Deepika.com Nri News :ഷിക്കാഗോ മൃഗശാലയിൽ മൂന്ന് വയസുകാരന് രക്ഷകനായി "ബിന്‍റി ജുവ 'ഗൊറില്ല.......

Americas

ഷിക്കാഗോ മൃഗശാലയിൽ മൂന്ന് വയസുകാരന് രക്ഷകനായി "ബിന്‍റി ജുവ 'ഗൊറില്ല

Back To NRI Home Forward This News Click here for detailed news of all items

ഷിക്കാഗോ: ഷിക്കാഗോയ്ക്ക് സമീപമുള്ള ബ്രൂക്ക്ഫീൽഡ് മൃഗശാലയിലെ ഗൊറില്ല കൂട്ടിൽ വീണ മൂന്ന് വയസുകാരന് മുന്നിൽ സൂപ്പർ ഹീറോ ആയി മാറിയത് ബിന്‍റി ജുവ എന്ന വെസ്റ്റേൺ ലോലാൻഡ് ഗൊറില്ലയാണ്.

കൂട്ടിൽ അബോധാവസ്ഥയിൽ വീണ കുട്ടിയെ ശ്രദ്ധാപൂർവ്വം കയ്യിലെടുത്ത് ഗൊറില്ല രക്ഷിക്കുകയായിരുന്നു. തുടർന്ന് കുട്ടിയെ കൂട്ടിന്‍റെ വാതിൽക്കൽ കാത്തുനിന്ന മൃഗശാലാ സൂക്ഷിപ്പുകാർക്ക് ബിന്‍റി ജുവ കൈമാറി. ഈ ഹീറോ ഗൊറില്ലയെ കാണാനായി ഒട്ടറെ ആളുകളാണ് ഇപ്പോൾ മൃഗശാലയിലേക്ക് എത്തിച്ചേരുന്നത്.

വീഴ്ചയിൽ കുട്ടിയുടെ കൈ ഒടിയുകയും മുഖത്ത് ചെറിയ മുറിവുകൾ ഏൽക്കുകയും ചെയ്തു. കുട്ടി നാല് ദിവസത്തോളം ആശുപത്രിയിൽ ചികിത്സയിലായിരുന്നു. കുട്ടിയുടെ സ്വകാര്യതയെ മാനിച്ച് പേര് വിവരങ്ങൾ പുറത്തുവിട്ടിട്ടില്ല.

ലോകത്തിന്‍റെ വിവിധ ഭാഗങ്ങളിൽ നിന്ന് സമ്മാനങ്ങളും അഭിനന്ദന കത്തുകളും ബിന്‍റി ജുവയ്ക്ക് ലഭിച്ചുകൊണ്ടിരിക്കുന്നു. ബിന്‍റി ജുവയെ ദത്തെടുക്കാൻ നിരവധി ആളുകൾ താൽപര്യം പ്രകടിപ്പിക്കുകയും പണം വാഗ്ദാനം ചെയ്യുകയും ചെയ്തു.

ഇലിനോയ് സംസ്ഥാനത്തെ ഒരു പലചരക്ക് വ്യാപാരി നന്ദി സൂചകമായി 25 പൗണ്ട് വാഴപ്പഴം സമ്മാനമായി നൽകിയതായും റിപ്പോർട്ടുകളുണ്ട്.സാൻ ഫ്രാൻസിസ്കോ മൃഗശാലയിൽ നിന്ന് 1991ൽ ബ്രൂക്ക്ഫീൽഡ് മൃഗശാലയിൽ എത്തിയ ബിന്റി ജുവ, ഈ വർഷം 37ാം ജന്മദിനം ആഘോഷിച്ചു.

വെസ്റ്റേൺ ലോലാൻഡ് ഗൊറില്ലകൾ സാധാരണയായി കാട്ടിൽ 35 വർഷം വരെയാണ് ജീവിക്കുന്നത്. എന്നാൽ മനുഷ്യരുടെ സംരക്ഷണയിൽ അവ കൂടുതൽ കാലം ജീവിക്കാറുണ്ട്.

ഷിക്കാഗോ സെന്‍റ് മേരീസ് ഇടവക വാർഷികാഘോഷം; സംഗീത ആൽബത്തിലെ ആദ്യ ഗാനം ഒമ്പതിന് റിലീസ് ചെയ്യും.

ഷിക്കാഗോ: ഷിക്കാഗോ സെന്‍റ് മേരീസ് ക്നാനായ കത്തോലിക്കാ ഇടവകയുടെ പതിനഞ്ചാമത് വാർഷികാഘോഷങ്ങളുടെ ഭാഗമായി പുറത്തിറക്കു

സെന്‍റ് തോമസ് എക്യൂമെനിക്കൽ ഫെഡറേഷൻ ഓഫ് നോർത്ത് അമേരിക്കയുടെ പ്രവർത്തനോദ്ഘാടനം ആഘോഷിച്ചു.

ന്യൂയോർക്ക്: ന്യൂയോർക്ക് ആസ്ഥാനമായി പ്രവർത്തിക്കുന്ന മലയാളി ക്രൈസ്തവ കൂട്ടായ്മയായ സെന്‍റ് തോമസ് എക്യൂമെനിക്കൽ ഫെഡറേ

കൊപ്പേലിൽ വി. അല്‍ഫോന്‍സാമ്മയുടെ തിരുനാളിനു ഭക്തിനിർഭരമായ സമാപനം.

ടെക്സസ്: കേരളസഭയുടെ പുണ്യവും ഭാരതത്തിന്‍റെ പ്രഥമ വിശുദ്ധയുമായ വി.

മോഷണ ശ്രമം: ഹൂസ്റ്റണിൽ കള്ളന്മാർക്ക് നേരെ വെടിയുതിർത്ത് കട ഉടമ.

ഹൂസ്റ്റൺ: വടക്കൻ ഹൂസ്റ്റണിൽ ചെമ്പ് വയർ മോഷ്‌ടിക്കാൻ ശ്രമിച്ച രണ്ട് കള്ളന്മാരെ കടയുടമ വെടിവച്ചു. പുലർച്ചെ 4.

യുഎസിൽ പുതുതായി എട്ടു ഇന്ത്യൻ കോൺസുലാർ ആപ്ലിക്കേഷൻ സെന്‍ററുകൾ കൂടി പ്രവർത്തനമാരംഭിച്ചു.

ഡാളസ്: അമേരിക്കയിലെ ഇന്ത്യക്കാർക്ക് കോൺസുലാർ സേവനങ്ങൾ വേഗത്തിലും എളുപ്പത്തിലും ലഭ്യമാക്കാനായി കൂടുതൽ നഗരങ്ങളിൽ