അബുദാബി: അബുദാബി സാമൂഹ്യ ക്ഷേമ മന്ത്രാലയത്തിന്‍റെ കീഴിൽ പ്രവർത്തിക്കുന്ന അബുദാബി ഇന്ത്യൻ ഇസ്‌ലാമിക് സെന്‍ററിന്‍റെ 54ാമത് ജനറൽ ബോഡിയിൽ തെരഞ്ഞെടുക്കപ്പെട്ട പുതിയ 19 അംഗ മാനേജിംഗ് കമ്മിറ്റി സത്യപ്രതിജ്ഞ ചെയ്ത് ഔദ്യോഗികമായി അധികാരമേറ്റു.
സെന്‍ററിന്‍റെ മെയിൻ ഹാളിൽ നടന്ന ചടങ്ങിൽ പ്രസിഡന്‍റ് പി. ബാവ ഹാജി അധ്യക്ഷത വഹിച്ചു. ജനറൽ സെക്രട്ടറി ടി. മുഹമ്മദ് ഹിദായത്തുള്ള, ട്രഷറർ നസീർ രാമന്തളി എന്നിവർ സംസാരിച്ചു. സത്യപ്രതിജ്ഞയ്ക്ക് പിന്നാലെ നടന്ന അനുമോദന സമ്മേളനത്തിൽ വിവിധ സംഘടനാ പ്രതിനിധികൾ പങ്കെടുത്തു.
ഇന്ത്യൻ സോഷ്യൽ സെന്‍റർ പ്രസിഡന്‍റ് ജയറാം റായ്, കേരള സോഷ്യൽ സെന്‍റർ പ്രസിഡന്‍റ് ബീരാൻകുട്ടി, അബുദാബി കെഎംസിസി പ്രസിഡന്‍റ് ഷുക്കൂർ അലി കല്ലുങ്ങൽ, സുന്നി സെന്‍റർ വൈസ് പ്രസിഡന്‍റ് ഹാരിസ് ബാഖവി, സൂരജ് പ്രഭാകരൻ, വി.ടി.വി. ദാമോദരൻ, ഷേക്ക് അലാവുദ്ദീൻ എന്നിവർ ആശംസകൾ നേർന്നു.
ഭാരവാഹികൾ:
പ്രസിഡന്‍റ് പി. ബാവ ഹാജി, ജനറൽ സെക്രട്ടറി ടി. മുഹമ്മദ് ഹിദായത്തുള്ള, ട്രഷറർ നസീർ രാമന്തളി, വൈസ് പ്രസിഡന്‍റുമാർ അബ്ദുല്ല ഫാറൂഖി, സയ്യിദ് അബ്ദുറഹ്മാൻ തങ്ങൾ, ആലുങ്ങൽ ഇബ്രാഹിം മുസ്‌ലിയാർ, മുഹമ്മദ് ഷമീർ .സി, അഷറഫ് ഹാജി വാരം, നൗഷാദ് ഹാഷിം ബക്കർ, അഹമ്മദ് കുട്ടി തൃത്താല (റിലീഫ് ചുമതല).
മറ്റു ചുമതലകൾ:
അഡ്മിനിസ്ട്രേഷൻ സെക്രട്ടറി സിദ്ദീഖ് എളേറ്റിൽ, എഡ്യൂക്കേഷൻ മുസ്തഫ വാഫി, സ്പോർട്സ് അനീഷ് മംഗലം, റിലീജിയസ് മുഹമ്മദ് കുഞ്ഞി കൊളവയൽ, സാഹിത്യ വിഭാഗം അബ്ദുല്ല ചേലക്കോട്, കൾച്ചറൽ വിംഗ് അഷറഫ് മൊവ്വേൽ, പബ്ലിക് റിലേഷൻസ് മുഹമ്മദ് ബഷീർ, ഐടി & മീഡിയ വിംഗ് മുഹമ്മദ് ഷഹീം, ഇന്‍റേണൽ ഓഡിറ്റർ അലി അബ്ദുല്ല ഒ.പി.
|