ന്യൂജഴ്സി: 100 സംഘടനകൾ അംഗത്വമെടുത്തതിന്‍റെ ആഹ്ലാദ പ്രകടനത്തിൽ ഫൊക്കാനയുടെ കൺവൻഷൻ കിക്കോഫ്, ലോഗോ പ്രകാശനം, മദേഴ്സ് ഡേ ആഘോഷങ്ങൾ സംഘടിപ്പിച്ചു. പാറ്റേഴ്സൺ ജോർജ് സീറോമലബാർ ചർച്ച് ഓഡിറ്റോറിയത്തിൽ നടന്ന പരിപാടിയിൽ വികാരി ഫാ. സിമ്മി തോമസ് ആമുഖ പ്രസംഗവും പ്രാർഥനയും നടത്തി.
പ്രിയ ലൂയിസ് എംസി ആയിരുന്നു. പ്രവർത്തനനിരതനാവുകയും സമൂഹത്തിനു എന്തെങ്കിലുമൊക്കെ നന്മകൾ ചെയ്യുകയും വേണമെന്ന് ആഗ്രഹിക്കുന്ന വിഭാഗത്തിൽ പെടുന്നയാളാണ് താനെന്ന് പ്രസിഡന്‍റ് സജിമോൻ ആന്‍റണി പറഞ്ഞു.
ആ ലക്ഷ്യത്തോടെയാണ് 22 ഇന പരിപാടി പ്രഖ്യാപിച്ചത്. സ്വാഗതമാശംസിച്ച ജനറൽ സെക്രട്ടറി ശ്രീകുമാർ ഉണ്ണിത്താൻ ഇന്നേ വരെ ഒരു മലയാളി സംഘടനയ്ക്കും 100 അംഗസംഘടനകൾ ഉണ്ടായിട്ടില്ലെന്ന് ചൂണ്ടിക്കാട്ടി.
ഊർജസ്വലമായ പ്രവർത്തനത്തിലൂടെ സംഘടനയെ നയിക്കുന്ന പ്രസിഡന്‍റ് സജിമോൻ ആന്‍റണിയുടെ പ്രവർത്തന ശൈലിയെയും ശ്രീകുമാർ ഉണ്ണിത്താൻ എടുത്തുകാട്ടി. ഫൊക്കാനയുടെ പുതിയ ലോഗോയുടെ പ്രകാശനം ഈ അവസരത്തിൽ ട്രസ്റ്റീ ബോർഡ് ചെയർമാൻ ജോജി തോമസിന്‍റെ നേതൃത്വത്തിൽ നടന്നു. പുതിയ ലോഗോയുടെ ആവശ്യം അദ്ദേഹം വിവരിച്ചു.
മുൻ പ്രസിഡന്‍റ് ജോർജി വർഗീസ് 100 സംഘടനകളുള്ള ഏക മലയാളി സംഘടനയായി ഫൊക്കാന ജൈത്രയാത്ര തുടരുകയാണെന്നും, മാറുന്ന കാലത്തിനനുസരിച്ച് മാറ്റങ്ങൾ ഉൾക്കൊണ്ട് സംഘടന മുന്നോട്ട് പോകുന്നതിന്‍റ് ആവശ്യം വിശദീകരിച്ചു.
ഇപ്പോഴത്തെ ലോഗോ അമേരിക്കയെയും കാനഡയെയും ഇന്ത്യയെയും കേരളത്തെയും ഒക്കെ പ്രതിനിധാനം ചെയ്യുന്ന ചിഹ്നങ്ങളുമായാണ് എത്തിയതെന്ന് ജോജി വർഗീസ് അഭിപ്രായപ്പെട്ടു. ട്രസ്റ്റീ ബോർഡ് വൈസ് ചെയർ സതീശൻ നായർ കാലത്തിന്‍റെ മാറ്റത്തിനനുസരിച്ചുള്ള ഒരു ലോഗോയാണ് ഫൊക്കാന തെരഞ്ഞെടുത്തതെന്ന് അഭിപ്രായപ്പെട്ടു.
