Play Audio

ഹൃ​ദ​യ​വി​ശു​ദ്ധി​യു​ടെ മ​ഹാ​ഗാ​ഥ
Wednesday, September 17, 2025 12:00 AM IST
അ​തി​വേ​ഗം കു​തി​ക്കു​ന്ന ശാ​സ്ത്ര​ത്തി​ന്‍റെ നേ​ട്ടം സാ​ന്പ​ത്തി​ക​മാ​യി ഏ​റ്റ​വും പി​ന്നാ​ക്കം
നി​ൽ​ക്കു​ന്ന​വ​രി​ൽ​പോ​ലും എ​ത്തി​ക്കേ​ണ്ട ബാ​ധ്യ​ത ഭ​ര​ണ​കൂ​ട​ങ്ങ​ൾ​ക്കും അ​തി​ന്‍റെ അ​നു​ബ​ന്ധ
സ്ഥാ​പ​ന​ങ്ങ​ൾ​ക്കു​മാ​ണ്. ആ ​ക​ട​മ ആ​ർ​ജ​വ​ത്തോ​ടെ​യും ധീ​ര​മാ​യും നി​ർ​വ​ഹി​ക്കാ​നാ​യാ​ലേ ആ​രോ​ഗ്യ​മേ​ഖ​ല​യി​ൽ കേ​ര​ള​ത്തി​ന്‍റെ മി​ക​വ് ഉ​യ​ർ​ന്ന​ ത​ല​ത്തി​ൽ നി​ല​നി​ർ​ത്താ​നാ​കൂ.

ദ​ക്ഷി​ണാ​ഫ്രി​ക്ക​യി​ലെ കേ​പ്ടൗ​ൺ ഗ്രൂ​ട്ട് ഷൂ​ർ ആ​ശു​പ​ത്രി​യി​ൽ 1967 ഡി​സം​ബ​ർ മൂ​ന്നി​ന് ലൂ​യി വാ​ഷ്കാ​ൻ​സ്കി എ​ന്ന അ​ന്പ​ത്തി​മൂ​ന്നു​കാ​ര​ന്‍റെ ശൂ​ന്യ​മാ​യ പെ​രി​കാ​ർ​ഡി​യം ക​ണ്ട​പ്പോ​ൾ ഡോ. ​ക്രി​സ്റ്റ്യ​ൻ ബ​ർ​ണാ​ഡ് അ​നു​ഭ​വി​ച്ച വി​കാ​രം എ​ന്താ​യി​രി​ക്കും? ച​ന്ദ്ര​നി​ൽ കാ​ലു​കു​ത്തു​ന്ന​തി​നു തൊ​ട്ടു​മു​ന്പ് നീ​ൽ ആം​സ്ട്രോം​ഗ് അ​നു​ഭ​വി​ച്ച​തു​ത​ന്നെ എ​ന്നു ന​മു​ക്കൂ​ഹി​ക്കാം.

മ​നു​ഷ്യ​രാ​ശി​യു​ടെ ച​രി​ത്ര​ത്തി​ലെ ര​ണ്ട് അ​മൂ​ല്യ വി​ജ​യ​ങ്ങ​ളി​ലേ​ക്കു​ള്ള വ​ഴി​ത്താ​ര​യി​ൽ ജ്വ​ലി​ച്ചു​നി​ന്ന മു​ഹൂ​ർ​ത്ത​ങ്ങ​ളാ​ണ​വ. ലോ​ക​ത്തി​ലെ ആ​ദ്യ​ത്തെ ഹൃ​ദ​യം മാ​റ്റി​വ​യ്ക്ക​ൽ ശ​സ്ത്ര​ക്രി​യ​യാ​യി​രു​ന്നു ഗ്രൂ​ട്ട് ഷൂ​ർ ആ​ശു​പ​ത്രി​യി​ൽ ന​ട​ന്ന​ത്. വാ​ഹ​നാ​പ​ക​ട​ത്തി​ൽ മ​സ്തി​ഷ്ക​മ​ര​ണം സം​ഭ​വി​ച്ച ഇ​രു​പ​ത്ത​ഞ്ചു​കാ​രി​യാ​യ ഡെ​നി​സ് ഡാ​ർ​വി​ലി​ന്‍റെ ഹൃ​ദ​യ​മാ​ണ് പ​തി​നെ​ട്ടു ദി​വ​സം വാ​ഷ്കാ​ൻ​സ്കി​ക്കു​ള്ളി​ൽ തു​ടി​ച്ച​ത്.

