കൊച്ചി: 21 യൂറോപ്യന്‍ രാജ്യങ്ങളില്‍നിന്നുള്ള 73 ഉന്നത വിദ്യാഭ്യാസ സ്ഥാപനങ്ങള്‍ പങ്കെടുക്കുന്ന യൂറോപ്യന്‍ ഉന്നത വിദ്യാഭ്യാസ വെർച്വൽ ഫെയർ (ഇഎച്ച്ഇവിഎഫ് 2023) വ്യാഴാഴ്ചയും വെള്ളിയാഴ്ചയും നടക്കും. 3ഡി വെര്‍ച്വല്‍ പ്ലാറ്റ്‌ഫോമായ https://studyeurope.net/register ലാണ് പ്രദർശനം.
എൻജിനിയറിംഗ്, നിയമം, മെഡിസിന്‍, ഗണിതം, കംപ്യൂട്ടര്‍ ആന്‍ഡ് ഡാറ്റാ സയന്‍സ്, ബിസിനസ്, ഫിനാന്‍സ്, ഇക്കണോമിക്‌സ്, ആര്‍ക്കിടെക്ചര്‍, സൈക്കോളജി, തത്വശാസ്ത്രം, ഹ്യൂമാനിറ്റീസ്, ഫാഷന്‍, ആര്‍ട്ട്, ഡിസൈന്‍, കളിനറി സ്റ്റഡീസ്, ഫിലിം സ്റ്റഡീസ് തുടങ്ങിയ വിഷയങ്ങളിലുള്ള വിവിധ കോഴ്‌സുകൾ നടത്തുന്ന സര്‍വകലാശാലകൾ പരിപാടിയുടെ ഭാഗമാകും.
സൈപ്രസ് എഡ്യുക്കേഷന്‍, യൂത്ത്, സ്‌പോര്‍ട്‌സ് മിനിസ്ട്രി, സൈപ്രസ് ഹൈക്കമ്മീഷന്‍, ചെക്ക് റിപ്പബ്ലിക് എംബസി, ഡിഎഎഡി, സ്റ്റഡി ഇന്‍ ഗ്രീസ്, യൂണിഇറ്റാലിയ ഇന്ത്യാ സെന്‍റര്‍, ഇഐടി ഇന്നോ എനര്‍ജി എന്നിവ ഫെയറില്‍ പങ്കെടുക്കുന്നുണ്ട്.
യൂറോപ്പില്‍ ഉപരിപഠനത്തിനുള്ള സാധ്യതകളും സ്‌കോളര്‍ഷിപ്പുകളും ധനസഹായ അവസരങ്ങളും സംബന്ധിച്ച വിവരങ്ങള്‍ വെർച്വൽ ഫെയറിൽ ലഭിക്കും. രണ്ടു ദിവസത്തെ ഫെയറില്‍ വെബിനാറുകളും ലൈവ് ചാറ്റുകളും ഉണ്ടാകും.
|