Latest News
മാ​രു​തി കാ​ർ പൊ​ട്ടി​ത്തെ​റി​ച്ചു​ണ്ടാ​യ അ​പ​ക​ടം; ചി​കി​ത്സ​യി​ലിരുന്ന ര​ണ്ട് കു​ട്ടി​ക​ൾ മ​രി​ച്ചു
Saturday, July 12, 2025 3:34 PM IST
പാ​ല​ക്കാ​ട്‌: മാ​രു​തി കാ​ർ പൊ​ട്ടി​ത്തെ​റി​ച്ചു​ണ്ടാ​യ അ​പ​ക​ട​ത്തി​ൽ പൊ​ള്ള​ലേ​റ്റ് ചി​കി​ത്സ​യി​ലാ​യി​രു​ന്ന ര​ണ്ടു കു​ട്ടി​ക​ൾ മ​രി​ച്ചു. പാ​ല​ക്കാ​ട്‌ പൊ​ല്‍​പ്പു​ള്ളി​യി​ലു​ണ്ടാ​യ സം​ഭ​വ​ത്തി​ൽ എ​മി​ലീ​ന (നാ​ല്), ആ​ൽ​ഫ്ര​ഡ് (ആ​റ്) എ​ന്നി​വ​രാ​ണ് മ​രി​ച്ച​ത്.

അ​പ​ക​ട​ത്തി​ൽ പൊ​ള്ള​ലേ​റ്റ ഇ​വ​രു​ടെ അ​മ്മ എ​ൽ​സി മാ​ര്‍​ട്ടി​ന്‍, സ​ഹോ​ദ​രി അ​ലീ​ന (10) എ​ന്നി​വ​ർ ചി​കി​ത്സ​യി​ല്‍ തു​ട​രു​ക​യാ​ണ്. എ​ൽ​സി​യു​ടെ നി​ല ഗു​രു​ത​ര​മാ​ണെ​ന്ന് ആ​ശു​പ​ത്രി അ​ധി​കൃ​ത​ർ പ​റ​ഞ്ഞു. വെ​ള്ളി​യാ​ഴ്ച വൈ​കു​ന്നേ​രം അ​ഞ്ചി​നാ​ണ് കാ​ര്‍ പൊ​ട്ടി​ത്തെ​റി​ച്ച് അ​പ​ക​ട​മു​ണ്ടാ​യ​ത്.

വീ​ടി​നു മു​ന്നി​ല്‍ നി​ര്‍​ത്തി​യി​ട്ട കാ​ര്‍ സ്റ്റാ​ര്‍​ട്ട് ചെ​യ്യു​ന്ന​തി​നി​ടെ വ​ലി​യ ശ​ബ്ദ​ത്തോ​ടെ പൊ​ട്ടി​ത്തെ​റി​ക്കു​ക​യാ​യി​രു​ന്നു. പാ​ല​ക്കാ​ട്ടെ സ്വ​കാ​ര്യ ആ​ശു​പ​ത്രി​യി​ല്‍ ന​ഴ്‌​സാ​യ എ​ല്‍​സി ജോ​ലി​ക​ഴി​ഞ്ഞ് തി​രി​ച്ചെ​ത്തി വീ​ടി​നു​മു​ന്നി​ല്‍ കാ​ര്‍ നി​ര്‍​ത്തി​യി​ട്ടി​രു​ന്നു.

ഒ​രു​മ​ണി​ക്കൂ​റി​നു​ശേ​ഷം മ​ക്ക​ള്‍​ക്കൊ​പ്പം പു​റ​ത്തു​പോ​കാ​നാ​യി കാ​റി​ല്‍​ക്ക​യ​റി സ്റ്റാ​ര്‍​ട്ട് ചെ​യ്യു​ന്ന​തി​നി​ടെ തീപി​ടി​ക്കുക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു. എ​ല്‍​സി​യു​ടെ ഭ​ര്‍​ത്താ​വ് മാ​ര്‍​ട്ടി​ന്‍ ഒ​ന്ന​ര​മാ​സം​മു​മ്പാ​ണ് മ​രി​ച്ച​ത്. അ​ട്ട​പ്പാ​ടി സ്വ​ദേ​ശി​ക​ളാ​യ എ​ല്‍​സി​യും കു​ടും​ബ​വും അ​ഞ്ചു​വ​ര്‍​ഷം മു​ന്‍​പാ​ണ് പൊ​ല്‍​പ്പു​ള്ളി പൂ​ള​ക്കാ​ട്ട് താ​മ​സ​മാക്കി​യ​ത്.

കാ​ല​പ്പ​ഴ​ക്കം സം​ഭ​വി​ച്ച കാ​റി​ൽ ബാ​റ്റ​റി ഷോ​ർ​ട്ട് സ​ർ​ക്യൂ​ട്ട് സം​ഭ​വി​ച്ച​താ​യി​രി​ക്കാം തീപി​ടി​ക്കാ​ൻ കാ​ര​ണ​മെ​ന്നാ​ണ് ഫ​യ​ർ​ഫോ​ഴ്സി​ന്‍റെ പ്രാ​ഥ​മി​ക നി​ഗ​മ​നം. സം​ഭ​വ​ത്തി​ൽ വി​ശ​ദ​മാ​യ അ​ന്വേ​ഷ​ണം ന​ട​ത്തു​മെ​ന്ന് പോ​ലീ​സ് പ​റ​ഞ്ഞു.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.