Latest News
ര​ണ്ടാം​ദി​ന​വും അ​ന​ക്ക​മി​ല്ലാ​തെ സ്വ​ർ‌​ണ​വി​ല; 75,000 രൂ​പ​യി​ൽ താ​ഴെ​ത്ത​ന്നെ
Thursday, August 14, 2025 11:40 AM IST
കൊ​ച്ചി: സം​സ്ഥാ​ന​ത്ത് റി​ക്കാ​ർ​ഡ് ഉ​യ​ര​ത്തി​ൽ​നി​ന്നു​ള്ള വ​ൻ​വീ​ഴ്ച​യ്ക്കി​ടെ ര​ണ്ടാം​ദി​ന​വും അ​ന​ക്ക​മി​ല്ലാ​തെ സ്വ​ർ​ണ​വി​ല. ഗ്രാ​മി​ന് 9,295 രൂ​പ​യി​ലും പ​വ​ന് 74,360 രൂ​പ​യി​ലു​മാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്. അ​തേ​സ​മ​യം, 18 കാ​ര​റ്റ് സ്വ​ർ​ണ​വി​ല ഗ്രാ​മി​ന് 7,630 രൂ​പ​യാ​ണ്.

ഒ​രാ​ഴ്ച​ത്തെ കു​തി​പ്പി​നു ശേ​ഷം ശ​നി​യാ​ഴ്ച മു​ത​ലാ​ണ് സ്വ​ർ​ണ​വി​ല താ​ഴേ​ക്കു​പോ​യ​ത്. ക​ഴി​ഞ്ഞ മൂ​ന്നു പ്ര​വൃ​ത്തി​ദി​വ​സ​ങ്ങ​ളി​ലാ​യി ഗ്രാ​മി​ന് 175 രൂ​പ​യും പ​വ​ന് 1,400 രൂ​പ​യും കു​റ​ഞ്ഞ ശേ​ഷ​മാ​ണ് ബു​ധ​നാ​ഴ്ച​യും ഇ​ന്നും വി​ല മാ​റ്റ​മി​ല്ലാ​തെ നി​ല്ക്കു​ന്ന​ത്.

ഓ​ഗ​സ്റ്റ് എ​ട്ടി​ന് ഗ്രാ​മി​ന് 9,470 രൂ​പ​യി​ലും പ​വ​ന് 75,760 രൂ​പ​യി​ലു​മെ​ത്തി​യ സ്വ​ർ​ണ​വി​ല സ​ർ​വ​കാ​ല ഉ​യ​രം തൊ​ട്ടി​രു​ന്നു. ആ​റു​ദി​വ​സം കൊ​ണ്ട് ഗ്രാ​മി​ന് 320 രൂ​പ​യും പ​വ​ന് 2,560 രൂ​പ​യും കൂ​ടി​യ ശേ​ഷ​മാ​ണ് ശ​നി​യാ​ഴ്ച സ്വ​ർ​ണ​വി​ല താ​ഴേ​ക്കു പോ​യ​ത്.

ജ​നു​വ​രി 22നാ​ണ് പ​വ​ന്‍ വി​ല ആ​ദ്യ​മാ​യി 60,000 ക​ട​ന്ന​ത്. 31ന് ​പ​വ​ന് ഒ​റ്റ​യ​ടി​ക്ക് 960 രൂ​പ ഉ​യ​ർ​ന്ന് 61,000 രൂ​പ​യെ​ന്ന പു​തി​യ ഉ​യ​രം താ​ണ്ടി.

