ട്രയൽ അലോട്ട്മെന്‍റ് പ്രസിദ്ധീകരിച്ചു
2025 26 അധ്യയന വര്‍ഷത്തേക്കുള്ള ( പ്ലസ്‌ടു ഹ്യുമാനിറ്റീസ് തത്തുല്യ കോഴ്സ് ) അഫ്സൽ ഉൽ ഉലമ ( പ്രിലിമിനറി ) പ്രവേശനത്തിന്‍റെ ട്രയൽ അലോട്ട്മെന്‍റ് പ്രസിദ്ധീകരിച്ചു. അപേക്ഷകർക്ക് തിരുത്തൽ വരുത്തുന്നതിനുള്ള (രജിസ്റ്റർ നമ്പർ, മൊബൈൽ നമ്പർ, ജനന തീയതി ഒഴികെ) സൗകര്യം ജൂൺ 23ന് വൈകിട്ട് നാലും വരെ ലഭ്യമാകും. തിരുത്തലിന് ശേഷം പുതുക്കിയ അപേക്ഷയുടെ പകർപ്പ് എടുത്ത് സൂക്ഷിക്കേണ്ടതാണ്. ഒന്നാം അലോട്ട്മെന്‍റ് ജൂൺ 26ന് പ്രസിദ്ധീകരിക്കും. വിശദ വിവരങ്ങൾ പ്രവേശന വിഭാഗം വെബ്സൈറ്റിൽ https://admission.uoc.ac.in/. ഫോൺ: 0494 2407016, 2407017, 2660600.
പരീക്ഷാ തീയതിയിൽ മാറ്റം
ജൂൺ 25ന് അഫിലിയേറ്റഡ് കോളജുകൾ / പ്രൈവറ്റ് രജിസ്‌ട്രേഷൻ / വിദൂര വിഭാഗം വിദ്യാർഥികൾക്കായി നടത്താനിരുന്ന രണ്ടാം സെമസ്റ്റർ (സിബിസിഎസ്എസ്) യുജി ഏപ്രിൽ 2025 സപ്ലിമെന്‍ററി / ഇംപ്രൂവ്മെന്‍റ് പരീക്ഷകൾ ( സ്പെഷ്യൽ പരീക്ഷ ഉൾപ്പെടെ ) ജൂലൈ എട്ടിന് നടത്തും. മറ്റു പരീക്ഷകൾക്ക് മാറ്റമില്ല.
പരീക്ഷാ അപേക്ഷ
സർവകലാശാലാ പഠനവകുപ്പുകളിലെ രണ്ടാം സെമസ്റ്റർ (സിസിഎസ്എസ് 2024 പ്രവേശനം) പിജി ഏപ്രിൽ 2025 റഗുലർ പരീക്ഷകൾക്ക് പിഴ കൂടാതെ ജൂൺ 30 വരെയും 255/ രൂപ പിഴയോടെ ജൂലൈ ഏഴ് വരെയും അപേക്ഷിക്കാം. ലിങ്ക് ജൂൺ 24 മുതൽ സർവകലാശാലാ കെ റീപ്പ് പോർട്ടലിൽ ( https://uoc.kreap.co.in/ ) ലഭ്യമാകും.
സർവകലാശാലാ പഠനവകുപ്പുകളിലെ എട്ടാം സെമസ്റ്റർ (സിസിഎസ്എസ് 2021 പ്രവേശനം ) ഇന്‍റഗ്രേറ്റഡ് പിജി എംഎ ഡെവലപ്മെന്‍റ് സ്റ്റഡീസ്, എംഎസ്‌സി ഫിസിക്സ്, എംഎസ്‌സി കെമിസ്ട്രി ഏപ്രിൽ 2025 റഗുലർ പരീക്ഷകൾക്ക് പിഴ കൂടാതെ ജൂൺ 25 വരെയും 200 രൂപ പിഴയോടെ 27 വരെയും അപേക്ഷിക്കാം.
പരീക്ഷ
വയനാട് ലക്കിടി ഓറിയെന്‍റൽ സ്കൂൾ ഓഫ് ഹോട്ടൽ മാനേജ്മെന്‍റിലെ നാലാം വർഷ (2019 പ്രവേശനം മുതൽ) ബിഎച്ച്എം ഏപ്രിൽ 2025 റഗുലർ / സപ്ലിമെന്‍ററി പരീക്ഷകൾ ജൂലൈ 31ന് തുടങ്ങും.
നിലമ്പൂർ അമൽ കോളജ് ഓഫ് അഡ്വാൻസ്ഡ് സ്റ്റഡീസിലെ അഞ്ചാം സെമസ്റ്റർ (സിബിസിഎസ്എസ് യുജി 2022 പ്രവേശനം മാത്രം) ബിടിഎച്ച്എം നവംബർ 2024 റഗുലർ സ്പെഷ്യൽ പരീക്ഷ ജൂലൈ ഒൻപതിന് തുടങ്ങും. വിശദമായ സമയക്രമം വെബ്സൈറ്റിൽ.
പരീക്ഷാഫലം
എട്ടാം സെമസ്റ്റർ (2017 സ്‌കീം) ബിആർക് മെയ് 2025 റഗുലർ പരീക്ഷയുടെ ഫലം പ്രസിദ്ധീകരിച്ചു.