ലണ്ടൻ: കേരള കോൺഗ്രസ് പാർട്ടിയുടെ 60ാം ജന്മദിനാഘോഷത്തിന്റെ പശ്ചാത്തലത്തിൽ പ്രവാസി കേരള കോൺഗ്രസ് യുകെയുടെ നേതൃത്വത്തിൽ ജന്മദിനാഘോഷവും കൺവെൻഷനും നവംബർ 11ന് കൊവൻട്രി സെന്റ് ജോൺ ഫിഷർ ചർച്ച് ഹാളിൽ നടത്തുവാൻ തീരുമാനിച്ചിരിക്കുന്നതായി കോർഡിനേഷൻ കമ്മിറ്റി അംഗങ്ങളായ ജിപ്സൺ തോമസ് എട്ടുതൊട്ടിയിൽ, ബിനോയ് പൊന്നാട്ട്, ബിജു മാത്യു ഇളംതുരുത്തിൽ, ബീറ്റാജ് അഗസ്റ്റിൻ എന്നിവർ അറിയിച്ചു.
ശനിയാഴ്ച രാവിലെ 10.30നു ചേരുന്ന യോഗം കേരള കോൺഗ്രസ് ചെയർമാനും മുൻ മന്ത്രിയുമായ പി. ജെ. ജോസഫ് എംഎൽഎ വിഡിയോ കോൺഫെറൻസിലൂടെ ഉദഘാടനം ചെയ്യും.
കേരള കോൺഗ്രസ് എക്സിക്യൂട്ടീവ് ചെയർമാൻ അഡ്വ. മോൻസ് ജോസഫ് എംഎൽഎ, ഡെപ്യൂട്ടി ചെയർമാൻ മുൻ എംപി അഡ്വ. ഫ്രാൻസിസ് ജോർജ്, ഉന്നതാധികാരസമിതി അംഗവും കേരള പ്രഫഷണൽ കോൺഗ്രസ് പ്രസിഡന്റുമായ അപു ജോൺ ജോസഫ് തുടങ്ങിയവർ ആശംസകൾ അറിയിച്ച് സംസാരിക്കുന്നതുമാണ്.
യോഗത്തിന്റെ നടത്തിപ്പിനായി ജിപ്സൺ തോമസ് എട്ടുതൊട്ടിയിൽ, ബിനോയ് പൊന്നാട്ട്, ബിജു മാത്യു ഇളംതുരുത്തിൽ, ബീറ്റാജ് അഗസ്റ്റിൻ, ജോസ് പരപ്പനാട്ട്, സിബി കാവുങ്കൽ, സിജോ വള്ളിയാനിപ്പുറത്തു, ജെറി ഉഴുന്നാലിൽ,
തോമസ് ജോണി, ജിസ് കാനാട്ട്, ലിട്ടു ടോമി, ജോബിൻ ജോസ്, ജിനു തോമസ് കണ്ടത്തിൻകര, ബേബി ജോൺ, വിനോദ് ജോൺ, ഷാജിമോൻ മത്തായി തുടങ്ങിയവർ അടങ്ങുന്ന കോഓർഡിനേഷൻ കമ്മിറ്റിയെയും തെരഞ്ഞെടുത്തു.
യുകെയിലുള്ള എല്ലാ കേരളകോൺഗ്രസുകാരെയും ഈ യോഗത്തിലേക്ക് ഹാർദവമായി സ്വാഗതം ചെയ്യുന്നതായി ഭാരവാഹികൾ അറിയിച്ചു.
Venue Address: St. John fisher church hall Tiverton Rd, Coventry United Kingdom CV2 3DL.
കൂടുതൽ വിവരങ്ങൾക്ക്: ജിപ്സൺ തോമസ് എട്ടുതൊട്ടിയിൽ: 07453 288745, ബിനോയ് പൊന്നാട്ട്: 07724 813686, ബിറ്റാജ് അഗസ്റ്റിൻ: 07746 487711.
|