ഫെ​ബ്രു​വ​രി ഒ​ന്നി​ന് ഒ​രു പ​വ​ന്‍ സ്വ​ര്‍​ണ​ത്തി​ന് 61,960 രൂ​പ​യാ​യി​രു​ന്നു വി​ല. നാ​ലി​ന് ഒ​റ്റ​യ​ടി​ക്ക് 840 രൂ​പ ഉ​യ​ർ​ന്ന് 62,000 രൂ​പ പി​ന്നി​ട്ടു. തൊ​ട്ടു​പി​ന്നാ​ലെ അ​ഞ്ചി​ന് 760 രൂ​പ ഉ​യ​ർ​ന്ന് 63,000 രൂ​പ​യും ക​ട​ന്നു. പി​ന്നീ​ട് 11ന് 640 ​രൂ​പ ഉ​യ​ർ​ന്ന് 64,000 രൂ​പ​യെ​ന്ന പു​തി​യ നാ​ഴി​ക​ക്ക​ല്ലും പി​ന്നി​ട്ടു.

മാ​ർ​ച്ച് ഒ​ന്നി​ന് പ​വ​ന് 63,440 രൂ​പ​യി​ലാ​ണ് വ്യാ​പാ​രം ആ​രം​ഭി​ച്ച​ത്. പി​ന്നീ​ട് ക​യ​റ്റി​റ​ക്ക​ങ്ങ​ൾ​ക്കൊ​ടു​വി​ൽ 14ന് 65,000 ​രൂ​പ​യും 18ന് 66,000 ​രൂ​പ​യും 31ന് 67,000 ​രൂ​പ​യും ഏ​പ്രി​ൽ ഒ​ന്നി​ന് 68,000 പി​ന്നി​ടു​ക​യാ​യി​രു​ന്നു. പ​ത്തു ദി​വ​സ​ങ്ങ​ൾ​ക്കു ശേ​ഷം ഏ​പ്രി​ൽ 11ന് 69,000 ​രൂ​പ​യും പി​ന്നാ​ലെ 12ന് 70,000 ​രൂ​പ​യും പി​ന്നി​ട്ടു.

ഏ​പ്രി​ൽ 17ന് ​ഒ​റ്റ​യ​ടി​ക്ക് 840 രൂ​പ ഉ​യ​ർ​ന്ന സ്വ​ർ​ണ​വി​ല 71,000 രൂ​പ പി​ന്നി​ട്ടു. 21ന് 72,000 ​രൂ​പ പി​ന്നി​ട്ട സ്വ​ർ​ണ​വി​ല 22ന് ​ഒ​റ്റ​യ​ടി​ക്ക് 2,200 രൂ​പ ഇ​ടി​ഞ്ഞ് 74,000 എ​ന്ന നാ​ഴി​ക​ക്ക​ല്ലി​ലെ​ത്തി.

മേ​യ് 15ന് 68,880 ​രൂ​പ​യി​ലേ​ക്ക് ഇ​ടി​ഞ്ഞ സ്വ​ര്‍​ണ​വി​ല പി​ന്നീ​ട് വ​ര്‍​ധി​ക്കു​ന്ന കാ​ഴ്ച​യാ​ണ് ക​ണ്ട​ത്. ഏ​ഴു​ദി​വ​സ​ത്തി​നി​ടെ ഏ​ക​ദേ​ശം മൂ​വാ​യി​രം രൂ​പ വ​ര്‍​ധി​ച്ച് വീ​ണ്ടും സ്വ​ര്‍​ണ​വി​ല 72,000 ക​ട​ന്ന് കു​തി​ക്കു​ക​യാ​യി​രു​ന്നു.

ജൂ​ൺ 14ന് ​ഗ്രാ​മി​ന് 25 രൂ​പ​യും പ​വ​ന് 200 രൂ​പ​യും വ​ര്‍​ധി​ച്ച സ്വ​ര്‍​ണ​വി​ല ഗ്രാ​മി​ന് 9,320 രൂ​പ​യും പ​വ​ന് 74,560 രൂ​പ​യു​മെ​ന്ന ച​രി​ത്ര വി​ല​യി​ലെ​ത്തി​യി​രു​ന്നു. പി​ന്നീ​ട് താ​ഴേ​ക്കു​പോ​യ സ്വ​ർ​ണം ചാ​ഞ്ചാ​ട്ട​ങ്ങ​ൾ​ക്കൊ​ടു​വി​ൽ വീ​ണ്ടും റി​ക്കാ​ർ​ഡി​ലേ​ക്ക് കു​തി​ക്കു​ക​യാ​യി​രു​ന്നു.