ട്രസ്റ്റീ ബോർഡ് അംഗങ്ങളായ തോമസ് തോമസ്, ടോണി കല്ലുകാവുങ്കൽ എന്നിവരും സന്നിതരായിരുന്നു. ഫൊക്കാനയുടെ പുതിയ ലോഗോ മാധ്യമപ്രവർത്തകൻ ഗോപി കൃഷ്ണൻ നിർവഹിച്ചു.
റോക്ലാൻഡ് മൈനോരിറ്റി ലീഡർ ആനി പോൾ, ഐപിസിഎൻഎ പ്രസിഡന്‍റ് സുനിൽ ട്രൈസ്റ്റാർ, മധു കൊട്ടാരക്കര എന്നിവരും ആശംസകൾ അർപ്പിച്ച് സംസാരിച്ചു. പ്രസിഡന്‍റ് സജിമോന്‍റെയും സെക്രട്ടറി ശ്രീകുമാർ ഉണ്ണിത്താന്‍റെയും പ്രവർത്തനങ്ങളെ ആദരപൂർവം നോക്കിക്കാണുന്നതായി ട്രഷറർ ജോയ് ചക്കപ്പൻ പറഞ്ഞു.
ഫൊക്കാന പ്രിവിലേജ് കാർഡും മെഡിക്കൽ കാർഡുമൊക്കെ ഏറെ നേട്ടങ്ങളാണ് നമുക്ക് നൽകുക. പ്രിവിലേജ് കാർഡുള്ളവർക്ക് കൊച്ചി വിമാനത്താവളത്തിൽ പത്ത് ശതമാനം ഡിസ്കൗണ്ട് കിട്ടും.
മെഡിക്കൽ കാർഡ് കേരളത്തിലെ വിവിധ ആശുപത്രികളിൽ പ്രയോജനപ്പെടും. ഫൊക്കാനയുടെ ഭവനപദ്ധതിക്ക് ശ്രീകുമാർ ഉണ്ണിത്താൻ 55 സെന്‍റ് സ്ഥലം നൽകിയതും ചാക്കപ്പൻ ചൂണ്ടിക്കാട്ടി. പെൻസിൽവേനിയയിലെ കലഹാരി റിസോർട്ടിൽ അടുത്ത വർഷം നടക്കുന്ന കൺവൻഷന്‍റെ കിക്കോഫ് സംഗീത സംവിധായകൻ ഷാൻ റഹ്മാൻ നിർവഹിച്ചു.
എക്സിക്യൂട്ടീവ് വൈസ് പ്രസിഡന്‍റ് പ്രവീൺ തോമസ്, വൈസ് പ്രസിഡന്‍റ് വിപിൻ രാജ്, വിമൻസ് ഫോറം ചെയർ രേവതി പിള്ള, ജോയിന്‍റ് സെക്രട്ടറി മനോജ് ഇടമന, അഡി. ജോയിന്‍റ് സെക്രട്ടറി അപ്പുകുട്ടൻ പിള്ള, അഡി. ജോയിന്‍റ് ട്രഷറർ മില്ലി ഫിലിപ്പ്,
റീജണൽ വൈസ് പ്രസിഡന്‍റുമാരായ ലിൻഡോ ജോളി, ഫാൻസിമോൾ പള്ളത്തുമഠം, ആന്‍റോ വർക്കി, ജോസി കരക്കാട്ട്, ബെൻ പോൾ, ഷാജി ശാമുവേൽ, നാഷനൽ കമ്മിറ്റി അംഗങ്ങളായ മനോജ് മാത്യു, മത്തായി ചാക്കോ, മേരികുട്ടി മൈക്കൾ, മേരി ഫിലിപ്പ്, ഷിബു ശാമുവേൽ, ഓഡിറ്റർ സ്റ്റാൻലി എത്തിക്കൽ എന്നിവരും
കമ്മിറ്റി ചെയർസ് ആയ ജോയി ഇട്ടൻ, ഫിലിപ്പോസ് ഫിലിപ്പ്, സജി പോത്തൻ, മനോജ് വട്ടപ്പള്ളിൽ, ഫ്രാൻസിസ് കരക്കാട്ട്, ലിൻഡോ മാത്യു, ഷിജിമോൻ മാത്യു, ഷിബു മാത്യു എന്നിവരും കിക്കോഫിന് നേതൃത്വം നൽകി.
