Latest News
പ്ര​ചാ​ര​ണ​ത്തി​നു പോ​കാ​തെ മു​ഖ്യ​മ​ന്ത്രി മു​ങ്ങി​യ​ത് സ്വ​ന്തം പാ​ര്‍​ട്ടി​ക്കാ​രോ​ടു ചെ​യ്ത ച​തി: കെ. ​സു​ധാ​ക​ര​ൻ
Wednesday, May 8, 2024 8:23 PM IST
തി​രു​വ​ന​ന്ത​പു​രം: വി​വി​ധ സം​സ്ഥാ​ന​ങ്ങ​ളി​ല്‍ മ​ത്സ​രി​ക്കു​ന്ന സി​പി​എം സ്ഥാ​നാ​ര്‍​ഥി​ക​ള്‍​ക്കു വേ​ണ്ടി പ്ര​ചാ​ര​ണ​ത്തി​നു പോ​കാ​തെ മു​ഖ്യ​മ​ന്ത്രി മു​ങ്ങി​യെന്ന് കെ​പി​സി​സി അ​ധ്യ​ക്ഷ​ൻ കെ. ​സു​ധാ​ക​ര​ൻ. ഇത് സ്വ​ന്തം പാ​ര്‍​ട്ടി​ക്കാ​രോ​ടു ചെ​യ്ത കൊ​ടും​ ച​തി​യാ​ണെ​ന്നും സുധാകരൻ വിമർശിച്ചു.

പ​ല സം​സ്ഥാ​ന​ങ്ങ​ളി​ലും സി​പി​എം സ്ഥാ​നാ​ര്‍​ഥി​ക​ള്‍ ഇ​ന്ത്യാ മു​ന്ന​ണി​യു​ടെ ഭാ​ഗ​മാ​യി ബി​ജെ​പി​ക്കെ​തി​രേ മ​ത്സ​രി​ക്കു​ന്നു​ണ്ട്. അ​വ​ര്‍​ക്കു​വേ​ണ്ടി എ​ല്ലാ​യി​ട​ത്തും പ്ര​ചാ​ര​ണം ന​ട​ത്തു​ന്ന് കോ​ണ്‍​ഗ്ര​സാ​ണെ​ന്ന് സു​ധാ​ക​ര​ൻ പ​റ​ഞ്ഞു.

കോ​ണ്‍​ഗ്ര​സ് കാ​ട്ടു​ന്ന സാ​മാ​ന്യ​മ​ര്യാ​ദ പോ​ലും പൊ​ളി​റ്റ് ബ്യൂ​റോ അം​ഗ​വും സി​പി​എ​മ്മി​ന്‍റെ രാ​ജ്യ​ത്തെ ഏ​ക മു​ഖ്യ​മ​ന്ത്രി​യും സ്വ​ന്തം പാ​ര്‍​ട്ടി​ക്കാ​രോ​ട് കാ​ട്ടി​യി​ല്ല. മോ​ദി​ക്കെ​തി​രേ പ്ര​സം​ഗി​ക്കാ​ന്‍ ഭ​യ​മു​ള്ള​തു​കൊ​ണ്ടാ​ണ് നാ​ലു​ഘ​ട്ടം തെ​ര​ഞ്ഞെ​ടു​പ്പ് ബാ​ക്കി​യു​ള്ള​പ്പോ​ള്‍ മു​ഖ്യ​മ​ന്ത്രി വി​ദേ​ശ​ത്തേ​ക്കു മു​ങ്ങി​യ​തെ​ന്ന് അ​ദ്ദേ​ഹം പ​രി​ഹ​സി​ച്ചു.

ക​ടു​ത്ത വേ​ന​ല്‍​ച്ചൂ​ട്, അ​തി​രൂ​ക്ഷ​മാ​യ സാ​മ്പ​ത്തി​ക പ്ര​തി​സ​ന്ധി, ക്ഷേ​മ​പെ​ന്‍​ഷ​ന്‍ ഉ​ള്‍​പ്പെ​ടെ​യു​ള്ള ആ​നു​കൂ​ല്യ​ങ്ങ​ളെ​ല്ലാം മു​ട​ങ്ങി​യ അ​വ​സ്ഥ. ക​ഴി​ഞ്ഞ സാ​മ്പ​ത്തി​ക വ​ര്‍​ഷം സ​ര്‍​ക്കാ​രി​ന്‍റെ വ​രു​മാ​ന​ത്തി​ല്‍ 10,302 കോ​ടി​യു​ടെ ഇ​ടി​വ്. ഇ​തൊ​ന്നും മു​ഖ്യ​മ​ന്ത്രി​ക്ക് പ്ര​ശ്‌​ന​മ​ല്ലെ​ന്ന് സു​ധാ​ക​ര​ൻ കു​റ്റ​പ്പെ​ടു​ത്തി.

കേ​ര​ള​ത്തി​ന്‍റെ ച​രി​ത്ര​ത്തി​ല്‍ ഒ​രു മു​ഖ്യ​മ​ന്ത്രി​യും ഇ​തു​പോ​ലെ അ​തീ​വ​ ര​ഹ​സ്യ​മാ​യി വി​ദേ​ശ​യാ​ത്ര ന​ട​ത്തി​യി​ട്ടി​ല്ല. ഇ​തി​നു മു​ന്നേ മു​ഖ്യ​മ​ന്ത്രി​മാ​ർ പോ​യ​പ്പോ​ൾ അ​വ​ർ ചു​മ​ത​ല കൈ​മാ​റി​യി​രു​ന്നു. മ​ന്ത്രി​സ​ഭ​യി​ലെ മ​രു​മ​ക​നൊ​ഴി​കെ മ​റ്റാ​രെ​യും വി​ശ്വാ​സ​മി​ല്ലാ​ത്ത​തു​കൊ​ണ്ടാ​ണോ, അ​തോ അ​വ​രൊ​ക്കെ ക​ഴി​വു​കെ​ട്ട​വ​രാ​യ​തു കൊ​ണ്ടാ​ണോ ചു​മ​ത​ല കൈ​മാ​റാ​തി​രു​ന്ന​തെ​ന്ന് മു​ഖ്യ​മ​ന്ത്രി വ്യ​ക്ത​മാ​ക്ക​ണ​മെ​ന്നും സു​ധാ​ക​ര​ൻ ആ​വ​ശ്യ​പ്പെ​ട്ടു.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.