അടിയന്തരാവസ്ഥക്കാലത്തെ രാഷ്ട്രീയ പശ്ചാത്തലത്തിലൂടെ പ്രണയകഥയാണ് ചിത്രം. കായൽത്തീരത്തു ജീവിക്കുന്ന സാധാരണക്കാരായ ഒരു കൂട്ടം മനുഷ്യരുടെ ജീവിതമാണിതിൽ. പുതുമുഖങ്ങൾക്കു പ്രാധാന്യം നൽകുന്ന ചിത്രത്തിൽ നിഹാലും ഗോപികാ ഗിരീഷുമാണ് പ്രധാന താരങ്ങൾ.
മികച്ച നിരവധി ചിത്രങ്ങൾ സംവിധാനം ചെയ്യുകയും നിർമിക്കുകയും ചെയ്തിട്ടുള്ള നടൻകൂടിയായ ആലപ്പി അഷറഫ് സംവിധാനം ചെയ്യുന്ന ചിത്രമാണ് അടിയന്തരാവസ്ഥക്കാലത്തെ അനുരാഗം. ഫസ്റ്റ് ലുക്ക് പോസ്റ്റർ കുഞ്ചാക്കോ ബോബൻ പുറത്തിറക്കി. ഒലിവ് പ്രൊഡക്ഷൻസിന്റെ ബാനറിൽ കുര്യച്ചൻ വാളക്കുഴി നിർമിക്കുന്നു.
അടിയന്തരാവസ്ഥക്കാലത്തെ രാഷ്ട്രീയ പശ്ചാത്തലത്തിലൂടെ പ്രണയകഥയാണ് ചിത്രം. കായൽത്തീരത്തു ജീവിക്കുന്ന സാധാരണക്കാരായ ഒരു കൂട്ടം മനുഷ്യരുടെ ജീവിതമാണിതിൽ. പുതുമുഖങ്ങൾക്കു പ്രാധാന്യം നൽകുന്ന ചിത്രത്തിൽ നിഹാലും ഗോപികാ ഗിരീഷുമാണ് പ്രധാന താരങ്ങൾ. ഹാഷിം ഷാ, കൃഷ്ണപ്രഭ, കലാഭവൻ റഹ്മാൻ, ഉഷ, ആലപ്പി അഷറഫ്, ഫെലിസിന, പ്രിയൻ, ശാന്തകുമാരി, അനന്തു കൊല്ലം, ജെ.ജെ. കുറ്റിക്കാട്, അമ്പുകാരൻ, മുന്ന, നിമിഷ, റിയ കാപ്പിൽ, എ.കബീർ എന്നിവരും ചിത്രത്തിലെത്തുന്നു.
രചന, ഗാനങ്ങൾ: ടൈറ്റസ് ആറ്റിങ്ങൽ. സംഗീതം: അഫ്സൽ യൂസഫ്, കെ.ജെ.ആന്റണി, ടി.എസ്. ജയരാജ്. ആലാപനം: യേശുദാസ് ,ശ്രയാ ഘോഷൽ, നജീബ് അർഷാദ്. ശ്വേതാ മോഹൻ,
കാമറ: ബി.ടി.മണി. ഡിസംബർ മധ്യത്തിൽ പ്രദർശനത്തിനെത്തും.
വാഴൂർ ജോസ്
ജീത്തു ജോസഫ് - മോഹൻലാൽ ചിത്രം ക്രിസ്മസിന്
ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമിച്ചു ജീത്തു ജോസഫ് സംവിധാനം ചെയ്യുന്ന നേര് - ഡിസംബർ 21ന് റിലീസ് ചെയ്യും. വക്കീൽ വേഷത്തിലുള്ള മോഹൻലാലിന്റെ ലുക്കുമായി പോസ്റ്റർ പുറത്തുവന്നു. നീതിക്കായി രണ്ടു വക്കീലന്മാർ അങ്ങേയറ്റം വാദിച്ചുകൊണ്ട് കോടതി മുറിയെ ആകാംക്ഷയുടെ മുൾമുനയിലേക്കു നയിക്കുകയാണ് ഈ ചിത്രം. തികഞ്ഞ ഒരു കോർട്ട് റൂം ഡ്രാമയാണ് ചിത്രം.
കോടതിയിൽ പ്രധാനമായും ഏറ്റുമുട്ടുന്നത് മോഹൻലാലും പ്രിയാമണിയുമാണ്. സിദിഖ്, ജഗദീഷ്, അനശ്വരരാജൻ, ഗണേഷ് കുമാർ, നന്ദു, ദിനേശ് പ്രഭാകർ, ശങ്കർ ഇന്ദുചൂഡൻ, മാത്യുവർഗീസ്, കലേഷ്, കലാഭവൻ ജിന്റോ, രശ്മി അനിൽ, രമാദേവി, എന്നിവരും പ്രധാന താരങ്ങളാണ്.