അ​ന്പ​ത്തെ​ട്ടു വ​ർ​ഷ​ങ്ങ​ൾ​ക്കി​പ്പു​റം മെ​ഡി​ക്ക​ൽ സ​യ​ൻ​സ് അ​സാ​ധ്യ​മെ​ന്നു ക​രു​തി​യി​രു​ന്ന പ​ല​തും സാ​ധ്യ​മാ​ക്കി മു​ന്നേ​റു​ന്പോ​ൾ വൈ​ദ്യ​ശാ​സ്ത്ര ഗ​വേ​ഷ​ക​രെ​യും ഡോ​ക്‌​ട​ർ​മാ​രെ​യും ആ​തു​ര​ശു​ശ്രൂ​ഷാ​രം​ഗ​ത്തു പ്ര​വ​ർ​ത്തി​ക്കു​ന്ന മ​റ്റെ​ല്ലാ​വ​രെ​യും ഹൃ​ദ​യ​പൂ​ർ​വം അ​ഭി​ന​ന്ദി​ക്കാം.​അ​വ​യ​വ​ദാ​ന​രം​ഗ​ത്ത് കൊ​ച്ചു​കേ​ര​ളം കൈ​വ​രി​ച്ച നേ​ട്ട​ത്തി​ന്‍റെ പ്ര​ത്യ​ക്ഷ ഉ​ദാ​ഹ​ര​ണ​മാ​ണ് ക​ഴി​ഞ്ഞ ദി​വ​സം എ​റ​ണാ​കു​ളം ലി​സി ആ​ശു​പ​ത്രി​യി​ൽ ന​ട​ന്ന ഹൃ​ദ​യ​മാ​റ്റ ശ​സ്ത്ര​ക്രി​യ​ക​ൾ.

മു​പ്പ​ത്താ​റു മ​ണി​ക്കൂ​റി​നി​ട​യി​ലാ​ണു ര​ണ്ടു ശ​സ്ത്ര​ക്രി​യ​ക​ളും ഡോ. ​ജോ​സ് ചാ​ക്കോ പെ​രി​യ​പ്പു​റ​ത്തി​ന്‍റെ നേ​തൃ​ത്വ​ത്തി​ൽ വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​ത്. അ​ങ്ക​മാ​ലി സ്വ​ദേ​ശി അ​ജി​ൻ ഏ​ലി​യാ​സ് (28), കൊ​ല്ലം അ​ഞ്ച​ൽ സ്വ​ദേ​ശി ആ​വ​ണി കൃ​ഷ്ണ (13) എ​ന്നി​വ​രാ​ണ് പു​തു​ജീ​വ​നി​ലേ​ക്കു ചു​വ​ടു​വ​ച്ച​ത്. വ്യ​ത്യ​സ്ത അ​പ​ക​ട​ങ്ങ​ളി​ലാ​യി മ​സ്തി​ഷ്ക​മ​ര​ണം സം​ഭ​വി​ച്ച കൊ​ട്ടാ​ര​ക്ക​ര സ്വ​ദേ​ശി ഐ​സ​ക് ജോ​ർ​ജ് (33), അ​ങ്ക​മാ​ലി സ്വ​ദേ​ശി ബി​ൽ​ജി​ത് (18) എ​ന്നി​വ​രു​ടെ ഹൃ​ദ​യ​ങ്ങ​ളാ​ണ് മാ​റ്റി​വ​ച്ച​ത്.

