Latest News
കീം വിധി: അപ്പീൽ നല്കുന്നതിനെക്കുറിച്ച് ആലോചിക്കുമെന്ന് മന്ത്രി ആർ. ബിന്ദു
Wednesday, July 9, 2025 2:30 PM IST
കൊ​ച്ചി: കേ​ര​ള എ​ൻ​ജി​നി​യ​റിം​ഗ്, ഫാ​ർ​മ​സി (കീം) ​പ്ര​വേ​ശ​ന യോ​ഗ്യ​താ പ​രീ​ക്ഷാ ഫ​ലം റ​ദ്ദാ​ക്കിയ വിധിക്കെതിരേ ഹൈക്കോടതിയിൽ അപ്പീൽ നൽകുന്നതിനെക്കുറിച്ച് ആലോചിക്കുമെന്ന് ഉന്നതവിദ്യാഭ്യാസ മന്ത്രി ആർ. ബിന്ദു. വ്യാഴാഴ്ച ചേരുന്ന മന്ത്രിസഭാ യോഗത്തിൽ വിഷയം ചർച്ച ചെയ്ത് ഉചിതമായ തീരുമാനമെടുക്കുമെന്നും മന്ത്രി കൂട്ടിച്ചേർത്തു.

വിദ്യാർഥികളുടെ നന്മയെക്കരുതിയുള്ള തീരുമാനമാണ് സർക്കാർ ഈ വിഷയത്തിൽ എടുത്തിട്ടുള്ളത്. ഇക്കാര്യത്തിൽ സർക്കാരിന് മറ്റു നിക്ഷിപ്ത താത്പര്യങ്ങളില്ല. മാർക്ക് ഏകീകരണ രീതിയിൽ 28 മാർക്ക് വരെ കേരള സിലബസിൽ പഠിച്ച വിദ്യാർഥികൾക്ക് നഷ്ടപ്പെട്ടിരുന്നു. അതൊഴിവാക്കാനാണ് പുതിയ രീതി കൊണ്ടുവന്നതെന്നും മന്ത്രി വ്യക്തമാക്കി.

റാ​ങ്ക് ലി​സ്റ്റ് പു​നഃ​ക്ര​മീ​ക​രി​ക്ക​ണ​മെ​ന്ന് നി​ർ​ദേ​ശി​ച്ചാ​ണ് ഹൈ​ക്കോ​ട​തി പ​രീ​ക്ഷാ ഫ​ലം റ​ദ്ദാ​ക്കി ഉത്തരവിട്ടത്. കേ​ര​ള സി​ല​ബ​സ് വി​ദ്യാ​ർ​ഥി​ക​ളു​ടെ മാ​ർ​ക്ക് ഏ​കീ​ക​ര​ണ​ത്തി​ൽ മാ​റ്റം വ​രു​ത്തി​യ ന​ട​പ​ടി കോ​ട​തി റ​ദ്ദാ​ക്കി. പ​രീ​ക്ഷ​യു​ടെ പ്രോ​സ്പെ​ക്ട​സ് പു​റ​ത്തി​റ​ക്കി​യ​ശേ​ഷം വെ​യി​റ്റേ​ജ് മാ​റ്റി​യ​ത് നി​യ​മ​പ​ര​മ​ല്ലെ​ന്നും ജ​സ്റ്റീ​സ് ഡി.​കെ. സിം​ഗ് ചൂ​ണ്ടി​ക്കാ​ട്ടി.

മു​ൻ സ​മ​വാ​ക്യം അ​നു​സ​രി​ച്ച് റാ​ങ്ക് ലി​സ്റ്റ് ത​യാ​റാ​ക്കു​മ്പോ​ൾ കേ​ര​ള സി​ല​ബ​സ് വി​ദ്യാ​ർ​ഥി​ക​ൾ​ക്ക് സി​ബി​എ​സ്‍​ഇ വി​ദ്യാ​ർ​ഥി​ക​ളേ​ക്കാ​ൾ മാ​ർ​ക്ക് കു​റ​യു​ന്ന​താ​യി പ​രാ​തി ഉ​യ​ർ​ന്ന സാ​ഹ​ച​ര്യ​ത്തി​ലാ​ണ് സ​ർ​ക്കാ​ർ പു​തി​യ സ​മ​വാ​ക്യം കൊ​ണ്ടു​വ​ന്ന​ത്.

എ​ന്നാ​ൽ മാ​ർ​ക്ക് ഏ​കീ​ക​ര​ണ​ത്തി​നു​ള്ള പു​തി​യ സ​മ​വാ​ക്യം മൂ​ലം സി​ബി​എ​സ്ഇ വി​ദ്യാ​ർ​ഥി​ക​ൾ​ക്ക് മു​ൻ​പ് ഉ​ണ്ടാ​യി​രു​ന്ന വെ​യി​റ്റേ​ജ് ന​ഷ്ട​മാ​യെ​ന്ന് ചൂ​ണ്ടി​ക്കാ​ട്ടി സി​ബി​എ​സ്‍​ഇ സി​ല​ബ​സി​ൽ പ്ല​സ് ടു ​പാ​സാ​യ വി​ദ്യാ​ർ​ഥി​നി ഹ​ന ഫാ​ത്തി​മ ഹ​ർ​ജി​യു​മാ​യി ഹൈ​ക്കോ​ട​തി​യെ സ​മീ​പി​ക്കു​ക​യാ​യി​രു​ന്നു.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.