Latest News
ഓ​പ്പ​റേ​ഷ​ന്‍ നും​ഖോ​ര്‍: പ​രി​ശോ​ധ​ന തു​ട​രു​ന്നു, ദു​ല്‍​ഖ​റി​ന്‍റെ വാ​ഹ​നം പി​ടി​ച്ചെ​ടു​ത്തു
Tuesday, September 23, 2025 2:16 PM IST
കൊ​ച്ചി: ക​സ്റ്റം​സി​ന്‍റെ ഓ​പ്പ​റേ​ഷ​ൻ നം​ഖോ​റി​ന്‍റെ ഭാ​ഗ​മാ​യി ന​ട​ൻ ദു​ൽ​ഖ​ർ സ​ൽ​മാ​ന്‍റെ വാ​ഹ​നം പി​ടി​ച്ചെ​ടു​ത്തു. ഡി​ഫ​ൻ​ഡ​ര്‍ വാ​ഹ​ന​മാ​ണ് സം​ഘം പി​ടി​ച്ചെ​ടു​ത്ത​ത്. ഇ​തി​ന് പു​റ​മെ, കൂ​ടു​ത​ല്‍ വാ​ഹ​ന​ങ്ങ​ള്‍ ഉ​ണ്ടെ​ങ്കി​ല്‍ ഹാ​ജ​രാ​ക്ക​ണ​മെ​ന്ന് അ​റി​യി​ച്ച് സ​മ​ന്‍​സും ന​ല്‍​കി.

കൊ​ച്ചി​യി​ൽ നി​ന്ന് ര​ണ്ട് വാ​ഹ​ന​ങ്ങ​ളാ​ണ് പി​ടി​ച്ചെ​ടു​ത്ത​ത്. അ​തി​ലൊ​ന്ന് ദു​ൽ​ഖ​റി​ന്‍റേ​താ​ണെ​ന്ന് ക​സ്റ്റം​സ് വ്യ​ക്ത​മാ​ക്കി. കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ലെ ഏ​ഴി​ട​ങ്ങ​ളി​ൽ നി​ന്നാ​യി 11 വാ​ഹ​ന​ങ്ങ​ളും പി​ടി​ച്ചെ​ടു​ത്തു. പി​ടി​ച്ചെ​ടു​ത്ത വാ​ഹ​ന​ങ്ങ​ള്‍ ക​രി​പ്പൂ​ര്‍ വി​മാ​ന​ത്താ​വ​ള​ത്തി​ലു​ള്ള ക​സ്റ്റം​സ് ഓ​ഫീ​സി​ല്‍ എ​ത്തി​ക്കു​മെ​ന്നാ​ണ് റി​പ്പോ​ര്‍​ട്ട്.

ഭൂ​ട്ടാ​നി​ല്‍ നി​ന്നു​ള്ള ആ​ഡം​ബ​ര കാ​റു​ക​ള്‍ നി​കു​തി വെ​ട്ടി​ച്ച് ഇ​ന്ത്യ​യി​ല്‍ എ​ത്തി​യെ​ന്ന ഇ​ന്‍റ​ലി​ജ​ന്‍​സ്‌ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് ക​സ്റ്റം​സ് പ​രി​ശോ​ധ​ന ന​ട​ത്തി​യ​ത്. സം​സ്ഥാ​ന​ത്ത് കോ​ഴി​ക്കോ​ട്, മ​ല​പ്പു​റം, എ​റ​ണാ​കു​ളം, തി​രു​വ​ന​ന്ത​പു​രം എ​ന്നീ ജി​ല്ല​ക​ളി​ലാ​ണ് പ​രി​ശോ​ധ​ന ന​ട​ത്തി​യ​ത്.

കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ലാ​യി നാ​ല് ഷോ​റൂ​മു​ക​ളി​ലും മൂ​ന്ന് വീ​ടു​ക​ളി​ലു​മാ​ണ് ക​സ്റ്റം​സ് ഉ​ദ്യോ​ഗ​സ്ഥ​ര്‍ പ​രി​ശോ​ധ​ന ന​ട​ത്തി​യ​ത്. ഓ​പ്പ​റേ​ഷ​ന്‍ സം​ബ​ന്ധി​ച്ച് വി​വ​ര​ങ്ങ​ള്‍ ന​ല്‍​കു​ന്ന​തി​നാ​യി ക​സ്റ്റം​സ് ക​മ്മീ​ഷ​ണ​ര്‍ വൈ​കു​ന്നേ​രം മാ​ധ്യ​മ​ങ്ങ​ളെ കാ​ണു​മെ​ന്നും അ​റി​യി​ച്ചി​ട്ടു​ണ്ട്.

വി​ല കൂ​ടി​യ ആ​ഢം​ബ​ര വാ​ഹ​ന​ങ്ങ​ൾ ഭൂ​ട്ടാ​നി​ൽ നി​ന്നും ര​ജി​സ്റ്റ​ർ ചെ​യ്ത് നി​കു​തി വെ​ട്ടി​ക്കു​ന്ന​വ​രെ ക​ണ്ടെ​ത്തു​ന്ന പ​രി​ശോ​ധ​ന​യാ​ണ് ഓ​പ്പ​റേ​ഷ​ൻ നൂം​ഖോ​ർ. ഇ​ത്ത​ര​ത്തി​ൽ വാ​ഹ​ന​ങ്ങ​ൾ കൈ​പ്പ​റ്റി​യ ഉ​പ​ഭോ​ക്താ​ക്ക​ളെ തേ​ടി​യാ​ണ് ഇ​ന്ന് പ​രി​ശോ​ധ​ന ന​ട​ത്തു​ന്ന​ത്. നൂം​ഖോ​ർ എ​ന്നാ​ൽ ഭൂ​ട്ടാ​ൻ ഭാ​ഷ​യി​ൽ വാ​ഹ​നം എ​ന്നാ​ണ് അ​ർ​ഥം.

പൃ​ഥ്വി​രാ​ജി​ന്‍റെ തി​രു​വ​ന​ന്ത​പു​ര​ത്തെ വീ​ട്ടി​ൽ ക​സ്റ്റം​സ് പ​രി​ശോ​ധ​ന ന​ട​ത്തി​യെ​ങ്കി​ലും വാ​ഹ​ന​ങ്ങ​ളൊ​ന്നും ക​ണ്ടെ​ത്താ​ൻ ക​ഴി​യാ​ത്ത​തി​നാ​ൽ മ​ട​ങ്ങി പോ​യെ​ന്നാ​ണ് വി​വ​രം. കൊ​ച്ചി​യി​ൽ തേ​വ​ര​യി​ലെ പൃ​ഥ്വി​രാ​ജി​ന്‍റെ ഫ്ലാ​റ്റി​ലും പ​ന​മ്പ​ള്ളി ന​ഗ​റി​ലെ ദു​ൽ​ഖ​റി​ന്‍റെ വീ​ട്ടി​ലും പ​രി​ശോ​ധ​ന ന​ട​ന്നു. കേ​ര​ള​ത്തി​ലെ പ്ര​മു​ഖ​രാ​യ വ്യ​വ​സാ​യി​ക​ളു​ടെ വീ​ടു​ക​ളി​ലും കാ​ർ ഷോ​റൂ​മു​ക​ളി​ലും പ​രി​ശോ​ധ​ന ന​ട​ക്കു​ന്നു​ണ്ട്.

