 Back to Home |
|
|
മോഹിപ്പിച്ച് കരയിച്ചു |
|
|
|
മാഞ്ചസ്റ്റർ: ശരിക്കും മോഹിപ്പിച്ചു, പക്ഷേ മോഹഭംഗത്തിനായിരുന്നു വിധി... രവീന്ദ്ര ജഡേജയും എം.എസ്. ധോണിയും നടത്തിയ പോരാട്ടം ഇന്ത്യൻ ആരാധകരെ ലോകകപ്പ് ഫൈനൽ സ്വപ്നം കാണാൻ ഒരുവേള പ്രേരിപ്പിച്ചെങ്കിലും അവസാന ചിരി കിവികളുടേതായി... അതോടെ നീലപ്പടയുടെ ആരാധകർ കണ്ണീരണിഞ്ഞു... പന്ത്രണ്ടാം ഏകദിന ലോകകപ്പ് ക്രിക്കറ്റ് ആദ്യ സെമിയിൽ ഇന്ത്യയെ 18 റണ്‍സിനു കീഴടക്കി ന്യൂസിലൻഡ് ഫൈനലിൽ. തുടർച്ചയായ രണ്ടാം തവണയാണ് ന്യൂസിലൻഡ് ലോകകപ്പ് ഫൈനലിൽ പ്രവേശിക്കുന്നത്. ഇന്ത്യയുടെ തുടർച്ചയായ രണ്ടാം സെമി തോൽവിയും. സ്കോർ: ന്യൂസിലൻഡ് 50 ഓവറിൽ എട്ടിന് 239. ഇന്ത്യ 49.3 ഓവറിൽ 221.
സ്വപ്നം തകർന്നു
കോഹ്ലിയും സംഘവും ലോകകപ്പിൽ മുത്തമിടുന്നതായിരുന്നു നീലപ്പടയുടെ ആരാധകർ ഏതാനും നാളുകളായി കാണുന്ന സ്വപ്നം. ന്യൂസിലൻഡ് മുന്നോട്ടുവച്ച 240 റണ്‍സ് എന്ന വിജയലക്ഷ്യത്തിനായി ഇറങ്ങിയ ഇന്ത്യയുടെ ഇന്നിംഗ്സിന് 19 പന്തിന്‍റെ മാത്രം ദൈർഘ്യം ആയപ്പോൾ ആ സ്വപ്നം നിലംപരിശായി. കാരണം, ഈ ലോകകപ്പിൽ ഇന്ത്യയുടെ ജൈത്രയാത്രയിൽ നിർണായ പങ്കുവഹിച്ച രോഹിത് ശർമ (ഒരു റണ്‍), വിരാട് കോഹ്‌ലി (ഒരു റണ്‍), കെ.എൽ. രാഹുൽ (ഒരു റണ്‍) എന്നിവർ അപ്പോഴേക്കും പവലിയനിലെത്തി. അഞ്ച് റണ്‍സ് മാത്രമായിരുന്നു ഇന്ത്യൻ സ്കോർബോർഡിൽ അപ്പോൾ ഉണ്ടായിരുന്നത്. 10-ാം ഓവർ പൂർത്തിയായപ്പോൾ ദിനേശ് കാർത്തികും (ആറ് റണ്‍സ്) മടങ്ങിയതോടെ ഇന്ത്യൻ സ്കോർ 24/4. ഈ ലോകകപ്പിൽ ഇന്ത്യയുടെ ഏറ്റവും ദയനീയ തുടക്കം. ന്യൂസിലൻഡ് 10 ഓവറിൽ നേടിയത് ഒരു വിക്കറ്റ് നഷ്ടത്തിൽ 27 റണ്‍സ് ആയിരുന്നു എന്നതും മറ്റൊരു വസ്തുത.
