പിജി പ്രവേശനം നീട്ടി
കാലിക്കട്ട് സര്‍വകലാശാലക്കു കീഴിലുള്ള അഫിലിയേറ്റഡ് കോളജുകള്‍, യൂണിവേഴ്‌സിറ്റി സെന്‍ററുകള്‍ എന്നിവയിലെ 202324 അദ്ധ്യയന വര്‍ഷത്തെ പിജി പ്രവേശനം ആറിന് വൈകീട്ട് മൂന്ന് വരെ നീട്ടി. ലേറ്റ് രജിസ്‌ട്രേഷനുള്ള സൗകര്യവും ആറിന് വൈകീട്ട് മൂന്ന് വരെ ലഭ്യമാകും. ഒഴിവുകളുടെ വിവരത്തിന് വിദ്യാര്‍ഥികള്‍ അതാത് കോളജുമായോ സര്‍വകലാശാലാ സെന്‍ററുമായോ ബന്ധപ്പെടേണ്ടതാണ്.
വിദ്യാര്‍ഥി യൂണിയന്‍ തെരഞ്ഞെടുപ്പ്
കാലിക്കട്ട് സര്‍വകലാശാലക്കു കീഴിലെ അഫിലിയേറ്റഡ് കോളജുകള്‍, സര്‍വകലാശാലാ സെന്‍ററുകള്‍, പഠനവകുപ്പുകള്‍ എന്നിവയിലെ 202324 അദ്ധ്യയന വര്‍ഷത്തെ വിദ്യാര്‍ഥി യൂണിയന്‍ തെരഞ്ഞെടുപ്പ് രണ്ടു ഘട്ടങ്ങളിലായി നടക്കും. ഒന്നാം ഘട്ടം പഠനവകുപ്പുകളില്‍ 18ന് നടക്കും. അതുമായി ബന്ധപ്പെട്ട വിജ്ഞാപനം മൂന്നിനും പുറപ്പെടുവിക്കും. രണ്ടാം ഘട്ടം 31ന് നടക്കും. അതുമായി ബന്ധപ്പെട്ട വിജ്ഞാപനം പത്തിന് പുറപ്പെടുവിക്കും. വിശദവിവരങ്ങള്‍ വെബ്‌സൈറ്റില്‍.
ഫിസിക്കല്‍ സയന്‍സ് അസി. പ്രഫസര്‍
കാലിക്കട്ട് സര്‍വലാശാലാ ടീച്ചര്‍ എഡ്യുക്കേഷന്‍ സെന്‍ററുകളില്‍ ഫിസിക്കല്‍ സയന്‍സ് അസി. പ്രഫസര്‍ കരാര്‍ നിയമനത്തിന് അപേക്ഷ ക്ഷണിച്ചു. യോഗ്യരായവര്‍ വിശദമായ ബയോഡാറ്റ സര്‍വകലാശാലാ വെബ്‌സൈറ്റ് വഴി 13നകം ഓണ്‍ലൈനായി സമര്‍പ്പിക്കണം. വിശദവിവരങ്ങള്‍ വെബ്‌സൈറ്റില്‍.
കൊമേഴ്‌സ് അസി. പ്രഫസര്‍ നിയമനം
കാലിക്കട്ട് സര്‍വകലാശാലക്കു കീഴില്‍ വയനാട് ചെതലയത്തുള്ള ഐടിഎസ്ആറില്‍ കൊമേഴ്‌സ് അസി. പ്രഫസര്‍ തസ്തികയില്‍ മണിക്കൂര്‍ വേതനാടിസ്ഥാനത്തില്‍ നിയമനം നടത്തുന്നതിനായി ഒരു പാനല്‍ തയാറാക്കാന്‍ വാക്ഇന്‍ഇന്‍റര്‍വ്യു നടത്തുന്നു. യോഗ്യരായവര്‍ ഏഴിന് പകല്‍ രണ്ട് മണിക്ക് ഐടിഎസ്ആറില്‍ അഭിമുഖത്തിന് ഹാജരാകണം. വിശദവിവരങ്ങള്‍ വെബ്‌സൈറ്റില്‍.
ഫിസിക്കല്‍ എഡ്യുക്കേഷന്‍ ട്രെയ്‌നര്‍ നിയമനം
കാലിക്കട്ട് സര്‍വകലാശാലക്കു കീഴില്‍ വയനാട് ചെതലയത്തുള്ള ഐടിഎസ്ആറില്‍ ഫിസിക്കല്‍ എഡ്യുക്കേഷന്‍ ട്രെയ്‌നര്‍ തസ്തികയില്‍ മണിക്കൂര്‍ വേതനാടിസ്ഥാനത്തില്‍ നിയമനം നടത്തുന്നതിനായി ഒരു പാനല്‍ തയാറാക്കാന്‍ വാക്ഇന്‍ഇന്‍റര്‍വ്യു നടത്തുന്നു. യോഗ്യരായവര്‍ ഏഴിന് രാവിലെ 10.30ന് ഐടിഎസ്ആറില്‍ അഭിമുഖത്തിന് ഹാജരാകണം. വിശദവിവരങ്ങള്‍ വെബ്‌സൈറ്റില്‍.
ബിസിഎ സീറ്റൊഴിവ്
കാലിക്കട്ട് സര്‍വകലാശാലയുടെ മഞ്ചേരി സെന്‍ററിലെ സിസിഎസ്ഐടിയില്‍ ബിസിഎ കോഴ്‌സിന് ജനറല്‍, സംവരണ വിഭാഗങ്ങളില്‍ ഏതാനും സീറ്റുകള്‍ ഒഴിവുണ്ട്. ക്യാപ് ഐഡി ഇല്ലാത്തവര്‍ക്ക് സ്‌പോട്ട് രജിസട്രേഷന്‍ നടത്തി മുന്‍ഗണനാക്രമത്തില്‍ പ്രവേശനം നേടാം. സംവരണ വിഭാഗങ്ങള്‍ക്ക് നിയമാനുസൃതമായ ഫീസിളവ് ലഭിക്കും. ഫോണ്‍: 9746594969, 7907495814.
പരീക്ഷ
സപ്തംബര്‍ 18ന് നടത്താന്‍ നിശ്ചയിച്ച് മാറ്റി വെച്ച രണ്ടാം സെമസ്റ്റര്‍ ബിഎഡ് സ്‌പെഷ്യല്‍ എഡ്യുക്കേഷന്‍ പരീക്ഷ അഞ്ചിന് ഉച്ചയ്ക്ക് 1.30ന് നടക്കും.
പുനര്‍മൂല്യനിര്‍ണയ ഫലം
മൂന്നാം സെമസ്റ്റര്‍ എംഎഫ്ടി സപ്തംബര്‍ 2022 പരീക്ഷയുടെ പുനര്‍മൂല്യനിര്‍ണയ ഫലം പ്രസിദ്ധീകരിച്ചു.
പരീക്ഷാ ഫലം
മൂന്നാം സെമസ്റ്റര്‍ ഇന്‍റഗ്രേറ്റഡ് എംഎ, എംഎസ്‌സി നവംബര്‍ 2021, 2022 റഗുലര്‍ പരീക്ഷകളുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 14 വരെ അപേക്ഷിക്കാം.
മൂന്നാം സെസ്റ്റര്‍ എംഎ മ്യൂസിക് നവംബര്‍ 2022 പരീക്ഷയുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 13 വരെ അപേക്ഷിക്കാം.