റോ​യ​ൽ ഭൂ​ട്ടാ​ൻ ആ​ർ​മി ഉ​പേ​ക്ഷി​ച്ച 150 വാ​ഹ​ന​ങ്ങ​ൾ നി​യ​മ​വി​രു​ദ്ധ​മാ​യി ഇ​ന്ത്യ​യി​ലേ​ക്ക് ക​ട​ത്തി ഹി​മാ​ച​ൽ പ്ര​ദേ​ശി​ൽ ര​ജി​സ്റ്റ​ർ ചെ​യ്ത് നാ​ലി​ര​ട്ടി വി​ല​യ്ക്കു വി​റ്റ​ഴി​ച്ചെ​ന്ന വാ​ർ​ത്ത നേ​ര​ത്തെ പു​റ​ത്തു​വ​ന്നി​രു​ന്നു. ഇ​തി​ന്‍റെ പ​ശ്ചാ​ത്ത​ല​ത്തി​ലാ​ണ് ഡ​യ​റ​ക്ട​റേ​റ്റ് ഓ​ഫ് റ​വ​ന്യു ഇ​ന്‍റ​ലി​ജ​ൻ​സും (ഡി​ആ​ർ​ഐ) ക​സ്റ്റം​സും കേ​സ് അ​ന്വേ​ഷി​ക്കു​ന്ന​ത്.

ലാ​ൻ​ഡ് ക്രൂ​സ​ർ, ലാ​ൻ​ഡ് റോ​വ​ർ, ടാ​റ്റ എ​സ്‌​യു​വി​ക​ൾ, മ​ഹീ​ന്ദ്ര–​ടാ​റ്റ ട്ര​ക്കു​ക​ൾ എ​ന്നി​വ​യും ക​ട​ത്തി​ക്കൊ​ണ്ടു​വ​ന്ന വാ​ഹ​ന​ങ്ങ​ളി​ൽ ഉ​ൾ​പ്പെ​ടു​ന്നു. ഭൂ​ട്ടാ​നി​ൽ ര​ജി​സ്റ്റ​ർ ചെ​യ്ത വാ​ഹ​നം പി​ന്നീ​ട് ഹി​മാ​ച​ൽ പ്ര​ദേ​ശി​ലെ​ത്തി​ക്കു​ന്നു. അ​വി​ടെ നി​ന്നു​മാ​ണ് കേ​ര​ള​ത്തി​ലേ​ക്ക് എ​ത്തു​ന്ന​ത്.

ഹി​മാ​ച​ൽ പ്ര​ദേ​ശി​ലെ എ​ച്ച്പി–52 റ​ജി​സ്ട്രേ​ഷ​ൻ ന​മ്പ​റി​ലാ​ണ് കൂ​ടു​ത​ൽ വാ​ഹ​ന​ങ്ങ​ളും ര​ജി​സ്റ്റ​ർ ചെ​യ്തി​ട്ടു​ള്ള​ത്. അ​വി​ട​ത്തെ ര​ജി​സ്ട്രേ​ഷ​ൻ അ​തോ​റി​റ്റി​യു​ടെ എ​ൻ​ഒ​സി ഉ​ൾ​പ്പെ​ടെ​യാ​ണ് കേ​ര​ള​ത്തി​ൽ കാ​റു​ക​ൾ വി​ൽ​ക്കു​ന്ന​ത്.

കേ​ര​ള​ത്തി​ൽ എ​ത്തി​ച്ച പ​ല വാ​ഹ​ന​ങ്ങ​ളും റീ ​ര​ജി​സ്റ്റ​ർ ചെ​യ്ത് ‘കെ​എ​ൽ’ ന​മ്പ​റു​ക​ളാ​ക്കി​യി​ട്ടു​ണ്ട്. അ​ഞ്ച് ല​ക്ഷം രൂ​പ​യി​ൽ താ​ഴെ വി​ല​യ്ക്കാ​ണ് ഭൂ​ട്ടാ​ൻ പ​ട്ടാ​ളം വാ​ഹ​ന​ങ്ങ​ൾ ഒ​രു​മി​ച്ച് വി​റ്റ​ത്. ഇ​ത്ത​രം വാ​ഹ​ന​ങ്ങ​ൾ കേ​ര​ള​ത്തി​ൽ 40 ല​ക്ഷം രൂ​പ​യ്ക്ക് വ​രെ വി​റ്റ​ഴി​ച്ചി​ട്ടു​ണ്ടെ​ന്നാ​ണ് അ​ന്വേ​ഷ​ണ സം​ഘ​ത്തി​ന് ല​ഭി​ച്ച വി​വ​രം.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.