പന്തും പാണ്ഡ്യയും
അഞ്ചാം വിക്കറ്റിൽ ഋഷഭ് പന്തും (32 റണ്‍സ്) ഹാർദിക് പാണ്ഡ്യയും (32 റണ്‍സ്) 47 റണ്‍സ് കൂട്ടുകെട്ടുണ്ടാക്കി ഇന്ത്യയെ മുന്നോട്ട് നയിച്ചു. എന്നാൽ, കൂറ്റനടിക്കുശ്രമിച്ച ഇരുവരും മിച്ചൽ സാന്‍റ്നർക്ക് വിക്കറ്റ് സമ്മാനിച്ചു. സെറ്റിൽ ചെയ്ത് കളിക്കേണ്ട സമയത്ത് അനാവശ്യ ഷോട്ടിലൂടെ പന്ത് മടങ്ങിയപ്പോൾ ഡ്രസിംഗ് റൂമിൽ ക്യാപ്റ്റൻ കോഹ്‌ലി അസന്തുഷ്ടി പ്രകടിപ്പിച്ചു. ഡീപ് മിഡ്‌വിക്കറ്റിൽ കോളിൻ ഗ്രാൻഡ്ഹോമിനു ക്യാച്ച് നല്കിയായിരുന്നു പന്ത് മടങ്ങിയത്. ഇന്ത്യക്ക് അപ്പോൾ 169 പന്തിൽ 163 റണ്‍സ് ജയിക്കാൻ ആവശ്യമായിരുന്നു. 148 പന്തിൽ 117 റണ്‍സ് വേണ്ടിയപ്പോഴാണ് സൂപ്പർ ഹിറ്ററായ ഹാർദിക് കൂറ്റനടിക്കുശ്രമിച്ച് കെയ്ൻ വില്യംസണിന്‍റെ കൈകളിൽ അവസാനിച്ചത്.
പടനയിച്ച് ജഡേജ, ധോണി
30.3 ഓവറിൽ ആറിന് 92 എന്ന നിലയിലാണ് ധോണിയും ജഡേജയും ക്രീസിൽ ഒന്നിച്ചത്. ചെന്നൈ സൂപ്പർ കിംഗ്സിനെ ഐപിഎലിൽ പലകുറി വിജയിപ്പിച്ചിട്ടുള്ള ഈ കൂട്ടുകെട്ട് ഇന്ത്യയെ ജയത്തിലെത്തിക്കുമെന്ന പ്രതീതിയുണ്ടായി. ഏഴാം വിക്കറ്റിൽ ഇവർ 104 പന്തിൽ 116 റണ്‍സ് അടിച്ചുകൂട്ടി. ക്രീസ് വിട്ടിറങ്ങിയുള്ള ജഡേജയുടെ സ്ക്സറുകൾ ഇന്ത്യൻ പ്രതീക്ഷ വാനോളമെത്തിച്ചു. എന്നാൽ, അനാവശ്യ തിടുക്കം കാണിച്ച ജഡേജയ്ക്ക് ടെന്‍റ് ബോൾട്ട് എറിഞ്ഞ 48-ാം ഓവറിന്‍റെ അഞ്ചാം പന്തിൽ പിഴച്ചു. ടോപ് എഡ്ജ് ആയ പന്ത്, മിഡ് ഓഫിൽ വില്യംസണിന്‍റെ കൈകളിൽ ഭദ്രം. 59 പന്തിൽ നാല് സിക്സും നാല് ഫോറും അടക്കം 77 റണ്‍സ് ആയിരുന്നു ജഡേജയുടെ സന്പാദ്യം.
49-ാം ഓവറിന്‍റെ മൂന്നാം പന്തിൽ ധോണിയും (72 പന്തിൽ ഒരു സിക്സും ഒരു ഫോറും അടക്കം 50 റണ്‍സ്) പുറത്തായതോടെ ഇന്ത്യയുടെ പോരാട്ടം അവസാനിച്ചു. ഫെർഗൂസന്‍റെ ഓവറിലെ ആദ്യ പന്ത് സിക്സർ പറത്തിയ ധോണി മൂന്നാം പന്തിൽ രണ്ടാം റണ്ണിനായുള്ള ശ്രമത്തിൽ റണ്ണൗട്ടാകുകയായിരുന്നു. മാർട്ടിൻ ഗപ്റ്റിലിന്‍റെ നേരിട്ടുള്ള ത്രോ വിക്കറ്റ് ഇളക്കുന്പോൾ സൈഡ് അന്പയർപോലും അദ്ഭുതപ്പെട്ടുപോയെന്നതും വാസ്തവം.
