Deepika.com Nri News :ഉമ്മൻ ചാണ്ടി - പി.‌ടി. തോമസ് മെമ്മോറിയൽ ബാഡ്മിന്‍റൺ ടൂർണമെന്‍റ് രാഹുൽ മാങ്കൂട്ടത്തിൽ ഉദ്ഘാടനം ചെയ്തു.......

Europe

ഉമ്മൻ ചാണ്ടി പി.‌ടി. തോമസ് മെമ്മോറിയൽ ബാഡ്മിന്‍റൺ ടൂർണമെന്‍റ് രാഹുൽ മാങ്കൂട്ടത്തിൽ ഉദ്ഘാടനം ചെയ്തു

Back To NRI Home Forward This News Click here for detailed news of all items

സ്റ്റോക്ക് ഓൺ ട്രെന്‍റ്: ഉമ്മൻ ചാണ്ടിയുടെയും പി.ടി. തോമസിന്‍റെയും സ്മരണാർഥം ഒഐസിസി യുകെ പ്രഥമ ഷട്ടിൽ ബാഡ്മിന്‍റൺ ഡബിൾസ് ടൂർണമെന്‍റ് സംഘടിപ്പിച്ചു. സ്റ്റോക് ഓൺ ട്രെന്‍റിൽ വച്ച് നടന്ന ബാഡ്മിന്‍റൺ ടൂർണമെന്‍റ് രാഹുൽ മാങ്കൂട്ടത്തിൽ എംഎൽഎ ഉദ്ഘാടനം ചെയ്തു.

ഷട്ടിൽ കളിച്ചുകൊണ്ട് ടൂർണമെന്‍റിന്‍റെ ഉദ്ഘാടനം നിർവഹിച്ച രാഹുൽ മാങ്കൂട്ടത്തിലിനെ വലിയ ആരവത്തോടെയാണ് കാണികൾ ഏറ്റെടുത്തത്. യുകെയിലെ വിവിധ ഭാഗങ്ങളിൽ നിന്നും പ്രവർത്തകർ എത്തിച്ചേർന്നു.

ഒഐസിസി യുകെ നാഷനൽ പ്രസിഡന്‍റ് ഷൈനു ക്ലെയർ മാത്യൂസ് ചടങ്ങിൽ അധ്യക്ഷത വഹിച്ചു. നീതു ജസ്റ്റിന്‍റെ ഈശ്വര പ്രാർഥനയോടെ ആരംഭിച്ച ചടങ്ങുകൾക്ക് നാഷനൽ വക്താവ് റോമി കുര്യാക്കോസ് ആമുഖ പ്രസംഗവും ജോയിന്‍റ് സെക്രട്ടറിയും ടൂർണമെന്‍റ് ചീഫ് കോഓർഡിനേറ്ററുമായ കെ.പി. വിജി സ്വാഗതവും ആശംസിച്ചു.

വർക്കിംഗ് പ്രസിഡന്‍റ് ബേബിക്കുട്ടി ജോർജ് ആശംസയും, സ്റ്റോക്ക് ഓൺ ട്രെന്‍റ് യൂണിറ്റ് പ്രസിഡന്‍റ് ജോഷി വർഗീസ് നന്ദിയും അർപ്പിച്ചു. ഉദ്ഘാടന ചടങ്ങിനോടനുബന്ധിച്ച് ഐന അബിൻ, എയ്ഞ്ചൽ ഷെബിൻ, എയ്ഞ്ചൽ നെബു, ഒലിവിയ സന്തോഷ്, ലൗറ ഷെബിൻ എന്നിവർ ചേർന്ന് അവതരിപ്പിച്ച ’വെൽക്കം ഡാൻസ്’ നയന മനോഹരമായി.

ഇന്‍റർമീഡിയേറ്റ് കാറ്റഗറിയിൽ നടത്തിയ മെൻസ് ഡബിൾസിൽ ഉമ്മൻചാണ്ടി മെമ്മോറിയൽ കപ്പുയർത്തിയത് ജെറമി അക്ഷയ് കൂട്ടുകെട്ടാണ്. രണ്ടാം സ്ഥാനം സുദീപ് അംഗത്, മൂന്നാം സ്ഥാനം പ്രിൻസ് ഷിന്‍റോയും നേടിക്കൊണ്ട് ട്രോഫികളും ക്യാഷ് പ്രൈസുകളും കരസ്ഥമാക്കി.

40 വയസിന് മുകളിൽ പ്രായമുള്ളവർക്കായി നടത്തിയ ബാഡ്മിന്‍റൺ ഡബിൾസ് ടൂർണമെന്‍റിൽ സുരേഷ് ഡോൺ ടീം ചാംപ്യന്മാരായി. പി.‌ടി. തോമസ് മെമ്മോറിയൽ ട്രോഫിയും ക്യാഷ് പ്രൈസും കരസ്ഥമാക്കി.