ജൂ​ലൈ തു​ട​ക്ക​ത്തി​ല്‍ 72,160 രൂ​പ​യാ​യി​രു​ന്നു ഒ​രു പ​വ​ന്‍ സ്വ​ര്‍​ണ​ത്തി​ന്‍റെ വി​ല. ഒ​മ്പ​തി​ന് 72,000 രൂ​പ​യാ​യി താ​ഴ്ന്ന് ആ ​മാ​സ​ത്തെ ഏ​റ്റ​വും താ​ഴ്ന്ന നി​ല​വാ​ര​ത്തി​ല്‍ എ​ത്തി. പി​ന്നീ​ട് വി​ല ഉ​യ​രു​ന്ന​താ​ണ് ദൃ​ശ്യ​മാ​യ​ത്. ര​ണ്ടാ​ഴ്ച​യ്ക്കി​ടെ ഏ​ക​ദേ​ശം 1,400 രൂ​പ വ​ര്‍​ധി​ച്ച സ്വ​ർ​ണ​വി​ല വീ​ണ്ടും 73,000 ക​ട​ക്കു​ക​യാ​യി​രു​ന്നു.

പി​ന്നാ​ലെ 22ന് ​വീ​ണ്ടും 74,000 പി​ന്നി​ടു​ക​യും 23ന് 75,000 ​രൂ​പ പി​ന്നി​ട്ട് പു​തി​യ ഉ​യ​രം കു​റി​ക്കു​ക​യും ചെ​യ്തു. 23ന് ​സ്വ​ർ​ണ​വി​ല പ​വ​ന് 75,040 രൂ​പ​യും ഗ്രാ​മി​ന് 9,380 രൂ​പ​യു​മാ​യി​രു​ന്ന സ്വ​ർ​ണ​വി​ല പി​ന്നീ​ടു​ള്ള ദി​വ​സ​ങ്ങ​ളി​ൽ താ​ഴേ​ക്കു​പോ​കു​ന്ന​താ​ണ് ക​ണ്ട​ത്.

ഓ​ഹ​രി വി​പ​ണി​യി​ലെ ച​ല​ന​ങ്ങ​ളും രാ​ജ്യാ​ന്ത​ര വി​പ​ണി​യി​ലെ മാ​റ്റ​ങ്ങ​ളു​മാ​ണ് വി​പ​ണി​യി​ല്‍ പ്ര​തി​ഫ​ലി​ക്കു​ന്ന​ത്. രാ​ജ്യാ​ന്ത​ര സ്വ​ർ​ണ​വി​ല ഇ​ന്നു രാ​വി​ലെ ഔ​ൺ​സി​ന് 3,350 ഡോ​ള​റി​ൽ നി​ന്ന് 3,374 ഡോ​ള​ർ വ​രെ ക​യ​റി​യെ​ങ്കി​ലും പി​ന്നീ​ട് താ​ഴെ​യി​റ​ങ്ങി. ഇ​പ്പോ​ൾ വ്യാ​പാ​രം പു​രോ​ഗ​മി​ക്കു​ന്ന​ത് ര​ണ്ടു ഡോ​ള​ർ നേ​ട്ട​ത്തോ​ടെ 3,360 ഡോ​ള​റി​ലാ​ണ്.

അ​തേ​സ​മ​യം, വെ​ള്ളി​വി​ല​യി​ലും മാ​റ്റ​മി​ല്ല. ഒ​രു ഗ്രാം ​സാ​ധാ​ര​ണ വെ​ള്ളി​ക്ക് 123 രൂ​പ​യി​ലാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.