കൊപ്പേൽ: ഭാരതത്തിന്‍റെ പ്രഥമ വിശുദ്ധയും കൊപ്പേല്‍ സെന്റ് അല്‍ഫോന്‍സാ സീറോമലബാർ ദേവാലയത്തിന്‍റെ സ്വർഗീയ മധ്യസ്ഥയുമായ വി. അല്‍ഫോന്‍സാമ്മയുടെ തിരുനാളിനു കൊപ്പേല്‍ സെന്റ് അല്‍ഫോന്‍സാ സീറോമലബാർ ദേവാലയത്തില്‍ ഇന്ന് തുടക്കം.
വെള്ളിയാഴ്ച രാത്രി ഏഴിന് കൊടിയേറ്റം. പത്തു ദിവസം നീണ്ടു നിൽക്കുന്ന തിരുനാൾ 28നു സമാപിക്കും. ദിവസേന ആരാധനയും വിശുദ്ധ കുർബാനയും നൊവേനയും ലദീഞ്ഞും ഉണ്ടായിരിക്കും.
ഇടവക വികാരി ഫാ. മാത്യൂസ് കുര്യൻ മുഞ്ഞനാട്ട്, അസി.വികാരി ഫാ. ജിമ്മി എടക്കുളത്തൂർ, ഇടവക ട്രസ്റ്റിമാരായ ജോഷി കുര്യാക്കോസ്, റോബിൻ കുര്യൻ, റോബിൻ ജേക്കബ് ചിറയത്ത്, രഞ്ജിത്ത് മാത്യു തലക്കോട്ടൂർ, സെബാസ്റ്റ്യൻ പോൾ (സെക്രട്ടറി) എന്നിവരടങ്ങുന്ന പാരീഷ് കൗണ്‍സിലും ഇടവകയിലെ കുടുംബ യൂണിറ്റുകളും തിരുനാൾ ആഘോഷങ്ങൾക്ക് നേതൃത്വം നൽകും.
തിരുനാൾ പരിപാടികൾ:
വെള്ളിയാഴ്ച വൈകുന്നേരം ആറ് മുതൽ ദിവ്യകാരുണ്യആരാധന, ഏഴിന് കൊടിയേറ്റ്. തുടർന്ന് വി. കുർബാന, നൊവേന, ലദീഞ്ഞ്. (കാർമികൻ: റവ. ഫാ. മാത്യൂസ് കുര്യൻ മുഞ്ഞനാട്ട്).
ശനിയാഴ്ച വൈകുന്നേരം 4.30 മുതൽ ദിവ്യകാരുണ്യആരാധന, 5.30 നു വി. കുർബാന, നൊവേന, ലദീഞ്ഞ്. (റവ. ഫാ. ജോസ് കറ്റേക്കര )
ഞായറാഴ്ച രാവിലെ ഏഴ്, ഒമ്പത്, വൈകുന്നേരം അഞ്ചിനു വി. കുർബാന, നൊവേന ലദീഞ്ഞ് (റവ. ഫാ ജോൺസൺ കോവൂർ പുത്തൻപുരക്കൽ, ചാൻസലർ ഷിക്കാഗോ രൂപത).
തിങ്കളാഴ്ച വൈകുന്നേരം ആറ് മുതൽ ദിവ്യകാരുണ്യആരാധന, ഏഴിന് വി. കുർബാന, നൊവേന, ലദീഞ്ഞ്. (റവ. ഫാ. ജോർജ് പാറയിൽ).
ചൊവ്വാഴ്ച വൈകുന്നേരം ആറ് മുതൽ ദിവ്യകാരുണ്യആരാധന, ഏഴിന് വി. കുർബാന, നൊവേന, ലദീഞ്ഞ്. (റവ. ഫാ. ബിനോയ് ഇല്ലിക്കമുറിയിൽ TOR).
ബുധനാഴ്ച വൈകുന്നേരം ആറ് മുതൽ ദിവ്യകാരുണ്യആരാധന, ഏഴിന് വി. കുർബാന, നൊവേന, ലദീഞ്ഞ്. (റവ. ഫാ. ജോബി ജോസഫ്).
വ്യാഴാഴ്ച വൈകുന്നേരം ആറ് മുതൽ ദിവ്യകാരുണ്യആരാധന, ഏഴിന് വി. കുർബാന, നൊവേന, ലദീഞ്ഞ്. (റവ. ഫാ. ജോസ് ഫ്രാൻസിസ് TOR)
വെള്ളിയാഴ്ച വൈകുന്നേരം 4:30 മുതൽ ദിവ്യകാരുണ്യആരാധന. വൈകുന്നേരം 5:30 നു വി. കുർബാന, നൊവേന, ലദീഞ്ഞ്. (റവ. ഫാ ജോസഫ് അലക്സ്). തുടർന്ന് 7:30 നു ഇടവകയുടെ ഫാമിലി ഡേയും കലാപരിപാടികളും സെന്റ് അൽഫോൻസാ ഓഡിറ്റോറിയത്തിൽ.
ശനിയാഴ്ച വൈകുന്നേരം 4:30നു മുതൽ ദിവ്യകാരുണ്യആരാധന. വൈകുന്നേരം 5:30 നു വി. കുർബാന, നൊവേന, ലദീഞ്ഞ് (റവ. ഫാ. സിബി സെബാസ്റ്റ്യൻ MST).
തുടർന്ന് ഏഴിന് സെന്റ് അൽഫോൻസാ ഓഡിറ്റോറിയത്തിൽ മെലഡീസ് ക്ലബ് യുഎസ്എ ഒരുക്കുന്ന ഗാനമേളയും വാർഡ് യുണിറ്റുകൾ സംഘടിപ്പിക്കുന്ന തട്ടുകട ഭക്ഷ്യമേളയും.
ഞായറാഴ്ച വൈകുന്നേരം അഞ്ചിന് ആഘോഷമായ തിരുനാൾ കുർബാനയിൽ ഷിക്കാഗോ രൂപത മെത്രാൻ മാർ ജോയ് ആലപ്പാട്ട്‌ മുഖ്യ കാർമികനാകും.
തുടർന്ന് ആഘോഷമായ പ്രദക്ഷിണവും പരിശുദ്ധ കുർബാനയുടെ ആശീർവാദവും സ്‌നേഹവിരുന്നും നടക്കും. തിങ്കളാഴ്ച വൈകുന്നേരം കൊടിയിറക്കത്തോടെ തിരുനാളിനു സമാപനമാകും.
വൈകുന്നേരം ഏഴിനു പരേതരുടെ ആത്മശാന്തിക്കുവേണ്ടിയുള്ള ബലിയർപ്പണം, നൊവേന, ലദീഞ്ഞ് (റവ. ഫാ. ജിമ്മി എടക്കളത്തൂർ).
തിരുനാൾ പരിപാടികളിലേക്ക് ഏവരെയും സ്വാഗതം ചെയ്യുന്നതായി ഇടവക വികാരി ഫാ. മാത്യൂസ് മുഞ്ഞനാട്ട്, അസി. വികാരി ഫാ. ജിമ്മി എടക്കളത്തൂർ എന്നിവർ അറിയിച്ചു.
|