മ​ണി​ക്കൂ​റു​ക​ൾ​ക്കി​ട​യി​ൽ ര​ണ്ടു ശ​സ്ത്ര​ക്രി​യ​ക​ൾ ന​ട​ത്താ​നാ​യ​ത് അ​വ​യ​വ​മാ​റ്റ രം​ഗ​ത്തെ വ​ലി​യ നേ​ട്ട​മാ​ണെ​ന്നും ഡോ. ​ജോ​സ് ചാ​ക്കോ വി​ശ​ദീ​ക​രി​ച്ചു. ലി​സി ആ​ശു​പ​ത്രി ഡ​യ​റ​ക്‌​ട​ർ റ​വ. ഡോ. ​പോ​ൾ ക​രേ​ട​നും മാ​നേ​ജ്മെ​ന്‍റ് പ്ര​തി​നി​ധി​ക​ളും ചേ​ർ​ന്ന് ഡോ. ​പെ​രി​യ​പ്പു​റ​ത്തെ​യും അ​ദ്ദേ​ഹ​ത്തി​ന്‍റെ ടീ​മി​ലെ മ​റ്റു ഡോ​ക്‌​ട​ർ​മാ​രെ​യും ആ​ദ​രി​ച്ച​പ്പോ​ൾ അ​തു കേ​ര​ള​ത്തി​ന്‍റെ മു​ഴു​വ​ൻ ആ​ദ​ര​മാ​യി മാ​റി.

1967 ഡി​സം​ബ​ർ മൂ​ന്നി​നു​ശേ​ഷം ലോ​ക​ത്താ​ക​മാ​നം ഹൃ​ദ​യ​ശ​സ്ത്ര​ക്രി​യ​യു​ടെ വി​ജ​യ​ശ​ത​മാ​നം ഗ​ണ്യ​മാ​യി വ​ർ​ധി​ച്ചു. ശ​സ്ത്ര​ക്രി​യ​യ്ക്കു​ശേ​ഷം ഒ​രു വ​ർ​ഷം ജീ​വി​ച്ചി​രി​ക്കു​ന്ന​വ​രു​ടെ നി​ര​ക്ക് 90 ശ​ത​മാ​ന​ത്തി​നു മു​ക​ളി​ലാ​ണ്. അ​ഞ്ചു വ​ർ​ഷ​ത്തി​നു​മേ​ലു​ള്ള അ​തി​ജീ​വ​ന നി​ര​ക്ക് 70-80 ശ​ത​മാ​ന​ത്തി​ൽ കൂ​ടു​ത​ലും. മാ​റ്റി​വ​ച്ച ഹൃ​ദ​യ​ത്തെ ശ​രീ​രം സ്വീ​ക​രി​ക്കു​ന്ന​തി​ന് ആ​വ​ശ്യ​മാ​യ മ​രു​ന്നു​ക​ളു​ടെ കാ​ര്യ​ത്തി​ൽ (Immunosuppressants) വ​ലി​യ പു​രോ​ഗ​തി​യു​ണ്ടാ​യി. അ​തോ​ടെ ശ​രീ​രം ഹൃ​ദ​യം തി​ര​സ്ക​രി​ക്കാ​നു​ള്ള സാ​ധ്യ​ത വ​ള​രെ കു​റ​ഞ്ഞു.

അ​തു​പോ​ലെ​ത​ന്നെ കൃ​ത്രി​മ ഹൃ​ദ​യ​ങ്ങ​ളു​ടെ​യും വെ​ൻ​ട്രി​ക്കു​ല​ർ അ​സി​സ്റ്റ് ഡി​വൈ​സു​ക​ളു​ടെ​യും ഉ​പ​യോ​ഗം വ്യാ​പ​ക​മാ​യി. ഹൃ​ദ​യം മാ​റ്റി​വ​യ്ക്കാ​നാ​യി കാ​ത്തി​രി​ക്കു​ന്ന രോ​ഗി​ക​ളു​ടെ ജീ​വ​ൻ നി​ല​നി​ർ​ത്താ​ൻ ഇ​വ സ​ഹാ​യി​ക്കു​ന്നു. അ​വ​യ​വ​ദാ​നം പ്രോ​ത്സാ​ഹി​പ്പി​ക്കാ​നു​ള്ള നി​യ​മ​ങ്ങ​ളും ന​ട​പ​ടി​ക്ര​മ​ങ്ങ​ളും കാ​ര്യ​ക്ഷ​മ​മാ​യ​തോ​ടെ കൂ​ടു​ത​ൽ ദാ​താ​ക്ക​ളെ​യും ല​ഭി​ച്ചു​തു​ട​ങ്ങി.