ടെയ്‌ലർ 77
ന്യൂസിലൻഡിന്‍റെ ഇന്നിംഗ്സ് 46.1 ഓവറിൽ അഞ്ചിന് 211 എന്ന നിലയിൽ നിൽക്കുന്പോൾ മഴയെത്തുടർന്ന് ചൊവ്വാഴ്ചത്തെ മത്സരം നിർത്തിവച്ചിരുന്നു. ശേഷിച്ച 23 പന്തിൽ ന്യൂസിലൻഡ് 28 റണ്‍സ് നേടി. 67 റണ്‍സുമായി ക്രീസിൽനിന്നിരുന്ന റോസ് ടെയ്‌ലർ 77 റണ്‍സ് നേടി റണ്ണൗട്ടായി. ഇന്ത്യ മൂന്ന് വിക്കറ്റ് വീഴ്ത്തുകയും ചെയ്തു.
സ്കോർബോർഡ്/ ടോസ്: ന്യൂസിലൻഡ്
ന്യൂസിലൻഡ് ബാറ്റിംഗ്: ഗപ്റ്റിൽ സി കോഹ്‌ലി ബി ബുംറ 1, നിക്കോൾസ് ബി ജഡേജ 28, വില്യംസണ്‍ സി ജഡേജ ബി ചാഹൽ 67, റോസ് ടെയ്‌ലർ റണ്ണൗട്ട് 74, നീഷം സി കാർത്തിക് ബി ഹാർദിക് 12, ഗ്രാൻഡ്ഹോം സി ധോണി ബി ഭുവനേശ്വർ 16, ടോം ലാഥം സി ജഡേജ ബി ഭുവനേശ്വർ 16, മിച്ചൽ സാന്‍റ്നർ നോട്ടൗട്ട് 9, മാറ്റ് ഹെൻ‌റി സി കോഹ്‌ലി ബി ഭുവനേശ്വർ 1, ബോൾട്ട് നോട്ടൗട്ട് 3, എക്സ്ട്രാസ് 18, ആകെ 50 ഓവറിൽ എട്ടിന് 239.
വിക്കറ്റ് വീഴ്ച: 1/1, 69/2, 134/3, 162/4, 200/5, 225/6, 225/7, 232/8.
ബൗളിംഗ്: ഭുവനേശ്വർ 10-1-13-3, ബുംറ 10-1-39-1, ഹാർദിക് 10-0-55-1, ജഡേജ 10-0-34-1, യുസ്‌വേന്ദ്ര ചാഹൽ 10-0-63-1.
ഇന്ത്യ ബാറ്റിംഗ്: രാഹുൽ സി ലാഥം ബി ഹെൻ‌റി 1, രോഹിത് സി ലാഥം ബി ഹെൻ‌റി 1, കോഹ്‌ലി എൽബിഡബ്ല്യു ബി ബോൾട്ട് 1, പന്ത് സി ഗ്രാൻഡ്ഹോം ബി സാന്‍റ്നർ 32, കാർത്തിക് സി നീഷം ബി ഹെൻ‌റി 6, ഹാർദിക് സി വില്യംസണ്‍ ബി സാന്‍റ്നർ 32, ധോണി റണ്ണൗട്ട് 50, ജഡേജ സി വില്യംസണ്‍ ബി ബോൾട്ട് 77, ഭുവനേശ്വർ ബി ഫെർഗൂസണ്‍ 0, ചാഹൽ സി ലാഥം ബി നീഷം 5, ബുംറ നോട്ടൗട്ട് 0, എക്സ്ട്രാസ് 16, ആകെ 49.3 ഓവറിൽ 221.
വിക്കറ്റ് വീഴ്ച: 4/1, 5/2, 5/3, 24/4, 71/5, 92/6, 208/7, 216/8, 217/9, 221/10.
ബൗളിംഗ്: ബോൾട്ട് 10-2-42-2, ഹെൻ‌റി 10-1-37-3, ഫെർഗൂസണ്‍ 10-0-43-1, ഗ്രാൻഡ്ഹോം 2-0-13-0, നീഷം 7.3-0-49-1, സാന്‍റ്നർ 10-2-34-2.
