കോ​വൈ കു​റ്റാ​ലം വി​ളി​ക്കു​ന്നു
സം​സ്ഥാ​നം: ത​മി​ഴ്നാ​ട്
ജി​ല്ല: കോ​യ​ന്പ​ത്തൂ​ർ
കാ​ഴ്ച: വെ​ള്ള​ച്ചാ​ട്ടം

കു​ന്നി​ന്‍ മു​ക​ളി​ല്‍​നി​ന്നു കു​തി​ച്ചി​റ​ങ്ങു​ന്ന വി​ശാ​ല​മാ​യ വെ​ള്ള​ച്ചാ​ട്ടം. പാ​റ​ക​ളു​ടെ തി​ട്ട​ക​ളി​ല്‍ ത​ട്ടി​ച്ചി​ത​റി തെ​ളി​ഞ്ഞ വെ​യി​ലി​ല്‍ വെ​ള്ളി​ച്ചി​ല്ലു വി​ത​റി തു​ള്ളി​യൊ​ഴു​കു​ന്ന വെ​ള്ള​ച്ചാ​ട്ടം. ഇ​വി​ടെ ചാ​ടി​ക്ക​ളി​ച്ച്, നീ​ന്തി​ത്തു​ടി​ച്ച് കു​ളി​രി​ന്‍റെ ഉ​ത്സ​വ​മേ​ളം തീ​ര്‍​ക്കാം.

സ​ഞ്ചാ​രി​ക​ള്‍​ക്ക് എ​ന്നും പ്രി​യ​ത​ര​മാ​ണ് കോ​യ​ന്പ​ത്തൂ​രി​ലെ കോ​വൈ കു​റ്റാ​ലം വെ​ള്ള​ച്ചാ​ട്ടം. പൂ​ര്‍​ണ​മാ​യും വ​നം​വ​കു​പ്പി​ന്‍റെ നി​യ​ന്ത്ര​ണ​ത്തി​ലു​ള​ള പ്ര​ദേ​ശ​മാ​ണെ​ങ്കി​ലും ഉ​ല്ലാ​സ​ത്തി​നു കു​റ​വൊ​ന്നും വ​രി​ല്ല. ചെ​ക്‌​പോ​സ്റ്റി​ല്‍​നി​ന്നു രാ​വി​ലെ പ​ത്തി​നു​ശേ​ഷം മാ​ത്ര​മേ വെ​ള്ള​ച്ചാ​ട്ട​ത്തി​ന് അ​ടു​ത്തേ​ക്കു സ​ന്ദ​ര്‍​ശ​ക​രെ ക​ട​ത്തി​വി​ടു​ക​യു​ള്ളൂ.

ശ്ര​ദ്ധി​ക്കേ​ണ്ട​ത്:

വ​നം​വ​കു​പ്പി​ന്‍റെ വാ​ഹ​ന​ത്തി​ലാ​ണ് സ​വാ​രി. ആ​ന​യും ക​ര​ടി​യും വാ​ന​ന്മാ​രു​മു​ള്ള കൊ​ടും​കാ​ട്ടി​ലെ ടാ​റി​ട്ട പാ​ത​യി​ലൂ​ടെ​യാ​ണ് യാ​ത്ര. വാ​ഹ​നം നി​ര്‍​ത്തി വെ​ള്ള​ച്ചാ​ട്ട​ത്തി​ലേ​ക്കു കു​റ​ച്ചു​ദൂ​രം ന​ട​ക്ക​ണം. വെ​ള്ള​ച്ചാ​ട്ട​ത്തി​ല്‍ നീ​ന്തി​ത്തു​ടി​ക്കു​ന്ന​തി​നി​ടെ നി​രീ​ക്ഷി​ക്കാ​ന്‍ ഉ​ദ്യോ​ഗ​സ്ഥ​രു​ണ്ടാ​കും.

വ​ഴു​ക്കു​ള്ള പാ​റ​യി​ല്‍ ക​യ​റ​രു​തെ​ന്നും പാ​റ​പ്പു​റ​ത്തു​നി​ന്നു ചാ​ട​രു​തെ​ന്നും മൈ​ക്കി​ലൂ​ടെ മു​ന്ന​റി​യി​പ്പ് വി​ളി​ച്ചു​പ​റ​യു​ന്നു​ണ്ടാ​കും. വ​ലി​യ സു​ര​ക്ഷ​യോ​ടെ​യാ​ണ് ഈ ​ടൂ​റി​സം കേ​ന്ദ്രം പ്ര​വ​ര്‍​ത്തി​ക്കു​ന്ന​ത്. അ​മി​താ​വേ​ശ​മി​ല്ലാ​തെ സ​ഹ​ക​രി​ച്ചാ​ല്‍ ഓ​രോ ടൂ​റി​സ്റ്റും മ​ട​ങ്ങു​ക അ​തീ​വ സ​ന്തോ​ഷ​ത്തോ​ടെ​യാ​യി​രി​ക്കു​മെ​ന്ന് ഉ​റ​പ്പാ​ണ്. പ്ര​കൃ​തി നി​രീ​ക്ഷ​ണ​ത്തി​നൊ​പ്പം കു​ളി​ര്‍​മ നി​റ​ഞ്ഞൊ​രു കു​ളി​യും പാ​സാ​ക്കി കു​റ്റാ​ലം യാ​ത്ര സു​ഖ​ക​ര​മാ​ക്കാം.

വ​ഴി:

കോ​യ​മ്പ​ത്തൂ​ര്‍ ടൗ​ണി​ല്‍​നി​ന്നു പേ​രൂ​ര്‍- ശി​രു​വാ​ണി റോ​ഡി​ല്‍ 35 കി​ലോ​മീ​റ്റ​ര്‍ ദൂ​രം. സ​ന്ദ​ര്‍​ശ​ന സ​മ​യം രാ​വി​ലെ പ​ത്തു മു​ത​ല്‍ വൈ​കു​ന്നേ​രം മൂ​ന്നു വ​രെ. പ്ര​വേ​ശ​ന​ത്തി​നു ടി​ക്ക​റ്റ് നി​ര്‍​ബ​ന്ധം. സ​ന്ദ​ര്‍​ശ​ക​രു​ടെ വാ​ഹ​നം ചെ​ക്‌​പോ​സ്റ്റി​ന​ടു​ത്തു പാ​ര്‍​ക്കിം​ഗ് ഗ്രൗ​ണ്ടി​ല്‍ നി​ര്‍​ത്തി​യി​ട​ണം. വെ​ള്ള​ച്ചാ​ട്ട​ത്തി​ന​ടു​ത്തേ​ക്കു വ​നം​വ​കു​പ്പി​ന്‍റെ വാ​ഹ​ന​ത്തി​ൽ സ​വാ​രി.

എം.​വി. വ​സ​ന്ത്


Copyright @ 2022 , Rashtra Deepika Ltd.