മൃ​ഗ​ങ്ങ​ളു​ടെ ഹൃ​ദ​യം മ​നു​ഷ്യ​രി​ലേ​ക്കു മാ​റ്റി​വ​യ്ക്കാ​നു​ള്ള പ​രീ​ക്ഷ​ണ​ങ്ങ​ളി​ലാ​ണ് വൈ​ദ്യ​ശാ​സ്ത്ര ഗ​വേ​ഷ​ക​ർ. ജ​നി​ത​ക​മാ​റ്റം വ​രു​ത്തി​യ പ​ന്നി​യു​ടെ ഹൃ​ദ​യം മാ​റ്റി​വ​ച്ചു​ള്ള പ​രീ​ക്ഷ​ണ​ങ്ങ​ൾ ഉ​ദാ​ഹ​ര​ണ​മാ​ണ്. സ​ർ​ക്കാ​ർ സം​വി​ധാ​ന​മാ​യ കേ​ര​ള സ്റ്റേ​റ്റ് ഓ​ർ​ഗ​ൻ ആ​ൻ​ഡ് ടി​ഷ്യു ട്രാ​ൻ​സ്പ്ലാ​ന്‍റ് ഓ​ർ​ഗ​നൈ​സേ​ഷ​ൻ (കെ-​സോ​ട്ടോ) ആ​ണ് സം​സ്ഥാ​ന​ത്ത് അ​വ​യ​വ​ദാ​ന ന​ട​പ​ടി​ക​ൾ ഏ​കോ​പി​പ്പി​ക്കു​ന്ന​ത്.

ലി​സി ആ​ശു​പ​ത്രി​യി​ലെ ര​ണ്ടെ​ണ്ണ​മു​ൾ​പ്പെ​ടെ കേ​ര​ള​ത്തി​ൽ ഈ ​വ​ർ​ഷം ന​ട​ന്ന​ത് മൂ​ന്ന് ഹൃ​ദ​യ​മാ​റ്റ ശ​സ്ത്ര​ക്രി​യ​ക​ളാ​ണ്. 24 വൃ​ക്ക മാ​റ്റി​വ​യ്ക്ക​ൽ ശ​സ്ത്ര​ക്രി​യ​ക​ളും 12 ക​ര​ൾ മാ​റ്റി​വ​യ്ക്ക​ലും മൂ​ന്ന് പാ​ൻ​ക്രി​യാ​സ് ട്രാ​ൻ​സ്പ്ലാ​ന്‍റും ന​ട​ന്നു. പ​ല​വി​ധ കാ​ര​ണ​ങ്ങ​ളാ​ൽ ഇ​ട​ക്കാ​ല​ത്ത് പി​റ​കോ​ട്ടു പോ​യ അ​വ​യ​വ​ദാ​ന​ത്തി​ന് പു​ത്ത​ൻ ഉ​ണ​ർ​വു ന​ൽ​കു​ന്ന​താ​ണ് ലി​സി ആ​ശു​പ​ത്രി​യു​ടെ​യും ഡോ. ​ജോ​സ് ചാ​ക്കോ പെ​രി​യ​പ്പു​റ​ത്തി​ന്‍റെ​യും വി​ജ​യ​ഗാ​ഥ.

