എംജി സര്‍വകലാശാല ബിരുദ, ബിരുദാനന്തര തലങ്ങളിലായി 12 പുതിയ പ്രൈവറ്റ് രജിസ്‌ട്രേഷന്‍ കോഴ്‌സുകള്‍ക്കുകൂടി അപേക്ഷ ക്ഷണിച്ചു. ഇതില്‍ എട്ടെണ്ണം ബിരുദ കോഴ്‌സുകളും നാലെണ്ണം ബിരുദാനന്തര ബിരുദ കോഴ്‌സുകളുമാണ്. മലയാളം, ഇംഗ്ലീഷ്, ഹിന്ദി, സംസ്‌കൃതം, അറബിക് എന്നീ ലാംഗ്വേജ് ആന്‍ഡ് ലിറ്ററേച്ചര്‍ ബിഎ കോഴ്‌സുകളും ഹിസ്റ്ററി, ഇക്കണോമിക്‌സ്, സോഷ്യോളജി ബിഎ കോഴ്‌സുകളുമാണ് ബിരുദതലത്തിലുള്ളത്. ബിരുദാനന്ത തലത്തില്‍ ഇംഗ്ലീഷ്, മലയാളം ലാംഗ്വേജ് ആന്‍ഡ് ലിറ്ററേച്ചര്‍ എംഎ കോഴ്‌സുകള്‍ക്കും ഹിസ്റ്ററി, സോഷ്യോളജി എം.എ കോഴ്‌സുകള്‍ക്കും അപേക്ഷിക്കാം. പ്രൈവറ്റ് രജിസ്‌ട്രേഷന്‍ ബിരുദ, ബിരുദാനന്തര കോഴ്‌സുകളില്‍ പ്രവേശനത്തിന് അപേക്ഷ സമര്‍പ്പിക്കുന്നതിനുള്ള സമയപരിധി 15വരെ നീട്ടിയിട്ടുണ്ട്. പിഴയോടെ 16 മുതല്‍ 31 വരെയും സൂപ്പര്‍ ഫൈനോടെ ജനുവരി ഒന്നു മുതല്‍ 15 വരെയും അപേക്ഷകള്‍ സ്വീകരിക്കും. വിശദ വിവരങ്ങള്‍ സര്‍വകലാശാലാ വെബ്‌സൈറ്റില്‍.

പരീക്ഷകള്‍ക്ക് അപേക്ഷിക്കാം

മൂന്നാം സെമസ്റ്റര്‍ ഇന്റഗ്രേറ്റഡ് എംഎസ്‌സി, എംഎ (2022 അഡ്മിഷന്‍ റെഗുലര്‍) പരീക്ഷകള്‍ക്ക് ഡിസംബര്‍ 12വരെ ഫീസ് അടച്ച് അപേക്ഷ സമര്‍പ്പിക്കാം. ഫൈനോടെ 13നും സൂപ്പര്‍ ഫൈനോടെ 14നും അപേക്ഷ സ്വീകരിക്കും. വിശദ വിവരങ്ങള്‍ സര്‍വകലാശാലാ വെബ്‌സൈറ്റില്‍.

പി.എസ്.സി പരീക്ഷാ പരിശീലനം

കേരള പബ്ലിക് സര്‍വീസ് കമ്മീഷന്റെ ഡിഗ്രി ലെവല്‍ പരീക്ഷയ്ക്ക് തയ്യാറെടുക്കുന്നവര്‍ക്കായി എംജി സര്‍വകലാശാലാ എംപ്ലോയ്‌മെന്റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യൂറോയുടെ ആഭിമുഖ്യത്തില്‍ പരിശീലന പരിപാടി ആരംഭിക്കും. 22 ദിവസത്തെ പരിശീലനത്തില്‍ പങ്കെടുക്കുന്നതിന് എട്ടിനു മുന്‍പ് 04812731025 എന്ന ഫോണ്‍ നമ്പരില്‍ ബന്ധപ്പെടണം.

സര്‍വകലാശാലാ രജിസ്ട്രാര്‍ നിയമനം; 15 വരെ അപേക്ഷിക്കാം

എംജി സര്‍വകലാശാലാ രജിസ്ട്രാറുടെ തസ്തികയില്‍ ഡെപ്യൂട്ടേഷന്‍ വ്യവസ്ഥയില്‍ നിയമനത്തിന് അപേക്ഷ സമര്‍പ്പിക്കുന്നതിനുള്ള സമയപരിധി 15വരെ നീട്ടി. അപേക്ഷകരുടെ പ്രായപരിധി സംബന്ധിച്ച വ്യവസ്ഥയിലും മാറ്റം വരുത്തിയിട്ടുണ്ട്. 2023 ജനുവരി ഒന്നിന് 45 വയസില്‍ കുറയാത്തവരെയാണ് പരിഗണിക്കുന്നത്. ഓണ്‍ലൈന്‍ അപേക്ഷയുടെ പ്രിന്റും അനുബന്ധ രേഖകളും 20ന് അഞ്ചിന് വൈകുന്നേരം അഞ്ചിനു മുന്‍പ് സര്‍വകലാശാലയില്‍ ലഭിക്കണം. വിശദ വിവരങ്ങള്‍ സര്‍വകലശാലാ വെബ്‌സൈറ്റില്‍.

പ്രാക്ടിക്കല്‍

അഞ്ചാം സെമസ്റ്റര്‍ ബിവോക് കളിനറി ആര്‍ട്‌സ് ആന്‍ഡ് ഹോസ്പിറ്റാലിറ്റി മാനേജ്‌മെന്റ് (2021 അഡ്മിഷന്‍ റെഗുലര്‍, 2020, 2019, 2018 അഡ്മിഷനുകള്‍ റീ അപ്പിയറന്‍സ്ന്യൂ സ്‌കീം ഒക്ടോബര്‍ 2023) പരീക്ഷയുടെ പ്രാക്ടിക്കല്‍ പരീക്ഷ 11 മുതല്‍ ആലുവ സെന്റ് സേവ്യേഴ്‌സ് കോളജ് ഫോര്‍ വിമനില്‍ നടത്തും.

മോഡല്‍ ഒന്ന് ആനുവല്‍ സ്‌കീം ബി.എസ്.സി ബോട്ടണി പാര്‍ട്ട് 3 മെയിന്‍ പേപ്പറുകള്‍ (അദാലത്ത് മെഴ്‌സി ചാന്‍സ്യു.ജി.സി സ്‌പോണ്‍സേഡ് ആനുവല്‍ സ്‌കീം ഡിസംബര്‍ 2022) പരീക്ഷയുടെ പ്രാക്ടിക്കല്‍ പരീക്ഷ 18 മുതല്‍ പത്തനംതിട്ട കാതോലിക്കേറ്റ് കോളജില്‍ നടക്കും.

പരീക്ഷാ ഫലം

നാലാം സെമസ്റ്റര്‍ സിബിസിഎസ് ബികോം (മോഡല്‍ 1, 2, 3 2021 അഡ്മിഷന്‍ റെഗുലര്‍, മേയ് 2023) പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധയ്ക്കും നിശ്ചിത ഫീസ് അടച്ച് 17വരെ അപേക്ഷ സമര്‍പ്പിക്കാം.