മത്സരത്തിൽ രണ്ടാം സ്ഥാനം പ്രകാശ് സുഷിൽ കൂട്ടുകെട്ടും മൂന്നാം സ്ഥാനം ഹെർലിൻ വിക്രാന്ത് ടീമും കരസ്ഥമാക്കി. ആറ് കോർട്ടുകളിൽ ആയി നടത്തിയ മത്സരങ്ങളിൽ ഇരു കാറ്റഗറിയിലുമായി 60 ഓളം ടീമുകൾ മത്സരിച്ചു.

വീറും വാശിയും ഇടകലർന്ന മത്സരങ്ങൾക്ക് സാക്ഷിയാകാൻ വലിയ ജനാവലിയാണ് സ്റ്റോക് ഓൺ ട്രെന്റിൽ എത്തിച്ചേർന്നത്. രാത്രി എട്ടു വരെ നീണ്ടു നിന്ന മത്സരത്തിനൊടുവിൽ നടന്ന സമാപന സമ്മേളനവും സമ്മാനദാനവും ഒഐസിസി യുകെ നാഷനൽ പ്രസിഡന്‍റ് ഷൈനു ക്ലെയർ മാത്യൂസ് ഉദ്ഘാടനം ചെയ്തു.

വിജയികൾക്കുള്ള ട്രോഫികൾ നാഷനൽ പ്രസിഡന്‍റ് ഷൈനു ക്ലെയർ മാത്യൂസ്, ഔദ്യോഗിക വക്താവ് റോമി കുര്യാക്കോസ്, കമ്മിറ്റി അംഗം ബേബി ലൂക്കോസ്, കോവൻട്രി യൂണിറ്റ് പ്രസിഡന്‍റ് ജോഷി വർഗീസ്, സംഘാടക സമിതി അംഗം അജി എന്നിവരും കാഷ് പ്രൈസുകൾ നാഷനൽ ജോയിന്‍റ് സെക്രട്ടറി കെ.പി. വിജി, സ്റ്റോക്ക് ഓൺ ട്രെന്‍റ് യൂണിറ്റ് ഭാരവാഹികളായ തോമസ് ജോസ്, തോമസ് പോൾ, മുരളീ ഗോപാലൻ, സിബി ജോസ്, ഷിജോ മാത്യു തുടങ്ങിയവരും വിതരണം ചെയ്തു.

ടൂർണമെന്‍റ് ചീഫ് കോഓർഡിനേറ്റർ കെ.പി.വിജി, സംഘാടക സമിതി അംഗം അജി തുടങ്ങിയവർ സംസാരിച്ചു. യൂണിറ്റ് ജനറൽ സെക്രട്ടറി തോമസ് പോൾ നന്ദി പ്രകാശിപ്പിച്ചു. ശീയഗാനാലാപനത്തോടെ ചടങ്ങുകൾക്ക് സമാപനം കുറിച്ചു.

ഗ്രേറ്റ് ബ്രിട്ടൻ സീറോമലബാർ രൂപതയുടെ കുടുംബ കൂട്ടായ്മ പ്രതിനിധി സമ്മേളനം ശനിയാഴ്ച.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപത കുടുംബ കൂട്ടായ്മ വാർഷിക പ്രതിനിധി സമ്മേളനം ശനിയാഴ്ച ബർമിംഗ്ഹാമിൽ നടക

ഐറീഷ് മലയാളി വിദ്യാർഥികൾക്ക് നാസയുടെ സ്പേസ് ഡിസൈൻ മത്സരത്തിൽ നേട്ടം.

ഡബ്ലിൻ: നാസയും അമേരിക്കയിലെ നാഷണൽ സ്പേസ് സൊസൈറ്റിയും സംഘടിപ്പിച്ച അന്താരാഷ്ട്ര സ്പേസ് സെറ്റിൽമെന്‍റ് ഡിസൈൻ മത്സരത്തി

ഓൾഫ് സീറോമലബാര്‍ ഇടവകയിൽ ഫാദേഴ്സ് ഡേ ആഘോഷിച്ചു.

സ്റ്റോക്ക് ഓണ്‍ ട്രെൻഡ്: ഓൾഫ് സീറോമലബാര്‍ ഇടവകയിൽ മെൻസ് ഫോറത്തിന്‍റെ ആഭിമുഖ്യത്തിൽ അതിവിപുലമായ പരിപാടികളോടെ ഫാദ

ജര്‍മനിയില്‍ മരിച്ച മലയാളി യുവാവിന്‍റെ മൃതദേഹം നാട്ടിലെത്തിച്ചു.

പത്തനംതിട്ട: ജര്‍മനിയില്‍ അന്തരിച്ച റാന്നി പെരുനാട് സ്വദേശി ദേവപ്രസാദിന്‍റെ(23) മൃതദേഹം നാട്ടിലെത്തിച്ചു.

ഓൾ അയർലൻഡ് വടംവലി മത്സരം: നാവൻ റോയൽസിന് കിരീടം.

ഡബ്ലിൻ: നീനാ ചിയേഴ്സ് നീന ഒളിമ്പിക്സ് അത്ലറ്റിക് ക്ലബിൽ സംഘടിപ്പിച്ച ഓൾ അയർലൻഡ് വടംവലി മത്സരത്തിൽ നാവൻ റോയൽസ് ഒന