തല തകർന്നു
മാറ്റ് ഹെൻ‌റിയുടെ ഓപ്പണിംഗ് സ്പെല്ലുകളാണ് കളിഗതി നിർണയിച്ചത്. അഞ്ച് ഓവറിൽ 13 റണ്‍സിന് മൂന്ന് വിക്കറ്റുകൾ ഹെൻ‌റി സ്വന്തമാക്കി. രോഹിത്, രാഹുൽ, കാർത്തിക് എന്നിവരാണ് കിവീസ് താരത്തിനു മുന്നിൽ കീഴടങ്ങിയത്. അതോടെ ഇന്ത്യയുടെ തല തകർന്നു. കോഹ്ലിയെ മടക്കിയ ബോൾട്ടിന്റെ ആദ്യ അഞ്ച് ഓവറിൽ ഇന്ത്യക്കു നേടാനായത് ഒന്പത് റണ്‍സ് മാത്രവും. ഹെൻ‌റിയാണ് മാൻ ഓഫ് ദ മാച്ച്.
മഴയും വിമർശനങ്ങളും
ധോണിയെ അഞ്ചാം നന്പറിൽ ഇറക്കാത്തതിനെതിരേ ശക്തമായ വിമർശനമാണ് ഉണ്ടായത്. സച്ചിൻ തെണ്ടുൽക്കർ ഉൾപ്പെടെയുള്ളവർ ധോണിയെ ഏഴാം നന്പറിൽ ഇറക്കിയതിനെതിരേ രംഗത്തെത്തി. എന്നാൽ, ടീം തീരുമാനം ഏഴാം നന്പറിൽ ധോണിയെ ഇറക്കാനായിരുന്നെന്ന് കോഹ്‌ലി മത്സരശേഷം പറഞ്ഞു.
ചൊവ്വാഴ്ച നടക്കേണ്ടിയിരുന്ന മത്സരം മഴയെത്തുടർന്ന് ഇന്നലത്തക്ക് മാറ്റിവച്ചിരിന്നില്ലെങ്കിൽ ഒരു പക്ഷേ, ഇന്ത്യ ജയിക്കുമെന്നൊരു അഭിപ്രായം ഇന്ത്യൻ ക്രിക്കറ്റ് ലോകത്തുണ്ട്. കാരണം, മാനസികമായി ഇന്ത്യ മുൻതൂക്കം നേടിയിരുന്നു. മഴയ്ക്കുശേഷമുള്ള സാഹചര്യത്തിൽ ഇന്നലെ ഇന്ത്യൻ ടോപ് ഓർഡറിനു ഫോം കണ്ടെത്താൻ സാധിച്ചില്ല. സെമിയിലെ പരാജയം മാനസികമായി അംഗീകരിക്കാൻ സാധിക്കുന്നില്ലെന്നായിരുന്നു മത്സരശേഷം കോഹ്‌ലിയുടെ പ്രതികരണം.
|
 |
| ‘ഓവർ ത്രോ റൺസ് അന്പയറുടെ പിഴവ്’ |  ഏകദിന ക്രിക്കറ്റ് ലോകകപ്പ് സമാപിച്ചെങ്കിലും വിവാദങ്ങള്‍ തീരുന്നില്ല. മാര്‍ട്ടിന്‍ ഗപ്റ്റിലിന്‍റെ ഓവര്‍ ത്രോയില് ഇംഗ്ലണ്ടിന് അന്പയർ ആറു റൺസ് അനുവദിച്ചതിനെ | |
| ന്യൂസിലൻഡിൽ ജനിച്ച ഇംഗ്ലീഷ് താരം! |  പന്ത്രണ്ടാം ഏകദിന ക്രിക്കറ്റ് ലോകകപ്പിൽ കിരീടത്തിനും ന്യൂസിലൻഡിനും ഇടയിൽ പ്രതിനായകനായത് ബെൻ സ്റ്റോക്സ്. ന്യൂസിലൻഡിൽ | |
| ‘ഐസിസിയുടെ വിഡ്ഢി നിയമം’ |  ലണ്ടൻ: ഏകദിന ക്രിക്കറ്റ് ലോകകപ്പില്‍ ബൗണ്ടറികളുടെ എണ്ണത്തില്‍ ഇംഗ്ലണ്ടിനെ വിജയിയായി നിര്‍ണയിച്ചതിനെതിരേ മുന്‍ താരങ്ങള്‍. 50 ഓവറില്‍ സ്‌കോര്‍ (241) തുല്യത | |
