കൽ, അജോ മാനംമൂട്ടിൽ എന്നിവർ ചേർന്നാണ് ഹെവൻ നിർമിച്ചത്.
ഡാൻസ് പാർട്ടി ഡിസംബറിൽ
ഓൾഗ പ്രൊഡക്ഷൻസിന്റെ ബാനറിൽ സോഹൻ സീനുലാൽ രചനയും സംവിധാനവും ചെയ്യുന്ന ഡാൻസ് പാർട്ടി ഡിസംബറിൽ തിയറ്ററുകളിലെത്തും. നിർമാണം: റെജി പ്രോത്താസിസ്, നൈസി റെജി. ഷൈൻ ടോം ചാക്കോ ബോബൻ എന്ന വേറിട്ട കഥാപാത്രവുമായി എത്തുന്നു. വിഷ്ണു ഉണ്ണികൃഷ്ണൻ, ശ്രീനാഥ് ഭാസി, ഷൈൻ ടോം ചാക്കോ, പ്രയാഗ മാർട്ടിൻ, ജൂഡ് ആന്‍റണി, ശ്രദ്ധ ഗോകുൽ, ലെന തുടങ്ങിയവരും ചിത്രത്തിലുണ്ട്. ഡിസംബർ ഒന്നിന് സെൻട്രൽ പിക്ച്ചേഴ്സ് പ്രദർശനത്തിനെത്തിക്കും.
- വാഴൂർ ജോസ്.