അ​വ​യ​വ​ദാ​ന​ത്തെ​ക്കു​റി​ച്ചു​ള്ള തെ​റ്റി​ദ്ധാ​ര​ണ​ക​ളും വ​സ്തു​താ​വി​രു​ദ്ധ​മാ​യ പ്ര​ചാ​ര​ണ​ങ്ങ​ളും ഈ ​രം​ഗ​ത്തെ പ്ര​തി​സ​ന്ധി​യി​ലാ​ക്കി​യി​രു​ന്നു. അ​ടി​യ​ന്ത​ര​മാ​യി ഹൃ​ദ​യം മാ​റ്റി​വ​യ്ക്കാ​ൻ ഡോ​ക്‌​ട​ർ​മാ​ർ നി​ർ​ദേ​ശി​ച്ച ര​ണ്ട് കു​ഞ്ഞു​ങ്ങ​ൾ അ​വ​യ​വം കി​ട്ടാ​തെ മ​രി​ച്ച ഹൃ​ദ​യ​ഭേ​ദ​ക​മാ​യ സം​ഭ​വ​മു​ണ്ടാ​യ​ത് ക​ഴി​ഞ്ഞ ര​ണ്ടു​മാ​സ​ത്തി​നു​ള്ളി​ലാ​ണ്. അ​വ​യ​വ​ക്ക​ച്ച​വ​ടം ന​ട​ക്കു​ന്നു എ​ന്ന ത​ര​ത്തി​ലു​ള്ള ആ​രോ​പ​ണ​ങ്ങ​ൾ വ​ന്ന​ത് മ​സ്തി​ഷ്ക​മ​ര​ണം സം​ഭ​വി​ച്ച​വ​രു​ടെ ബ​ന്ധു​ക്ക​ളെ ആ​ശ​ങ്കാ​കു​ല​രാ​ക്കി.

അ​തോ​ടെ, അ​വ​യ​വ​ദാ​ന​ത്തി​നു​ള്ള സ​മ്മ​ത​പ​ത്രം കി​ട്ടാ​താ​യി. കൂ​ടാ​തെ, നി​യ​മ​പ​ര​മാ​യ നൂ​ലാ​മാ​ല​ക​ളും സ​ങ്കീ​ർ​ണ​മാ​യി. മ​സ്തി​ഷ്ക​മ​ര​ണം സ്ഥി​രീ​ക​രി​ക്കു​ന്ന ഡോ​ക്‌​ട​ർ‌​മാ​ർ​ക്കെ​തി​രേ ഉ​ണ്ടാ​കാ​നി​ട​യു​ള്ള നി​യ​മ​ന​ട​പ​ടി​ക​ളെ​ക്കു​റി​ച്ചു​ള്ള ഭ​യ​വും ഈ ​രം​ഗ​ത്തെ പി​റ​കോ​ട്ട​ടി​ച്ചു. കെ-​സോ​ട്ടോ​യു​ടെ പ്ര​വ​ർ​ത്ത​ന​ങ്ങ​ൾ​ക്ക് ആ​വ​ശ്യ​മാ​യ ഭ​ര​ണ​പ​ര​മാ​യ പി​ന്തു​ണ​യും ഏ​കോ​പ​ന​വും പ​ല​പ്പോ​ഴും ല​ഭ്യ​മാ​കാ​റി​ല്ലെ​ന്നും ആ​രോ​ഗ്യ​വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു​ണ്ട്.