| ഐസിസി ടീമിൽ രോഹിത്തും ബുംറയും |  ലണ്ടൻ: പന്ത്രണ്ടാം ലോകകപ്പ് ക്രിക്കറ്റ് അവസാനിച്ചതോടെ ഐസിസി ടൂർണമെന്‍റിലെ ടീമിനെ പ്രഖ്യാപിച്ചു. രോഹിത് ശർമ, ജസ്പ്രീത് ബുംറ | |
| ലോകകപ്പിലെ താരമായി കെയ്ൻ വില്യംസൺ |  ലോഡ്സ്: ക്രിക്കറ്റ് ലോകകപ്പിൽ താരമായി ന്യൂസിലൻഡ് നായകൻ കെയ്ൻ വില്യംസൺ. പത്ത് മത്സരങ്ങളിൽനിന്ന് 578 റൺസ് നേടിയാണ് വില്യംസൺ ടൂർണമെന്‍റിലെ താരമായത്. രണ്ട് | |
| പിന്പന്മാർ മുന്പന്മാർ ! |  ഏകദിന ലോകകപ്പ് ക്രിക്കറ്റിൽ പോയിന്റ് പട്ടികയിൽ മുന്പന്മാരായവർ പുറത്തായപ്പോൾ പിന്പന്മാർ ഫൈനലിൽ. ലീഗ് റൗണ്ടിൽ ഏഴ് ജയം വീതം | |
| ധർമസേന ഫൈനൽ നിയന്ത്രിക്കും |  ലണ്ടൻ: ഏകദിന ലോകകപ്പ് ക്രിക്കറ്റ് ഫൈനൽ അന്പയർമാരായ ശ്രീലങ്കയുടെ കുമാർ ധർമസേനയും ദക്ഷിണാഫ്രിക്കയുടെ മാരിസ് എറസ്മസും | |
| ഇനി പുതുയുഗം |  ബിര്‍മിങാം: 12-ാം ഏകദിന ലോകകപ്പിൽ ആതിഥേരായ ഇംഗ്ലണ്ട്, 2015ലെ ചാന്പ്യന്മാരായ ഓസ്ട്രേലിയയെ എട്ട് വിക്കറ്റിന് തകര്‍ത്ത് ഫൈനലിൽ. ഞായറാഴ്ച നടക്കുന്ന ഫൈനലില്‍ | |
| 12 ക്യാച്ച്; റിക്കാർഡിട്ട് റൂട്ട് |  ബിര്‍മിങാം:ഒരു ലോകകപ്പിൽ ഏറ്റവും അധികം ക്യാച്ച് എടുത്തതിന്‍റെ റിക്കാർഡ് ഇംഗ്ലണ്ടിന്‍റെ ജോ റൂട്ടിന്. 12 | |
| പിഴവുകൾ പലത്... |  ലോഡ്‌സില്‍ ഒരിക്കല്‍ക്കൂടി ലോകകപ്പ് ഉയര്‍ത്താമെന്ന പ്രതീക്ഷയോടെ ഇംഗ്ലണ്ടിലെത്തിയ ഇന്ത്യൻ ക്രിക്കറ്റ് ടീം ആരാധകര്‍ക്ക് നിരാശ സമ്മാനിച്ച് സെമിയില്‍ കീഴടങ്ങി. | |
| നാണക്കേടിന്‍റെ ചരിത്രം |  മാഞ്ചസ്റ്റർ: ലോകകപ്പ് സെമിയിൽ ന്യൂസിലൻഡിനെതിരേ ഇന്ത്യയുടെ തുടക്കം അതിദയനീയമായിരുന്നു. ടൂർണമെന്‍റിൽ ഇന്ത്യയുടെ ഏറ്റവും | |
| ജഗ്ഗു ‘ചെറുകിടയല്ല’ |  ഇന്ത്യയുടെ മുൻ താരവും ക്രിക്കറ്റ് കമന്‍റേറ്ററുമായ സഞ്ജയ് മഞ്ജരേക്കർ രവീന്ദ്ര ജഡേജയെ വിശേഷിപ്പച്ചത് ചെറുകിട | |
