ന്യൂഡൽഹി: ഓണാഘോഷത്തോടനുബന്ധിച്ച് ഡിഎംഎ സാംസ്കാരിക സമുച്ചയത്തിൽ നടത്തിയ മാനുവൽ മലബാർ ജൂവല്ലേഴ്സ് ഡിഎംഎ പൂക്കള മത്സരത്തിൽ ഒന്നാം സമ്മാനത്തിന് ഡിഎംഎ വസുന്ധര എൻക്ലേവ് ഏരിയയും രണ്ടാം സമ്മാനത്തിന് വിനയ് നഗർ കിദ്വായ് നഗർ ഏരിയയും മൂന്നാം സമ്മാനത്തിന് മയൂർ വിഹാർ ഫേസ് 3 ഏരിയയും അർഹരായി.
17 ടീമുകൾ മത്സരത്തിൽ പങ്കെടുത്തു. മയൂർ വിഹാർ ഫേസ്2, ജനക് പുരി, ആശ്രം ശ്രീനിവാസ്പുരി, മെഹ്റോളി, പട്ടേൽ നഗർ, ദ്വാരക, അംബേദ്കർ നഗർ പുഷപ് വിഹാർ, പശ്ചിമ വിഹാർ, മഹിപാൽപ്പൂർ കപ്പാഹേഡാ, ദിൽഷാദ് കോളനി,ആർ കെ പുരം, കരോൾ ബാഗ് കണാട്ട് പ്ലേസ്, കാൽക്കാജി, വികാസ്പുരി ഹസ്തസാൽ എന്നിവയായിരുന്നു പങ്കെടുത്ത മറ്റു ടീമുകൾ.
സമ്മാനമായി 20,000, 15000, 10000 രൂപ എന്നിങ്ങനെ യഥാക്രമം ഒന്ന്, രണ്ട്, മൂന്ന്, സ്ഥാനങ്ങളിലെത്തിയവർക്കു സെപ്റ്റംബർ 4ന് സിരിഫോർട്ടിൽ നടന്ന ചിങ്ങനിലാവിൽ സമ്മാനിച്ചു. സമ്മാനാർഹരാവാത്ത മറ്റു ടീമുകൾക്ക് 2000 രൂപാ വീതം പ്രോത്സാഹന സമ്മാനമായും നൽകി.
|