ന്യൂയോർക്ക്: ഫോമയിൽ(ഫെഡറേഷൻ ഓഫ് മലയാളി അസോസിയേഷൻസ് ഓഫ് അമേരിക്കാസ്) പുതിയതായി ആറ് അസോസിയേഷനുകൾക്ക് അംഗത്വം നൽകിയതായി ഫോമ പ്രസിഡന്‍റ് ബേബി മണക്കുന്നേൽ, ജനറൽ സെക്രട്ടറി ബൈജു വർഗീസ്, ട്രഷറർ സിജിൽ പാലക്കലോടി, വൈസ് പ്രസിഡന്‍റ് ഷാലൂ പുന്നൂസ്, ജോയിന്‍റ് സെക്രട്ടറി പോൾ ജോസ്, ജോയിന്‍റ് ട്രഷറർ അനുപമ കൃഷ്ണൻ എന്നിവർ അറിയിച്ചു. ഇതോടുകൂടി ഫോമയിൽ അഫിലിയേറ്റ് ചെയ്തിട്ടുള്ള മലയാളി അസോസിയേഷനുകളുടെ എണ്ണം 96 ആയി ഉയർന്നു.
ഒക്വിൽ ഓർഗനൈസേഷൻ ഓഫ് ഓൾ കേരളൈറ്റ്സ് (ഒന്‍റാറിയോ കാനഡ), സാന്‍റാ ക്ലാരിറ്റ ഗാതറിങ് ഓഫ് മലയാളി (സരിഗമ വലൻസിയ, കലിഫോർണിയ), സാൻ അന്റോണിയോ യുണൈറ്റഡ് മലയാളി അസോസിയേഷൻ (ടെക്സസ് ), നോർത്ത് ടെക്സസ് മലയാളി അസോസിയേഷൻ, സാക്രമെന്റോ സ്പോർട്സ് ആൻഡ് ചാരിറ്റി ക്ലബ് (കലിഫോർണിയ), മലയാളി അസോസിയേഷൻ ഓഫ് ക്യുബെക് (കാനഡ) എന്നീ സംഘനകൾക്കാണ് പുതിയതായി ഫോമയിൽ അംഗത്വം ലഭിച്ചത്.
ചെയർമാൻ വിജി ഏബ്രഹാമിന്‍റെ നേതൃത്വത്തിൽ, സെക്രട്ടറി ടോജോ തോമസ്, കോഓർഡിനേറ്റർ തോമസ് കർത്തനാൽ, കമ്മിറ്റി അംഗങ്ങളായ ജോൺ പട്ടപതി, ചാക്കോച്ചൻ ജോസഫ് എന്നിവർ അടങ്ങിയ ഫോമ ക്രെഡൻഷ്യൽസ് കമ്മിറ്റി സൂക്ഷ്മ പരിശോധനകൾക്കു ശേഷം നൽകിയ ശുപാർശ, ഫോമ എക്സിക്യൂട്ടീവ് കമ്മിറ്റി അംഗീകരിക്കുകയായിരുന്നു.
ഇനിയും ചില അസോസിയേഷനുകളുടെ അപേക്ഷകൾ ക്രെഡൻഷ്യൽസ് കമ്മിറ്റിയുടെ പരിഗണയിൽ ഉണ്ടെന്നും, ശുപാർശകൾ ലഭിക്കുന്നതനുസരിച്ചു അവർക്കും ഫോമയിൽ അംഗത്വം ലഭിക്കുന്നതാണെന്നും ഫോമ പ്രസിഡന്‍റ് ബേബി മണക്കുന്നേൽ പറഞ്ഞു. ഫോമ അംഗസംഘടനകളുടെ എണ്ണം നൂറിൽ എത്തിക്കുക തന്‍റെ ഒരു ലക്ഷ്യമാണെന്നും അദ്ദേഹം പറഞ്ഞു.
പുതിയതായി ഫോമയിൽ അഫിലിയേറ്റ് ചെയ്ത ആറ് മലയാളി അസോസിയേഷനുകളും മികച്ച പ്രവർത്തനങ്ങൾ നടത്തുന്ന സംഘടനകളാണെന്നും ഈ സംഘടനകളുടെ അംഗത്വം ഫോമയ്ക്ക് മുതൽക്കൂട്ടാണെന്നും ജനറൽ സെക്രട്ടറി ബൈജു വർഗീസ്, ട്രഷറർ സിജിൽ പാലക്കലോടി എന്നിവർ പറഞ്ഞു.
പുതിയതായി അംഗത്വം ലഭിച്ച ആറ് അസോസിയേഷനുകളെയും ഫോമയിലേക്ക് സ്വാഗതം ചെയ്യുന്നതായി വൈസ് പ്രസിഡന്‍റ് ഷാലൂ പുന്നൂസ്, ജോയിന്‍റ് സെക്രട്ടറി പോൾ ജോസ്, ജോയിന്‍റ് ട്രഷറർ അനുപമ കൃഷ്ണൻ എന്നിവർ അറിയിച്ചു.
|