വാഹനം പാർക്ക് ചെയ്യുന്നതുമായി ബന്ധപ്പെട്ട തർക്കം; നടി ഹുമാ ഖുറേഷിയുടെ സഹോദരനെ കുത്തിക്കൊന്നു |

Click here for detailed news of all items

വാഹനം പാർക്ക് ചെയ്യുന്നതുമായി ബന്ധപ്പെട്ട തർക്കം; നടി ഹുമാ ഖുറേഷിയുടെ സഹോദരനെ കുത്തിക്കൊന്നു

Friday, August 8, 2025 8:29 AM IST

ന്യൂഡൽഹി: വാഹനം പാർക്ക് ചെയ്യുന്നതുമായി ബന്ധപ്പെട്ട തർക്കത്തിനിടെ ബോളിവുഡ് നടി ഹുമ ഖുറേഷിയുടെ സഹോദരൻ ആസിഫ് ഖുറേഷി(42)യെ കുത്തിക്കൊന്നു. വ്യാഴാഴ്ച രാത്രി 11 ഓടെ ഡൽഹിയിലെ നിസാമുദീനിലെ ജംഗ്പുര ഭോഗൽ ലെയ്നിലാണ് സംഭവം നടന്നത്.

ഹുമാ ഖുറേഷിയുടെ പിതാവിന്‍റെ സഹോദര പുത്രനാണ് കൊല്ലപ്പെട്ട ആസിഫ്. സംഭവവുമായി ബന്ധപ്പെട്ട് രണ്ടുപേരെ അറസ്റ്റ് ചെയ്തതായും കൊലപാതകത്തിന് ഉപയോഗിച്ച ആയുധം കണ്ടെത്തിയെന്നും പോലീസ് പറഞ്ഞു.

വ്യാഴാഴ്ച രാത്രി 10 ഓടെയാണ് സംഭവം നടന്നത്. തന്‍റെ വീടിന് മുന്നിൽ പാർക്ക് ചെയ്ത സ്കൂട്ടർ അവിടെ നിന്നും മാറ്റണമെന്ന് ആസിഫ് ഖുറേഷി രണ്ടുപേരോട് ആവശ്യപ്പെട്ടിരുന്നു. ഇത് ചെറിയ തർക്കത്തിനിടയാക്കി.

താൻ മടങ്ങി വരുമെന്ന് ഭീഷണിപ്പെടുത്തി ഇയാൾ സ്ഥലത്ത് നിന്നും മടങ്ങി. അൽപ്പ സമയത്തിന് പ്രതികളിലൊരാൾ തന്‍റെ സഹോദരനെയും കൂട്ടി ഇവിടേക്ക് എത്തുകയും മൂർച്ചയേറിയ ആയുധം ഉപയോഗിച്ച് ആസിഫിനെ കുത്തുകയുമായിരുന്നുവെന്നും ആസിഫിന്‍റെ ഭാര്യ പറഞ്ഞു.

ആസിഫിനെ കൈലാഷിലെ നാഷണൽ ഹാർട്ട് ഇൻസ്റ്റിറ്റ്യൂട്ടിൽ എത്തിച്ചെങ്കിലും ഡോക്ടർമാർ മരണം സംഭവിച്ചിരുന്നു. പ്രതി മുമ്പും തന്‍റെ ഭർത്താവിനെ കൊല്ലാൻ ശ്രമിച്ചിട്ടുണ്ടെന്ന് ആസിഫിന്‍റെ ഭാര്യ ആരോപിക്കുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.