| ലക്ഷ്യം ശത്രുസംഹാരം |  ബിർമിങാം: പന്ത്രണ്ടാം ഏകദിന ലോകകപ്പ് ക്രിക്കറ്റ് ഫൈനൽ ടിക്കറ്റിനായി ആതിഥേയരായ ഇംഗ്ലണ്ടും ചിരവൈരികളായ ഓസ്ട്രേലിയയും ഇന്ന് | |
| ഇന്ത്യയ്ക്ക് വൻ ബാറ്റിംഗ് തകർച്ച |  മാഞ്ചസ്റ്റർ: ലോകകപ്പ് സെമിഫൈനലിൽ ന്യൂസിൻഡിനെതിരേ ഇന്ത്യയ്ക്ക് വൻ ബാറ്റിംഗ് തകർച്ച. 240 റണ്‍സ് വിജയലക്ഷ്യം പിന്തുടരുന്ന ഇന്ത്യ 43 ഓവർ പിന്നിടുമ്പോൾ ആറ് | |
| ഇന്ത്യയ്ക്ക് വിജയലക്ഷ്യം 240 റണ്‍സ് |  മാഞ്ചസ്റ്റർ: ലോകകപ്പിൽ നാലാം ഫൈനൽ കളിക്കാൻ ഇന്ത്യ നേടേണ്ടത് 240 റണ്‍സ്. മഴമൂലം റിസർവ് ദിനത്തിലേക്ക് മാറ്റിയ സെമിഫൈനലിൽ ആദ്യം ബാറ്റ് ചെയ്ത ന്യൂസിലൻഡ് 50 ഓവറിൽ എട്ട് വിക്കറ്റിന് 239 റണ്‍സ് നേടി. 46.1 | |
| ഷാമിക്കായി വാദം |  മാഞ്ചസ്റ്റർ: ന്യൂസിലൻഡിനെതിരേ പേസർ മുഹമ്മദ് ഷാമി, റിസ്റ്റ് സ്പിന്നർ കുൽദീപ് യാദവ് എന്നിവരെ ഒഴിവാക്കിയാണ് വിരാട് കോഹ്‌ലി | |
| ലോകകപ്പ് നിയമങ്ങൾ എന്ത് ? |  1. റിസർവ് ദിനം
സെമി ഫൈനൽ, ഫൈനൽ മത്സരങ്ങൾക്ക് റിസർവ് ദിനമുണ്ട്. തലേദിവസത്തെ മത്സരത്തുടർച്ചയാണ് റിസർവ് ദിനത്തിൽ ഉണ്ടാകുക. അതായത് ഇന്നലെ | |
| മാഞ്ചസ്റ്ററിൽ മഴയോടു മഴ: ഇനി...? |  മാഞ്ചസ്റ്റര്‍: ഇന്ത്യയും ന്യൂസിലന്‍ഡും തമ്മിലുള്ള സെമിഫൈനല്‍ മത്സരത്തിനിടെ മഴ പെയ്തോടെ മത്സരം റിസർവ് ദിനത്തിലേക്ക് മാറ്റുമോ എന്നാണ് ഏവരും ഉറ്റു നോക്കുന്നത്. | |
| ധോണി - ജഡേജ സഖ്യത്തിനു റിക്കാർഡ് |  ലണ്ടൻ: ഏകദിന ക്രിക്കറ്റിൽ ഇന്ത്യക്കായി ഏറ്റവും അധികം വിക്കറ്റ് വീഴ്ത്തുന്ന ബൗളർ-വിക്കറ്റ് കീപ്പർ കോന്പിനേഷൻ റിക്കാർഡ് ഇനി രവീന്ദ്ര ജഡേജയ്ക്കും എം.എസ്. | |
| ‘തല’യ്ക്ക് ജന്മദിനാശംസയുമായി ഐസിസി |  ലണ്ടൻ: ഇന്ന് 38 വയസ് പൂർത്തിയാക്കുന്ന ഇന്ത്യൻ വിക്കറ്റ് കീപ്പർ എം.എസ്. ധോണിക്ക് ആശംസകളുമായി ക്രിക്കറ്റ് ലോകം. ഇന്ത്യൻ ക്രിക്കറ്റിന്‍റെ മുഖം മാറ്റിയത് | |
|
|
|
|
|
|
 |
|
|
|
|
Group B |
|
|
|
Group C |
|
|