ഡാളസ്: 19 വർഷത്തിന് ശേഷം സ്റ്റേജ് ഷോയുമായി മോഹൻലാൽ അമേരിക്കയിലേക്ക്. "കിലുക്കം 25' എന്ന് പേരിട്ടിരിക്കുന്ന സ്റ്റേജ് ഷോ ഒരുക്കിയാണ് അദ്ദേഹവും കൂട്ടരും അമേരിക്കയിൽ എത്തുന്നത്. സ്റ്റീഫൻ ദേവസി, പ്രകാശ് വർമ, രമ്യ നമ്പീശൻ തുടങ്ങി വലിയൊരു താരനിരയോടൊപ്പമാണ് മോഹൻലാൽ എത്തുന്നത്.
വിൻഡ്സർ എൻർടൈൻമെന്‍റും ഗാലക്സി എന്‍റർടൈൻമെന്‍റും ചേർന്നാണ് ഓഗസ്റ്റ് 30ന് മാർത്തോമ്മാ ഇവന്‍റ് സെന്‍റർ ഡാളസിൽ ഷോ നടത്തുന്നത്. ജൂൺ 30ന് മാർത്തോമ്മാ ഇവന്‍റ് സെന്‍ററിൽ കിലുക്കം 25 ഷോയുടെ കിക്ക് ഓഫ് നടത്തി.
ഫാ. എബ്രഹാം വി. സാംസണിന്‍റെ ആശീർവാദത്തോടെ ഷിജോ പൗലോസ്, ഷിബു സാമൂവൽ, സണ്ണി മാളിയേക്കൽ, പി.പി. ചെറിയാൻ, ജോജോ കോട്ടക്കൽ, സിജു വി. ജോർജ്, രാജു തരകൻ, സൗബിൻ, ജിജി പി. സ്കറിയ, അനശ്വരം മാമ്പിള്ളി തുടങ്ങിയവരുടെ സാന്നിധ്യത്തിലായിരുന്നു കിക്ക് ഓഫ്.
ഡാളസിലെ ഷോയ്ക്ക് നേതൃത്വം നൽകുന്ന ബിജിലി ജോർജ്, ബാബുക്കുട്ടി സ്കറിയ, ടി.വി. വർഗീസ്, തോമസ് കോശി, സനുപ് എബ്രഹാം എന്നിവർ കിലുക്കം 25 ഷോയുടെ ഒരുക്കങ്ങൾ പൂർത്തിയായതായും ഈ ഷോയിലേക്ക് എല്ലാവരെയും സ്വാഗതം ചെയ്യുന്നതായും അറിയിച്ചു.
|