കേരള കൺവൻഷൻ ചെയർ ജോയി ഇട്ടൻ ഏവരെയും കേരള കൺവൻഷനിലേക്ക് സ്വാഗതം ചെയ്തു. മാതൃദിനാഘോഷം നയിച്ച വിമൻസ് ഫോറം ചെയർ രേവതി പിള്ള മാതൃത്വത്തിന്‍റെ മഹത്വത്തെക്കുറിച്ച് വിവരിച്ചു.
തൊട്ടിലാട്ടുന്ന കരങ്ങൾ എത്ര ശക്തമെന്ന് ഫാൻസിമോൾ പള്ളാത്തുമഠം ചൂണ്ടിക്കാട്ടി.നാല് പതിറ്റാണ്ടിന്‍റെ പാരമ്പര്യമുള്ള ഫൊക്കാന പുതിയ രൂപത്തിലും ഭാവത്തിലും മുന്നേറുന്നതിൽ ഗോപി കൃഷ്ണൻ അഭിനന്ദനം രേഖപ്പെടുത്തി.
നാട്ടിൽ നിന്ന് നോക്കുമ്പോൾ സുവർണലിപികളിൽ എഴുതാവുന്ന ഒട്ടേറെ പ്രവർത്തനങ്ങളാണ് ഫൊക്കാന നടത്തുന്നതെന്ന് ബോധ്യമുണ്ട്. ഫൊക്കാനയുടെ കൺവൻഷനും നല്ല പ്രവർത്തനങ്ങൾക്കും ഇന്ത്യ പ്രസ് ക്ലബിന്‍റെ പിന്തുണ എന്നുമുണ്ടാവുമെന്ന് സുനിൽ ട്രൈസ്റ്റാർ ഉറപ്പ് നൽകി.
ഫൊക്കാന പ്രതിനിധീകരിക്കുന്ന എല്ലാ രാജ്യങ്ങളുടെയും പതാക ഉൾപ്പെടെയുള്ള മികച്ച ലോഗോ ആണിത്. ഫൊക്കാനയുടെ ആദ്യ പ്രസിഡന്‍റ് രാജൻ മാരേട്ട് പത്രാധിപരായിരുന്ന അശ്വമേധത്തിലൂടെയാണ് താൻ മാധ്യമരംഗത്തേക്കു വന്നതെന്ന് മധു കൊട്ടാരക്കര പറഞ്ഞു. ഫൊക്കാനയുടെ പേരും ലോഗോയും അച്ചടിച്ച ആദ്യ പത്രത്തിന്‍റെ കോപ്പി തന്‍റെ കൈവശമുണ്ട്.
പിറവിയെ സൂചിപ്പിക്കുന്ന മാതൃദിനത്തിൽ തന്നെ പുതിയ ലോഗോ പുറത്തുവിടുന്നത് അർഥവത്താണ്. മാലിനി നായരുടെ നേതൃത്വത്തിലുള്ള സൗപർണികാ ഡാൻസ് അക്കാദമിയുടെയും സാറ്റ് വിക ഡാൻസ് അക്കാദമിയുടെയും സെന്‍റ് ജോർജ് ആർട്സ് സ്കൂളിന്‍റെ കുട്ടികളുടെ ഡാൻസ്, ലിവിംഗ്സറ്റൺ ഡാൻസ് ടീം മെൻസ് ഡാൻസ് തുടങ്ങി വിവിധ നൃത്തങ്ങൾ ഹൃദ്യമായി.
എക്സിക്യൂട്ടീവ് വൈസ് പ്രസിഡന്‍റ് പ്രവീൺ തോമസ് ഈ കിക്കോഫ് ഇത്രയും വർണാഭമാക്കിയ എല്ലാവരോടും നന്ദി രേഖപ്പെടുത്തി.
|