Latest News
സ്വ​കാ​ര്യ വീ​ഡി​യോ പ്ര​ച​രി​പ്പി​ക്കു​മെ​ന്ന് ഭീ​ഷ​ണി; മും​ബൈ​യി​ൽ ചാ​ർ​ട്ടേ​ഡ് അ​ക്കൗ​ണ്ട​ന്‍റ് ജീ​വ​നൊ​ടു​ക്കി
Wednesday, July 9, 2025 7:34 AM IST
മും​ബൈ: സ്വ​കാ​ര്യ വി​ഡി​യോ പ്ര​ച​രി​പ്പി​ക്കു​മെ​ന്ന് ഭീ​ഷ​ണി​പ്പെ​ടു​ത്തി പ​ണം ത​ട്ടി​യ​തി​നെ തു​ട​ർ​ന്ന് ചാ​ർ​ട്ടേ​ഡ് അ​ക്കൗ​ണ്ട​ന്‍റ് ജീ​വ​നൊ​ടു​ക്കി.

മും​ബൈ സാ​ന്താ​ക്രൂ​സ് സ്വ​ദേ​ശി രാ​ജ് ലീ​ല മോ​റെ (32) ആ​ണ് വി​ഷം ക​ഴി​ച്ച് ജീ​വ​നൊ​ടു​ക്കി​യ​ത്. സം​ഭ​വ​ത്തി​ൽ വാ​ക്കോ​ല പോ​ലീ​സ് അ​ന്വേ​ഷ​ണം തു​ട​ങ്ങി.

പോ​ലീ​സ് മൂ​ന്ന് പേ​ജു​ള്ള ആ​ത്മ​ഹ​ത്യാ കു​റി​പ്പ് ക​ണ്ടെ​ടു​ത്തു. രാ​ഹു​ൽ പ​ർ​വാ​നി, സ​ബ ഖു​റേ​ഷി എ​ന്നി​വ​രാ​ണ് ത​ന്‍റെ ആ​ത്മ​ഹ​ത്യ​ക്ക് ഉ​ത്ത​ര​വാ​ദി​ക​ളെ​ന്ന് കു​റി​പ്പി​ൽ പ​റ​യു​ന്നു. ഇ​രു​വ​ർ​ക്കു​മെ​തി​രെ പോ​ലീ​സ് കേ​സ് റ​ജി​സ്റ്റ​ർ ചെ​യ്തു.

രാ​ജി​ന്‍റെ ഓ​ഹ​രി വി​പ​ണി നി​ക്ഷേ​പ​ങ്ങ​ളെ​ക്കു​റി​ച്ചും ഉ​യ​ർ​ന്ന ശ​മ്പ​ള​മു​ള്ള ജോ​ലി​യെ​ക്കു​റി​ച്ചും പ്ര​തി​ക​ൾ​ക്ക് അ​റി​യാ​മാ​യി​രു​ന്നു. ഇ​യാ​ളു​ടെ സ്വ​കാ​ര്യ വി​ഡി​യോ പ്ര​ച​രി​പ്പി​ക്കു​മെ​ന്ന് ഭീ​ഷ​ണി​പ്പെ​ടു​ത്തു​ക​യും ക​മ്പ​നി​യു​ടെ അ​ക്കൗ​ണ്ടി​ൽ നി​ന്ന് ത​ങ്ങ​ളു​ടെ വ്യ​ക്തി​ഗ​ത അ​ക്കൗ​ണ്ടു​ക​ളി​ലേ​ക്ക് പ​ണം കൈ​മാ​റാ​നും ത​ന്‍റെ സ​മ്പാ​ദ്യം ന​ൽ​കാ​നും ഇ​രു​വ​രും രാ​ജി​നെ നി​ർ​ബ​ന്ധി​ച്ചു.

രാ​ജി​ന്‍റെ കൈ​യി​ൽ നി​ന്ന് ഒ​രു ആ​ഡം​ബ​ര കാ​റും ഇ​വ​ർ ബ​ല​മാ​യി ത​ട്ടി​യെ​ടു​ത്തു​വെ​ന്ന് അ​ന്വേ​ഷ​ണ​ത്തി​ൽ തെ​ളി​ഞ്ഞു.

ക​ഴി​ഞ്ഞ 18 മാ​സ​ത്തി​നി​ടെ രാ​ഹു​ലും സ​ബ​യും ചേ​ർ​ന്ന് രാ​ജ് ലീ​ല​യി​ൽ നി​ന്ന് മൂ​ന്ന് കോ​ടി​യി​ല​ധി​കം രൂ​പ ത​ട്ടി​യെ​ടു​ത്ത​താ​യി അ​ന്വേ​ഷ​ണ ഉ​ദ്യോ​ഗ​സ്ഥ​ർ പ​റ​ഞ്ഞു.

ക​ഴി​ഞ്ഞ കു​റ​ച്ച് മാ​സ​ങ്ങ​ളാ​യി രാ​ജ് ലീ​ല ക​ടു​ത്ത മാ​ന​സി​ക സ​മ്മ​ർ​ദ​ത്തി​ലാ​യി​രു​ന്നു​വെ​ന്ന് അ​ദ്ദേ​ഹ​ത്തി​ന്‍റെ കു​ടും​ബം പോ​ലീ​സി​നു മൊ​ഴി ന​ൽ​കി. ‌ര​ണ്ടു പ്ര​തി​ക​ൾ​ക്കു​മെ​തി​രെ പ​ണം ത​ട്ടി​യെ​ടു​ക്ക​ൽ, ആ​ത്മ​ഹ​ത്യാ പ്രേ​ര​ണ എ​ന്നീ കു​റ്റ​ങ്ങ​ൾ ചു​മ​ത്തി കേ​സെ​ടു​ത്തി​രി​ക്കു​ക​യാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.