ന്യൂയോർക്ക്: ഓഗസ്റ്റ് ഒന്ന് മുതല്‍ മൂന്ന് വരെ കോട്ടയത്തെ കുമരകം ഗോകുലം ഫൈവ് സ്റ്റാർ റിസോർട്ടിൽ നടത്തുന്ന ഫൊക്കാന കേരള കണ്‍വന്‍ഷനുവേണ്ടിയുള്ള ഒരുക്കങ്ങള്‍ പുരോഗമിക്കുന്നു.
നോര്‍ത്ത് അമേരിക്കയുടെ നാനാഭാഗത്തുനിന്നും കേരളത്തില്‍നിന്നും എത്തിച്ചേരുന്ന അതിഥികളേയും കലാസാംസ്‌കാരിക പ്രമുഖരേയും രാഷ്‌ട്രീയ നേതാക്കളേയും സ്വീകരിക്കാന്‍ ഗോകുലം റിസോർട്ട് ഒരുങ്ങിക്കഴിഞ്ഞു.
ലോകത്തിലേക്കും ഏറ്റവും വലിയ മലയാളി പ്രവാസി സംഘമായിരിക്കും ഫൊക്കാന കേരള കൺവൻഷൻ എന്ന് പ്രസിഡന്‍റ് സജിമോൻ ആന്‍റണി പറഞ്ഞു. മൂന്ന് ദിവസങ്ങളിലായി അരങ്ങേറുന്ന ഈ മഹാസമേളനത്തിന്‍റെ ആദ്യ ദിവസം ലഹരിക്കെതിരേ‌യുള്ള ഒരു വിളംബരത്തോട് കൂടിയാണ് തുടങ്ങുക.
രണ്ടാം ദിനം ഫൊക്കാനയും കേരള യൂണിവേഴ്സിറ്റിയുമായി സഹകരിച്ചു നടത്തുന്ന ഭാഷയ്ക്ക് ഒരു ഡോളർ, സാഹിത്യ സമ്മേളനം, സാഹിത്യ അവാർഡുകൾ, സാസംസ്കരിക അവാർഡുകൾ, ബിസിനസ്സ് സെമിനാറുകൾ, ബിസിനസ് അവാർഡുകൾ,
വിമൻസ് ഫോറം സെമിനാർ, വിമൻസ് ഫോറം സ്കോളർഷിപ്പ് വിതരണം, നിരവധി ചാരിറ്റി പ്രവർത്തങ്ങളുടെ തുടക്കം, ഫൊക്കാനയുമായി സഹകരിച്ചു നടത്തുന്ന ലൈഫ് ആൻഡ് ലിമ്പ് ചാരിറ്റബിൾ സോസയിറ്റിയുടെ കാല് വിതരണം, മാധ്യമ സെമിനാർ,
ഫൊക്കാന ഹൗസിംഗ് പ്രൊജക്റ്റ്, മെഡിക്കൽ കാർഡ് വിതരണം, പ്രിവിലേജ് കാർഡ് വിതരണം, മൈൽസ്റ്റോൺ ചാരിറ്റബൾ സൊസൈറ്റിയുമായി സഹകരിച്ചു നടത്തുന്ന ഫൊക്കാന സിം കേരള പ്രൊജക്റ്റിന്‍റെ സമാപനം തുടങ്ങി നിരവധി പ്രോഗ്രാമുകൾ ഉൾപ്പെടുത്തിയാണ് രണ്ടാം ദിവസത്തെ പരിപാടികൾ.
മൂന്നാം ദിവസം വിനോദത്തിനു വേണ്ടി മാത്രം മാറ്റിവച്ചിട്ടുണ്ട്. 400 പേർക്ക് യാത്ര യാത്ര ചെയ്യാവുന്ന ബോട്ട് സവാരിയാണ് ബുക്ക് ചെയ്തിരിക്കുന്നത്. അതിൽ ഡാൻസും പാട്ടും എക്കെ ക്രമീകരിച്ചിട്ടുണ്ട്‌.
മുന്ന് ദിവസങ്ങളിലുള്ള കൾച്ചറൽ പ്രോഗ്രാമുകൾ അവതരിപിക്കുന്നത് സിനിമാതാരവും ഡാൻസറുമായ സരയു മോഹൻ, സിനിമാതാരവും ഡാൻസറും അവതാരികയും കൂടിയായ അമല റോസ് കുര്യൻ തുടങ്ങിയവരുടെ നേതൃത്തിലുള്ള ഡാൻസുകൾ,
സിനിമ പിന്നണി ഗായകരായ ജോബി, അഭിജിത് കൊല്ലം, മിയാകുട്ടി, ഗായകനും മിമിക്രി താരവുമായ രാജേഷ് അടിമാലി തുടങ്ങിയവർ അവതരിപ്പിക്കുന്ന വിവിധ കലാ പരിപാടികൾ എന്നിവ അരങ്ങേറും.
ഏവരെയും കൺവെൻഷനിലേക്കു സ്വാഗതം ചെയ്യുന്നതായി പ്രസിഡന്‍റ് സജിമോൻ ആന്‍റണി, സെക്രട്ടറി ശ്രീകുമാർ ഉണ്ണിത്താൻ, ട്രഷർ ജോയി ചാക്കപ്പൻ, എക്സി. വൈസ് പ്രസിഡന്‍റ് പ്രവീൺ തോമസ്, വൈസ് പ്രസിഡന്‍റ് വിപിൻ രാജു,
ജോയിന്‍റ് സെക്രട്ടറി മനോജ് ഇടമന, ജോയിന്‍റ് ട്രഷർ ജോൺ കല്ലോലിക്കൽ, അഡിഷണൽ ജോയിന്‍റ് സെക്രട്ടറി അപ്പുകുട്ടൻ പിള്ള, അഡിഷണൽ ജോയിന്‍റ് ട്രഷർ മില്ലി ഫിലിപ്പ്, വിമൻസ് ഫോറം ചെയർപേഴ്സൺ രേവതി പിള്ള, ട്രസ്റ്റീ ബോർഡ് ചെയർ ജോജി തോമസ്, കേരള കൺവെൻഷൻ ചെയർ ജോയി ഇട്ടൻ, മറ്റ് കമ്മിറ്റി അംഗങ്ങൾ എന്നിവർ അറിയിച്ചു.
കേരള കൺവൻഷനിൽ പങ്കെടുക്കാൻ ആഗ്രഹിക്കുന്നവർ ഇതുവരെ രജിസ്റ്റർ ചെയ്തിട്ടില്ലെങ്കിൽ സജിമോൻ ആന്‍റണി 862 438 2361, സെക്രട്ടറി ശ്രീകുമാർ ഉണ്ണിത്താൻ 914 886 2655 , ട്രഷർ ജോയി ചാക്കപ്പൻ 201 563 6294 എന്നിവരുമായി ബന്ധപ്പെടുക.
|