ഈ ചിത്രത്തിൽ സുപ്രധാനമായ ഒരു കഥാപാത്രത്തെ അവതരിപ്പിക്കുന്ന അഭിഭാഷകയായ ശാന്തി മായാദേവിയും ജീത്തു ജോസഫും ചേർന്നാണ് ഈ ചിത്രത്തിന്റെ തിരക്കഥ. ഔദ്യോഗിക ജീവിതാനുഭവങ്ങൾ കൂടി തിരക്കഥയെ ഏറെ ബലപ്പെടുത്താൻ സഹായിച്ചിട്ടുണ്ട്.
ബുള്ളറ്റ് ഡയറീസ് തീയറ്ററിൽ
കണ്ണൂർ ജില്ലയിലെ മലയോര മേഖലയുടെ പശ്ചാത്തലത്തിലൂടെ ബൈക്ക് പ്രേമിയായ ഒരു യുവാവിന്റെ കഥ പറയുന്ന ബുള്ളറ്റ് ഡയറീസ് തീയറ്ററിലെത്തി. കേന്ദ്രകഥാപാത്രമായ രാജു ജോസഫിനെ ധ്യാൻ ശ്രീനിവാസൻ അവതരിപ്പിക്കുന്നു. പ്രയാഗാ മാർട്ടിനാണ് നായിക.
രൺജി പണിക്കർ, ജോണി ആന്റണി, സുധീർ കരമന, സന്തോഷ് കീഴാറ്റൂർ, അൽത്താഫ് സലിം. ശീകാന്ത് മുരളി, കോട്ടയം പ്രദീപ്, ശ്രീലഷ്മി, മനോഹരി, നിഷാ സാരംഗ്, സേതു ലഷ്മി,
എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. കൈതപ്രം-റഫീഖ് അഹമ്മദ് എന്നിവരുടെ ഗാനങ്ങൾക്ക് ഷാൻ റഹ്മാന്റെ ഈണം.
ഗാർഡിയൻ ഏഞ്ചൽ നന്മയിൽ നിറഞ്ഞ് ഒരു ഒാഡിയോ ലോഞ്ച്
ഭദ്ര ഗായത്രി പ്രൊഡക്ഷൻസിന്റെ ബാനറിൽ സർജന്റ് സാജു എസ്. ദാസ് തിരക്കഥ എഴുതി സംവിധാനം ചെയ്യുന്ന ഗാർഡിയൻ ഏഞ്ചൽ എന്ന സിനിമയുടെ ഒാഡിയോ ലോഞ്ച് തൃശൂർ അമല ഹോസ്പിറ്റലിൽ നടന്നു. ശാരീരിക ന്യൂനതകളുള്ള നിർധന കുട്ടികൾക്ക് കൃത്രിമ അവയവങ്ങൾ കൊടുത്തുകൊണ്ടായിരുന്നു ചടങ്ങ്.
ഗായിക നഞ്ചിയമ്മയും സന്നിദാനന്ദനും ചേർന്നാണ് സഹായം വിതരണം ചെയ്തത്. നന്മ ചെയ്തുകൊണ്ടുള്ള ഒാഡിയോ ലോഞ്ച് സമൂഹത്തിനു മാതൃകയാണെന്ന് അമല ഹോസ്പിറ്റൽ ഡയറക്ടർ ഫാ. ജൂലിയസ് അഭിപ്രായപ്പെട്ടു.സ്റ്റാർ ഹോട്ടലുകളിലോ മാളുകളിലോ നടക്കാറുള്ള ചടങ്ങ് പ്രൊഡക്ഷൻ ടീമിന്റെ ആഗ്രഹപ്രകാരമാണ് ഇങ്ങനെ നടത്തിയതെന്ന് സംവിധായകൻ പറഞ്ഞു. അമല ഹോസ്പിറ്റൽ അധികൃതരോടുള്ള നന്ദിയും കടപ്പാടും അദ്ദേഹം രേഖപ്പെടുത്തി.
ഫ്രാങ്കോ, ദുർഗാ വിശ്വനാഥ് എന്നിവർ ചേർന്ന് ആലപിച്ച "ഡും ടക്കടാ" എന്നു തുടങ്ങുന്ന ഗാനത്തിന്റെ ലിറിക്കൽ വേർഷൻ ലോഞ്ച് ചെയ്തു. സർജന്റ് സാജു എസ്. ദാസ് നായകനായി എത്തുന്ന ഈ ചിത്രത്തിൽ രാഹുൽ മാധവ്, മേജർ രവി, നഞ്ചിയമ്മ, ലക്ഷ്മിപ്രിയ, ഗിന്നസ് പക്രു, ഷാജു ശ്രീധർ, ശോബിക ബാബു, ലത ദാസ്, ദേവദത്തൻ, ജോൺ അലക്സാണ്ടർ, തുഷാര പിള്ള, മായ സുരേഷ് തുടങ്ങിയവരോടൊപ്പം അമ്പതോളം പുതുമുഖങ്ങളും അഭിനയിക്കുന്നു. കാമറ: വേലു. എഡിറ്റർ: അനൂപ് എസ്. രാജ്, സംഗീതം: രാം സുരേന്ദർ. ചന്ദ്രദാസ്.
വാഴൂർ ജോസ്