അ​വ​യ​വം മാ​റ്റി​വ​യ്ക്ക​ൽ ശ​സ്ത്ര​ക്രി​യ ന​ട​ത്താ​ൻ അം​ഗീ​കാ​ര​മു​ള്ള ആ​ശു​പ​ത്രി​ക​ളു​ടെ എ​ണ്ണം പ​രി​മി​ത​മാ​ണെ​ന്ന​തും വെ​ല്ലു​വി​ളി​യാ​ണ്. ആ​ദ്യ ഹൃ​ദ​യ​മാ​റ്റ ശ​സ്ത്ര​ക്രി​യ ന​ട​ത്തി​യ​പ്പോ​ൾ ഡോ. ​ക്രി​സ്റ്റ്യ​ൻ ബ​ർ​ണാ​ഡ്, വൈ​കാ​രി​ക​വും ധാ​ർ​മി​ക​വു​മാ​യ സ​മ്മ​ർ​ദം ഏ​റെ അ​നു​ഭ​വി​ച്ചി​രു​ന്നു. മ​സ്തി​ഷ്ക​മ​ര​ണം സം​ഭ​വി​ച്ച ഒ​രു വ്യ​ക്തി​യു​ടെ ജീ​വ​ൻ തു​ടി​ക്കു​ന്ന ഹൃ​ദ​യം എ​ടു​ക്കു​ന്പോ​ൾ, താ​ൻ ഒ​രു ജീ​വ​ൻ ന​ശി​പ്പി​ക്കു​ക​യാ​ണോ അ​തോ മ​റ്റൊ​രു ജീ​വ​ൻ ര​ക്ഷി​ക്കു​ക​യാ​ണോ എ​ന്ന ധാ​ർ​മി​ക​സം​ഘ​ർ​ഷം അ​ല​ട്ടി​യ കാ​ര്യം ആ​ത്മ​ക​ഥ​യാ​യ വ​ൺ ലൈ​ഫി​ൽ (One Life) അ​ദ്ദേ​ഹം വി​വ​രി​ക്കു​ന്നു​ണ്ട്.

ഒ​രു ശ​സ്ത്ര​ക്രി​യ കേ​വ​ലം സാ​ങ്കേ​തി​ക​വി​ദ്യ​യു​ടെ മാ​ത്രം വി​ജ​യ​മ​ല്ല, മ​നു​ഷ്യ​ന്‍റെ വേ​ദ​ന​യു​ടെ​യും പ്ര​തീ​ക്ഷ​യു​ടെ​യും​കൂ​ടി ഗാ​ഥ​യാ​ണെ​ന്ന് ആ​ത്മ​ക​ഥ​യി​ലൂ​ടെ അ​ദ്ദേ​ഹം ഓ​ർ​മി​പ്പി​ക്കു​ന്നു. അ​തി​വേ​ഗം കു​തി​ക്കു​ന്ന ശാ​സ്ത്ര​ത്തി​ന്‍റെ നേ​ട്ടം, സാ​ന്പ​ത്തി​ക​മാ​യി ഏ​റ്റ​വും പി​ന്നാ​ക്കം നി​ൽ​ക്കു​ന്ന​വ​രി​ൽ​പോ​ലും എ​ത്തി​ക്കേ​ണ്ട ബാ​ധ്യ​ത ഭ​ര​ണ​കൂ​ട​ങ്ങ​ൾ​ക്കും അ​തി​ന്‍റെ അ​നു​ബ​ന്ധ സ്ഥാ​പ​ന​ങ്ങ​ൾ​ക്കു​മാ​ണ്.

ആ ​ക​ട​മ ആ​ർ​ജ​വ​ത്തോ​ടെ​യും ധീ​ര​മാ​യും നി​ർ​വ​ഹി​ക്കാ​നാ​യാ​ലേ ആ​രോ​ഗ്യ​മേ​ഖ​ല​യി​ൽ കേ​ര​ള​ത്തി​ന്‍റെ മി​ക​വ് ഉ​യ​ർ​ന്ന​ത​ല​ത്തി​ൽ നി​ല​നി​ർ​ത്താ​നാ​കൂ. അ​തി​നു പ്ര​ചോ​ദ​ന​മാ​ക​ട്ടെ ലി​സി ആ​ശു​പ​ത്രി​യു​ടെ​യും ഡോ. ​ജോ​സ് ചാ​ക്കോ പെ​രി​യ​പ്പു​റ​ത്തി​ന്‍റെ​യും മ​റ്റു ഡോ​ക്‌​ട​ർ​മാ​രു​ടെ​യും നേ​ട്ടം.
Copyright @ 2018 , Rashtra Deepika Ltd.