ന്യൂഡൽഹി: ഡൽഹി മലയാളി അസോസിയേഷൻ മയൂർ വിഹാർ ഫേസ്2 ഏരിയയുടെ ആഭിമുഖ്യത്തിൽ വിവിധ കലാപരിപാടികളോടെ ഓണാഘോഷം അരങ്ങേറി. മയൂർ വിഹാർ ഫേസ്2 ലെ പ്രാചീന ശിവ മന്ദിറിലാണ് ആഘോഷ പരിപാടികൾ അരങ്ങേറിയത്.
ഏരിയ ചെയർമാൻ എം. എൽ. ഭോജന്‍റെ അധ്യക്ഷതയിൽ ചേർന്ന സാംസ്കാരിക സമ്മേളനം ചീഫ് ട്രഷറർ മാത്യു ജോസ് ഭദ്രദീപം കൊളുത്തി ഉദ്‌ഘാടനം ചെയ്തു.
അഡീഷണൽ ജനറൽ സെക്രട്ടറി എ. മുരളീധരൻ, അഡീഷണൽ ട്രഷറർ പി. എൻ. ഷാജി, ഏരിയ സെക്രട്ടറി പ്രസാദ് കെ. നായർ, ട്രഷറർ സി. പി. മോഹനൻ, പ്രോഗ്രാം കൺവീനർ സി. പി. സനിൽ, ജോയിന്‍റ് കൺവീനർമാരായ ജോണി തോമസ്, കെ. രമേശ്, അനിതാ ഉണ്ണികൃഷ്ണൻ തുടങ്ങിയവർ പ്രസംഗിച്ചു.
ഓണാഘോഷത്തോടനുബന്ധിച്ചു നടത്തിയ കസേരകളി, ചിത്ര രചന, പെയിന്‍റിംഗ് മത്സരങ്ങളിലെ വിജയികൾക്ക് ചടങ്ങിൽ സമ്മാനങ്ങൾ വിതരണം ചെയ്തു.
കേന്ദ്ര കമ്മിറ്റി നടത്തിയ പൂക്കള മത്സരത്തിൽ രണ്ടാം സമ്മാനത്തിന് അർഹമായ ഏരിയ ടീമിലെ നൈസി ജോണി, ധെൻഷാ ദിനേശ്, മിനി ഉണ്ണികൃഷ്ണൻ, ബീന പ്രസാദ്, രമ ആനന്ദ്, അനക അനിൽ, അനിതാ ഉണ്ണികൃഷ്ണൻ, ഡോളി ആന്‍റണി എന്നിവരെ ചടങ്ങിൽ ആദരിച്ചു.
വനിതാ വിഭാഗം കൺവീനർ അനിതാ ഉണ്ണികൃഷ്ണന്‍റെ നേതൃത്വത്തിൽ രുക്മിണി നായർ, മിനി ഉണ്ണികൃഷ്ണൻ, അനുപമ നായർ, ശിഖാ ആർ. നായർ, ഇന്ദു പിള്ള, നിധിഷ നായർ എന്നിവരുടെ തിരുവാതിരകളിയോടെ കലാപരിപാടികൾ ആരംഭിച്ചു. പ്രദീപ് സദാനന്ദനായിരുന്നു അവതാരകൻ.
പി. ആർ. മനോജ് കോഴിക്കോട്, നിധിഷ നായർ, മനോജ് ജോർജ്, മിനി മനോജ്, സി. പി. എസ്. പണിക്കർ, സി.പി. സനിൽ, തങ്കം ഹരിദാസ്, രാജീവ് കുമാർ എന്നിവർ ആലപിച്ച ഓണപ്പാട്ടുകൾ ഹൃദ്യമായി.
വിഭവ സമൃദ്ധമായി ഒരുക്കിയ ഓണ സദ്യയിൽ നാനൂറിൽപ്പരം ആളുകളും ഗാന്ധിജയന്തിയോട് അനുബന്ധിച്ച് അശരണർക്കായി ഒരുക്കിയ ആഹാരത്തിൽ ഇരുനൂറിലധികം ആളുകളും പങ്കെടുത്തു.
|