രണ്ടാം സെമസ്റ്റർ എൽഎൽഎം വൈവാവോസി ഇന്ന്
സ്കൂൾ ഓഫ് ഇന്ത്യൻ ലീഗൽ തോട്ടിലെ രണ്ടാം സെമസ്റ്റർ എൽഎൽഎം വൈവാവോസി ഇന്ന് രാവിലെ 11 ന് നടക്കും.
സ്കൂൾ ഓഫ് പെഡഗോഗിക്കൽ സയൻസസിലെ എംഎഡ് 201719 ബാച്ചിന്റെ നാലാം സെമസ്റ്റർ വൈവാവോസി ഒന്പതിന് രാവിലെ 10 മുതൽ നടക്കും. 04812731042.
പരീക്ഷ തീയതി
നാലാം സെമസ്റ്റർ സിബിസിഎസ് യുജി (2017 അഡ്മിഷൻ റെഗുലർ) ബിഎസ്സി റിക്രിയേഷൻ, ലെഷർ ആൻഡ്് സ്പോർട്സ് സ്റ്റഡീസിന്റെ ടീച്ചിംഗ് ആൻഡ് ട്രെയിനിംഗ് മെതഡോളജി, റിസർച്ച് മെതേഡ്സ്, സ്പോർട്സ് ഇൻജുറി അസസ്മെന്റ് ആൻഡ് മാനേജ്മെന്റ്, സ്പോർട്സ് ന്യൂട്രിഷൻ എന്നീ പേപ്പറുകളുടെ പരീക്ഷകൾ യഥാക്രമം ഒൻപത്, 13, 16, 19 തീയതികളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭിക്കും.
ഉത്തരക്കടലാസ് സൂക്ഷ്മപരിശോധന
നാലാം സെമസ്റ്റർ ബിഎ സപ്ലിമെന്ററി മാർച്ച് 2019 പരീക്ഷയുടെ ഉത്തരക്കടലാസ് സൂക്ഷ്മപരിശോധനയ്ക്ക് അപേക്ഷിച്ച വിദ്യാർഥികൾ 13, 14 തീയതികളിൽ രാവിലെ 10.30നും വൈകുന്നേരം നാലിനുമിടയിൽ സിൽവർ ജൂബിലി പരീക്ഷഭവനിലെ 413ാം നന്പർ മുറിയിൽ തിരിച്ചറിയൽ രേഖകളുമായി എത്തണം.
റാങ്ക് പട്ടിക പ്രസിദ്ധീകരിച്ചു
2018 ഓഗസ്റ്റിൽ നടന്ന എംഎഫ്എ അപ്ലൈഡ് ആർട്ട്, പെയിന്റിംഗ് ആൻഡ് സ്കൾപ്ചർ പരീക്ഷയുടെ അന്തിമ റാങ്ക് പട്ടിക പ്രസിദ്ധീകരിച്ചു. പെയിന്റിംഗിൽ ഉത്തര രമേഷ്, ചിത്ര ചന്ദ്രൻ, ജി. ആനന്ദ് എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി. അപ്ലൈഡ് ആർട്ടിൽ ശരത് മുരുകനും സ്കൾപ്ചറിൽ അജയ് സി. സോമനും ഒന്നാം റാങ്ക് നേടി.
മൂല്യനിർണയം ഇന്നു മുതൽ
നാലാം സെമസ്റ്റർ സിബിസിഎസ് പരീക്ഷയുടെ മൂല്യനിർണയം (ഹോം വാല്യുവേഷൻ സ്പെഷൽ സ്കീം) ഇന്നു മുതൽ എട്ട് മേഖലാ ക്യാന്പുകളിൽ ആരംഭിക്കും. ഇന്ന് ബികോം അധ്യാപകരും ഏഴിന് ബിഎ, ന്യൂജനറേഷൻ, കോമണ് വിഷയങ്ങളുടെ അധ്യാപകരും എട്ടിന് സയൻസ് വിഷയങ്ങളുടെ അധ്യാപകരും ഉത്തരക്കടലാസ് കൈപ്പറ്റുന്നതിനായി രാവിലെ 9.30ന് ക്യാന്പുകളിലെത്തണം.